Skip to main content

YMA TEN BETHESDA HOME-A AWMTE NEN ADVANCE CHRISTMAS HMANG


Kar hmasa Zirtawpni zan khan Sihphir Branch YMA leh Bethesda Home, Neihbawi te chuan Joint Advance Christmas Programme hlawhtling takin an hman a ni. He hunah hian YMA member 35 kan tel a ni.

He hun hi Pu F. Lalhmingliana, Vice Chairman, Evangilical Sub-Comittee, Sihphir Branch YMA in a kaihruaia, home lam aṭangin Director, Pu Lalramliana chuan hunserh a hmang. Pu Rama chuan hetia'nga kan tlawh hi an lawm hle thu sawiin 'mi ten hun an neih dan kan hriatloh avangin tumah kan sawm ngamlo a, rawng rawn bawl duh an awm a nih chuan kan inhawng reng a ni,' a ti.

Pawl pahnih hnen aṭangin report ngaihthlak a ni bawk a, YMA Secretary, Pu H. Larawngbawla report aṭanga a lan danin Sihphir Branch YMA-ah hian member 2343 an awm mek a, committee member hi mi 51 an awm bawk. Sub-Comittee hi peng sawm a awm a, section hi pali-ah inṭhen a ni bawk. Section lian ber chu Taitesena section niin member hi 838 lai an awm a ni. Khawchhungah chhiattawk an awmin YMA hian mawhphurhna an la a, ruangthlak aṭanga zan thum chhung hi 'YMA Zan' tiin a kaihhruai hna hi section lamin an tum thung a, mitthi hi YMA member annih erawh chuan a zan thumna hi branch hruaituten mawhphurhna la ve thungin ral nghal ṭhin anni. Kum 2018 chhung hian YMA member 16 zet an thi tawh a ni.

Bethesda lam report danin helai hmun hi January ni 22, 2002 a luah ṭan a ni. A awm thei zat hi 28 a ni a, tunah hian enkawl lai hi 15 an awm mek a ni. He'ng ho hi Aizawl mai bakah Zoram hmun hrang hrang aṭanga lokal anni a, Sihphir khua aṭang pawhin pakhat a awm ve mek bawk. Helai hmun hi hmun dang anglo takin awm man a awm velo a, security pawh insiam loh a ni. A duh chu an awm mai a, a awm tluan theilo erawh chu anmahni duhthlanna in englaipawhin an chhuak thei thung. An course hi thla thum a ni a, awm tluan theilo tur chiang sa erawh an admit ngailo thung.

Hemi hunah hian branch comittee member leh evangilical sub-committee chairman ni bawk, Pu C. Lalremruata chuan 'Pathian ram chu a zawng tlattu ten an hmu ṭhin' (Mt.11:12, Lk. 11:5-8) tih thupuia hmangin Pathian thuchah a sawi. Pu Remruata chuan eng chininnge Pathian hi kan duh? tih sawiin chatuan daih nimang siloa reilote chhung nun nawm na'na kan hman chauh dan hrang hrang a sawi a, chutia'ng chiah chuan home-a awm te pawh reilote chauh nilo, chatuan daih thlarau nunna zawng turin a chah. Beidawnna hi setana chan a nih thu sawiin setana'n mihringte min thlem na'na a hmanraw pawimawh ber a nih thu a sawi. Eliza chungchang sawi zuiin ruah dila a ṭawngṭai dan chungchangah a ṭhahnemngaih dan leh a Pathian rin zia a ngaihtuahin bon a tih hle thu a sawi. Nasa lehzuala hlimna beiseina nei tura min sawmin a thusawi tlang a kawm.

Hemi zan hian ṭanpuina tur thawhlawm lakkhawm nghal a ni a, heta thawhkhawm hi Rs 3,000/- lai a tling a, Taitesena section ten Charity Nite an hman ṭuma an pawisa hmuh Rs 4,000/- nen avaiin Rs 7,000/- hlan nghal anni. Tin, Sola Faith, Sihphir Venglai KṬP a hmeichhe group ṭhangduang tak leh Nl Vanmalsawmi, Vanapa Section te chu thiam takin an zai bawk.

Hemi hnu hian a duh apiang tan thusawina hun hawn a ni a, hemi ṭum hian President, Pu R. Lalduhzuala chuan home-a awmte hnenah an chhuah huna kohhran leh YMA bel tlat turin a chah a, heti a nih chuan sual rawngbawlna hun a awmloh thu a sawi. Home-ah mi 28 thleng awm theih a nih laia mi 15 chauh an awm chu thil lawmawm lam a nih zawk thu a sawi bawk. Hemi hnu hian home a awm pakhatin testemony leh Pathian thuchah a sawi ve leh bawk. Darkar hnih dawn hun hlimawm tak hman a nih hnuin khamlo takin inkhawm kan ṭin a, inkhawm banah home lamin ar sawhchiar tui zet mai min hlui a, kan tlai tlang hle a ni.

Intlawhtawnna hun hlawhtling tak kan hman theih avangin member te chungah branch hruaitute an lawm hle.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more