1st. Monday: National Voluntary Blood Donation Day a ni a, Mizoram State AIDS Control Society (MSACS), Association for Voluntary Blood Donation leh blood bank te huaihawtin Mizoram hmun hrang hrangah hman a ni a, ve hunah hian thisen unit 368 ngawt mi ṭhahnemngaite pek khawm hi a tling a ni. Day hi Aizawlah chuan Hrangbana Collage Golden Hall-ah hman a ni. India Society of Blood Trunsfusion and Immuno haematology bultumin October ni khat, kum 1975 khan hman a ni a, chutaṭang chuan October ni khat apiang hian National Valuntary Blood Donation Day hi hman a ni ta a ni. Mizoramah chuan kum 1999 aṭanga hman a ni thung.
2nd. Tuesday: India hnampa, Mahatma Gandhi pian champha a ni a, amah hriatreng nan leh zahna lantir na'n Aizawla a limah ram hruaitu ten pangpar an dah.
3rd. Wednesday: Tuichang bialtu MLA, Pu Lalrinliana Sailo chuan Assembly Speaker, Pu Hiphei hnenah MLA aṭanga banna a thehlut.Speaker hian a lo pawmsak nghal. Lalrinliana chuan, "Zoram hi kan ram a ni, tih kan sa ve chak tawh alawm," tiin a ban hnua thuthar thehdarhtute a hrilh.
4th. Thursday: Finance Secretary, Lalnunmawia Chuaungo chuan Saitual, Hnahthial leh Khawzawla Treasury Office dahna tur notification a tichhhuak.
5th. Friday: Minister leh MLA hlui, Pu Lalrinliana Sailo chu Mizoram Hnam Runah MNF-ah lawmluh a ni.
6th. Saturday: MLA Election neih hun atan November ni 28 a nih thu Chief Election Commissioner, Om Prakash Rawat chuan a puang. Result hi December ni 11-ah chhiar a ni ang.
7th. Sunday: UPC (NEI), LAD, Aizawl East District ten Zirtawpni zan aṭanga Khawzawla inkhawmpui an hman chu a ṭiak. Inkhawmpui thupui hi 'Thlaraua khatin awm rawh u' tih a ni.
8th. Monday: IGNOU hnuaia ar vulh thlangtu (Certificate of Poultry Farming) te chuan KVK, Lengpuiah traning an ṭan.
9th. Tuesday: Jeremy Lalrinnunga (17) s/o Lalneihtluanga, Govt. Complex chuan 3rd. Youth Olympic,Games-2018, Buenos Aires, Argentina a neih mekah weighlifting, kgs. 62 category-ah gold medal a la. Jeremy hian snatch-ah kgs. 124 chawiin clean & jerk-ah kgs. 150 a chawi bawk. A chawi zat belhkhawm hi kgs. 274 lai a ni.
10th. Wednesday: Chakma Autonomous District Council (CADC) ṭhiah a nih theihna tura YMA hmalakna kalzelah Central YMA in Aizawl leh khaw hrang hrangah kawng an zawh. Kawngzawh hi Aizawlah chuan hlawm hniha insiamin Sikulpuikawn leh Chanmari aṭangin Vanapa Hall panin an kal a, mipui singkhat vel in kawng hi an zawh a ni.
11th. Thursday: Mizoram Pradesh Congress Committee chuan Lal Thanhawla Auditorium-ah assembly inthlan lo awm tura an party candidate tur te an puang. Tunṭumah hian constituency 36 chiah an la puang hriat a ni. Party president, Lal Thanhawla chu a bial ngai, Serchhip leh Champhai South-ah te a ding ang. Hetih lai hian MLA ni lai pakua te chu an tello thung.
12th. Friday: Home Minister leh MPCC Vice President hlui, Pu R. Lalzirliana chuan MLA aṭanga a banna a thehlut. Lehkha hi speaker te pahnih an awmloh avangin Assembly Secretary, SR Zokhuma hnenah a thehlut a ni. Lehkha a thehluh hnu hian thuthar thehdarh tute hnenah inthlan chuh leh a tum thu sawiin a ban chhan chu bial mipui ten candidate in ang tlang, sorkara nihna nei biklo a awm a duh thu a sawi.
13th. Saturday: Mizoram Police hnuaia Aizawl District Executive Force te chuan New Capital Complex-ah lunghlu (ruby diamond) carat 14.25 an hman, a neitu a puh mi pahnih pawh an man nghal. Lunghlu te hi cheng nuai za man hu ni'a chhut a ni.
14th. Sunday: SAY Sunday a ni a, Salvation Army India Eastern Territory huamchhunga corps leh society hrang hrang ten an hmang.
