Lalchhanhima Varte

* Kumi'n chhung hian Sihphir khua-ah mitthi  26 (hmeichhia 14, mipa 12) lai an awm a, (heng zinga 12 hi nupa tangthen anni) hmun dang atanga rawn zin/hnathawk boral hi pahnih an awm bawk. Kuang siamsaka an khaw lama thawn chhuah an ni. Sihphir thlanmuala phum (ruang awm chiahlo) pakhat a awm bawk. Thi hmasa ber chu Pi Zairemthangi w/o Lalthanzama (L) January ni  1, kumthar ni a thi kha a ni a, hnuhnung ber chu tunkar Thaehtanni a thi, Lalthafamkima (21)  s/o Vanlalruala, Chhanhim veng  kha a ni. Nikum (2018) chhung khan mitthi hi 36 kan nei a ni. Tin, kumi'n  chhung hian  Venghlun lam pawhin mitthi hi  26 bawk an nei ve a ni. * V/C member, Pu Lalnelawma, MPC ticket-a thlan tlin chuan MNF party a zawm. Pu Nelawma hi MPC Gen.Hqrs Treasurer ni lai a ni nghe nghe. Tin,  Vice-Chairman, ZPM MP Election Coordination leh Chairman, Aizawl East-I North Block Chairman te a ni bawk. Pu Lalnelawma hian Mizo Hnam Runa an lawmluhna-ah thusawiin "MP inthla...

Pathianni kalta tlai khan kum 2020 chhung atana Sihphir branch YMA hruaitu (OB) tur chu community hall-ah MUP Vice President, Pu Dohmingthanga Returning Officer (RO) na hnuai-ah tluang taka neih a ni a, president atan Pu Lallianfala, Vanapa Section, chu thlan a ni. Pu Fala hi term hmasa-ah (2019) pawh president tang lai a ni. Hetia'ng hi inthlan dan kimchang chu a ni : President : Pu Lallianfala, vote hmuh zat 32, vote hmu zat 5 Vice President: Pu C. Lalrinawma, vote hmuh zat 14, vote hmu zat 7 Seceretary: Tv Vansangliana Tochhawng, vote hmuh zat 37, vote hmu zat 5 Assistant Secretary: Pu R. Lalsawmliana, vote hmuh zat 20, vote hmu zat 8 Treasurer: Pu H. Laltanpuia, vote hmuh zat 19, vote hmu zat 8 Financial Secretary: Pu H. Lalrawngbawla, vote hmuh zat 22, vote hmu zat 5. A chunga tarlan tak ang khian president atana thlan, Pu Fala hi president tanglai a niin branch secretary pawh a lo ni tawh ṭhin. Vice President,  Pu Marina hi treasurer ni lai a ni a, CYMA hnuai-a su...

1st. Friday :  Lalremchhunga (36), s/o R. Sanghnuna (Traffic Police), Sihphir chu pneumonia natna avangin Synod Hospital, Durtlangah a boral. Lalremchhunga hian a nu leh pa, a nau te bakah a fanu pakhat a kalsan.  2nd. Saturday : Ni hnih awh Aizawla veng hmasate zinga mi, Tlangnuam veng kum 114-na lawmna chu khar a ni. A lawmna hi Tlangnuam Local Council  hmalakna a neih a ni a, nilengin khawtlang huapin hun an hmang a, tlaiah ruai an ṭheh. Tlangnuam hi Lalchhinga leh a khua leh tuite’n kum 1905-a an din a ni a, anni hi Hriangmual (tuna Mission Veng)-ah an awm ṭhin. A tirah chuan a dintu leh awm hmasa Lalchhinga hming chawiin 'Lalchhinga Veng' tih a ni a, Lalchhinga hnu-a sap ho-in lal atana an ruat Paliana Hauhnar chuan 'Tlangnuam' tiin a hming a phuah thar a ni. 3rd. Sunday : May Lalbiaknungi ( 25), D/o Vanlalhruaia, Chaltlang chu Septicemia avangin a boral. May-i hi MZI leh LPS tangkawp in Onstage an buatsaih atanga mipui hriat hlawh ta kha a ni. 4th. Monday...

