Skip to main content

CHHIAH PEK



Kar hmasa khan chhiah/leiman ka pe ve a; hetia'ng hian ka ngaihtuah zui: Chhiah pek hi ram hmasawnna tura kan tih theih hmasa ber a ni a, Mizoram hi 'Ka ram' ti thei tur chuan chhiah hi kan pe ngei ngei tur a ni.

 Kan ram ṭhatna turin ngaihdan te sawi ve dem dum mah i la, kan in leh loin a tawrh dawn chuan kan uiin selna kan zawng leh ruai si! Tumah hian ram hi kan hmangaih tak tak lo ni ten a lang rum rum. Hetia'ng zawng zawng hi a chhiah kan pek ṭhat tawk loh vang ni berin a lang.

Chhungkua leh ram thleng pawhin insenna kan neih chuan kan chhungkua/kan ram chu kan hmangaih mai a, kohhran leh khawtlangah pawh tha leh zung kan sen hnem na na na chuan chu pawl chu kan hmangaih mai ṭhin.

Tunah chhiah kan han pe a, ṭhenkhat phei chuan chhiah kan pe ṭhin tih pawh kan hre manglo hial mai! Kan ui a, pek loh hram dan te pawh kan zawng niin a lang! LSC pangngai nei chuan chumi hlut dan azir chuan chhiah an chawi mai a, V/C pass emaw engmah neilo pawhin Mizorama kan awm man hi kan pek hrim hrim a ngai a ni.

Pi leh pu te hunah pawh sa chhiah, fathang (lal buh chhun) leh thirdeng chhiah thlengin an lo pe ṭhin a, tunlaiah chuan income tax, road tax leh sales tax te hi kan chawi langsar zual a ni awm e.

Chhiah pek hi a chang chuan uiawm angin lang mah se, chhiah kan pek hi keimahni tan tho a ni a, tunlaia sorkar hnathawkin GP fund an khawl a, nakina an la leh thei ang deuh hian chhiah kan pek hian keimahni, ram leh sorkar tan a hlu a, chuvangin, chhiah kan pek ṭhat chuan CM hlui, Pu Zorama tih dan takah kan ram hi 'Switzerland of the East' a lo ni mai dawn a ni.

Tunah pawh hnam thil avangin nasa takin kan buai mek a ni a, HNAM HNATLANG pawh kan nei hial a nih kha. Rokhawlhna avanga kal lo engemawzat a awm theih rualin ngaihsak loh hrim hrim vanga kal lo pawh kan awm nualin a rinawm. Chutiang mi te chuan ram tan hian tha an seng tam lo viau maithei a ni. Eng dinhmunahnge kan awm a, ram tan tha leh zung, sum leh pai kan seng em? tih ngaihtuah ila, sorkar puihna nghak mai loin 'ram tan enge ka tih ve theih?' tih i ngaihtuah zawk ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more