Skip to main content

AUGUST 2023, KA DIARY

 


1st. Tuesday : Huanah tuikhuah siam kan va chhunzawm. Pawisa a khaihlak avangin zo loin kan chawlhsan rih dawn a ni. Kristian Tlangau a lo thleng. Lalngengpuii Tochhawng a thi. Ka ui hle.


2nd. Wednesday : Chawhnu-ah YMA hall-ah gram sabha neihna ah ka kal. Chhuanga hnenah ui seh avanga in jection chu a vawithumna leh a tawpna atan ka ka leh. Rs 1,350/- man tur a ni a, ui neitu, Pu Dawla te hian an tum dawn a ni. Inhnuai luahtu, Manipur raltlan te chu Neihbawi lamah an insawn chhuak.


3rd. Thursday : Huanah ka va feh a, thlam thlang hnim ka thian. Bike ke hnunga tubeless chu tube ka vuah a, mahse, a puncture lehnghasl.


4th. Friday : Zing ka thawh veleh bike ke a lo thep tih ka hmuhni mak ka tiin pawi ka ti hle. Ka siam tir leh nnghal. Huanah thlai hmun tur ka va kap. Ruah tamlo te in a sur nileng a, hei vang hian chanchinbu chhutnaah pawh ka kal peihlo.Inhnuai chu Manipur raltlan ten an luah leh. A luahtu te bhi mihran anni. (15/12)


5th. Saturday : Huanah ka va feh a, thlam thlangah dania leh antam ka va theh.


6th. Sunday : Chawhma leh zanah te ka inkhawm. Nizan atanga zanin thleng khan Synod Social Front hmalakna in Political Education Campaign neih a ni a, zanah hian kohhran zaipawl a nzai. Maawmi a inkhawmlo thung. Zanriah Ponty’n a rawn ei.


7th. Monday : Huanah hmannia thlai ka thehna bakjah khan dania ka va theh leh. Ponty laptop atangin thil hrang hrang ka siam a, ka lawm hle.


8th. Tuesday : Khua a chhiat avangin inah ka awm. Anu thih champha (8.8.88) a ni a, a pual hian ka status a, chhungkaw group pakhat, Rokunga leh Thangin thlahte’ tihah ka ziah hlui ka dah bawk. La dam se ka ti zual hle. Maawmi zing tawngtai inkhawmah a kal. ‘Library’ tih thupui a hmangin article ka ziak tan.(18/8) JCa lu ka meh tir.


9th. Wednesday : YMA library enkawl tute Chanmary YMA hall-ah seminar & traning naah sub-comtt. chairman ka nih avangin ka kal. Maawmi zing tawngtai inkhawmah a kal.


10th. Thursday : Library traning naah ka kal leh. MINECO-ah kan inhmun chungchangah ka kal hmasa. Hall a ka kal leh vhnuin thil hriatchhuah thut ka neih avangin ka va kal leh a, traning naah hian ka kal leh bawk. Mizoram Library Assn. hruaitu thar atan heng mite hi kan thlang : (mi paruk thlanchhuah anni a, annin chanvo an in siam rem a ni) Ka thlan te : Dr. C. Lianzuala, Pu Lalramliana, Nl Zosangzuali, Pi Lalhriatpuii, Tv Zosangliana leh Dr Jakob MS Dawngliana te hi.Dr Jakob MS Dawngliana, Zirsangzuali, Dr C. Lianzuala te ka thlang tling a, midang : Dr Lalbiaksanga Hnamte, Dr Lalramliana leh dr Vanlalhruaia te an tling bawk. Hemi tuma ka kalna senso, (one way) ka kalna senso, Rs 100+100=200 kan dawnga, ka lawm hle. Banah khawl part leiin bazarah ka va kal.


11th. Friday : Zing tawngtai inkhawmah kal. Aizawlah inhmun chungchangah ka kal leh. Ni Hriati’n min kalpui a ni. Zanah hla kutpui a mi tur, Apa te inah kan zira’ chumi hnuin chanchinbu chhutnaah ka kal. Ka article ziah lai chu zoin (8/8) chanchinbu a chhuah tur hian ka dah tel.


12th. Friday : Huanah bean zamna tur ka va siam tha. Zanah kan inkhawm. Hla kutpui Thawhtanni zan atanga hman mekah bial then ten KHB 51 na, ‘Ka rinna in a thlir’ tih hmangin kan inel. Obadios leh kohhran zaipawl an zai bawk.