1st. Tuesday : Mizoram police-a CID (Special Branch) leh Champhai police te chuan Mualkawi leh Melbuk inkarah Tata Ace motor, MZ 04-1743 atangin heroin gram 324.6 leh a neitu, driver ni bawk, Robuaia (48), s/o Sangzuna(L), Champhai chu an man. 2nd. Wednesday : Lunglei khawchhungah ruang pahnih chhar a ni. Ruang an chhar te hi Lalchhuanawma (40), s/o Sanglura(L), Lunglawn leh F. Vanlalhruaia (42), s/o Lalrammawia(L), Zohnuai te an ni a, drug OD an nih rin an ni. 3rd. Thursday : Kum 2013 MLA inthlanpui neih dawna affidavid diklo thehluta puhna thubuai-ah CM hlui, Pu Lal Thanhawl chuan thiam a chang. 4th. Friday : Nihnih awh tur Anthurium Festival Reieka neih chu Chief Minister, Pu Zoramthanga'n a hawng. 5th. Saturday : Union Home Minister, Amit Shah chuan lehlangin Mizoram a rawn tlawh a, NEC-in Mizo High School Field-a North East Handloom and Handicrafts Exhibition an buatsaih chu a hawng. 6th. Sunday : Mizoram Baptist Kohhrana Pastor bial hrang hrang ten Zirtawpni atan...

SIRD & PR, Durtlangah kan traning Tunkar Thawhlehni atanga Ningani thleng khan State Institute of Rural Development & Panchayat Raj (SIRD&PJ), Durtlangah   Sihphira YMA branch pahnih te chuan vawk vulh, ar vulh leh pa khawi chungchangah Skill development and entrepreneurship training hlawhtling takin kan nei. He hunah hian Sihphir branch atangin member 10 leh Venghlun atangin member 15 ten traning hi kan nei a ni! A tan ni hian registration te kan tihfel hnu-ah training turte kan inhmelhriat tir a, chumi hnu-ah Director, Lalhmunsanga Hnamte chuan inlawmna thu sawiin tluang taka traning kan neih theih na'n duhsakna min hlan. Thusawi-in director chuan sawrkar hnathawh aiin mahni in pu (mahni hnathawh) a fuh zawk thu sawi-in "Sorkar hna-ah chuan kan ti chhe viau a nih loh chuan ban kan ni mai mai lo a, chutih rualin tha taka thawh hleihtheih ngawt pawh a ni chuanglo," a ti. Hemi hnu hian course director, Lalchhandama Lailung chuan thu sawi ve lehin sork...

1st. Sunday : Pathianni tina chhuak ṭhin, 'Zalen' chanchinbu chu a chhutna offset press in power supply an neih ṭhatloh avangin chanchinbu an ti chhuak lo. 2nd. Monday : MZP ten kumtina an tih ṭhin angin 'Mizo zirlai ten hnamdang nupui/pasala neilo tura inzirtirna leh intiamkamna ni' an buatsaih a, Aizawla sikul hrang hranga zirlai te hnamdang neilo turin an intiam hlawm.  Hnamdang neilo tura intiamna hun hi kum 2015 aṭang khan September ni 2 apiangin an hmang ṭhin a ni. 3rd. Tuesday : NEXA Aizawl motor thar, Multi-Purpose Vehicle, Maruti Suzuki XL6 chu an showroom, Ṭhuampui-ah Minister, Pu R. Lalzirliana'n a tlangzarh. Maruti XL6 hi Zeta leh Alpha version-a siam a ni. 4th. Wednesday : Mizorama cham mek, Union Minister of State for Food Processing Industries, Rameswar Teli chuan Aijal Club-ah North East Schedule Castes - Schedule Tribe Entrepreneurs Conclave - 2019 a hmanpui. 5th. Thursday : Mizo ten kan nghahhlelh em em, Mizoram Primier League, Session -...

