Lalchhanhima Varte

* Kumi'n chhung hian Sihphir khuaah mitthi 36 lai an awm a, ruang pakhat (hnamdang) chu an awmna Assam lamah mi tlawmngai ten an zuk dah nghe nghe. Nupa ṭangṭhen hi 17 zet awmin he'ng zinga 6 hi hmeichhia an ni. Thi hmasa ber chu Pi Lunghnemi (72), w/o C. Lalmawia, Tlangveng, January ni 7 a thi kha a ni a, hnuhnung ber chu Pathianni kaltaa thi nausen, thla thum mi, Lalhriatpuii d/o Lalchhuanawma, Damveng kha a ni. Kumi'n hi kum 2012 hnua Sihphir khuain mitthi kan neih tam ber ṭum a ni a, khami (2012) kum a mitthi leh kumi'na thi hi inzat chiah a ni. Tin, kumi'n chhung hian Venghlun lam pawhin mitthi hi 22 ( leh ruangchhuak 1) an nei ve bawk. * January ni 22, Thawhṭanni zanah Pu Lalbiakzuala h/o Abisag Lalngaihsaki, Kawnveng chu a motor khalha Serkhan khuaa a kal chu an hnunga CM escort party te chuan 'kawng min kian duhlo' tiin kut an thlak a, Pu Biaka hian damdawi in luh ngai khawpin hliam a tuar. Hemi chungchangah hian khawtlang mipui an lawmlo hle a,...

Pathian hruaina in kum 2018 chu dam takin kan hmang zo thei dawn niin a lang a, a lawmawm takzet a ni. Tun kum chhung hian kan khawchhungah mitthi 36 zet an awm a, lusun chhung te Lalpa'n awmpui zel rawh se. Chutih laiin keini dama kan la awm thei hi kan fel bik vang a niloa, Pathian hmangaihna avang liau liau a ni tih i hria ang u. Tluang takin Krismass kan hmang zo thei a, kan khawchhungah harsatna lutuk awmloin kan hmang zo thei niin a lang a, a lawmawm takzet a ni. Chutih laiin kumtawp hun hman tur kan la nei a, hetih hunah hian ṭhalai ten am taka hun hman kan duh ṭhin, sual lam han ngaihtuah deuh pawh a chakawm viau ṭhin a ni. He hun hi mi tamtak tan humsual leh thilsual tih bul ṭan nan hmang kan awm fo tawh. Tun hun lo thleng turah chuan Pathian duh dan anga hmang turin i in buatsaih ila, hemi atana pawimawh chu kohhran belh a ni tih hria ila, prog. hran duang loa kohhran hun ruat anga awm mai hi a him ber tih i hre thar ṭheuh ang u.

 Atira Pathianin lei leh van a siam lai khan ‘MASI’ hi a la ngaihtuah thleng lo a, ni ruk nia mihring a siam lai pawh  a la ngaihtuah thleng hek lo.  Pathian ruahman loh ang takin A siam mihring te chuan Pathian dan bawhchhiain thei ei thianglo eiin a chhia leh a ṭha an lo thliar hrang thiam ta a. Tichuan, an thlah te kan nih avangin misual vek kan lo ni ta.  Juda-te chuan Eden huanah khan Evi leh Adama te khan nikhat niah an bawhchhe nghal niin an sawi. Tak tak nim’aw?! Finfiah theih lah a ni tawh si lo. ‘Pathian hian engkim a ti thei’ kan tih rual hian a siam mihring ten an lo bawhchhiat avang khan a inchhir em em a, tih theih loh neiloa kan sawi ṭhin Pathianin tih theih loh a neih chu a tih tawh chu ti lo angin a awm leh thei tawh lo. Chuvangin, keini pawh kan thiltih ṭheuhah ‘nakinah kan la inchhir ange'm?’ tih ngaihtuah chungin Pathian rawn chung zelin thil i ti ṭhin ang u.  Bawhchhiatna avanga misual kan lo nih tak avangin kan thih hunah setana le...