15th. Monday: Home Minister leh MPCC Vice President hlui, Pu R. Lalzirliana leh Pu Lalthanliana, MLA (Aizawl North-II) bialtu te chu Mizoram Hnam Runah MNF party-a lawmluh anni. Lawmluh inkhawm hi MNF Vice President, Pu R. Tlanghmingthanga'n a kaihruai a ni. Inkhawmah hian MNF President, Pu Zoramthanga chuan Mamit biala an party candidate tur, H. Lalzirliana leh Congress Party generel secretary, RL Liantluanga bakah mi dang engemawzat a lawmlut nghal.
16th. Tuesday: Tuichawng bialtu MLA, Dr. BD Chakma chuan MLA aṭanga banna speaker Hiphei hnenah a thehlut. BD Chakma chuan inthlan a hnaih tawh avanga MLA nihin awmze neia a hriatloh avanga bang mai niin a insawi.
17th. Wednesday: BJP party chuan R. Dengṭhuama hall-ah Booth Level Members Conference an buatsaih a, national president, Amit Shah in a hmanpui.
18th. Thursday: MPSC chuan 'MPSC No Vehicle Day' an hmanga, thawktu zawng zawng ten lirthei kengloin ke in an pisa, New Secretariat Complex an pan. Staff te hi Khatlaa an hmun pengah innghak khawmin hetaṭang hian an thawhna hi an pan a ni.
19th. Friday: YMA rorel inkhawm ṭumhnihna Vanapa Hall-ah neih a ni a, president, Pu Vanlalruata'n inkhawm hi a hruai. Hei hunah hian YMA khawih 7 leh sorkar khawih 3 te chu sawiho a ni. Agenda te hi an pawm vek rualin siam danglam hret erawh a awm. Kumpuan thupui atan 'Ram leh hnam humhalh' tih chu thlan nawn leh a ni.
20th. Saturday: BJP chuan MLA inthlan lo awm tura an party candidate tur an puang a, party president, JV Hluna chu Ṭawi bialah a ding ang. Tunṭumah hian bial 13 puan a ni.
21st. Sunday: IKK, Chhim Division ten Zirtawpni aṭanga Thenzawla inkhawmpui an hman chu a ṭiak. IKK Chhim Division-ah hian pastor bial pali a awm a ni.
22nd. Monday: Tuirial bialtu MLA, Hmingdailova Khiangte chuan MLA aṭanga banna speaker, Hiphei hnenah a thehlut. Speaker hian a lo pawmsak nghal. Hmingdailova chuan a ban chhan chu a awmna party aṭanga candidate a chan tak loh avangin a bial mipui ten pawi an ti em em a, bial mipui te thawi damna ṭha nia a hriat chu independent a din a nih thu sawiin independent-a din a tum thu a sawi.
23rd. Tuesday: Dawrpui kohhran chuan an kohhran kum za tlin lawm nan an kohhran hall-ah blood donation camp an huaihawta, Aizawl Civil Hospital tan mipa 93 leh hmeichhia 13 theih thisen unit 106 an pe.
24th. Wednesday: Pawl hrang hrang ṭangrual, Zoram People's Movement chuan Aijal Club-ah MLA election lo awm tura an candidate tur 35 an puang. An chief ministerial candidate, Lalduhoma chu bial hnih, Aizawl West-I leh Serchhipah te a ding ang.
25th. Thursday: Jammu & Kashmir-a Luragam-ah firfiakin 42nd. Rashtrya Rifles camp an beia, Mizo sipai, Ngamsiamliana (23) s/o K. Imanuela, Kolasib an kaphlum
26th. Friday: ZIPRO LPS Comedian Search-2018 chu zawh fel a ni ta a, hetah hian Lengpui tlangval, Lalchhuansanga chu pakhatna niin lawmman atan ₹ 1,00,000/- leh mi inphal te hnen aṭangin thilpek ṭhahnem tak a dawng.
27th. Saturday: Zoram People's Movement Sterring Comtt. Vice Chairman, F. Rodingliana chuan Aizawl Press Club-ah thuthar thehdarhtute a kawm a, kumi'n inthlanpuia an pawl chhinchhiahna tur chu 'lukhum' a nih thu a puang.
28th. Sunday: Mizorama I-League club awmchhun Aizawl FC chuan an match hmasa berah North East derby khelin Shillong Lajong khelmualah an lengluta, vanduaithlak takin 1-2 in an tlawm. Aizawl FC tana goal khungtu hi Liberian International, Kromah a ni.
29th. Monday: Champhai DC Conference Hall-ah MLA inthlan lo awm tura an district chhunga master trainer te tan training buatsaih a ni.
30th. Tuesday: Academy of Integrated Christian Studies chuan an campus-ah blood donation camp an huaihawt a, Aizawl Civil Hospital tan thisen unit 53 an pe a, thisen petu te hi mipa 49 leh hmeichhia 4 an ni.