Kar hmasa Ningani aṭanga Pathianni thleng khan Aizawl Hmar Presbytery Inkhawmpui chu Sihphir Venglai Kohhran Biak inah tluang taka neih a ni a, thupui - 'Kohhran, Pathian khawpui' (Sam 87:3) tih chu Rev. Lalremruata Ralte, Durtlang chuan Inrinni zan inkhawmah a sawi. Zirtawpni zanah Upa H. Rodinga, Venghlun chuan sual thihsan phawtloh chuan pianthar a har thu a sawi bawk. Inkhawmpui hi Ningani chhunah  Nomination, Finance leh Sub-Pastoral committee te neia ṭan a ni a, Sub-Pastoral Committee hma-ah hian Probationary Pastor dil mi pathum an inlan bawk.  Tin, hemi ni vek hian kohhran upa thlan thar te an exam bawk. Mipui lam tan zanah inlawmna leh kohhran report hmanga ṭan a ni thung. Khua in a bumro deuh na a, a ṭantir zan aṭang hian biak in chhunga lenglo inkhawm an awm nghal a ni. Report aṭanga a lan dan in : Pastor bial zat - 6, Kohhran - 18, Pastor - 55 (bial vawng - 6, bial vawnglo - 49) Kohhran upa - 157, Pem upa - 20, Synod preacher -1, Kohhran member - 24,965 (mipa ...

Tunkar Ningani atang khan Presbytery inkhawmpui chu Zoram hmun hrang hrangah neih a ni. Khawvel ram hrang hranga ringtu te hian kan tih makmawh chu inkhawm hi a ni awm e. Mahni kohhranah ṭheuh inkhawm hi neih reng a ni a, Mizoramah ngat phei chuan inkhawm loh hun a awm manglo hial zawk a tih theih ang. Komiti leh ṭul dang neuh neuh nen phei chuan a inhmang deuh phei chuan hun awl pawh an nei manglo hial zawk a ni. Kohhran hrang hrang te hian mahni tawkah inkhawmpui hi kan nei vek hlawm a, ṭhalai, nu ho leh pa ho, Sunday School, pastor bial bakah tuna hman mek ang chi leh chu aia huam zau zawk pawh a awm awm e. Inkhawm leh Pathian biak hi chu tih tam ni mai loin tih reng ngai a ni a, chuvangin, sawisel chi pawh niin a langlo. Amaherawhchu, kan bible ah inkhawmpui uar ringawta thinlung inhawng silo Pathianin a ngaih theihloh thu a lang bawk tih hria ila, tisa thil chauh niloin thlarau thlarau lam tak pawha hlawk tumin inkhawmpui hmang tute ka duhsak a che u.

SAFF U-15 a India ram champion puitu leh Asian Football Cup U-16 khel thei tura India hruaikaitu, Arpu rawlthar chu a rawn haw'n lai kan nang fuh hlauh a, a chenna inah kan kawm : Srt : I pan ni, thla leh kum min hrilh thei em? Isaka : December 15 hi ka birthday a ni. (A kum erawh chu a chung thu atang khian a chhut theih mai ang chu.) Srt : Tournament i hmachhawn hmasak ber Isaka : Sihphira tournament neuh neuhah hi chuan ka khel ve nual tawh a, Mizoram tan nikum August thla khan Kolasibah National Sub-Junior Football Championship NE Zone khelh khan ka khel ve a, tin, I-League U-13 hi Aizawl FC-a ka khelh laiin Kolkata-ah ka khel bawk. Srt : Eng position-ah nge i khelh? Isaka : Forward/Striker Srt : Ram dangah hian i kal ve nual tawhin kan hria a, eng ram nge i tlawh hmasak ber a, eng ram te nge i tlawh tawh? Isaka : April thla khan Italy ramah kan kal a, kha kha ka zinchhuah hmasak ber a ni a, a hnu in Thailand, Turkey leh Usbekistan ram te ka tlawh leh tawh. Srt : I...