Rual pawllo tih takah thiante ngaihsak pawh ka hlawh meuh lo. Thian chu ka nei ve ngei a; chutiang bawkin chhungte pawh ka nei ve bawk. Nghei hlauhawm khawpin rethei lo mah ila; kan vengah chuan pawlin ding lemlo mah ila; a rethei pawl chu kan ni hrim hrim. Kan hmelin puak a ti lova; khawkhat naupang fel tia sawi tur lah ka ni heklo. Mahse, ka vannei a; thiante'n an sephung laihnaah chuan min hruai an hreh hran lo. Masi a lo hnai a; mite chu thuamhnaw thar nen, a mawi thei ang berin in an chei bawk a; an chhung leh khatten Krismas Card an rawn thawn chu an tar that bawk. Mawi tiin chilthli tla lo chauhvin ka thlir thin. Krismas Card hi ka duhlo a ni bik lo. Ka hmangaiha ka duhsak vang pawh ni chuang lovin kumtin pahnih khat hi chu a let leh beisei ranin ka thawn chhuak ve ziah. Hemi tum pawh hian cheng hnih man chi pahnih chu ka thawn chhuak ve. December ni 23 a lo ni ta. Ka thawnaten an hmu ngei ni chuan ka hre si. Tun thlengin ka la dawng let lo. A ruk tak chuan ka mangang a...

Kan hma lawkah hunpui Krismass leh kumthar kan thleng dawn a ni a, hetia'ng hunah hian hlim taka Pathian duh dana hmang ṭheuh turin chhiar tu te dusakna kan hlan  a che u. Krismass leh kumthar vuakvet a zo a, kan zawhna dawn tam tak chu, "I hmang nuam em?" tih a ni fo. "Ka hmang nuamlo a, ka hmang ṭha," tiin ngeiawm takin kan chhang fo bawk. Kan hman ṭhat chuan kan hmang nuam tihna nimai awm tak! Pathian hian hlim taka hun kan hman hi a phala, nuam ti taka ṭhatlai kan chen hi a khap reng reng lo. Setana duhzawng chauh hi a nuam emaw tih loh tur. Chuvangin, kan nuam tih zawng hi i ngaihtuah chiang ang u. Lal Heroda khan lal piang thar an awm tih a hriat khan amah lan thei tur ni'a a ngaih avangin thah a tum a, tu ber nge a hriat siloh avangin mipa naupang kum hnih chin hnuai lam a that chiam mai a nih kha. Khawchhak mifing te leh berampute erawh chuan thinlung a lawm tak chungin lalthar hi chibai an buk thung. Krismass hi kan hmuah dan, hman kan tum da...

Pathianni kalta tlai khan kum 2019 chhung atana Sihphir branch YMA hruaitu (OB) tur chu community hall-ah VCP, Pu HVL Zarzoliana Returning Officer (RO) na hnuaiah tluang taka neih a ni a, president atan Pu Lallianfala, Vanapa Section, branch committee member leh Media & documentation sub-committee chairman ni bawk chu thlan tlin a ni. Hetia'ng hi inthlan dan kimchang chu a ni: President : Pu Lallianfala, vote hmuh zat 31, vote hmu zat 5 Vice President: Pu R. Lalduhzuala, vote hmuh zat 37, vote hmu zat 5 Seceretary: Tv Vansangliana Tochhawng, vote hmuh zat 38, vote hmu zat 8 Assistant Secretary: Pu H. Lalrawngbawla, vote hmuh zat 38, vote hmu zat 9 Treasurer: Pu C. Lalrinawma, vote hmuh zat 42, vote hmu zat 9 Financial Secretary: Pu H. Lalṭanpuia, vote hmuh zat 39, vote hmu zat 7 Thlan chhuah te zinga pakhatin a phat avangin RO, Pu Zoliana chuan member te an pawm leh pawmloh chungchang sawi turin a sawm a, member engemawzatin an sawi hnuin phatna hi pawmloh a ni ta ...

Mizoram State Legislative Assembly, Assembly pariatna atana general election-a vote tla te chu Thawhlehni khan district khawpui tinah chhiar a ni a, MNF in seat 26 la in hnehna an changa, rorel lai Congress chuan seat 5 chiah an la thung. Zoram People's Movement (ZPM) in seat 8 la in BJP in seat 1 an la ve bawk. Chief Minister ni lai, Pu Lal Thanhawla chu Serchhip leh Champhai South-ah te dingin a chaklo ve ve a, a bial Serchhipah hian ZPM candidate, Pu Lalduhoma a hnehlo a, Champhai South-ah hian MNF candidate, Pu TJ Lalnuntluanga a hnehlo bawk. Hetia'ng a nih tak avang hian Pu Hawla chuan Governor, Kumanam Rajashekharan hnenah a kaihhruai Congress party an tlin zawhloh avang leh amah pawh a tlin zawhloh avangin banna a thehlut a,  Governor chuan sorkar thar in siamrem hma chu sorkarna lo kengkawh hrih turin a ti. ZPM Chief Ministerial candidate, Lalduhoma chu Aizawl West-I leh Serchhip bialah te dingin a tling kawp a, bial hniha ding mi 10 zinga tlingkawp awmchhun niin...

