Skip to main content

YMA INTHLAN KA POLITICISED

 


Kumtina neih thin, Sihphir Branch YMA inthlan chu Pathianni kalta khan YMA hall-ah tluang taka neih a ni. Inthlanna hi Chief Election Officer (RO), Pu Lalnelawma, VCP chuan hneh takin a vil a ni.


He inthlanpui hi ECI (kumtawp Committee) chuan January ni 7 a neih turin ruahmanna a siam a, candidate tur te pawh tihfel nghal a ni. Seat 6 awmna Sihphir Branch YMA office bearer post hi candidate ni tura hming pelut hi mi 20 chuang zet an awm a, hêng hming lut tute hi uluk taka endik a nih hnuah mi 12 chu candidate atana pawm an ni ta a ni.


Inthlanna hi tum dang ang bawkin kil li tangin chuhtu an awm leh a, Vana pa party chuan candidate ngah berin candidate panga ngawt an nei. Rinloh takin party te bera ngaih, Chawngbawla party chuan candidate pathum ngawt neiin an dawt.Tin, Taitesena party leh Khuangchera party te chuan candidate pahnih ve ve an nei bawk.


Inthlan hun puan a nih atangin candidate te an tang hle a, mit tikham zawnga campaign erawh an awm lemlo niin a lang. Tin, worker (section mi) te pawh mawilo takin an chelo niin a langa, MPF (khawtlang mipui) lam pawh an lawm hle.


Inthlan puan a nih atangin inthlan hun hi tumdang zawng aiin a kar a zau a, candidate te tan pawh duhthusam in inbuatsaih na hun a awm in a hriat. Inthlan kaihruaitu pawhin a hnehsawh bawka, buaina leh harsatna awmloin tluang taka inthlan hi neih a ni. 


Thil mak tak erawh chu voter sanghnih zet zingah vote thlaktu khawtlang mipui erawh 20% em pawh kan awmlo kha chu a zialo angreng khawp mai. 


He election-ah hian member pali neia rulling ni lai, Vana pa party chuan hneh takin sorkarna an la leh a, an candidate mi panga te chu an tling vek hial a ni. Seat khat dang hi Taitesena party te chuan an la ve bawk. Candidate pathum lai nei a MLA (OB) pakhat nei lai, Chawngbawla party leh Khuangchera party te chuan member an nei ve talo a ni.


Thlan chhuah te hian an thawhpui tur mi 74 lai ruat chhuakin anni hian vawiin hian session hmasa ber an nei dawn a ni.Larsap, Pu HV Lalhrangliana (Adviser)

chuan thu (hunserh) a sawi ang. 


Mizo thalai te hi YMA member vek kan niin a rinawm a, kum lama upa deuh te pawh member ni tawh thin an ni ngei ang. He pawl hi pawl thianghlim a niin sorkar pawhin an hmachhuan ber a ni a, tlawmngai pawl ang pawha en chi niloin Mizo hnam pawl anga ngaih chi a ni zawk hial ang. A chhunga tel nih tuman kan hrehloh rualin inthlan erawh kan ngaipawimawh tawklo hle tih a lang a, YMA kan en dan keimahni theuh in enfiah kan tul tlang in a lang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more