1st. Monday : Dar 12:15 velah zanlai inkhawmna biakin atangin ka haw. Chawhma leh zanah te ka inkhawm. Kohhran zaipawl an zai ve ve. Thawhlawm dah fel turin Krismas a mi kha an ring tlang na a, Maawmi a zin si a, a hlen ve thei talo.
2nd. Tuesday : Kumthar ruaithehna, biakinah ka va fatu.
3rd. Wednesday : Zingkarah Maawmi a lo haw. Chhunah ka vawkin sak ka va chhunzawm.
4th. Thursday : Huanah ka va feh a, pipe leh rawra vel ka va dah fel.
5th. Friday : Loah nimbu hmun ka va sam. Zanah chanchinbu chhutnaash ka kal. Hei hi kumthar tawh mah se hruaitu inthlan thar a la nihloh avangin kan ken tlang rih ngasias kan hriat vang a ni.
6th. Saturday : Vawkin sak ka va chhunzawm.
7th. Sunday : In luahtu te an chhuak fel tih ka hriatin pawi ka ti hle. Kawng ka va kalh fel nmghal. Chawhmaah Sunday School kan kal. Hming ziah thar ni a ni a, pawl no 4na, Upa CH. Sanglura pawlah awmin mi 12 kan ni. Senior deptt. atangin mi 19 an rawn insawn chho. Heng zinga 3 erawh an inkhawm lo thung. Tlaiah YMA hall-ah YMA kan inthlang a, heng mi te hi thlan an ni:
President : Pu Lallianfala (Pu Lalrinliana Royte ka thlang)
Vice President : Pu R. Lalsawmliana
Secretary : Tv Zohmingliana Hnamte (Pu RK Ramfangzauvaka thlang)
Asst. Secretary : Tv H. Lalrindika (Pu RK Ramfangzauva ka thlang)
Treasurer : Pu C. Lalrinawma
Finance Secretary : Pu RK Ramfangzauva (Pu H. Lalremruata ka thlang)
A u a tlinglo a, OB ni lai tlinglo awmchhun a ni. Pawi ka ti hle. Zanah ka inkhawm.Maawmi zing tawngtai inkhawmah a kal.
8th. Monday : Amawia, Damveng a mi te khanghu hmun, Sehlaweh a mi samin ka inhlawh. Khawl a chianloh avangin hun tam zawk chu chemin ka sam. Kal lamin kawng kualah ka tlu a, break liver a chhia a, hawn veleh ka thlak nghal. U Vana bike engine oil ka thlak tir.
9th. Tuesday : Ka hna ngai ka thawk leh. Atei a lo chho a, kawmchhakah a riak. 24/1
10th. Wednesday ; Ka hna ngai ka thawk leh. Atei Aizawl a kal. Kawmchhakah a riak leh. Ka khawl chianglo chu siam turin Mangheta hnenah ka dah. Thenawm, Lindai chuan civil-ah fapa a nei.
11th. Thursday : Ka hna ngai ka thawk leh. YMA comtt. member a ruatna lehkha ka dawng a, ka lawm hle. Atei kawmchhakah a riak leh.
12th. Friday : Ka hna ngai ka thawk leh. Zanash chanchinbu chhutnaah ka kal. Chawlhni a kan inthlan chungchangah ‘YMA inthlan ka politised’ tih thupui hmanghin article ka ziak a, chanchinbu-ah hian ka dah lut nghal. Editorial mi dang ziak ve trura ka tih avangin ka ziah a nilo. Naktuk kumthar duannaah laptop hlan a ngaih dawn avangin ka hawnlko bawk. Atei kawmchhakah a riak leh.
13th. Saturday : Tunkar chhunga ka hlawh tur leh karleh lama ka ni khat hlawh tur nen avaiin zingkarah U Amawia te inah Rs 7,800/- ka va la a, ka lawm hle. Chhunah cofn. hall-ah YMA ten kumthar kan duang. Media & Documentation sub-comtt. chairman atan min ruat a, ka lawm hle. Secretary atan K. Lalrinawma, U Vana fapa a ni thung dawn a ni. Ka agenda thehluh ‘kumtawp lama Sakawrhmuyituai tlang chei’ tih chu hunin min daihloh avangin comtt. leh atan dah a ni. Zanriah comtt. naah hian kan ei nghal. Zanah ka inkhawma, PES an zai a, unaupa Hruaia nupui, Arunachal a missionary chuan report a pe bawk. Atei kawmchhakah a riak leh.
14th. Sunday : Chawhmaah Sunday School kan kal a, (kan pawl kan kai kim. Hming ziak thar pakhat a awm bawk) leh zanah kan inkhawm. Kohhran yearbook a lo thleng a, ka chhiar chhuak nghal. sub-comtt. a ka tel thinna, finance comtt. a ka tel takloh avang leh comtt. dangah pawh ka tel chuanloh thu ka hriatin pawi ka tiin ka zak hle a, tantu list a ka tel leh tih ka hriat eraewh chuan ka lawm hle thung. Atei kawmchhakah a reiak leh.
15th. Monday : Ka hna ngai ka thawk leh a, ka zo ta. Khawl chianglo chunga ka zawh theih avangin ka lawm hle. Atei Aizawl a kal a, kawmchhakah a riak leh.
16th. Tuesday : Pu Chhuanmawia Tuilut huan sam tumin kan kal a, khawl a chianloh avangin ka hawe leh taswep. Chuan, huanah dania tel 15 ka va pawt. Atei kawmchhakah a riak leh.