Kar hmasa Zirtawpni zan khan Sihphir Branch YMA leh Bethesda Home, Neihbawi te chuan Joint Advance Christmas Programme hlawhtling takin an hman a ni. He hunah hian YMA member 35 kan tel a ni. He hun hi Pu F. Lalhmingliana, Vice Chairman, Evangilical Sub-Comittee, Sihphir Branch YMA in a kaihruaia, home lam aṭangin Director, Pu Lalramliana chuan hunserh a hmang. Pu Rama chuan hetia'nga kan tlawh hi an lawm hle thu sawiin 'mi ten hun an neih dan kan hriatloh avangin tumah kan sawm ngamlo a, rawng rawn bawl duh an awm a nih chuan kan inhawng reng a ni,' a ti. Pawl pahnih hnen aṭangin report ngaihthlak a ni bawk a, YMA Secretary, Pu H. Larawngbawla report aṭanga a lan danin Sihphir Branch YMA-ah hian member 2343 an awm mek a, committee member hi mi 51 an awm bawk. Sub-Comittee hi peng sawm a awm a, section hi pali-ah inṭhen a ni bawk. Section lian ber chu Taitesena section niin member hi 838 lai an awm a ni. Khawchhungah chhiattawk an awmin YMA hian mawhphurhna an la a, r...

In kiss kan ni em? June 8th, 2008 6:39 pm by chhana Tet laiin sikul kan kala, tan hma deuhva ruah a sur tawh hi chuan kan ninhlei thei thin hle. Kan tlan puat puat a. Ruah kan do thul, room chhungah kan tlan lut thul, kan ri chelchul mai thin a ni. Nangni pawh in naupan lai chuan in ni ve thovin ka ring. Tumkhat High School kan kal lai hian naupang ho chu kan thleng kim ti tih tawh a. Dar rik a hun tep tawh. Ruah a sur ta. Tan hun hle tawh mahse kan zirtirtute chuan class a lak theih dawn chuang lo tih an hriat avangin dar pawh an vaw lo law law a. Zirtirtute chuan infiamna hun min pe ah kan ngaia, nuam kan ti hle. Tumkhat ka ruah do, room chhunga ka lut tur hi kan thiannu pakhat room atanga rawn chhuak tur nen chuan kawngkaah tak chuan kan insu bur maia. Kan hmuiah tak kan intauh lehnghal. A hnua ama’n a sawi leh dan phei chuan, “Ka ha a nghing” a ti nghe nghe. A tir pawh khan a thi zawih zawih reng a ni. Kei chuan na ti hle mah ila thisen em a chhuak lo hlauh. Hetiang hian ...

 Mizo ṭawng alphabet-ah hian hawrawp 25 a awma; chung zinga ‘AW=aw’, ‘CH=chaw’ leh ‘NG=eng’ te hi hawrawp inkawp, mahse, pakhat anga lam tur a ni. Amaherawhchu, kan zinga mi ṭhenkhat (anmahni’n an inhria e) in ‘NG=eng’ bik hi hawrawp pahnih ‘en gi’ angin an lam tlat mai. Heti a nih chuan Mizo alphabet-ah hian ‘n’ leh ‘g’ hi hawrawp pahnih ve ve an awm tihna a niang. Amaherawhchu, heng mi ho hian hawrawp inkawp dang ‘aw’ leh ‘ch’ te hi ‘aa dapliu, si eihchhi’ an ti leh chuang miahlo. Engvanga ‘NG-eng’ hi en gi ti tlat nge maw an nih le? Hetianga an lam a nih rau rau chuan ‘AW leh CH’ te pawh hi ‘aw, si eihchhi’ tih ve awm!

