Skip to main content

ARM WRESTLING TOURNAMENT NEIH A NI



Kar hmasa Inrinni khan Sihphira a hmasa ber ni turin Twin Market, Kawnvengah Sihphir Arm Wrestling Association (SAWA) buatsaihin Arm Wrestling Tournament hlawhtling taka neih a ni.

He hun hi chhun dar 12:30-ah SAWA Treasurer, Lalzawnsanga kaihhruai na in țan a ni a. Pu HVL Zarzoliana VCP in a hawng.

Pu Zoliana chuan hetiang thil a la hriat ngailoh thu sawiin țhalai te phur hmel a hmuh in a lawm hle thu a sawi a, arm wrestling chungchang chauhloah pawh VC te chuan țanpuina awmthei angah chuan theihtawp an chhuah tur thu sawiin tlanchhiat an tumloh thu a sawi. VCP chuan ruihhlo laka fihlim turin player-te leh mipui te a sawm. Eng infiamnaah pawh ruihhlo nena chawhpawlh chuan a hlawhtlin theihloh thu a sawi. Tluang taka intihsiak turin player te sawmin level sang zawk pawh thleng thei turin infiam mi te a sawm bawk.

Inelna hi category riatah țhen a ni a, heta inel turte hi tournament țan hma tlaiah inbuk vek a ni a, mahni khelhna turte tihfel a ni. Category riat țhen zinga kg 50 hnuai lam leh kg 70 hnuai lam te hi inel tham an awmloh avangin an chung category-ah beh tir an ni. Inelna hi category hniam lam ațanga khelh chhoh a ni a, category tina finalist an tih fel hnuah thingpui in chawlh a ni a, final hi khelh leh nghal a ni.

A hnuai a mi hi inkhel dinhmun a ni:
-55 : 1st. F. Lalhriatpuia, Kawnveng, 2nd. Malsawmpuia, Serkhan veng
-60 : 1st. PC Malsawmkima, Tlangveng, 2nd. Vanlalthlana, Venghlun
-65 : 1st. Lalzawnsanga, Dinthar veng, 2nd. Lalțhasanga, Arpu veng
+70 : 1st. Pauthianlala, Kawnveng, 2nd. Vanlalsangpuia, Kawnveng
Man left hand (open) : 1st. Zoramtluanga, Kawnveng, 2nd. Lalrinchhana, Damveng
Woman (open) : 1st. Lalsangzuali, Arpu veng, 2nd. Lalzamliani, Kawnveng

Final lut chin hi hetiang hian lawmman pek anni:  1st. Prize : Rs 500/- leh certificate, 2nd. Rs 300/- leh certificate.

Category tina champion te hian Sihphir khaw champion tur (Champion of Champions) an zawng leh a, kg 70 chung lam champion, Pauthianlala chu chak berin, a ni hian Rs 500/- leh certificate a dawng leh bawk.

Lawmman te hi Pu Lalrinliana Royte chuan a sem a ni.

Inelnaah hian infiammi 54 telin Aizawl lam ațangin endiktu tur Pu Vansangkima s/o Pu Lalnunzira, Neihbawi hoin an rawn kal a ni.

Inelna hi V/C ten an sponssor a, mi țhahnemngai te ațangin țanpuina engemawzat an dawng bawk. Thilpek hlantute chungah SAWA hruaitute an lawm hle.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more