Skip to main content

JUNE 2019, MIZO(RAM) DIARY



1st. Saturday : KTP, Mission veng branch chuan Synod Hospital tan thisen unit 54 an pe a, thisen petu te hi mipa 48 leh hmeichhia 6 an ni.

2nd. Sunday : Nihnih awh Aizawl North Area Masihi Sangati Meet Vawi 30-na Sihphir Vengthar Kohhran Biak Ina neih chu a tiak. Meet-ah hian Speaker  :  Pastor Lalthatluanga chuan thupui  : Krista chauh chhandamtu ( Tirkohte 4: 12) tih chu inkhawm apiangin (tum li) a sawi.

3rd. Monday : Treasury Square, Aizawla Mizoram State Co-operative Marketing & Consumer' Federation (MIZOFED) Ltd. chu chhumlo chatloa (Pathianni-ah chhun dar 12:00-3:00 pm a ni thung ang) dawr theih turin Co-operation Minister, C. Lalrinsanga'n a hawng. Kharloa hawn hna hi tan nghal a ni. MIZOFED hian kum 1981 khan petrol pump hi an hawng tan a ni.

4th. Tuesday : Tuirivanga Rangtla li-ah Baktawng khaw mi pathum heng : Vanlalhruaii d/o Lalramsanga, Lalthanzauva s/o Ramfangzauva leh Lalthanfela s/o Rosangpuia, kum 17 mi vek te chu an tlahlum. A hmeichhia hi chesualin mipa pahnih te hian chhan an tuma, an vaiin an thih phah ta ni'a sawi a ni.

5th. Wednesday : Home Minister, Pu Lalchamliana chuan Assam ramri depa awm, Bairabi Zophai-a Mizoram Police Border Outpost a tlawh a, outpost thawm that dan tur a enfiah.

6th. Thursday : June ni 10-13 chhunga New Delhi-a neih tur, KAI Senior & Sub-Junior National Karate Championship - 2019 hmachhawn turin player 15 ten Mizoram an chhuahsan.

7th. Friday : World Environment Day a ni a, hemi pual hian AMC bultumin khawpui chhunga plastic atanga thil siam te thianfai a hnatlan a ni a, local council 83 atangin mi thahnem tak an thawkchhuak.

8th. Saturday : Mizoram BJP hruaitu te chuan an pisa-ah thuthar thehdarh tute an kawm a, BJP leh MNF chu NDA-ah an thawhdun thu an sawi.

9th. Sunday : Lok Sabha MP, Pu C. Lalrosanga chuan Doordarshan Kendra, Aizawl Station a tlawh a, Pentikos ni puala TV live program a hmanpui.

10th. Monday : Council of Ministers chu chief minister, Zoramthanga ho-in Chief Minister's Office-a Cabinet Room-ah an thukhawma, agenda pawimawh tak tak 12 zet an sawiho.

11th. Tuesday : Horticulture Department chuan City Park, Aizawlah Horti Fair-2019 an buatsaih a, Horticulture Development Board Vice Chairman, Prof. F. Lalnunmawia, MLA in a hawng. Inkhawmah hian division hrang hranga loneitu hlawhtling thlanchhuah te hnenah lawmman hlan an ni.

12th. Wednesday : June ni 27 thleng awh tur, Mizoram Legislative Assembly, pariatna na, session vawithumna chu tan a ni. Session-ah hian session hnuhnung ber leh tun session inkara thi, Union Defence Minister hlui, Goa Chief Minister a nih lai-a thi, Manohan Parrikar leh Speaker hlui, Pu R. Lalawia te sun an ni.

13th. Thursday : Lawngtlai District Consultative Committee, District Level Review Committee leh District Level Security Committee chu DC Conference Hall-ah an thukhawm a, an huamchhung a bank hrang hrang te hnathawh dan an thlir let.

14th. Friday : Thisen petute chawimawina ni, World Blood Donor Day a ni a, Aizawl leh district khawpui hrang hrangah hman ve a ni.

15th. Saturday : YMA Day vawi 84-na a ni a, branch hrang hrang ten hlim takin an lawm.

16th. Sunday : Prime Minister, Narendra Modi kaihhruai-in New Delhi-ah Parliament session chungchangah meeting a ni a, MP, Pu C. Lalrosanga pawh telin Mizoram leh hmarchhak bial state ten kan mamawh hrang hrang te a sawichhuak.