1996 February thla a ni a; chhungkaw mamawh lamin ka la kal ngai reng reng lohna hmun Shillong-ah ka kal dawn tih ka inhria. Ka pa nena kal dun tur kan nia; ka pa chuan ‘Kar lehah’ hi vawi tam a sawi niin ka hria. Ka nghakhlel takzet mai. A hun takah a hun chu a lo inher chhuak ve ta mial a. Truck remchang a awm avang chuan man lova kal theihna lo ni bawk nen, kan bei thla vet a naw naw a. (Manilomaha night bus changkang a thut mut veng veng chak nak alaiin) Mahnia kal duh hun te pawh a la awmthei tih thu hlaah theih ang angin a kawng pengte chu ka chhinchhiah nghal zel bawk a. Meghalaya ram chhung kan lut tawh ngei niin ka hria, hmun pakhatah hian motor an lo ding ngir khup mai a. A chhan erawh ka hre mai lo. Kan kal hnai zel a; ka pa chu hma lamah hun engemaw chen a va thang hnua a rawn let leh chuan ‘no in tree’ a ti niin ka hria a; ‘ninety’ a ti niin ka hre bawk. Tun hnua ka hriat leh hian ka lo hre sual chhiava tih ka hre leh chauh. No entry tihna lo ni lekin. A vawt kher...

Kar hmasa Zirtawpni zan khan Taitesena section te chuan Twin Market, Kawnvengah miharsate pualin 'Charity Nite' hlawhtling takin an hmang. He hun hi section Assistant Leader, Pu R. Vanlaldika'n a kaihruai a, Pu Lalchhanhima, Fandamental Church tirhkoh chuan hunserh  hmangin section Leader, Pu Vanlalsawma'n fuihna thuchah a sawi. Pu Vanlalsawma chuan kan hma lawka hunpui lo thleng tur Krismass leh kumthar hi mi tam tak tan lungngaih ni a ni a, amaherawhchu, mi rethei leh chanhai te tana keini kan lo kal khawm thei hi a lawmawm thu sawiin 'midang ṭanpui theia kan awm hi Pathian malsawmna a ni,' a ti. Mi ṭanpui hi Pathian thu a nih thu sawiin Bible-in ' ka unau te ber zinga mi pakhat chunga in tih chu ka chunga ti inni,' (Mt. 25:40) tih kha sawiin mi harsa zawk te kan ṭanpui nia kan inngaih lai hian Pathian tan thil ṭha tak ti kan nih zawk thu a sawi bawk. Programme hi kumthar duan committee in project atan section picnic neih a tum bawhzuina kal zel...

Thangchhuah kawr hi Mizo te hnam thila kan punkhawmnaah chuan kan thuamhnaw hak hnem pawl tak a ni awm e. Thangchhuah kawr hi chi hnih, a var chi leh a dum chi a awm a, a nihphung chu kan hretlang awm e. YMA thiltihna leh kut ni vangthlaah te kan ha tam hle. Mawi pawh a inmawi viau e. He kawr hi thangchhuah kawr a nih angin thangchhuah ve hawt siloin kan ha sup sup mai hi mi ṭhenkhat chuan an lo hmu mawh hle mai a, a mawh lo e. Thangchhuah kawr kan hak avang hian thang kan chhuah tihna a ni kher lo a, thangchhuah thei te kan ngaihsan avang leh ngaihhlut em avanga ha kan ni zawk. Pi pute hunah khan thangchhuah theih dan hi chi hnih a awm a, 'in lama thangchhuah' leh 'ram lama thangchhuah' ti tein an sawi ṭhin. In lama thangchhuah chu hlemhletna telloa taimak vang liau liaua khawtlang hmuh theiha dingchhuaka ṭum kua aia tlemlo khawtlang hrai thei te hi anni. Tunlai hunah chuan hei hi a ropui viau rualin sum leh pai thil a nih avangin a remchan lohna chin a awm thei a...

Kar hmasa khan chhiah/leiman ka pe ve a; hetia'ng hian ka ngaihtuah zui: Chhiah pek hi ram hmasawnna tura kan tih theih hmasa ber a ni a, Mizoram hi 'Ka ram' ti thei tur chuan chhiah hi kan pe ngei ngei tur a ni.  Kan ram ṭhatna turin ngaihdan te sawi ve dem dum mah i la, kan in leh loin a tawrh dawn chuan kan uiin selna kan zawng leh ruai si! Tumah hian ram hi kan hmangaih tak tak lo ni ten a lang rum rum. Hetia'ng zawng zawng hi a chhiah kan pek ṭhat tawk loh vang ni berin a lang. Chhungkua leh ram thleng pawhin insenna kan neih chuan kan chhungkua/kan ram chu kan hmangaih mai a, kohhran leh khawtlangah pawh tha leh zung kan sen hnem na na na chuan chu pawl chu kan hmangaih mai ṭhin. Tunah chhiah kan han pe a, ṭhenkhat phei chuan chhiah kan pe ṭhin tih pawh kan hre manglo hial mai! Kan ui a, pek loh hram dan te pawh kan zawng niin a lang! LSC pangngai nei chuan chumi hlut dan azir chuan chhiah an chawi mai a, V/C pass emaw engmah neilo pawhin Mizorama kan awm...

