Skip to main content

TAITESENA SECTION TEN CHARITY NITE HMANG

Kar hmasa Zirtawpni zan khan Taitesena section te chuan Twin Market, Kawnvengah miharsate pualin 'Charity Nite' hlawhtling takin an hmang.

He hun hi section Assistant Leader, Pu R. Vanlaldika'n a kaihruai a, Pu Lalchhanhima, Fandamental Church tirhkoh chuan hunserh  hmangin section Leader, Pu Vanlalsawma'n fuihna thuchah a sawi.

Pu Vanlalsawma chuan kan hma lawka hunpui lo thleng tur Krismass leh kumthar hi mi tam tak tan lungngaih ni a ni a, amaherawhchu, mi rethei leh chanhai te tana keini kan lo kal khawm thei hi a lawmawm thu sawiin 'midang ṭanpui theia kan awm hi Pathian malsawmna a ni,' a ti. Mi ṭanpui hi Pathian thu a nih thu sawiin Bible-in ' ka unau te ber zinga mi pakhat chunga in tih chu ka chunga ti inni,' (Mt. 25:40) tih kha sawiin mi harsa zawk te kan ṭanpui nia kan inngaih lai hian Pathian tan thil ṭha tak ti kan nih zawk thu a sawi bawk.

Programme hi kumthar duan committee in project atan section picnic neih a tum bawhzuina kal zel aṭanga lo piang a ni a, 'picnic' tih chu her danglam hretin branch lamin Krismass vuakvetah khawtlang miharsate a ṭanpui ṭhin tih hriain comtt.chuan tuak pui a duh tak zawk avangin he hun hi hman a lo ni ta a ni.

Charity Nite a nih ang ngeiin 'Mi harsa te pual' tih intarna bawm hun a ni a, thawhlawm hi Rs 4,750/-lai a tlingkhawm a ni. Hemi hlawhtlin theih nana pawimawh tak mai chu tualchhung (section huamchhung) zaithiam hrang hrang te bakah YMA Chhang leh Sihphir Venglai kohhran hmeichhe group zai te an lo tel thei a, Aizawl lam aṭangin zaithiam, Rinhlui Tlumang, Mizo Idol 2015 a top ten leh a ṭhiante an lokal thei bawk a ni. He hun hi section leh branch comtt.member, Pu H. Lalremruata leh Nl K. Lalsangpuii ten hneh takin an kaihruaia, item nei tura ruat ten an rawn tih hlawhtlin theih avangin section hruaitu te an lawm hle a, branch OB pali lai an rawn tel theih avang leh Kawnveng Welfare hruaitute leh Sihphir Venglai kohhran hmeichhe hruaitu te an lo tel theih avangin an lawm hle bawk.

Prog.ṭan dawn ruaiah current a awmlo thut mai a, hruaitu te leh department lam ten theihtawm an chhuah hnuah a ṭha leh hlauh a, a lawmawm hle. Current khaihlak chhung hi darkar khat dawn lai a ni naa, mipui kal khawm te tumah phunnawi loin khawlai vawt tak hnuaiah haw pawh awmloin beisei tur a awm nge? pawh hreloa chhel taka an nghak khan kan mamawh chu a tilang chiang hle in a hriat. Section report leh thusawi tlem azawng a awm tih loh chu zai leh lama hun hman a ni a, khawtlang mipui ten nuam an tiin an hlimpui hle niin a hriat.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more