Mizo te hi hnam tlawmngai tak niin kan inhmu a, ‘tlawmngai’ tih thumal hi tawng dangin a awm lo ni hialin kan sawi thin. Kan tlawmngai viau pawh chu ni se, hnam dang pawh hian tlawmngaihna chu an nei ve tih hriat a tha. Thenkhatah phei chuan kantluk lo viau ni pawhin a lang. Tlawmngaihna tih awmzia chu ‘phût let nei lova midang tana inpek’ tihnaa ni ber awm e. Tunlai chuan tlawmngaihna kan tehna ber chu chhiatni chungchangah hian a ni awm e, chhiatni-ahhian Mizo te chuan kan kum azirin mawhphurhna kannei vek a tih theih ang. Thenawm hnaite chu mitthi anawm chiah hian mitthi in panin thalai leh nu leh pa techu kan kalkhawm thin. Thalai mipa chuan thlan laih leh khawhar in riah hi kan mawhphurhna langsar bera ni awm e. Hmeichhe lam chuan buhfai khawn lehthingpui sem hi a ni leh bawk ang. Khawhar in kal lehmitthi lumen te pawh thalaite mawhphurhna lian taka ni ang. Hemi kawngah hian Mizo thalai, nu leh paten kan mawhphurhna kan hlen tawk lo hlein a lang.Kan tihturte kan tlin taw...

1st. Thursday : Central YMA hmalakna in Mizoram pumah hnam dang ILP neilo endik runpui neih a ni a, ILP neilo hnam dang 1,198 zet hmuhchhuah an ni. 2nd. Friday : Chief Minister, Pu Zoramthanga chuan Lengpui airport ti changtlung tura hnathawh kal mek a hmunah a enfiah a, Airport Authority of India aiawh te leh GAD Aviation Wing hotu te nen hmalak dan tur an sawi ho. CM hi Chief Secretary, Pu Lalnunmawia Chuaungo in a ṭawiawm. 3rd. Saturday : F. Kungliana (57), w/o Zohmangaihi, Sailulak chu lungphuchawl in a thi. Pu Kungliana hian a nupui Zohmangaihi bakah a tu leh fate a kalsan. 4th. Sunday : Thingdawl Hmarveng a JH Sama te in, an pafa luah lai chu a chim a, mihring thi leh hliam erawh an awmlo hlauh.  5th. Monday : Mamit bialtu MLA, Pu H. Lalzirliana chuan Dapchhuah leh Dampui inkara NH-44-A kawngpui min leh a helna tur kawng laih mek chu a hmunah a enfiah. MLA hi YMA Sub-Headquarter, Mamit hruaitu ten an ṭawiawm. 6th. Tuesday : MZP chuan Chief Minister, Pu Zoramthang...

August ni 21-31 chhunga SAFF U-15 Championship, 2019 Kalyani, West Bengal-a khelh zawh takah Sihphir rawlthar Isac Zomuanpuia s/o Lalthazuali Ralte, Arpu chuan    India champion puiin Gold Medal/cup a chawi. Sihphir rawlthar Isaka telna India team-ah hian Mizo dang Amosa Lalnundanga, Chanmari, Aizawl chu a tel ve bawk. Asia khawmualpui chhim lam ram te inkhelh na South Asian Football Federation (SAFF) Under-15 Championship-ah hian India team hi an champion chiang hle. An champion mai nilo in an goal a virgin hial a ni. Final-ah hian group stage-a an sawp tawh hnu Nepal chu tum leh in a hma aia chianga sawpin 7-0  in an hneh.  Blue Tigers (India team sawina) hian league round match hmasa berah Nepal hi 5-0 in an lo sawp tawh a, thenawm ram hian final-ah phuba lak theih inbeisei viau mah se a aia tam goal an chhuah ta zawk a ni. Nepal bakah Bhutan 7-0, Sri Lanka 5-0 leh Bangladesh te chu 4-0 in an hneh bawk a ni. Indian rawlthar rual hian inelna neih chhung zawngi...

1st. Monday : Suzuki Gixxer SF 250 20th. Inter Branch YMA Football Tournament chu Aizawla khelmual hrang hrangah khelh tan a ni. Tuntum tournament-ah hian team 110 an tel a ni. 2nd. Tuesday : Durtlanga Basic Service to Urban Poor Building pali, chhawng li theuh a sang chu a chhak lei tawlhin a nawr avangin a chim. In chimah hian mi pathum thiin, hliam 11 an awm bawk. 3rd. Wednesday : Mara Autonomous District Council-a MDC hlui, V. Lalchhawna lehkhabu ziah, 'Rambuai leh kei' (Pathian min hruaina) tih chu MZP Conference Hall-ah Minister, K. Beichhu-a'n a tlangzarh. Lehkhabu-ah hian rambuai intan dan leh hun harsa tak Mizoramin a hmachhawn dan te a chuang. 4th. Thursday : Mizoram Muaithay Association buatsaih, 16th. Mizoram State Muaithay Championship - 2019 chu Ramhlun Boxing Hall-ah khelh tan a ni. Tuntum championship-ah hian Zoram hmun hrang hrang atangin infiam mi 168 an tel. 5th. Friday :  Economics & Statistics department buatsaih, 'Statistical Handboo...