13th. Sunday : Chawhmaah Sunday School kan kal a, chawhnu leh zanah kan inkhawm leh bawk. chawhnu leh zanah hian hla kutpui prog. hman chhunzawm a ni a, zanah hian Maawmi te kohhran hmeichhe group can zai a, Solafaith leh kohhran zaipawl zai bawkin nizan intihsiak result puan nghal a ni a, atawp berna/4na niin chemte kan dawng. Chawhnuah hian kohhran zaipawl leh Pavalai pawl bakah Gospel Ninja te an zai bawk a, chawhnu leh zanah Johana, Speakert chuan thu a sawi.


14th. Monday : Huanah thlai zamna tur ka va siam. Maawmi zing tawngtai inkhawmah a kal.


15th. Tuesday : Huanah thlai zamna tur ka va siam. Huanah hian a hmasa ber atan ka inbual. A hmain Sangluaii a lo inbual tawh thung. Zing tawngtai inkhawmah ka kal.


16th. Wednesday : Huanah bean zamna tur ka va siam. Maawmi zing tawngtai inkhawmah a kal. Zanah Pa Zara te inah Maawmi kawr tur kan va la. 


17th. Thursday : Maawmi zing tawngtai inkhawmah a kal. U Remmawia te huan samin Rema nen kan inhlawh. Hlawh Rs 1,300/- ka la nghala, ka lawm hle. Lalthakimi, Valpuia u chu Hliappuiah lungphuchawl in a thi. Valpui te inah a ruang lak a ni.


18th. Friday : Chawhmaah mitthi vuinaah ka kal a, zan thalai hunah ka kal leh bawk. Hei vang hian chanchinbu chhutnaah ka kallo.


19th. Saturday : Huanah antam tel 9 kan va la. Kawmchhak naute a lo kal ve. Zanah khawhar inah ka kal leh. Maawmi zing tawngtai inkhawmah a kal.


20th. Sunday : Chawhmaah Syunday School ka kal. Maawmi erawh a nawm meuhloh avangin a inkhawmlo thung. Chawhnuah ka inkhawm leh bawk. Bialtu pastor, Rev. H. Lalzuiliana chuan Lalpa Zanriah Sakrament a theh. Inkhawm banah Pathian ram kan chhiar.


21st. Monday : Maawmi zing tawngtai inkhawmah a kal. Huanah behlawi ka va tuh.


22nd. Tuesday : Huanah behlawi ka va tuh leh. Atei a lo chho a, kawmchhakah a riak. (7/9)


23rd. Wednesday : Loah nimbu ka va lo. Atei kawmchhakah a riak leh.


24th. Thursday : Huanah antam hmun ka va thlo. Atei Aizawl a kala, kawmchhakah a riak leh.


25th. Friday : Huanah antam tel 20 kan va la. Zanah cofn. hall-ah YMA kan comtt. a, chanchinbu chhutnaah ka kal nghal. Atei kawmchhakah a riak leh.


26th. Saturday : Chawhnu herah huanah leitha dah pahin hlo ka va thlo a, antam kapin leitha ka pe bawk. Atei kawmchhakah a riak leh.


27th. Sunday : Chawhmaah Sunday School kan kal a, zanah ka inkhawm leh bawk. Zan inkhawm hi bial hmeichhe prog. a ni a, Buhfaitham leh Kristian chhungkaw campaign a niin Pi Lalhlupuii, Pu Nuntluanga nupui chuan thu a sawi a, Maawmi te kohhran hmeichhe group ho an zai bawk. Maawmi erawh an hruaitu te tihdanah a lungawiloh avangin a tel velop thung. Tlaiah Mabiaka, Kawnveng chu Durtlang damdawi inah a thi a, phei vein ruang thlen thlengin ka va awm a, zan lumennaah kal leh bawkin dar 2:30 velah ka haw. Ramdinpuia’n zanriah a rawn ei. Atei kawmchhakah a riak leh.


28th. Monday : Chawhmaah mitthi inah ka kal a, zan  thalai hunah ka kal leh bawk. Atei Aizawl a kala, a riak nghal.


29th. Tuesday : Huanah tuikhuah kan va plaster. Arema chu mistiri in a thawk leh. Zanah khawhar inah ka kal. Mabiaka kha YMA member a nih angin dekchi, citation leh Rs 10555/- in kan ral nghal.


30th. Wednesday : Muthi kawng samin ka va inhlawh. YMA hnuaiah niin khawl 5 leh helper 2 kan ni. Au pawh a tel. Naktuk a mi tur nen hlawh Rs 3,000/- 

(min pe hnem) leh petrol man tur Rs 200/- kan dawng tel a, ka lawm hle. Huanah Arema te unau an kal. Atei a lo haw a, kawmchhakah a riak leh.


31st. Muthi kawng kan va sam leh. Rema nen chauh ni tawhin helper 2 an awm leh bawk. Helper hi pakhat an inthlak a ni. Chawlh laiin khawchhungah te kan han kal. Huanah Rema te unau an kal leh. Atei kawmchhakah a riak leh.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more