Skip to main content

AUGUST 2019, MIZO(RAM) DIARY



1st. Thursday : Central YMA hmalakna in Mizoram pumah hnam dang ILP neilo endik runpui neih a ni a, ILP neilo hnam dang 1,198 zet hmuhchhuah an ni.

2nd. Friday : Chief Minister, Pu Zoramthanga chuan Lengpui airport ti changtlung tura hnathawh kal mek a hmunah a enfiah a, Airport Authority of India aiawh te leh GAD Aviation Wing hotu te nen hmalak dan tur an sawi ho. CM hi Chief Secretary, Pu Lalnunmawia Chuaungo in a ṭawiawm.

3rd. Saturday : F. Kungliana (57), w/o Zohmangaihi, Sailulak chu lungphuchawl in a thi. Pu Kungliana hian a nupui Zohmangaihi bakah a tu leh fate a kalsan.

4th. Sunday : Thingdawl Hmarveng a JH Sama te in, an pafa luah lai chu a chim a, mihring thi leh hliam erawh an awmlo hlauh. 

5th. Monday : Mamit bialtu MLA, Pu H. Lalzirliana chuan Dapchhuah leh Dampui inkara NH-44-A kawngpui min leh a helna tur kawng laih mek chu a hmunah a enfiah. MLA hi YMA Sub-Headquarter, Mamit hruaitu ten an ṭawiawm.

6th. Tuesday : MZP chuan Chief Minister, Pu Zoramthanga hnenah Bairabi Zophai hmunah Assam lam miten biak in leh dawr tur in an sak thu ziakin lehkha an thehlut.

7th. Wednesday : Ni thum awh tur SCERT chuan SCERT Directorate Auditorium-ah SSA hnuai-a resource teacher, resource person leh inclusive incharge te tan Rights of Persons with Disabilities Act, 2016 an buatsaih chu ṭan a ni a, SCERT Director, Laldawngliani Chawngthu in a hawng.

8th. Thursday : Tourism Department chuan Mizoram buai lai-a ralthuam la a China-a ke a kal te chawimawina hun 'Meet the Heroes : Peace Pay' chu Vanapa hall-ah neih a ni a, Tourism Department changtu minister, Pu Robert Romawia Royte chuan inkhawm kaihruai-in Chief Minister, Pu Zoramthanga chu khuallian a ni. China rama kal te aiawh in Thangruma leh Lalhmingthanga ten thu an sawi.

9th. Friday : Mizoram Planning, Economic & Statistical Service Association chuan Changel Resort, Sihhmui-ah General Conference vawi - 13  na an hmang a, an hna kaihhnawih thil pawimawh engemawzat an rel.

10th. Saturday : NEXA Independence Day Celebration Football hmeichhe puala buatsaih chu a hmawrbawk a ni ta a, final-ah hian Vakiria FC  chuan NCC FC chu 3-0 a hnehin an champion. Champion team hian Rs 30,000/- an dawng a, best player award an dawng bawk.

11th. Sunday : Mizoram UPC kohhrana ṭhalai pawl (PYD) ten ni hnih awh Dinthar kohhran biak ina Oneness Litterature Meet an hman chu a ṭiak. Ṭhalai kalkhawm an ṭha thawkhat hle.

12th. Monday : Khawzawl District Deputy Commissioner pisa thar, Khawzawl Darngawn veng a mi chu Minister, Pu Lalruatkima'n a hawng. He hun hi DC thar, H. Lianzela leh SP thar, PC Lalchunglura ten an ṭawiawm.

13th. Tuesday : Mizo footballer, Lallianzuala Chhangte chuan a vawihnih na'n Norwegian Club Viking FC chu pan lehin traning a zawm.

14th. Wednesday : Aizawl North Collage NSS Unit leh Red Ribbon Club te chuan an collage-ah blood donation camp an huaihawt a, Aizawl Civil Hospital tan thisen unit 261 an pe a, thisen petu te hi mipa 182 leh hmeichhhia 79 an ni.

15th. Thursday : India ram zalenna ni (Independence Day) a ni a, rampumah urhsun taka hman a ni. Mizoramah pawh hmun hrang hrangah hman a ni ve a, a hmanna pui ber Aizawla sipai lammualah chuan Chief Minister, Pu Zoramthanga'n a hmanpui.

16th. Friday : Higher & Technical Education Minister, Dr. R. Lalthangliana chuan hrilhlawklo in Aizawla collage pali : Government Aizawl Collage, Hrangbana Collage, Aizawl North Collage leh Zirtiri Residential Science Collage te a tlawh.

