1st. Friday : World AIDS Day a ni a, a hmanna pui ber Vaivakawn YMA Hall-ah chuan Sihphir atangin Agape Society for Community Care staff pahnih an kal.
2nd. Saturday : Sarepkawn kawng khi/chhia chu siam that a ni.
3rd. Sunday : YMA ten member budget an khawn mekah Taitesena section te chuan
₹32,260/- khâwn chhuakin section khawn chhuak hnem ber an ni.
4th. Monday : Thla kaltaa MLA inthlan result chu puan a ni a, Sihphir booth pathum atangin ZPM chuan vote 1132 hmuin an hmu sang bera, MNF in vote 1053 a dawtin, Congress 291 leh Independent 72 in an dawt leh.
5th. Tuesday : Thla hmasaa
boral, Tv. Adama, Chhanhim veng hriatrengna lung chu
kohhran leh chhungkhat laina ten an
phun.
6th. Wednesday : Pi Lalrammawii, kum an chenna Inah ‘Thin tha lo’
avangin a boral.
7th. Thursday : Zuangtui leh Durtlang inkar 33kV line chu Muanna vengah thing tluin line a vuak avangin hun engemawchen eng a khaihlak.
8th. Friday : Sihphir Watsan Committe chuan pawna inthiar (Ê) awm tawh lohna
(ODF - Open defication free) PHE Department atangin
Open Defication Free (ODF) Plus
Model Village lawmman an dawng.
9th. Saturday : YMA te chu RT picnic spot-ah kumin atan a hnuhnung ber atan an committee. He hunah hian an hmalak tawh dan te an thlirlet a, an hmalak zel dan tur bakah kumthar hruaitu thlan dan tur chungchang te an rel.
10th. Sunday : YMA te chu mi harsate pualin an carol a, he hunah hian member 70 vel thawkchhuakin cheng 26,000/- lai hmuhchhuah a ni.
11th. Monday : Tualchhung Kristian Thalai Pawl branch pathum te chuan kumthar hruaitu tur an thlang hlawm.
12th. Tuesday : UPC thalai te chuan Krismas Carol service an hmang.
13th. Wednesday : YMA Conference Hall, Arpu vengah Sihphir
Driver Association te chuan General
Assembly an nei.
14th. Thursday : Taitesena section YMA te chu Sakawrhmuituai tlangah kumin chhunga an project tih hlawhtlin te lawm pahin an in ti hlim.
15th. Friday : YMA ten Pathianni kalta zana Krismas Carol an neih tuma mi thahnemngaite thawhlawm tlingkhawm Rs. 26,500/- leh Branch YMA pawisa nen Krismas pual thilpek Rs. 51,000/- chu chhungkaw 9 hnenah Rs. 5,000/- theuh leh, mi 6 hnenah damlo kanna leh Krismas chibai bukna Rs. 1,000/- theuh hlan an ni.
16th. Saturday : Nilaini atanga tan,
Sihphir Bial UPC Sunday School
Department hmalaknaa kum 13 chin hnuai
lamte tana Biak Inah camping an neih chu an chhuak ta. Camping-ah hian
mi 34 an lut a ni.
17th. Sunday : Presbyterian Kohhran hnuaia naupang Sunday School department hrang hrang te chuan an zirlai te an exam.
18th. Monday :
Aizawl Smart City hnuai atangin City Branch YMA 109 te hnenah kangthelhna 'Portable Fire Fighting Pump' leh hmanraw tuldang te sem a ni a, Sihphir Branch YMA pawh heng zingah hian kan tel a ni. He khawl hi petrol engine niin, tui hi minute khatah litres 500 a phuh chhuak hman a ni.
19th. Tuesday : PHE department leh Central YMA huaihawtin Vanapa Hall-ah Faina thlentute ni hman a ni a, he hunah hian Sihphir branch aiawhin Pu Lalhlimpuia (ECM) a kal.
20th. Wednesday : Pu M.S Dawngliana, Kawnveng,
LAD hnuaia Assistant Engineer thawk
lai chu pension in a
chhuak.
21st. Thursday : H. Ronghinglova, kum 80 h/o Lungmuani, Arpu Veng chu 'Zunthlum' natna avangin Ebenezer Hospital-ah a boral.
22nd. Friday : Lalrinsanga & Lalhlimpuia Memorial Futsal tournament, Sihphir
Futsal ground-a khelh chu
zawh a ni ta. Final-ah hian Venghlun lam team pahnih, Lalngheta Memorial FC ‘A’ leh ‘B’ te chu inkhelin team 'A' lam hi an champion. Champion hian Rs 10,000/-
leh Trophy dawngin pahnihnain Rs 5,000/-
leh Trophy an dawng bawk.
23rd. Saturday : Venglai Presbyterian Kohhran Hmeichhia te chu Krismas a ei tur buh thleiin an hnatlang.
24th. Sunday : UPC thalai te chuan biakin tualah meilum ai programme an hmang. He hunah hian hlim taka zaiin item dang hlimawm tak tak nen hun hmang.
25th. Monday : Pu Vansangliana leh C. Lalhriatzuali te nupa chuan a hmasa ber atan LRM Hospital-ah fanu, kg 3.615 a rit an nei.
26th. Tuesday :
SR&AC chuan an Room-ah Lalremmawia s/o
Rosangmawii, Biak In Vêng chu a
chhûngte a rikrap vang thin avangin an zilh, koh
nawn ngai tawh lo turin warning an pe nghal.
27th. Wednesday : Pu C. Lallianzuala, Kawnveng inleng te (Mazuala inleng) chu Chalfilh tlang tlawhin an kal.
28th. Thursday : Venglai Kristian Thalai Pawl te chuan an Kohhran Committee room-ah kum 2024 chhunga an hmalakna tur relin an thukhawm.
29th. Friday : Sawiremtlang chanchinbu enkawltu te chuan kumin chhunga an chanchinbu chhuak hnuhnung ber pualin chanchinbu an chhutna, Pu Vansangliana te inah chaw an eikhawm. Tluang taka an thawh tlan theih avanga Pathian hnena inhlanin holy bible an dawng theuh bawk.
30th. Saturday : Sport Minister, Pu Lalnghinglova Hmar chuan Sihphir khua a rawn tlawh.
31st. Sunday : Presbyterian Kohhran hnuaia Sunday School hnuhnung ber kai a ni a, hetah hian kaikim leh kai tha lawmman te sem a ni.
Comments
Post a Comment