1st. Wednesday : Maawmi zing tawngtai inkhawmah a kal. Chawhmaah mitthi inah ka kal. Mampuitea chu bike self na ka siam tir. Atei Aizawl a kal. Kawmchhakah a riak leh. Ka facebook ka ti chhia.
2nd. Thursday : Loah nimbu ka va lo. Zanah khawhar inah ka kal a, ka hruai. YMA forest sub-comtt. ten Chalfilh tlang kal an tih chu kal ve tumin branch comtt. chin an sawm angin kal ve ka tum a, kal man tur Rs 500/- ka pe lawk. Atei chu a haw leh ta. 12/10
3rd. Friday : Zing tawngtai inkhawmah kan nupa in kan kal. Huanah thlai kan va la. Zanah chanchinbu chhutnaah ka kal. Ka xcomputer chu Vansangliana dawrah ka check tir a, a lo chhe tlat mai. Ka siam hnuin monitor a lo chhe bawk nen, ka en ta reng tenglo kha a ni a, a ho khawp mai.
4th. Saturday : Huanah thlai vel ka va tlawh.
5th. Sunday : Chawhmaah Sunday School kan kal. Khawvel Sunday School ni a ni a, VL Zaithanga chanchin kan zir. Hming lam loh thin kha kumin atangin hming lam tan a ni. A awm ka ti khawp mai. Kan inkhawm bang pawn ka chhuak chiah tihin Maawmin Adama thih thu min lo hrilh. Pawi ka ti hle. Va haw zawkin ka phei a, U Atea te inah a ruang lak a ni. Inah thingpui in in ka haw zawk a, Maawmi nen kan kal leh. Puan in kan khuh ve. Maawmi a haw hma deuh a, kawrlum la in ka haw ve zuai. A lo nam deuh tawh avangin a thih hun tlai deuh mah se phum nghal a ni. Thlanmualah kal ve in ka vur ve. Chuan, zan thalai hunah ka kal leh.
6th. Monday : Chawhma leh zanah khjawhar inah ka kal. Mami te chhung a pi tlawh tur leh vote thlak turin an lo haw.
7th. Tuesday : Arpu sikulah MLA tur thlangin vote kan va thlak. MNF candidate, Pu Zoramthanga chu artm wrtestling lama min tanpuitu a nioh avang leh a lehpek awm thei tura ka beisei avangin ka vote. Maawmi chuan ZPM candidate, Pu :althansanga (Chatea) a vote thung. Pu Khualkamlova, Biakin veng chu lung thalo avangin a thi a, chawhmaah thlan ka lai. Kan vawk til chu Tetea’n a la.
8th. Werdnesday : Zing tawngtai inkhawmah ka kal. Chawhnuah Bawngkawnah scooty secondhand lei tur ka zuk en. Hniam leh beiseina avangin ka la nghal lo.
9th. Thursday: Huanah antam leh behlawi rah te kan va la. Two wheller lei tur kan zawn chungchangah Maawmi’n pawisa hman a remtih leh siloh avangin pawi ka ti hle. Rilruin a lo beisei tawh viau asin mawle. Pa Duhawma, Zion veng, kan thenawm pa chu a thi.
10th. Friday : Chawhmaah mitthi inah ka kal a, zan thalai hunah ka kal leh bawk. Chumi hnuin U Marina te inah naktuka Chalfilh tlang kal tur te kan in hmu khawm.
11th. Saturday : YMA fortest sub-comtt. tye Chjalfilh tlanga kal tur te rualin ka han kal ve. Selingah thingpui zing dar 8:40 velah kan in a, dar 10:30 velah Lailakah tukthuan kan ei. Heta kan kal dawn hian kan motor dahna atangin hotel kan panna lamah Matea ka hmu hlawl mai. Thla te kan la. Tichuan, 11:564 ah tlang chhip kan thleng. Khawvel ang pawha ka kal chakna pawl ka kal ta hi ka lawm hle. Dar 1:34 velah tlang atanga chhukin Saitual lam atangin kan kual haw. Dar 6:00 velah Selingah zanriah kan ei a, kan chaw eina bul chiaha dawrah hnathawh pheikhawk tur Rs 500/- man ka lei nghal. Tichuan, dar 8:30 velah tluang takin in kan thleng leh ta a ni. Kan huan zawl chu soil deptt. atangin tuikhuah tur laih a ni. Pu Ja a rawn kal a ni.
