Skip to main content

THANGCHHUAH KAWR

Thangchhuah kawr hi Mizo te hnam thila kan punkhawmnaah chuan kan thuamhnaw hak hnem pawl tak a ni awm e. Thangchhuah kawr hi chi hnih, a var chi leh a dum chi a awm a, a nihphung chu kan hretlang awm e. YMA thiltihna leh kut ni vangthlaah te kan ha tam hle. Mawi pawh a inmawi viau e.

He kawr hi thangchhuah kawr a nih angin thangchhuah ve hawt siloin kan ha sup sup mai hi mi ṭhenkhat chuan an lo hmu mawh hle mai a, a mawh lo e. Thangchhuah kawr kan hak avang hian thang kan chhuah tihna a ni kher lo a, thangchhuah thei te kan ngaihsan avang leh ngaihhlut em avanga ha kan ni zawk.

Pi pute hunah khan thangchhuah theih dan hi chi hnih a awm a, 'in lama thangchhuah' leh 'ram lama thangchhuah' ti tein an sawi ṭhin. In lama thangchhuah chu hlemhletna telloa taimak vang liau liaua khawtlang hmuh theiha dingchhuaka ṭum kua aia tlemlo khawtlang hrai thei te hi anni. Tunlai hunah chuan hei hi a ropui viau rualin sum leh pai thil a nih avangin a remchan lohna chin a awm thei ang.

Ram lama thangchhuah tih hi sa kap thei satliah ringawtin an dawng thei ngawt lo a, sapuia ngaih heng: sakhi, sazuk, sanghal, savawm, sele leh sai te hi kah kim vek a ngai a ni. Heng sa te hi an kah apiangin pasalṭha te chuan sechhun tlanghraia aih a ngaia, hetia'nga an tih kim hnu hian ram lama thangchhuah an lo ni ta a, thangchhuah diar leh puan an lo silh thei ta ṭhin a ni. Mahse, hei pawh hi tun ang hunah chuan sorkar berin a khap si a, a remchang thei tawhlo.

Sawi tak angin thangchhuah kawr inbel thei tur chuan kan tunlai khawvel danah a remchang thei tawhlo. Chuvangin, milar te thuamhnaw pawh kan ngaihsan avanga kan ha ṭhin ang deuh hian zah takin ha ila, a nazawnga ha loin a hun leh hmun i thliar thiam ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more