Nimin Zirtawpni khan Mizo Zirlai Pawl (MZP) te chuan tunhnai-a Vairengte dai-a sorkar laipui-in ramri fello a nih avanga state pahnihte'n kutthlak loh (status quo) ve ve tura  an tihna hmuna Assam Forest Department ten in (cinema hall hlui) an rawn sak/thawm avanga buaina kal zelah home minister bula an lo sawi tawh angin Aizawlah kawng an zawh a, zirlai ṭhahnem tak an tel. Nikum khan Bairabi Zophai-ah (status quo area) MZP te hian Zofate Chawlhbuk an sak avangin nasa takin kan buai tawh a nih kha. Zirlai pawl te hian chawlhbuk sak kha tharthawh ngei an tum a, he thil hi Sorkar lam chuan an remtilo thung. Chawlbuk kan (MZP) sak chu sak ni la la in ṭhiahsak kan ni nghal a, tuna Assam Forest Department ho chetna pawh hi 'ṭhiah ve mai awm' a tih theih ang. Amaherawhchu, thil hi duh dana kaltir ngawt a theihloh na chin a awm thei ang. A chhan chu kan la intodelhloh em vang niin a lang. 'Sorkar chu mahni ta anga en tur' kan ti ṭhin. Mahse, tha thawh ngai a nih chu...

Vairengte leh Lailapur (Assam) inrina (sq. mile 509 huamchhung)-ah Assam Forest department-te'n in an sak avangin kar hmasa Inrinni khan buaina tênau a chhuak. July 6 (Inrinni) zing aṭang khan Assam Forest department chuan Vairengte leh Lailapur inkara tun hmaa in an sak tawh chu an sak chhunzawm a, forest guard-te'n silai nen an veng. He thil thleng hi hriat a nih veleh Mizoram Police-te chuan in sakna hmun hi an pan ve nghala, Vairengte tualchhung mi tlem a zawng an kal bawk a; mahse, in sak chu an chhunzawm zel tho. Hun eng emaw chen an inhnial buai a, innawr deuh lek lek awm ṭhin mah se, buaina lian tham a chhuak lo. Zan dar 7:30 velah mipui pungkhawmte chu an ṭin dârh. Kolasib DC leh SP-te chuan tlai dar 5 velah Vairengte an thleng a, DC chuan Cachar DC a be nghal. An inbiaknain awmzia a neih loh avangin Kolasib SP chuan Cachar a pan a, buaina chinfel a nih theihna atan hma a la a ni.  He an in sak hi Pathianni khan Assam Forest-te'n an luahin, banner pawh an t...

1st. Saturday : KTP, Mission veng branch chuan Synod Hospital tan thisen unit 54 an pe a, thisen petu te hi mipa 48 leh hmeichhia 6 an ni. 2nd. Sunday : Nihnih awh Aizawl North Area Masihi Sangati Meet Vawi 30-na Sihphir Vengthar Kohhran Biak Ina neih chu a tiak. Meet-ah hian Speaker  :  Pastor Lalthatluanga chuan thupui  : Krista chauh chhandamtu ( Tirkohte 4: 12) tih chu inkhawm apiangin (tum li) a sawi. 3rd. Monday : Treasury Square, Aizawla Mizoram State Co-operative Marketing & Consumer' Federation (MIZOFED) Ltd. chu chhumlo chatloa (Pathianni-ah chhun dar 12:00-3:00 pm a ni thung ang) dawr theih turin Co-operation Minister, C. Lalrinsanga'n a hawng. Kharloa hawn hna hi tan nghal a ni. MIZOFED hian kum 1981 khan petrol pump hi an hawng tan a ni. 4th. Tuesday : Tuirivanga Rangtla li-ah Baktawng khaw mi pathum heng : Vanlalhruaii d/o Lalramsanga, Lalthanzauva s/o Ramfangzauva leh Lalthanfela s/o Rosangpuia, kum 17 mi vek te chu an tlahlum. A hmeichhia hi c...

