Skip to main content

JULY 2023, KA DIARY



1st. Saturday : Kolasibah Au Dinpuii kan unau hoin ral kan tum naa kal ve tumin ka insiam vek tawh. Ka nsawm leh meuhloh avvangin ka haw leh a, nilengin ka mu. Kolasib kal chungchang hi ‘Sialrothanga tu ten kan unaunu kan ral’ tih hmangin report ka ziak. Kan in chhuahsan tak chu Manipur raltlan ten an luah lut.


2nd. Sunday : Chawlhni mah nise kan nawmloh nupa avangin kan inkhawmlo.


3rd. Monday : Ka la nawm meuhloh avangin inah ka awm nileng.


4th. Tuesday : Ka la nawm meuhloh avangin inah ka awm nileng leh. Nu Ruati hnen atangin kar hmasa a an huan ka sam hlawh, Rs 2,500 ka dawng a, ka lawm hle. Rs 100/- chu min dil angin ka hniam a ni.


5th. Wednesday : Ka la nawm meuhloh avangin inah ka awm.


6th. Thursday : Ka la nawm meuhloh avangin hna ka thawk lo. Chhunah kohhran thilah biak in thar sakna tura mamawh hmasa mining ho bungrua  dahfela hnatlannaah ka va thawk phei ve. Maawmi, Au Hnehkimi fanu MA pass lawmna, BT Picnic spot-ah a kal ve.


7th. Friday : Huanah thlai hmun tur ka va thian. Maawmi chhuahsan a remloh avangin chanchinbu chhutnaah ka kallo.


8th. Saturday : LIDCAS te Siuhphir leh Lungdai inrina vel thlirkualin Sakawrhmuituai tlangah kan kal. Kristian Tlangau a lo thleng.


9th. Sunday : Chawhmaah Sunday School kan kal a, chawhnu leh zanah kan inkhawm bawk. Pastor bial fan prog. a ni a, Sunday School zirlai khaikhawmin chawhnuah naupang 12 baptist in zanah thu a sawi leh bawk. Zan inkhawmah hian Manipur buaina avangin tawngtai rual a ni.


10th. Monday : U Matana te huan hmannia ka sam bak kha samin ka han inhlawh. Hlawh ka la nghal a, Rs 1,200/- chauh min pe a, ka sawi hreh deuh si, ka lawm viau tho e. Maawwmi zing tawngtai inkhawmah a kal.


11th. Tuesday : Huanah antam hmun tur ka va ti fai.


12th. Wednesday : Huanah antam hmun tur ka va ti fsai leh a, vau hnaih berah ka theh nghal. Zanah kan inkhawm lo naa, inkhawm banah kohhran bioal then hla zir na, Apa te inah kan kal.


13th. Thursday : Huanah antam siamna tur ka va tifai leh.


14th. Friday : Huanah antam siamna tur ka va trifai leh. Tuikhuah thlangah tlem ka theh leh nghal. Ka chauh deuh avangin chanchinbu chhutnaah ka kal lo.


15th. Saturday : Y<MA in thlanmual in tur leh mi harsa in tur inkawp kan sak mekah comtt. member te kan hnatlang.


16th. Sunday : Maawmi zing tawngtai inkhawmah a kal. Chawhmaah Sunday School kan kal a, chawhnu leh zanah kan inkhawm leh bawk. Zan inkhawm hi ATC a kros lian phun tur chungchangah ATC lecturer, Rec. Kroschhuanmawia’n campaign a rawn nei. Hemio pual hian editorial turin ‘Kros phun’ tih ka ziak nghal. Tunkar Zirtawpni zing vtawngtai inkhawm hruaitu tur ka nih thu leh Inrinni zana tantu ka nih tur thu te an puang. Chawhnu inkhawm banah Pathian ram kan chhiar. Inchung tlangval, Lalthankima chu bike a chesualin a khingkhang ruh a ti tliak.


17th. Monday : Huanah thlai siamna tur ka va ti fai.


18th. Tuesday : Zing tawngtai inkhawmah ka kal. Huanah antam siamna tur ka va kap. Pu J-a te mi pahnih hruaiin an lo kal.


19th. Wednesday : Huanah ek in khur lung kan va rem. Arema chu mistiri angin a rawn thawk. Thlam chhakah antam ka theh nghal bawk.


20th. Thurtsday : Huanah thlam verandah kan va chhung.


21st. Friday : Zing tawngtai inkhawmah ka kal a, ka hruai. Huanah ek in chhin rel kan siam a, tuikhuah kan chul mam bawk. Zanah chanchinbu chhutnaah ka kal. 


22nd. Saturday : Ziung tawngtai inkhawmah ka kal. Chawhmaah YMA in thlanmual inte chunga mi charsa in tur kan sak hawnnaah ka han tel ve. Zanah kan inkhawma, tantu ka ni. Mika 7:7&8 ka chhiar. Hruaitu chu Upa Duhawma niin U Rina chu thu sawitu a ni.


23rd. Sunday : Chawhmaah Sunday School kan kala, chawhnuah inkhawm leh bawkin zanah keimahin ka inkhawm leh bawk.


24th. Monday: Huanah ek in chung kan va chhunga, tuikhuah tur kan chul mam leh bawk.


25th. Tuesday : Huanah tuikhuah tur chhuat kan va chhung a, Hruaia a rawn kal ve. Sangluaii leh Zarzovi te sawhthing hmun thlo in an lo kal bawk. Pu Dawla te uiin min seh a, Chhuanga hnenah ka in jection.


26th. Wednesday : Huanah tuikhuah bang tur kan va rem tan. Maawmi leh Sangluaii ten sawhthing hmun an thlo bawk.


27th. Thursday : Huanah tuikhuah siam kan va chhunzawm. Pu J-a chu rei vaklo a lokal.


28th. Friday : Mistiri, Arema a hmanloh avangin keimahin huanah ka va feh a, antam kapin zawl ka sam a, thlam thlang hnim ka thian bawk. Zanah cofn. hall-ah YMA kan comtt. a, chumi hnuin chanchinbu chhutnaah ka kal.


29th. Saturday : Huanah tuikhuah siam kan va chhunzawm. Chhuanga hnenah a vawihnihna atan ka in jection leh. Hriata, Arpu chuanhnuai chu tlaiah a thi a, mut hnuin MSa te makpa chu a thi ve leh.


30th. Sunday : Hriata vuinaah ka kala, vui zawhah Laltlankima vuinaah ka kal leh nghal. Zanah khawhar in, Laltlankima te inah ka kal. Maawmi chawhma leh zanah a inkhawm thung. Chawhmaah phei chuan thlai thar thawhlawm inkhawm a ni a, thlai dahfel tu a ni.


31st. Monday : Huanah ka va feh a, thlam thlang hnim ka kah ka thian. Zanah khawhar in, Hriata te inah ka kal. Hun hi Au’n a hruai a ni. Hriata kha YMA member a nih angin dekchi, citation leh Rs 10,170/- in kan ral nghal.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more