Skip to main content

PAWL



Kum a lo thar a, pawl hrang hrang ten kum kan hman chhoh tura kan chetlak dan tur vel kan duang mek hlawm. YMA te pawhin kar hmasa khan kumthar duan committee neih a ni a, phek hma lamah kimchanga tarlan a ni. 


Mizoramah hian pawl a tam em em a, a hman hmanin kan din ta mai emaw tih mai te pawh a awl rum rum mai. Mahse, pawl din tute rilru atanga thlir erawh chuan tum tha tak nei chu an ni vek ngei ang. Kan pawl ngaihhlutloh deuh an nih avanga ho leh tullo tih kan nei ni maiin a lang. Engpawhnise, pawl kan din ve a nih rau rau chuan zuzi mai loa kan din chhan ang taka tanlak zui hi a chhunga miten kan tih ngei tur a ni bawk ang.  


Worldometer-in United Nations record nia a tarlan danin khawvel mihring hi 8.118 billion lai kan ni a, India ramah 1,441,719,852 kan awm bawk. Heng zingah hian pawl hi kohhran leh sorkar pawl tel miahloin NGO (non-governmental organizations) kan tih ang chi ringawt pawh hi Vaibelchhe khat chuang zet kan awm niin an sawi bawk. Kohhran leh sorkar nen phei chuan kan tam lehzual viau in a rinawm.


The Central Statistical Institute of India-in kum 2009-a a tarlan danin India ramah non-governmental organizations registered thlap tawh maktaduai 3.3 an awm a. He chhūtna aṭanga thlir hian mi 400 zelin N.G.O. pakhat an enkawl anga chhūt chhuah theih a ni. Kum 2023 October 26-a NGO DARPAN-in a tarlan danin India ramah Sorkar hriatpui N.G.O 187,395 an awm a; heng zinga finfiah (verified) N.G.Os chu 97,701 vel lai niin a tarlang bawk.


Sumdãwng pawl a awm a, lo neih (kut hnathawh kawngah thlai inang ching ho te zau khata nei ho te pawh a huam ang.) Zirlai pãwl, sakhaw pãwl (kohhran hrang hrang bakah a hnuaia fellowship emaw sub-committee ang chi te.) Chi leh kuang pãwl, (YMA etc) thilhlui humhalh pawl (Sihphirah chuan LIDCAS ang te), infiamna, rimawi, veng welfare neuh neuh nen phei chuan kan sawi senglo ang. 


Mihring chu mawl leh chaklo tak pawh ni ila tangkaina tlemte tal kan nei hlawm ang hian eng pawl mai pawh hian hlutna leh tangkaina kan nei vek hlawm a. Kan telna pawl theuhah Pathian leh ram tan hlu tak nih i tum theuh ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more