Skip to main content

MAY 2023, KA DIARY

 

1st. Monday : Huanah thlam sask kan va chhunzaw. Perek leiin hnathawhna hmun atangin ka haw leh. Atei Aizawl atangin a rawn kal zuai. Kan inhmulo thung.


2nd. Tuesday : Nu Ruati te Sethupkawn huan samin ka han inhlawh. Lalnunkima, Zui Sasera fapa, Lalremtluanga damloh hma daiha damlo tawh chu a thi.


3rd. Wednesday : Nu Ruati te huan ka han sam leh. An duh chin ka sam zo a, zanah hlawh Rs 2,600/- ka va lam nghal. Huanah Hriatpuia leh Ricky-a an kal.


4th. Thursday : Chhantea te ita leh block vel unload in ka inhlawh. Ni Biaki thih champha kar khatna a ni a, chawhnu herah rei vaklo ka chhuk. Ruah a tlak avbangin ka haw a, ka kal leh talo. Hriatpuia te pahnih an feh leh.


5th. Friday : Zingkarah Hriatpuia dfapa Gujarat a football khela awm lo haw chu chanchinbu hmingin ka va kawm. Insawn bungrua vel nilengin ka buaipui. Zanah chanchinbu chhutnaah ka kal. Hriatpuia te pahnih an feh leh.


6th. Saturday : Insawn bungrua vel nilengin ka buaipui. Heng vel avang hian huanah ka va kal zuai. Atei a lo chho a, Bilkhawthlirah a tlang. Ka lehkhabu chhiar lai chu ka chhiar chhuak ta. Aringa hnenah TV leh woofer te siam turin kan dah. (20/5)


7th. Sunday : Chawhmaah Sunday School kan kala, chawhnu (Maaawmi a inkhawm lo) leh zxanah pawh kan inkhawm. Chawhnu leh zan hi Synod Mission prog. a ni a, Upa Lalthahluna Ralte, Co-ordinator, SMB chuan thu a sawi.


8th. Monday : U Hmai te Neihbawi huan samin ka han inhlawh.


9th. Tuesday : U Hmai te huanah ka thawk leh.


10th. Wednesday : U Hmai te huana ka thawh hlawh, Rs 2,600/- ka va lama, ka lawm hle. Inah thing vel dah fel a ngaih avangin ka awm. Zanah kan inkhawm lo naa, inkhawm banah U Rina te inah kan leng. 


11th. Thursday : Huanah thlam sak kan va chhunzawm. Mistiri thlakin, Ramchhana leh an makpa an rawn thawk. Thenawm, Pu Zahminga a nat zual avangin zanlai pelh thlengin ka leng. Kristian Tlangau a lo thleng. 


12th. Friday : Thlam sak kan va chhunzawm leh. Zanah kawmthlangah ka leng leh. Hei vang hian chanchinbu chhutnaah ka kal lo.


13th. Saturday : Zingah tui ka chawi laiin Pu Zahminga zual thu ka hria. Dar 6:15 ah a chatthla zui. Nilengin chu thihnaah chuan ka awm. LIDCAS member a nih ve avasngin member dang ten kuang chungah thla kan la ve. Vengthar lama phum a ni a, ka va kal ve. Zan thalai hunah ka kal leh bawk. Zan kan thut hnufuala, thingpui te kan lum zawh a gas ka dah luh laiin Ngaihi a lo awm hnasi ve chu niin, chu chu Maawmi’n min rawn hmu si. A lungawilo khawp mai. (27/5)


14th. Sunday : Chawhmaah Sunday School ka kal. Maawmi erawh a lungawi loh avasngin a inkhawmlo thung. Chhunah kawmthlangah ka leng a, zan thalai hunah ka kal leh bawk.


15th. Monday : Huanah thlam sak kan va chhunzawm. Zanah khawhar inah ka kal. Pu Zahminga kha YMA member (l;ife) a nih angin dekchi, citation leh Rs 10,310/- in kan ral nghal.


16th. Tuesday : Inah chhuar leh khum vel kan siam. Zohminga a rawn inhlawh.