1st. Monday: National Voluntary Blood Donation Day a ni a, Mizoram State AIDS Control Society (MSACS), Association for Voluntary Blood Donation leh blood bank te huaihawtin Mizoram hmun hrang hrangah hman a ni a, ve hunah hian thisen unit 368 ngawt mi ṭhahnemngaite pek khawm hi a tling a ni. Day hi Aizawlah chuan Hrangbana Collage Golden Hall-ah hman a ni. India Society of Blood Trunsfusion and Immuno haematology bultumin October ni khat, kum 1975 khan hman a ni a, chutaṭang chuan October ni khat apiang hian National Valuntary Blood Donation Day hi hman a ni ta a ni. Mizoramah chuan kum 1999 aṭanga hman a ni thung. 2nd. Tuesday: India hnampa, Mahatma Gandhi pian champha a ni a, amah hriatreng nan leh zahna lantir na'n Aizawla a limah ram hruaitu ten pangpar an dah. 3rd. Wednesday: Tuichang bialtu MLA, Pu Lalrinliana Sailo chuan Assembly Speaker, Pu Hiphei hnenah MLA aṭanga banna a thehlut.Speaker hian a lo pawmsak nghal. Lalrinliana chuan, "Zoram hi kan ram a ni, tih kan ...

Kan Mizoram hi kan zahpui a, kan sit thin. A mi chengte kan indem a, kan ram hruaitu V/C leh MLA te thleng hian kan duhkhawp loin kan dem fo mai. Hniam bik ngawih ngawih in kan inhria a nih hi. A dik. Heti hian i ngaihtuah teh ang : England rama Manchester khawpuiah pawh traffic a jam ve tho. English Premier League khel tur chu a hun sawn a ngaih phah a, Israel rama Jerusalem-ah pawh garrage an nei vek hauh lo, kawngsirah motor an park-a, kawnga tui luang dum dum khawpin motor pawh an sil ve tho. Kan ram khawpui ber New Delhi khawlaiah pawh vawk an tla duah duah a, ramchhung leh rampawnah pawh lei (bridge) a chim thu kan hre ve chamchi ta mai. Eirukna lamah ni se, India ram chu sawiloh, khawvel ram changkang ber bera kan ngaih thinah pawh a hluar hle mai a, tharum thawhna nise, kan rama thil thleng chu ramdang ngaihtuah chuan nep tak a ni. Mahse, heng thil zawng zawng kan sawi hian mi thiltih thalo lai kan sawiin in siamthat tum loin mi pawhin an tisual vetho tih hi kan sawi tum a...

Kan hma lawk, November ni 28 khian Mizoram rorel khawl tur, MLA thlan hun a lo ni leh ta reng mai. Thla khat bak a awm ta lo. Party a inhmang ho phei chu mawngvawmba ang maiin an hman hlel hle tawh mai a nih hi. Khawi emaw punkhawm a awm dek dek tawh chuan politics hi kan sawi zin pawl tak a ni awm e. A mawh lo e. Tun ang inthlan hnaih tawha kan lo ngaihven hi ram tan thil tha tak ni zawk pawhin a lang e. Mihring kan inang lo ang bawkin kan thil vei leh ngaih pawimawh zawng pawh a danglam. Thenkhatin politics an ngaihven loh viau laiin thenkhat ve thung chuan an hun pum an pe a. Hunpuma inpe lemlo tuichilh tak tak pawh kan tam awm e. YMA hruaitu te zingah pawh party a inhmang kan awm nawk mai. Thenkhat phei chu kan awmna a inan loh avangin kan khawchhung thil mai maiah pawh nasa tawkin kan lo inhnial thin zuk nia. Tin, kan party thiltih a nih chuan dik leh tha em em, party dang thiltih a nih chuan thil pangngai tak pawh nise sawisel tum ngar ngar hi ram aia party hmangaih anni a...