17th. Monday : Mizoram sorkar leh Indian Institute of Management, Kolkata-a Innovation Park tangkawpin an buatsaih, 'Mizoram Kailawn-2019' chu Mizoram State Entrepreneurship Development Monitoring Committee Chairman, Lalnunmawia Chuaungo, Chief Secretary chuan a hawng.

18th. Tuesday :  Minister hlui, Lalrinchhana (84) h/o Lily Chamdeli, Zarkawt chu NEIGRIHMS, Shillong-ah pumpui cancer natna avangin a thi. Pu Rinchhana hi kum 1987 khan Pu Laldenga kaihhruai sorkar-ah khan minister a ni a, chumi hnu in tum li MNF ticket-in MLA a ni leh a, minister a ni vek bawk a ni.

19th. Wednesday : Minister hlui, PB. Rosanga (86), h/o Darrochhingi Kanan Veng, Aizawl chu cancer natna avangin   Aizawl Hospital-ah a boral. Pu Rosanga hi kum 1978 leh 1979, Mizoram UT assembly election-ah Ngopa bial ațangin MLA atân thlan tlin a ni a, cabinet minister-a dah a ni. Tin, kum 1998 MLA inthlanah khan MPC ticket-in Ngopa bialah vêk thlan tlin a ni bawk.

20th. Thursday : Mizoram University chuan undergraduate second semester, fourth semester leh sixth semester exam result a ti chhuak a, sixth semester (final year) ah hian exam 4,388 zinga 2,812 (64.08%) in an pass.

21st. Friday : State pum huap band intihsiakna, SEKI Inter Village Band Contest - 2019 Ningani zana zawh tak chu result puan a ni ta a, Ramhlun South Local Council - 1 chu pakhatna an ni.

22nd. Saturday : Armed veng branch YMA chuan Synod Hospital tan thisen unit 56 an pe a, thisen petute hi mipa 48 leh hmeichhia 8 an ni.

23rd. Sunday : 2018-'19 Women's FIH Series Japan rama khelh chu a hmawr bawk a ni ta a, India hmeichhe hockey team chuan a thlengtu, Japan chu 3-1 a hnehin an champion. India team-ah hian Kolasib nula, Lalremsiami pawhin a khel a ni.

24th. Monday : Secretariat Conference Hall-ah Aizawl Smart City Ltd. hawn a ni. Smart City in a tum ber chu khawpuia cheng te hnena changtlung zawka tui, eng, luikawr, traffic, veivahna, parking, in, bazar, bawlhhlawh senghawi, hriselna, zirna leh khawpui mamawh tur te buatsaih a ni.

25th. Tuesday : Japan rama Women's FIH Series Finals 2018-'19 neih zawh taka India champion puitu, Lalremsiami chuan Mizoram a rawn thleng. He tournament-ah hian Lalremsiami hi inlan kim vekin, goal 2 a khung a ni.

26th. Wednesday : International Day Against Drug Abuse & Illicit Trafficking a ni a, he ni pual hian Excise & Narcotics Department leh Mizoram Police te chuan an ruihhlo man sa te chu Aizawl sahuanah (a hranpa in) an halral.

27th. Thursday : June ni 12 - a tan, Mizoram Legislative Assembly pariatna session tumthumna, budget hmasa ber chu a tiak ta. He hunah hian kum 2019-'20 atan budget cheng vaibelchhe 10,962.30/- pass a ni.

28th. Friday : Rajya Sabha MP, Pu Ronald Sapa Tlau chuan Parliament session neih meka zero hour-ah hun hmangin boruaka inkalpawhna lama Mizoram in harsatna kan tawh mek leh Aizawl (Lengpui Airport) - Kolkata inkar thlawhtheihna chuan man to bik lutuk chungchang a sawichhuak.

29th. Saturday : Mizoram Football Association hnuai-a player inziahluh hun chu a tawp ta a, MPL club pariatin player 206 an ziaklut. Mizoram Police-in player 30 neiin player ngah ber an ni. Mizoram Police player, Lalbiaknunga chu kum 36 mi niin a upa ber a, Chanmari FC player, Lalhruaizela chu kum 15 mi niin a naupang ber thung.

30th. Sunday : Sialhau khawtlang chuan Thêntlâng leh Sialhau ram inrina bula motor chesual chu an hnukchhuak. Chetsualna-ah hian vanneih thlâk takin thi leh hliam an awmlo hlauh a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more