12th. Sunday : Chawhmaah Sunday School kan kal a, chhunah U Awmawia a thi. Ka va kal ve nghjal as, Maawmi a inkhawm thung. Tichuan, zanah kan inkhawm leh. ‘Chalfilh tlangah ka lawn’ tih thupuia hmangin article ka ziak tan. 15/11
13th. Monday : Chawhmaah miotthi vuinaah ka kal a, chawhnuah huanah ka va feh. Maawmi zing tawngtai inkhawmah a kal. Kristian TYlangau a lo thleng.
14th. Tuesday : Loah kuhva hmun ka va sam. Atei a lo chho a, Aizawlah a riask thla. Hmuh pawh kan inhmu lo.(17/11) Zing tawngtai inkhawmah ka kal.
15th. Wednesday : Loah kuhva hmun kla va sam. Atyei a lo haw leh taa, kawmchhakah a riak. Ka article ziah lai chu zoin chanchinbu a chhuah turin ka dah. 12/11
16th. Thursday : Inah ka awm. Zanah adviser, Pu Rosiama te inah kan section YM<A kan comtt. Atei Aizawl a kala, kawmchhakah a riak leh bawk.
17th. Friday : Khua a chhiat nilen avangin engmah ka ti lo. Atei chu a haw leh ta. (14/11) A pa te chuan kan vawk dahna bulah vawkte pahnih an dah thar.
18th. Saturday : Huanah behlawi ka va lo.
19th. Sunday : Chjawhmaah Sunday School kan kal a, chawhnuah ka inkhawm leh bawk. Bialtu pastor, Rev. H. Lalzuiliana chuan nausen 7 as baptist. Inkhawm banah comtt. room-ah Pathian rtam kan chhiar. Pathian ramah hian Rs 1,100/- kan thawh.
20th. Monday : Maawmi a nawm meuhloh avangin hnas ka thawk lo.
21st. Tuesday : Huanah behlawi ka va lo. Zanah Maawmi te kohhran hmeichhe group zai ten hlas an rawn zir. ‘The Diciples Society & Dicipleship Trtaning Institute 1998-2023, Silver Jubili souvenir chui Rs 200/- in ka lei. Lalthaa nupui then tak, Thari chuan pasal a um tih ka hriatin mak ka ti hle.
22nd. Wednesday : Huanah antam tyel 24 ka va la.
23rd. Thursday : Maawmi a nawm meuhloh avangin ka fehlo. DTI souvenir chu ka chhiar tan. 28/12
24th. Friday : Khawl party leiin Aizawl ka kal. Maawmi kohhran hmeichhe ni hmannaah a kal a, zanriah a ei nghal. an group tumhnih leh Estheri group angin tumkhat an zai bawk. Zanah YMA comtt. na cofn. hall-ah ka kal. Forest deptt. lamin comtt. tan hma in awarness an rawn nei. Comtt. banah chanchinbu chhutnaah ka kal.
25th. Saturday : Sakawrhmuiotuai tlang samin ka han inhlawh as, hlawh, Rs 12,300/- ka la nghal a, ka lawm hle. Chutih ruala, nimina ka part lei pakhat, curbrator a that chianloh avang erawh chuan pawi ka ti hle. Hna banah siam turin thawhpui pa, Rema hnenah ka han dah.
26th. Sunday : Chawhmaah Sunday School ka kal. Maawmi erawh a la nawm meuhloh avangin a inkhawm lo thung.
27th. Monday : Sakawrhmuiotuai tlang sdamin ka inhlawh leh. Hlawh Rs 1,300/- ka la nghal bawk a, ka lawm hle. John Lalruatpuia, U Tlangmuanpuia fapa chuan nupui a nei. Min sawm ve naa, kan kal talo.
28th. Tuesday : Huanah antam tel 20 ka va la. Ni Lai ka pe nghal. Zanah kan section YMA te Sakawrhmuituaia kan section signboart siamah thu ziakin kan hnatlang. Hetah hian ‘I thiltih LALPA’N a hria’ tih, Pu VL Biakkima rawt chu kan ziask a ni. U Biaka hi rawt tura ka ngen a ni nghe nghe. Maawmi zing tawngtai inkhawmah a kal.
29th. Wednesday : Huianah behlawi ka va lo. Ka facebook a chhiat avangin account thar ka siam. Kohhran pavalai ten mawza an sem ka chang ve hlauh masi. Ka lawm hler.
30th. Thursday : Sakawrhmuituai tlang ka han sam. Apa ten vawkte thar 2 an la leh.
Comments
Post a Comment