He ṭawngkam hi Mizo te inkoh duatna pakhat a ni a, kan chhung zinga kan enhlelh deuh chu hetia'ng hian kan ko uar hle a, kan hmelhriat lemloh leh tunge an nih? kan hriat chiahloh, kan aia nau deuh te koh na'n kan hmang bawk ṭhin. Farnu hi pakhat chauh kan nei a, chu chu theihtawp chhuaha duatin 'Mami' ti ngatin kan ko ṭhin. Ka nupui vahnu pakhat hi ka nupui te unau hian 'Mami' tiin an ko ṭhin a, keipaw'n nupui te koh dan na na na chu ka hmang ve mai bawk. Ka nupui ṭhiannu, kan inneih ṭuma a dinpui tu kha 'Mami' ti'a koh ṭhin a ni bawk a, a ni hi erawh chu a hminglem (nickname) a ni hial nghe nghe. Nickname sawi takah chuan hetia'nga koh leh hriat hi kan milar zingah pawh hian an awm nual mai. Zaithiam zingah Lalrinkimi Varte leh C. Lalhmingmawii te hi 'Mami' ti'a koh leh hriat an ni a, Lalrinkimi Varte phei hi chuah 'Mami Varte' tih hi a larpui zawk hial in a lang. A larpui zawk mai nilo-in a lai a a hming hi hrelo pa...

Tunkar Thawhlehni zan khan Taitesena Section te chuan Twin Market, Kawnvengah an huamchhung a HSLC leh HSSLC pass thar te chawimawi na hun hlawhtling takin an hmang. He hun hi section leader, Pu Vanlalsawma'n a kaihruai a, Upa Zoramthanga, branch adviser hlui chuan hunserh a hmang. Pu Lalrinzuala, Khuangchera section leader, Chairman, Education Sub-Committee leh Member, Education Sub-Committee, CYMA chuan thu tha tak a sawi a, section huamchhunga zaithiam hrang hrang ten zaiin an awi bawk. Hemi zan a HSLC leh HSSLC chawimawi te hi mi 32 (16+16) annia, nitin mamawh tur, bungbel pek vek an ni. Thilpek hi section huamchhunga V/C member ten an hlan a ni. V/C member te hian hemi zana senso tur pawisa engemawzat in an tanpui bawka, an chungah section hruaitu te an lawm hle. Thilpek petu hi mi thahnemngai dang pawh an awm nuala, hengho chungah pawh hian section hruaitu te hi an lawm hle a ni. Programe hi zirlai pass tharte pual ni mah se, section hruaitu te hian tunhnai-a section...

1st. Wednesday: Governor, Prof. Jagdish Mukhi chuan Zokhawthar a tlawh a, Indo-Myanmar Border Trade Point-a ramri leh ramri venghimtu Assam Rifles sipaite hnathawh dan a enfiah. 2nd. Thursday: Mizoram Board of School Education chuan High School Leaving Certificate Examination-2019 result a tichhuaka, exam beitu 17,346 zinga 11,783 (67.93%) in an pass a, a pumpui-ah Lalrinnungi d/o Zothantluanga, Sihphir, St. Joseph Higher Secondary School, Aizawl a kal chu pakhatna a ni. 3rd. Friday: MFA Cup vawi 19-na chu a hmawrbawk a ni ta. Final-ah hian Aizawl FC Junior chuan Lunglei Zotlang chu hun pangngai leh hun pekbelhah goal awmloa an inkhelh hnu in penalty hmangin 3-2 in an chak. Champion team hian trophy leh cheng 1,00,000/- cheque an dawng a ni. 4th. Saturday: Champhai Tlangsama Hrangkianlova in, Assam Type chu a kang a, kangmei hian bungraw ṭhenkhat bakah scooty leh thingzai khawl a kangral. 5th. Sunday: YMA leh police ṭangkawp chuan Denghliri, Edenthar inah hnamdang kum tlingl...

