Skip to main content

KUMTHAR CHIBAI

 

Pathian hruaina in kumthar 2024 chu dam takin kan chuangkai leh ta. Pathian chu fakin awm rawh se. Kumthar a lo thlen hian kum liam ta kha thlirlet chungin tun kumthar kan hman chhoh tur pawh hi a tangkai zawnga hman tum ila, hmasawnna eng kawngah emaw tal chuan min neihtir ngei ang.


Mahni nun leh hnathawh, kan hun hman tawh danah fel lo leh siamthat tur a awm em? tia thlirlet fo hi a tangkaiin tih tur leh tihloh tur min hmuh fiah tir tu a ni a, chuvangin, kum liamtaa kan hun hmandan atangin danglam ngai nia kan hriat kawngah chuan danglam ngam ila a duhawm hle ang.


Kan hnung hapta kan hman liam takah khan theihtawpa hlim tumin kan hmanhlel hle hlawm a nih kha. A tha e, kan Bible ngei pawhin theihtawpa hlim tur leh kan hun hlu te nuam taka chen turin min duh reng a ni. Hringnun hi eng emaw a behbawm leh kalphung nghet min phuartu a awmloh chuan a rawih ral mai duh hle. Chung avang tak te pawh chuan nuam kan chen hi a tul ve reng bawk a ni.


Kum 2023 chu kan lo hmangliam leh ta a. Mi thenkhat chuan ngaihtuah chiang mangloin liam ve tur rengah kan ngai maithei. A kum liam ta aiin kan nitin hna tulin chu lam chu min suangtuah hmanloh tir pawh a ni thei e. Mi thenkhat chuan kum liamta khan min ti upa a, kan chakna te a lo tlahniam zel a. Khawvela kan hun neih a tawi tial tial a ni tih hriain ‘Kumhlui aw ding rih rawh’ tiin kan zai vawng vawn a nih kha. Hetih rual hian kha kum liamta kha thenkhat tan chuan kum chhia, chhiatna chi hrang hrang thlen kum, nu leh pa, u leh nau leh chhungkhat laina ten khawvel an chhuahsan kum, lungngai reng renga ni leh thla kan chhiar kum, kha kum kha liam thuai se tia tuna kan kum hman tan mek nghakhlel tak tak pawh kan awm nawk ngei ang. 


Engpawhnise, hei dam takin kumthar kan chuangkai chu a ni ta a, a chung lama kan sawi tak ang khan theihtawp chhuaha nun ulukin ram leh Pathian tan nun i tum theuh ang u. CHHIARTU ZAWNG ZAWNG TE KUMTHAR CHIBAI VEK U.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more