Skip to main content

AIZAWL HMAR PRESBYTERY SIHPHIR VENGLAI KOHHRANAH NEIH A NI



Kar hmasa Ningani aṭanga Pathianni thleng khan Aizawl Hmar Presbytery Inkhawmpui chu Sihphir Venglai Kohhran Biak inah tluang taka neih a ni a, thupui - 'Kohhran, Pathian khawpui' (Sam 87:3) tih chu Rev. Lalremruata Ralte, Durtlang chuan Inrinni zan inkhawmah a sawi. Zirtawpni zanah Upa H. Rodinga, Venghlun chuan sual thihsan phawtloh chuan pianthar a har thu a sawi bawk.

Inkhawmpui hi Ningani chhunah  Nomination, Finance leh Sub-Pastoral committee te neia ṭan a ni a, Sub-Pastoral Committee hma-ah hian Probationary Pastor dil mi pathum an inlan bawk.  Tin, hemi ni vek hian kohhran upa thlan thar te an exam bawk. Mipui lam tan zanah inlawmna leh kohhran report hmanga ṭan a ni thung. Khua in a bumro deuh na a, a ṭantir zan aṭang hian biak in chhunga lenglo inkhawm an awm nghal a ni. Report aṭanga a lan dan in : Pastor bial zat - 6, Kohhran - 18, Pastor - 55 (bial vawng - 6, bial vawnglo - 49) Kohhran upa - 157, Pem upa - 20, Synod preacher -1, Kohhran member - 24,965 (mipa - 12,006, hmeichhia - 12,899), dan zawhkim18,117,  nau piang - 314 (161 mipa, hmeichhia -153), Mitthi - 159 (mipa - 96, hmeichhia - 63) Pathian ram pe hi Sihphir Vengthar bial leh Bawngkawn Bethel bial ten an pe vek a, Sihphir Hmar Veng kohhran ten an pe vek bawk. 

Zirtawpni leh Inrinni nilengin biak inah palai ten  ro an rel a, rorel palai te hi a thlengtu  kohhran hian zanriah an buatsaih sak nghe nghe.


Pathianni chawhma inkhawmah kohhran upa thlan thar mi 16 leh pem upa thlan nawn 2 te chu Moderator in kohhran upa atan a nemnghet bawk. Kohhran upa nemngheh thar zingah hian Sihphir Venglai kohhran aṭangin tual upa ṭanglai vek : C. Zairemmawia s/o CL Dailova, Lalneihkima Ralte s/o RL Rohlira (L), Lalnunpuia Tochhawng s/o Lalthlamuana (L) leh V. Lalrindika s/o H. Sapkunga te an tel a, Sihphir Vengthar bial aṭangin Vengthar leh Venghlun aṭangin pakhat ve ve leh Nausel aṭangin thlan nawn pakhat telin mi pahnih an tel bawk. Chawhnu inkhawmah hian Upa VL Auva (99) Bawngkawn Bethel, April ni 14-a thi chu sun a ni a,  Moderator chuan Lalpa Zanriah Sakramen a ṭheh bawk. Pathianni zanah Moderator kalchhuak, Upa C. Lalrinthanga chuan Valedictory Sermon sawiin, he hunah hian 'Kohhran Pathian khawpui-a cheng tur te tihtur' tih thupuia hmangin Pathian thuchah a sawi bawk.

Inrinni leh Pathianni zan inkhawm ban hian biak in hulhliapah thu leh hla hmanga inpawlkhawmna neih a ni a, Pathianni tlai-ah kohhran hall-ah mual inkhawm neih a ni bawk! Inkhawmpui hi Mizoram Synod zirchiang tura Taiwan ram aṭanga lo zin, Mizorama cham mek mi 14 leh anmahni rawn ṭawiawmtu mi 4 te chuan an hnampui bawk. Upa R. Saptawna kum za leh thla nga a upa chu palai upa ber a ni.

Aizawl Hmar Presbytery hi kum 1978 Synod inkhawmpui-in Presbytery a siam thar pathum zinga pakhat a ni a, hetih hun lai hian Durtlang, Chaltlang, Dawrpui leh Chanmari bial te an awm. Remchan zawkna avangin sawi danglam a ni fo a, kum 2011 Sihphir bial hi telin kum 2012-a Vengthar bial an indan khan an tel ve leh bawk a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more