Skip to main content

MAMI


He ṭawngkam hi Mizo te inkoh duatna pakhat a ni a, kan chhung zinga kan enhlelh deuh chu hetia'ng hian kan ko uar hle a, kan hmelhriat lemloh leh tunge an nih? kan hriat chiahloh, kan aia nau deuh te koh na'n kan hmang bawk ṭhin.


Farnu hi pakhat chauh kan nei a, chu chu theihtawp chhuaha duatin 'Mami' ti ngatin kan ko ṭhin. Ka nupui vahnu pakhat hi ka nupui te unau hian 'Mami' tiin an ko ṭhin a, keipaw'n nupui te koh dan na na na chu ka hmang ve mai bawk. Ka nupui ṭhiannu, kan inneih ṭuma a dinpui tu kha 'Mami' ti'a koh ṭhin a ni bawk a, a ni hi erawh chu a hminglem (nickname) a ni hial nghe nghe. Nickname sawi takah chuan hetia'nga koh leh hriat hi kan milar zingah pawh hian an awm nual mai. Zaithiam zingah Lalrinkimi Varte leh C. Lalhmingmawii te hi 'Mami' ti'a koh leh hriat an ni a, Lalrinkimi Varte phei hi chuah 'Mami Varte' tih hi a larpui zawk hial in a lang. A larpui zawk mai nilo-in a lai a a hming hi hrelo pawh kan awm hial zawk awm e.

Hnam hrang hrang hian nickname hi kan nei deuh vekin a rinawm. Ṭhenkhat phei chuan a lai a an hming aiah hmangin official name atan hial kan hmang a nih hi. Hminglem neih hi a pawi lemin a langlo a, a ṭangkai zawk hial ni pawhin a ngaih theih ang. Amaherawhchu, a chunga sawi tak ang khian 'Mami' tih hi chu inkoh duatna leh hming/hmel hriatloh koh nan'a hman deuh a nih avangin nickname atana hman hi a fuh vaklo in a lang. Upat deuh hnu phei chuan a inhmeh viaulo maithei a ni.

Nickname tam tak zingah 'Ami' ti'a koh hi an awm nual mai bawk. Kan venga nu pakhat chu 'Ami' ti'a koh a ni a, an sawi dan chuan a nau pakhatin a koh thiamloh/lam thiamloh avangin hetia'ng hian a ko ṭhin a, chu chu puitling zawk te pawhin an ṭawmpui ve ta mai a ni awm e. 'Ami' dang hi engti'a 'Ami' ni ve hlawm tak ang maw. Kan ṭhianpa pakhat hi 'Ama' ti'a koh a ni ve thung a, a ni pawh hi engti'a 'Ama' ni ngawt tak ang maw. A farnu te chuan 'koh duatna a nih kha' an ti mai a, a lo chhuah na tak erawh an sawi thei tawh biklo.

'Ami' kan sawi laiin 'Ama'-ah kan lut a, 'Mami' opposite chu 'Mama' a ni mai ang deuh hi a ni awm e. Ni e, 'Mami' tiin kan han sawi chiam tak na a, 'Mama' tih pawh hi 'Mami' kan tih ang chiah tho kha a nih hmel. Zaithiam lar 'Mama' (Malsawmtluanga) a awm a, footballer S. Mamsawmtluanga phei hi chu 'Mama' te zinga thleng sang ber a ni hial awm e. 'Mami/Mama' tih nickname atana hman ka han sawihnawm viau tak na a, hmingphela inkoh ai chuan a dawnsawn a nuam zawk maithei. Keipawh hian 'Mama' tih ka hlawh ve zeuh zeuh. Hmelhriat sa ten min kohna a nih phei chuan a dawnsawn a nuam angreng. Min duat ta viau emaw tih a awl.

Chhung inkhawm kan neih ṭumin ka pa hian kan unau chu inkoh dan tura kan duh dan ṭheuh min zawt a, kan unau zinga upa ber chuan 'Mama' ti'a koh a duh thu a sawi ṭhin. 'U' tiin kan ko laklawh tawh. Chubakah u ber a lo ni bawk nen, a duhna chu kan tih hlawhtlin sak thei talo. Theihnghilh erawh a har khawp mai.

Inkoh dan hi uluk a lo ngai khawp mai. Laina te inkoh dan te hi vantlang zingah chuan hmang lemlo ila a sual awmlo e. Upat hnu a mawi vaklo tur chi a awm thei a, mipa, hmeichhe hminga koh leh hmeichhia, mipa koh dana koh daih pawh an awm! Inkoh dan hi uluk a lo ngai ve hle mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more