Skip to main content

PU ZIRA THU



Kan hriat țheuh angin tunlaia politics chungchanga thu lian ber chu Home Minister ațanga banna thehlut mek, Pu R. Lalzirliana, MPCC-a Vice President chungchang hi a ni awm e.

An party (MPCC) hnuaia Disciplinary Action Committee chuan insawifiah (Show Cause Notice) turin an hriattir. Hei hi a chhan nia lang chu party dangin kan hma lawka election lo awm turah hian candidate atan an sawm vang niin a lang. Amah erawh chuan TV a interview naah chuan midang pawh sawm an awm ve tho a, show cause notice pawh an pek ve loh avangin insawifiah a țula a hriatloh thu a sawi thung. A tum miahlo niin a lang.

Tlemlai deuha video en hlawh tak chu a bial Saitual (Țawi constuency) a din a tum tawhloh a tum thu a sawi kha a ni awm e. Kha thil kha mahni țan lam azirin kan dawnsawn dan a dang sup ngei ang. Thiamna te a sang tawh si a, siamchawp mai mai a nih ring pawh kan awm nual niin a lang.

Hun a lokal zela a chunga tarlan tak ang khian chanchinbu velah party dangin an sawm thu a lo lang. A ni lahin pha hek suh. MNF chauhlo pawhin an sawm thu a la sawi tak deuh deuh a.

Engpawhnise, he thil hi chuan boruak a nei lian hle a, MNF mangannain a vawrtawp a thleng ta niin a ngaih theih a, inrintawkna an neilo niin a ngaih theih bawk ang. Congress chhungkua a kehchhia ta niin a ngaih theih bawk awm e. Home Minister ni lai leh party vice prisident meuh midangin an sawm ngam a nih chuan a nghetloin a rinawm tluantlinglo niin a ngaih theih ang. A chhan chu congress hian MNF mi Pu Tawna leh Pu Thangtea te ang hi sawm enah an en hmel tlatlo. Chutiang bawkin party dang hian Pu Zodintluanga leh Pu Liansailova te hi an sawm ngam hmelpo bawk.

MNF sorkar tawp dawn khan district thar tur pathum an puan belh a ni a, heng zingah hian Sawitual pawh hi an tel. Interview na ațanga a lan dan in anni hian țhangkhat lian zet district hi an lo ngiat tawh a nih hmel. Saitual mipui ten tunhnaia an thuchhuahah phei chuan district pek annih loh chuang congress chu candidate dahlo law law turin an ngena, chutih rualin pek annih erawh chuan congress lo chuan candidatd hi siamlo turin an ti ve thung. Hei erawh 'mipui an thuhmun fo theilo' tih angin an pe emaw, pelo emaw candidate chu lo awm vek pawh ni se vote chu an hmu nual vek tho in a rinawm.

Hetiang teh nuai a nih avang hian congress candidate tan chuan vote hmuh san a har hmel ta a, hei hi Pu Zira hian a hriatthiam ve tho avangin a din tawhloh tur thu pawh hi a sawi niin a lang.

TV interview bawk kha sawi leh ta ila, Pu Zira hian a bial tan hian țhahnem a ngai em em a, Rahul Gandhi (Indian National Congress President) leh Pu Hawla te pawhin distrist an lo tiam tawh avangin a tiam ve a, a tlin chhan ni pawhin a lang. Amaherawhchu, hei, an hlawhtling dawn talo niin a lang a, din a tum tawhloh bakah cabinet ațang hialin ban a tum ta a ni. District hi an phu em, phulo em, kan ram hian district thar hi a mamawh reng em, tin, a tlin pawh a tlin em? tih chu ka hrethiam ve phak loa, lo pe ta nise, district tiam khaw dang te kha an rawn pawng thar anga, la puan loh, mahse, in beisei ve țhenkhat kha an rawn pawng thar ngeiin a rinawm bawk.

Pu Zira hian district pek loh vanga bang niin a insawi a, pek pawh an la nih theih tho thu a sawi. Pek annih chuan a bang leh loh pawh a hnialloh thu a sawi. Hetih lai hian cabinet ațangin a bang a ni maia, party erawh chhuahsan a tumloh thu a sawi thung. Engpawhnise, district pek annih loha party dangin ding tura an sawm a nih erawh chuan independent a din a ngam bawk siloh avangin a kal mai a rinawm. Hun a kal zela, hei, an hnawtchhuak ta nge nge zawng a nih hi.

Heng zawng zawng thlen chhan hi district chungchang vang niin a lang na a, opposition lam chuan Pu Lal Thanhawla, Chief Minister party president ni bawk nen an inkar thu niin an ngai ve thung. Central a Congress lam khu tunhma ațanga chhhungkaw inhlanchhawng (Royal Family) chi anni a, chutiang deuha ngaih theih turin Mizoramah pawh Pu Hawla chuan a nau, Pu Patea a minister tir a, cabinet neuh neuhah pawh hian an vua vang hnai an awm nia sawi a ni bawk. Pu Hawla hi a kum a tam tawh a, party hi rei a hruai thei tawhin a rinawmlo. Hei vang hian a nau hi a aiawh turin a dah mai rinna a awm. A ni Pu Zira lah Vice President a lo ni rei ve tawh bawk nen a khan vengvawng si a, a ban chhan hi district vang niloin royal family hi an ngaihdan zawk niin a lang. 'Term thum an sorkar ngailo' tih nen Pu Zira chungchang hi an innghahna pui ber niin a ngaihthei awm e.

Rin dan a tam a, ngaihdan a tam. Mahni țan lam lam hi chan țha turah kan ngai mai niin a lang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more