Ka tlangval hriat pakhat, smartphone pawh nei pha ve ngat chuan Pu R.Lalzirliana, Home Minister atanga tunhnaia bang ta kha a lo hre hauhlo mai nia! Thil zawng zawng hriat vek theih chu a ni hauhlo. Mahse, kan hunlai mil zela thil thleng liantham hi chu hriat ve zel i tum ang u. Mizo zingah Pu R.Lalzirliana hi hrelo chu an awm ve nual tho ngei ang. Amaherawhchu, thalai, smartphone pawh nei pha ngat tan chuan hriatloh hi thil mak tak a ni. A phone kha enga tan nge a hman ang aw? tih a ngaihtuah theih awm e.Pu R.Lalzirliana chu term engemawzat MLA pawh lo ni tawh a ni a, tunhnaiah ngat phei chuan chanchinthar a luah hneh hle a nih hi. Heti chunga hriatloh tlat mai chu anni ang tlangval pangngai tan chuan mi mawl ti ang zawng pawhin sawi ila a mawh awm lo e. Thailand ram puk pakhata naupang an bo tum khan nu pakhat chuan a lo hre hauhlo mai. Mahse, ani kha chu TV pawh nei lo. Nu mawlmang ve tak a ni. Lo nuih ngawt chi pawh niin a langlo. Political Science zir ve lem, politics chungch...

Khawvel a changkang zel a, tunhmaa kan tih thin remchang ta lo a tam hle.Hei hi mi thenkhat chuan a chintawk hreloin ‘kan tih thin dan alawm’ tiin an la tang deuh tung thin.Hei hi tunlai hunah phei chuan thenkhat chuan ‘thliarkar rilru’ kan tih sak hial a nih tak hi. Tunhmaa kan pi leh pu te chuan kawngka kalh lemloin thingfakin an do mai a, engmah a bo ngai chuanglo. He thu hi kan sawi ri fo mai. Mahse, mi thenkhat chuan ‘tunhma te chuan kawngka kalhna tur tala la awm miau heklo,’ an ti hram tho. Zarkawt Branch YMA ten khawhar in riah an tihbo hlim khan a rampumin kan dem rawn a nih kha. Mi kan changkang tawh a, inchhungah thil hlu tak tak kan kawl fur tawh. Hetiang thil hi tlangval thenkhat hian an lo puanhnuai duh mai ang tih a thila zirin kan hlau thum tawh nia ngai pawh kan awm nual A chunga tarlan tak ang khian ‘kan tih thin dan alawm’ la ti tlur ho hi rilru te lutukah kan ngai tawh. Amaherawhchu, hetianga ngai ho hi enchian chuan engmah nilo, thil ei loh/ngaihtheih loh ng...

1st. Saturday: Postal department in bank thar a din, India Payments Bank chu India ram pumah a ruala hawn a ni a, Mizoramah pawh branch 6 leh acces 24 hawn a ni. 2nd. Sunday: JK Tyre-FMSCY National Racing Championship 2018, round 2-ah PC Andy Lalhmangaihsanga pakhatna a ni. 3rd. Monday: Mizoram Pollution Control Board hnuaia Mizoram ENVIS Hub chuan thla hnih awh tur Green Skill Development. Programme traning, Certificate Course in Pollution Monitors an buatsaih chu Directorate of Economics & Statistics Conference Hall-ah Pu Lalram Thanga'n a hawng. 4th. Tuesday: India hmarchhaka snooker inelna The Aijal Club North East Snooker Championship-2018 chu hawn a ni. 5th. Wednesday: Teacher' Day a ni a, sikul hrang hrangin hlim takin an lawm. 6th. Thursday: Mizoram Premier League session-7 chu khelh țan a ni a, inkhel hmasa berah champion lai Chhinga veng in kai thar Chawnpui chu 1-0 in an hneh. 7th. Friday: Lawngtlai Central Young Lai Association Playground-a phul l...