Dt. 12th. May, 2019 zanlai dar 12:15 vel khan heng mi: Vanlalliana s/o Hrangchhawna (32) Phunchawng leh Hrangsanglura s/o Tlangmawithanga (40) Zemabawk te hian H. Vanlalvena s/o H. Thanga (L), Dinthar veng ta tur, zu 160 Ltrs. lai mai an rawn pe tur chu man sak an ni. Zu rawn dah tute leh H. Vanlalvena bakah hian an motor hman MZ 01 M 6477 (Wagon R) chu Excise Department hnênah hlan nghal an ni. H. Vanlalvena hi nikum khan a in hi kalhsak a lo ni tawh a,  ngaihdâm a dil avang leh zu zuar tawh lo tûra a intiam avangin a in hawnsak leh a ni. Tin, kar hmasa Zirtawpni khan Taitesena Section JAC te chuan Malsawmtluanga s/o Lalrema, Kawnveng chu zu a nei ni'a an hriat avangin man tumin an veh a, a bulhnaia Pu K. Lalnunsanga inah hruaitu te hmalak dan tur relin an lutkhawm a, hetih lai hian zu zuar (Malsawmtluanga) ten an chhawr te zinga mi thenkhat (anni hian mi chhawr hi an nei thin a ni.) kawngpuia kaltlang chuan chutianga pa ho kalkhawm ta chu anni thil thalo kawl an nei bawk ...

(Mizoramah MNF candidate, Pu C. Lalrosanga a tling. Central-ah BJP-in rorel leh dawn.) MP election, April ni 11-a neih chu Ningani khan vote chhiar a ni ta. Tunṭum election hi India ram pumah thawh sariha neih a ni a, Mizoram hian thawh hmasa berah inthlan hi kan hmachhawn avangin inthlan hun leh vote chhiar inkarah hian ni 42 zet a tla a ni! Mizoram MP inthlanah hian voter 7,87,782 zinga 4,96,927 (63.08%) in vote kan thlak a, tichuan, hetia'ng hi kan inthlan result chu a ni: C. Lalrosanga - MNF-2,23,276 Lalnghinglova Hmar - Congress+ZPM-2,14,714 Nirupam Chakma - BJP-27,989 TBC Lalvenchhunga-PRISM-13,167 Lalhriatrenga Chhangte-Independent-12,441 Lalthlamuani-CIPC-1,907 NOTA-2492 Heti hian MNF party candidate Pu C. Lalrosanga chuan vote a hmu sang ber a, amah hnaih bertu, Pu Lalnghinglova Hmar, Independent (Congress leh ZPM thlawp) chu vote 8,562 in a hneh a ni. Central lamah pawh rorel lai, BJP (NDA) chu hneh taka thlan tlin an ni leh ta a, hei hi ram puma s...

Kum 1994 khan keini ṭhianho chuan pawl kan indin a, pawl hming atan 'APOLLO' tih a ni. He pawl hi infiamna lampang item hrang hrang khawih a ni a, a bikin volley ball leh football hi khelh deuh a ni. Hockey te lah a thiam hlei hlei kan ni. Club hmingin khel chiahlo mah ila a tam zawk kha chu club member kan ni ṭhin. Kan pawl hi team ṭha ve tak kan ni ve na a champion em erawh kan nei khat viau. Pahnihna nih kan thiam riau mai a nih chu. Infiammi te pawl din a ni na a, kan pawlah hian inkhel ve ngai reng renglo pawh kan awm ve tho mai. A ṭhahnemngai ngai pawh kan ni zawk mah awm'e. Hringnun lamah pawh inkhawm taima tak kan awm laiin ngaihtuah vak lemlo pawh kan awm. Pawl thiltih hona-ah erawh kan inpawh tlang hle. Inkhelh mai bakah chawei khawm, inhlawh leh thil dang pawh kan ti ho nasa hle. Amaherawhchu, 1999 kumtawp ni tlaia kan chawei khawm kha kan chaw ei khawm hnuhnung ber a ni ta a, pawl anga kan thiltih ho pawh a khat ta pharh mai. Kum sangbi thar kan chuanka...