17th. Wednesday : Loah khanghu hmun (tiur) ka va ti fai. Zanah ka inkhawm a, inkhawm banah kan inah YMA media & documendation sub-comtt. te kan comtt. a, Sawiremtlang chanchinbu chungchang sdawiin editorial board tur te kan ti fel nghal. Ka editor leh theih dawn avangin ka lawm hle. Heng mite hi ka thawhpui tur te chu an ni :
Joint editor : R. Malsawmtluanga & K. Lalrinawma
News editor : Lalhlimpuia, Malsawmzuala, Lalduhsanga Renbthlei
Circulation maneger : Laltlanhlui
Atei Aizawl a kal a, kawmchhakah a riak leh bawk.
18th. Thursday : Pu Chhuanmawia huan chu ka va sam ta. Ban hma deuhin khawl rod a bung a, kan bang nghal. Atyei kawmchhakah a riak leh. YMA section inthlan turah nomination list 12 ah ka lang ve leh a, ka lawm hle.
19th. Friday : Ka hna ngai ka tyhawek leh. Khawl a chianloh avangin chaswhnu herah khawl dang lain ka haw. Zanah a hmasa ber atan editorial board thar ten comtt. secretary, Rinawma te inah chanchinbu kan chhu. Thu a tam avangin ka dfuh ang tak, regular futures tur chuan a rem thei rihlo. Atei kawmchhakah a riak leh.
20th. Saturday : Pu Chhuanmawia huanah nilo, a ma hjnuaiah tho, a chhak deuhah ka thawk leh. Maawmi te SHG Sakawrhmuituai tlangah an inti hlim. Maawmi hi he tlangah hian a vawikhat kalna a ni a, ka lawmpui hle. Atei kawmchhakah a riak leh.
21st. Sunday : Chawhmaah ?Sunday School kan kal a, (kan pawl kan kaikim leh) chaewhnu leh zanah (karleh Zirtawpni-ah zing tawngtai inkhawm hruaitu tur ka nih thu an puang) kan inkhawm leh bawk. Zanah Maawmi a inkhawmlo thung. Section inthlan a ni a, chawhnu inkhawm banah ballot box hunna pakhat, Kawnvengah vote ka va thlak. Heng mite hi ka thlang :
K. Vankhuma, MS Dawngliana, Lalzawnsanga, Zohmingliana Tochhawng, Lalruatfeli leh Helen Lallianzuali te. MS Dawngliana, Lalzawnsanga leh Zohmingliana Tochhawng te ka thlang tling a, kei chu tling ve lehin Andrew leh Duha te an tling bawk. Thlan tlin te hian section dang te nen zan inkhawm banah cofn. hall-ah chanvo kan insiam. Ka leader dawn a, ka lawm hle. Ajona a asst. angas, Dawngtea FS iubn midang chu nikum a mi ang an ni dawn a ni. Atei kawmchhakah a riak leh.
22nd. Monday : Zing tawngtai inkhawmah ka kal. Ka vawkin sak ka chhunzawm. Atei Aizawl a kala, kawmchhakah a riak leh.
23rd. Tuesday : Zing tawngtai inkhawmah ka kal. Ka vawkin sak ka chhunzawm. Zanah kan section YMA OB ten kan inah kumthar duangin charge kan inhlan nghal. Atei Aizawl a kal a, kawmchhakah a riak leh.
24th. Wednesday : Zing tawngtai inkhawmah ka kal. Huanah sawhthing hmun tur ka va vat. Atei chu a haw leh ta. (9/1) Dailova IKK a thi. Pu Chhuanmawia hnen atangin ka huan sam hlawh, Rs 3,500/- ka dawnga, ka lawm hle. Ka khawl a chianloh em avangin Rs 400/- ka hniam a ni.
25th. Thursday : Maawmi SHG thilah a traning avangin dawrah ka awm. Zanah khawhar inah ka kal. Zing tawngtai inkhawmah ka kal. Hruaitu chu Nu Pari, Chiangtea nu a ni a, tawngtai zawha tawngtai rualnaah Lal tawngtaina niloin ‘Ka chhandamtu nilengin’ tih kan sawi.
26th. Friday : Zing tawngtai inkhawmah ka kal a, ka hruai. Loah nimbu hmun ka va sam. Zanah khawhar inah ka kal. Dailova kha YMA a kan member pui a nih angin dekchi, citation leh Rs 12,600/- in kan ral nghal. Chumi hnuin chanchinbu chhutnaah ka kal.
27th. Saturday : Inah ka awm. Kawmchhakte Bagha zinin gamchha min pek ve avangin ka lawm hle.
28th. Sunday : Chawhmaah Suinday School kan kal a, chawhnu leh zanah ka inkhawm leh bawk. Zothansiama, Neihbawi chu internal bleeding avangin Synod Hospital-ah a thi.
29th. Monday : Chawhmaah mitthi inah ka kal a, zan, thalai hunah ka kal leh bawk.
30th. Tuesday : Loah panhnah hmun ka va sam. Zion venga naute accident chu in tlawh pahin a thih palh tak thuta chanchinbua ziah theih ka duh bawk si avangin Rs 200/- in ka va kan.
31st. Wednesday : Loah panhnah hmun ka va sam. Vawkchaw kuang Rs 500/- in Sentea te hnen atangin ka lei.4
Comments
Post a Comment