He khawvelah hian eizawnna tlak hnathawh tur a tam hle mai. Amaherawhchu, hna zawng zawng thawh vek theih a ni ngawt lo. Mihringte hian mahni tuina zawng emaw kan thawh theih awm hriatthiam a ṭul hle. Thufinga "Tumna a awm chuan kawng a awm" tih hi a fuh famkim kher lo te'n ka hre rum rum ṭhin. Mahni phak tawk si-ah a sang thei ang ber tum erawh a fuh ang. Rilru a hniam chuan hlawhtlinna pawh a sang mawh. Kei ngei pawh hi thiamna neilo ka ni a, chutiang mi tan chuan beisei san viau pawh a har. Mahse, taimak chuan thawh sen lo hna erawh a awm. Chutiang zingah chuan ar vulh hi mi rethei leh mi mawl tan pawha tih mai theih a ni. Mifing leh hausa tan lah a ṭha hlei hlei. Hetia'ng hi a nih avangin keipawhin ar hi ka vulh ve ta fo mai. Nuam ka tiin nun pawh a ti hlim ṭhin hle. Hun a kal zela, chanchinbu-ah ar vulh zirna a awm tur thu ka hre ta hlauh mai. IGNOU hnuaiah a niin Mizoṭawng ngata zir tur a la ni zui. Thil dang pawh zir tur chu a awm nual. Mahse, tuipuira...

Kum 2012, July ni   khan ka misual țhianpa leh ka thlen in pa ni bawk, Lama in chu varțianah ka chhuahsan. (Hetih lai hian a unaupa chu chu a la mu lo mawle! A ni hi zanah a mu ngai hauh lo mai a lo ni a, chhun lama mu chi a lo ni. Ka riah zan pawh hian tihur \ul pawh a nei miahlo, kei Milan a\anga hleng ih akah zin chau ka ni nen, ka kawm peih bawk silo. V en dawn se, min venghawng ve bawk si. lehkha a chhiar em em pawhin ka hre chuanglo. Puan phahin a mu meng laivar \hak ringaw mai a ni.) Indira Gandhi Inernaional Airpor chu rickshaw in ka hlengphei a, zing dar 7:27 chiahah kan ram khawpui ber Delhi leilung chhuahsan urin lei aa kan kang. luang akin Kolkaa leh Imphal Airpor e kan \um leh hnuah kan ramin airpor kan neihchhun, Lengpui airpor-ah kan \um a ruai ruai mai. Heachiun hi Zoram chhungah chuan zin kual leh viau mah ila, Mizoram hi ka pel a lo reng reng mai!  Hun a kal zel a, rampawn kalna chance pawh ka nei fo ho.  Zin hi nuam ka i ve hrim hrim. Kum 1988...

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...

1st. Wednesday : Archaeological Survey of India hotute chuan Vangchhiaa thilhluite an zirchianna ațangin Mizote chu Mizoramah kum 1400-1500 vela awm țan niin an ngaih thu INTACH, Mizoram Chapter hruaitute nen Aizawl Press Club a thuthar thehdarh tute hmaah an sawi. 2nd. Thursday : Zosap missionary zinga Mizoram chhuahsan hnuhnung ber Rev. Alwyn Roberts (84) chu cancer natna avangin Welsh-ah a thi. A ni hi Mizoramah kum 1960-1967 chhung a awma, rambuai avangin kum 1967 hian a haw a ni. 3rd. Friday :  ȚKP Co-ordination Comtt. buatsaih  'Arise 2018' chu Republic Vengthlang kohhran hall-ah țan a ni. 4th. Saturday:  Mizoram Football Assn. leh Tata Trusts buatsaih, Mizoram Under-15 League chu Rajiv Gandhi Stadium, Mualpuiah khelh țan a ni. Match hmasa berah AFC Academy chuan FC Stonzz chu 3-2 in an hneh a ni. 5th. Sunday: Sihphir YMA te chuan Lalhmangaiha s/o Rammawia, Sihphir hnen atangin ruihhlo engemawzat an man. Lalhmangaiha in luah hi mi hrang hrangin ruihhlo ti...

Kan hriat țheuh angin tunhnaiah kan khawtlangah chhiattawk kan awm ta malh malh viau. Mizo kan nih a in kan phak tawk tawkah theihtawp kan chhuah tlang țhina, a lawmawm khawp mai. Hetianga punkhawmnaah hian tlangval hawklak țhenkhat lo kamnam tawk an awm ve leh zauh țhin. Inven sen ni heklo le. Chutih rualin hetiang mi hi kan khawtlang hian a mamawh loa, an telloin Sihphirah hian kan awm thei a ni mailo. A awlsam phah zawk daih. Zu in emaw ruih hi khap ngawt hleihtheih a nilo. Chutih rualin zu in mi te hian mimal chu an zahlo pawh si se, khawtlang mipui tal hi chu zah rawh se. Chhiattawk an awmin kan khaw mi chauh pungkhawm țhin ni ila chuan a zia tak a awm. Mikhual te an awm ve țhin si a, anmahni mai niloin a khaw mualphona a ni tih hi hre ve teh se. Zu in ngailo aia zu in mi an tlawmngaih țhin zawk zia sawi a awm fo. Ni e, an theihtawkah chuan an tlawmngai khawp mai. A lawmawm. Chutih rualin a zawk ang zawng chuan hriatthiam a har deuh awm e. Kan tehna a inang miau silo a. K...