31st. Wednesday: Siaha Joint YMA ruahmanna angin Siaha-a YMA branch pahnih, Meisatla branch leh Siahatla branch te chuan Saiha District Hospital tan thisen unit 17 an pe a, thisen petu te hi mipa 15 leh hmeichhia 2 an ni.
2nd. Tuesday: India hnampa, Mahatma Gandhi pian champha a ni a, amah hriatreng nan leh zahna lantir na'n Aizawla a limah ram hruaitu ten pangpar an dah.
3rd. Wednesday: Tuichang bialtu MLA, Pu Lalrinliana Sailo chuan Assembly Speaker, Pu Hiphei hnenah MLA aṭanga banna a thehlut.Speaker hian a lo pawmsak nghal. Lalrinliana chuan, "Zoram hi kan ram a ni, tih kan sa ve chak tawh alawm," tiin a ban hnua thuthar thehdarhtute a hrilh.
4th. Thursday: Finance Secretary, Lalnunmawia Chuaungo chuan Saitual, Hnahthial leh Khawzawla Treasury Office dahna tur notification a tichhhuak.
5th. Friday: Minister leh MLA hlui, Pu Lalrinliana Sailo chu Mizoram Hnam Runah MNF-ah lawmluh a ni.
6th. Saturday: MLA Election neih hun atan November ni 28 a nih thu Chief Election Commissioner, Om Prakash Rawat chuan a puang. Result hi December ni 11-ah chhiar a ni ang.
7th. Sunday: UPC (NEI), LAD, Aizawl East District ten Zirtawpni zan aṭanga Khawzawla inkhawmpui an hman chu a ṭiak. Inkhawmpui thupui hi 'Thlaraua khatin awm rawh u' tih a ni.
8th. Monday: IGNOU hnuaia ar vulh thlangtu (Certificate of Poultry Farming) te chuan KVK, Lengpuiah traning an ṭan.
9th. Tuesday: Jeremy Lalrinnunga (17) s/o Lalneihtluanga, Govt. Complex chuan 3rd. Youth Olympic,Games-2018, Buenos Aires, Argentina a neih mekah weighlifting, kgs. 62 category-ah gold medal a la. Jeremy hian snatch-ah kgs. 124 chawiin clean & jerk-ah kgs. 150 a chawi bawk. A chawi zat belhkhawm hi kgs. 274 lai a ni.
10th. Wednesday: Chakma Autonomous District Council (CADC) ṭhiah a nih theihna tura YMA hmalakna kalzelah Central YMA in Aizawl leh khaw hrang hrangah kawng an zawh. Kawngzawh hi Aizawlah chuan hlawm hniha insiamin Sikulpuikawn leh Chanmari aṭangin Vanapa Hall panin an kal a, mipui singkhat vel in kawng hi an zawh a ni.
11th. Thursday: Mizoram Pradesh Congress Committee chuan Lal Thanhawla Auditorium-ah assembly inthlan lo awm tura an party candidate tur te an puang. Tunṭumah hian constituency 36 chiah an la puang hriat a ni. Party president, Lal Thanhawla chu a bial ngai, Serchhip leh Champhai South-ah te a ding ang. Hetih lai hian MLA ni lai pakua te chu an tello thung.
12th. Friday: Home Minister leh MPCC Vice President hlui, Pu R. Lalzirliana chuan MLA aṭanga a banna a thehlut. Lehkha hi speaker te pahnih an awmloh avangin Assembly Secretary, SR Zokhuma hnenah a thehlut a ni. Lehkha a thehluh hnu hian thuthar thehdarh tute hnenah inthlan chuh leh a tum thu sawiin a ban chhan chu bial mipui ten candidate in ang tlang, sorkara nihna nei biklo a awm a duh thu a sawi.
13th. Saturday: Mizoram Police hnuaia Aizawl District Executive Force te chuan New Capital Complex-ah lunghlu (ruby diamond) carat 14.25 an hman, a neitu a puh mi pahnih pawh an man nghal. Lunghlu te hi cheng nuai za man hu ni'a chhut a ni.
14th. Sunday: SAY Sunday a ni a, Salvation Army India Eastern Territory huamchhunga corps leh society hrang hrang ten an hmang.
15th. Monday: Home Minister leh MPCC Vice President hlui, Pu R. Lalzirliana leh Pu Lalthanliana, MLA (Aizawl North-II) bialtu te chu Mizoram Hnam Runah MNF party-a lawmluh anni. Lawmluh inkhawm hi MNF Vice President, Pu R. Tlanghmingthanga'n a kaihruai a ni. Inkhawmah hian MNF President, Pu Zoramthanga chuan Mamit biala an party candidate tur, H. Lalzirliana leh Congress Party generel secretary, RL Liantluanga bakah mi dang engemawzat a lawmlut nghal.