17th. Wednesday : In kan khawih chhunzawm. Pawn chhuar leh tlangban thlunna tur bakah filter bawm hunna tur te kan siam. Zanah Pu Zahminga (Pi Vungi) kan zuk ral.


18th. Thursday : Huanah tuikhuah chhuat kan va chhung. Pazawna leh Mawia an rawn thawk. Au Chhuana nupui, U Mahmuni pa chu an inhnuaiah a inawkhlum.


19th. Friday : Huanah tuikhuah siam kan va chhunzawm.


20th. Saturday : Inah pawn leh chi bur dahna tur vel kan siam a, computer dawhkan kan kiolh nghet deuh bawk. Zohminga a rawn inhlawh leh. Aringa hnena TV leh woofer dah chu kan la leh ta. (6/5)


21st. Sunday : Chawhmaah Sunday School kan kala, chawhnuah ka inkhaaawm leh bawk. Inkhawm banah Pathian ram kan chhiar. Karleh Nilaini a zing tawngtai inkhawm hruaitu tur ka nih thu ka hria.


22nd. Monday : Zing tawngtai inkhawmah ka kal. Loah zawngtah ka va lo. Balhla ka do tha bawk. 


23rd. Tuesday : Zing tawngtai inkhawmah ka kal. Huanah tuikhuah siam kan va chhunzawm. Pazawna nen chiah kan ni.


24th. Wednesday : Zing tawngtai inkhawmah ka kal a, ka hruai. Huanah tuikhuah siam kan va chhunzawm. Zanah ka inkhawm. Malsawmzuala, Pa Duhawma fapa chu inngaihna suala a tluk avangin thunun a ni. Inkhawm banah LIDCAS te Treasurer, Hmingsangzuali te inah kan comtt.


25th. Thursday : Zing tawngtai inkhawmah ka kal. Huanah tuikhuah siam kan va chhunzawm a, kan zo. Zanah kan section YMA OB te Zohminga, Treasurer, te inah kan comtt. Ban dawnah ka tawngtai.


26th. Friday : Zing tawngtai inkhawmah ka kal. Huanah thlam chhuat tur keimahin ka va siam rual. Zanah comtt. hall-ah YMA kan comtt. a, Chumi hnuin chanchinbu chhutnaah ka kal nghal. Editorial a tawi deuh avangin news editor te zinga Vansangliana’n a tawp sentence hnih a ziah belh.


27th. Saturday : Zing tawngtai inkhawmah ka kal. Apa te inah vawk dah kan tum avangin ka va thawm. Inchungah tuidawn tur ka siam bawk. JC-a lu ka meh tir a, ka dum tir nghal. Zanah ka inkhawm hmanlo, banah kan inah LIDCAS OB te kan comtt. Lungawina. (13/5)


28th. Sunday : Chawhma, chawhnu leh zanah te kan inkhawm. Penticos ni a nih avangin Sunday School a awmlo. Chawhnu leh zanah hian kohhran zaipawl an zai a, zanah hian Junior Deptt. an zai bawk. PCI General Assembly tan kan tawngtai a, thuchah kan ngaihthlak bawk bakah thawhlawm hi hemi pual tur hi a ni bawk. Tlaiah kan inah kan section YMA OB te kan inah kan comtt. a, banah kan thurel bawhzuiin Sakaswrhmuituai parking-ah kan han kal nghal.


29th. Monday : Zing tawngtai inkhawmah ka kal. Huanah stone dust kan va dah. Ruata, Pi Laii fapa nen kan ni.


30th. Tuesday : Forest Deptt. hnuaiah Neihbawi kawngdunga thingphun vel tifaiin ka inhlawh. Rema nen kan ni. Vawk laklawh, U Thangvunga te ta chu Rs 15,000/- in kan lei. A pa te vawk inah kan dah. Huanah Pazawna bakah Ruiata te pagfa an thawk.


31st. Wednesday : Kan hna ngai kan chhunzawm. Huanah Ruata te pafa an thawk. 





Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more