Skip to main content

Kum 2019 atan Sihphir YMA hruaitu tur thlan a ni



Pathianni kalta tlai khan kum 2019 chhung atana Sihphir branch YMA hruaitu (OB) tur chu community hall-ah VCP, Pu HVL Zarzoliana Returning Officer (RO) na hnuaiah tluang taka neih a ni a, president atan Pu Lallianfala, Vanapa Section, branch committee member leh Media & documentation sub-committee chairman ni bawk chu thlan tlin a ni.

Hetia'ng hi inthlan dan kimchang chu a ni:
President : Pu Lallianfala, vote hmuh zat 31, vote hmu zat 5
Vice President: Pu R. Lalduhzuala, vote hmuh zat 37, vote hmu zat 5
Seceretary: Tv Vansangliana Tochhawng, vote hmuh zat 38, vote hmu zat 8
Assistant Secretary: Pu H. Lalrawngbawla, vote hmuh zat 38, vote hmu zat 9
Treasurer: Pu C. Lalrinawma, vote hmuh zat 42, vote hmu zat 9
Financial Secretary: Pu H. Lalṭanpuia, vote hmuh zat 39, vote hmu zat 7

Thlan chhuah te zinga pakhatin a phat avangin RO, Pu Zoliana chuan member te an pawm leh pawmloh chungchang sawi turin a sawm a, member engemawzatin an sawi hnuin phatna hi pawmloh a ni ta a ni. YMA dan bu in a sawi angin hetia'nga member kalkhawm ten an thlanchhuah te hian an phat chuan branch executive committee-ah committee member te aṭangin inruat mai ṭhin a ni a, chu chu term puitlinga pawm a ni ṭhin a ni.

A chunga tarlan tak ang khian president atana thlan, Pu Fala hi committee member ni lai a niin branch secretary pawh a lo ni tawh ṭhin. Vice President,  Pu Duhzuala hi president ni lai a ni a, CEC-ah member a ni mek bawk. Secretary, Tv VS-a hi Assistant Secetary ni lai a niin Sawiremtlang editor a ni mek bawk.
Treasurer, Pu Marina hi Vice President ni lai a niin CYMA-ah Science & Environment  sub-comittee member a ni mek bawk. Financial Secretary, Pu Ṭantea hi branch committee member ni lai a niin Chawngbawla section Leader a ni mek bawk.

Tunṭum inthlanah hian OB nilai pali an awm a, amaherawhchu, post ngai chelh tur erawh an awmlo thung! OB ni tawh ṭhin pakhat leh OB la ni ngailo pakhat an awm bawk. Inthlannaah hian member 115 lai kalkhawm a ni.

RO chuan tluangtaka inthlan a ni chu lawmawm a tih thu a sawi. V/C Vice President, Pu Malsawmtluanga Pachuau chuan ṭawngṭaiin kalkhawm te a ṭin.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more