Kan hriat țheuh angin tunlaia politics chungchanga thu lian ber chu Home Minister ațanga banna thehlut mek, Pu R. Lalzirliana, MPCC-a Vice President chungchang hi a ni awm e. An party (MPCC) hnuaia Disciplinary Action Committee chuan insawifiah (Show Cause Notice) turin an hriattir. Hei hi a chhan nia lang chu party dangin kan hma lawka election lo awm turah hian candidate atan an sawm vang niin a lang. Amah erawh chuan TV a interview naah chuan midang pawh sawm an awm ve tho a, show cause notice pawh an pek ve loh avangin insawifiah a țula a hriatloh thu a sawi thung. A tum miahlo niin a lang. Tlemlai deuha video en hlawh tak chu a bial Saitual (Țawi constuency) a din a tum tawhloh a tum thu a sawi kha a ni awm e. Kha thil kha mahni țan lam azirin kan dawnsawn dan a dang sup ngei ang. Thiamna te a sang tawh si a, siamchawp mai mai a nih ring pawh kan awm nual niin a lang. Hun a lokal zela a chunga tarlan tak ang khian chanchinbu velah party dangin an sawm thu a lo lang. A ni ...

Kar hmasa Inrinni khan Sihphira a hmasa ber ni turin Twin Market, Kawnvengah Sihphir Arm Wrestling Association (SAWA) buatsaihin Arm Wrestling Tournament hlawhtling taka neih a ni. He hun hi chhun dar 12:30-ah SAWA Treasurer, Lalzawnsanga kaihhruai na in țan a ni a. Pu HVL Zarzoliana VCP in a hawng. Pu Zoliana chuan hetiang thil a la hriat ngailoh thu sawiin țhalai te phur hmel a hmuh in a lawm hle thu a sawi a, arm wrestling chungchang chauhloah pawh VC te chuan țanpuina awmthei angah chuan theihtawp an chhuah tur thu sawiin tlanchhiat an tumloh thu a sawi. VCP chuan ruihhlo laka fihlim turin player-te leh mipui te a sawm. Eng infiamnaah pawh ruihhlo nena chawhpawlh chuan a hlawhtlin theihloh thu a sawi. Tluang taka intihsiak turin player te sawmin level sang zawk pawh thleng thei turin infiam mi te a sawm bawk. Inelna hi category riatah țhen a ni a, heta inel turte hi tournament țan hma tlaiah inbuk vek a ni a, mahni khelhna turte tihfel a ni. Category riat țhen zinga kg 50 ...

1st. Sunday: Presbyterian kohhran chuan Health Sunday leh Hospital Sunday atan an hmang. Chawhnu hun hi Health Sunday anga hmangin 'Zu leh a kaihhnawih' tih an zira, zan hun hi Hospital Sunday anga hmang ve thungin 'Nat tinrenga na te tidamtu Isua' tih an zir thung. 2nd. Monday : Salvation Army dinchhuaktu, William Booth pian champha vawi-115 na a ni a. Salvation Army chuan 'Founder Day' ti'a vuahin khawvel pumah an hmanga, Mizoramah pawh India Eastern Territory chhunga corps leh society ten kawng hrang hrangin an lawm. 3rd. Tuesday : Mizoram University (MZU) a Incubation Centre din thar chu Governor, Kummanam Rajasekharan chuan a hawng. Centre hi sorkar laipui atang sum hmuh cheng vbc 10.45/- seng din a ni a, sq. feet 20,000 a zau niin 3D room leh fabrication / prototype lab. te a awm nghal. 4th. Wednesday : Lawngtlaia Region Higher Secondary School NSS unit chuan an sikulah blood donation camp an huaihawt a, Lawngtlai District Hospital tan thisen ...