16th. Tuesday: Tuichawng bialtu MLA, Dr. BD Chakma chuan MLA aṭanga banna speaker Hiphei hnenah a thehlut. BD Chakma chuan inthlan a hnaih tawh avanga MLA nihin awmze neia a hriatloh avanga bang mai niin a insawi.
17th. Wednesday: BJP party chuan R. Dengṭhuama hall-ah Booth Level Members Conference an buatsaih a, national president, Amit Shah in a hmanpui.
18th. Thursday: MPSC chuan 'MPSC No Vehicle Day' an hmanga, thawktu zawng zawng ten lirthei kengloin ke in an pisa, New Secretariat Complex an pan. Staff te hi Khatlaa an hmun pengah innghak khawmin hetaṭang hian an thawhna hi an pan a ni.
19th. Friday: YMA rorel inkhawm ṭumhnihna Vanapa Hall-ah neih a ni a, president, Pu Vanlalruata'n inkhawm hi a hruai. Hei hunah hian YMA khawih 7 leh sorkar khawih 3 te chu sawiho a ni. Agenda te hi an pawm vek rualin siam danglam hret erawh a awm. Kumpuan thupui atan 'Ram leh hnam humhalh' tih chu thlan nawn leh a ni.
20th. Saturday: BJP chuan MLA inthlan lo awm tura an party candidate tur an puang a, party president, JV Hluna chu Ṭawi bialah a ding ang. Tunṭumah hian bial 13 puan a ni.
21st. Sunday: IKK, Chhim Division ten Zirtawpni aṭanga Thenzawla inkhawmpui an hman chu a ṭiak. IKK Chhim Division-ah hian pastor bial pali a awm a ni.
22nd. Monday: Tuirial bialtu MLA, Hmingdailova Khiangte chuan MLA aṭanga banna speaker, Hiphei hnenah a thehlut. Speaker hian a lo pawmsak nghal. Hmingdailova chuan a ban chhan chu a awmna party aṭanga candidate a chan tak loh avangin a bial mipui ten pawi an ti em em a, bial mipui te thawi damna ṭha nia a hriat chu independent a din a nih thu sawiin independent-a din a tum thu a sawi.
23rd. Tuesday: Dawrpui kohhran chuan an kohhran kum za tlin lawm nan an kohhran hall-ah blood donation camp an huaihawta, Aizawl Civil Hospital tan mipa 93 leh hmeichhia 13 theih thisen unit 106 an pe.
24th. Wednesday: Pawl hrang hrang ṭangrual, Zoram People's Movement chuan Aijal Club-ah MLA election lo awm tura an candidate tur 35 an puang. An chief ministerial candidate, Lalduhoma chu bial hnih, Aizawl West-I leh Serchhipah te a ding ang.
25th. Thursday: Jammu & Kashmir-a Luragam-ah firfiakin 42nd. Rashtrya Rifles camp an beia, Mizo sipai, Ngamsiamliana (23) s/o K. Imanuela, Kolasib an kaphlum
26th. Friday: ZIPRO LPS Comedian Search-2018 chu zawh fel a ni ta a, hetah hian Lengpui tlangval, Lalchhuansanga chu pakhatna niin lawmman atan ₹ 1,00,000/- leh mi inphal te hnen aṭangin thilpek ṭhahnem tak a dawng.
27th. Saturday: Zoram People's Movement Sterring Comtt. Vice Chairman, F. Rodingliana chuan Aizawl Press Club-ah thuthar thehdarhtute a kawm a, kumi'n inthlanpuia an pawl chhinchhiahna tur chu 'lukhum' a nih thu a puang.
28th. Sunday: Mizorama I-League club awmchhun Aizawl FC chuan an match hmasa berah North East derby khelin Shillong Lajong khelmualah an lengluta, vanduaithlak takin 1-2 in an tlawm. Aizawl FC tana goal khungtu hi Liberian International, Kromah a ni.
29th. Monday: Champhai DC Conference Hall-ah MLA inthlan lo awm tura an district chhunga master trainer te tan training buatsaih a ni.
30th. Tuesday: Academy of Integrated Christian Studies chuan an campus-ah blood donation camp an huaihawt a, Aizawl Civil Hospital tan thisen unit 53 an pe a, thisen petu te hi mipa 49 leh hmeichhia 4 an ni.
31st. Wednesday: Siaha Joint YMA ruahmanna angin Siaha-a YMA branch pahnih, Meisatla branch leh Siahatla branch te chuan Saiha District Hospital tan thisen unit 17 an pe a, thisen petu te hi mipa 15 leh hmeichhia 2 an ni.
Comments
Post a Comment