17th. Saturday : Benjamin Lalnunmawia (43), s/o K. Lalthanṭhuama (L), College Veng, Aizawl chu thin thalo avangin a thi.

18th. Sunday : Japan ramah Olympic Test Event neih mek a ni a, hetah hian India nula hockey khel thiamte chuan Australia chu 2-2 in an inhnehtawk pui. India team-ah hian Mizo nula, Lalremsiami pawh a tel.

19th. Monday : ZPM party chuan an pisa-ah chhung inkhawm an hmanga, hetah hian an party CM candidate, Lalduhoma chuan a party din ZNP chu ṭhiah a nih thu a puang.

20th. Tuesday : Kolasib DC, Zoengsanga ho-in sorkar hotu ṭhenkhat chuan NH highway no - 54 kawngpui, Vairengte leh Chhimluang khaw inkar an enfiah a, danlo-a kudam sak engemawzat hmuchhuakin a chhunga kuhva leh leiṭha engemawzat an man nghal.

21st. Wednesday : Chanmari YMA hall-ah Zoram Thar President, Rev. Dr. Zaichhawna Hlawndo lehkhabu ziah, Tu dang kan nilo, Zofate kan ni' tih chu Rev. Vanlalbela'n a tlangzarh.

22nd. Thursday : Mizoram Police te chuan Zokhawthar aṭanga lo kal, pick up truck, MZ 01 - 7137 aṭangin Tuikhurhlu-ah heroin gram 1.09 leh motor-a chuang mi pahnih an man nghal.

23rd. Friday : Minister, Dr. R. Lalthangliana chuan Thanlawn-Singhat (Ngopa-Tuivai) kawng a hawng. Kawng hi kms 41.50 a thui niin Rs nuai 6,767/- sen a ni.

24th. Saturday : Mizoram Volleyball Association Session Opening Volleyball Tournament - 2019 hmeichhe inelna-ah Bethlehem Vengthlang VC chuan Bungkawn VC chu 25-10, 25-21, 21-25, 25-20 a hnehin an champion.

25th. Sunday : Mizoram aiawha batminton a thiam avanga vawiduailo lo feh chhuak tawh, Lalramenga (32), Venghlui, Aizawl chu pumpui cancer avangin a thi.

26th. Monday : Bairabi Zophai-a Mizoram leh Assam sorkar, a tu ve ve mahin khawih loh tura an tih huamchhunga Assam lam ten biak in an sak chungchangah Kolasib leh Hailakandi DC te chu a hmunah kalin an inbia a, an inhnial deuh bap bap hnu-ah an thu a inhmu hlei theilo. Hailakandi DC chuan an sorkar lam hotu te nen an lo inrawn ve tur thu sawiin inbiakna an ti tawp.


27th. Tueday : New Delhi-ah Union Minister, Gajendra Singh Sekhawat ho-in State Minister's Conference on Jal Jeevan Mission buatsaih a ni a, Chief Minister, Pu Zoramthanga pawh a tel.

28th. Wednesday : Havilder Hmarkunga w/o Duhawmi, Thuampui chu chuap cancer avangin Synod Hospital-ah a thi. Pu Hmarkunga hian a nupui Pi Duhawmi, a fate pali leh a tute panga a kalsan.

29th. Thursday : Kolasiba Laegal Metrology Department leh Vairengte Consumer Union hruaitu te chuan Ar Em Filling Station, Chhimluang leh MIZOFED POL, Vairengte-ah petrol leh deasil that leh thatloh an enfiah a, dan phal chin chhungah an awm tih an finfiah.

30th. Friday : MZP in Zarkawt Recreation Center-a Inter-Collage Folk Dance Competition an buatsaih chu a hmawrbawk a ni ta a, hetah hian T. Romana  Collage chu pakhatna an ni. Pakhatna, T. Romana Collage hian tangkafai Rs 20,000/- an dawng a, intihsiaknaa tel zawng zawng ten Rs 1,000/- ṭheuh an dawn bakah Aizawl pawn aṭanga tel ten Rs 10,000/- ṭheuh an dawng bawk.


31st. Saturday : Mizo zinga upa ber nia hriat Pi Darchengi Chinzah kum 109 chu a chenna in Lawngtlai Chanmari-ah a thi.  Nikum 1.9.2018 khan a kum 108-na piancham a tu leh fate hmun hrang hrang a awm ten an lawm sak a, a piancham leh hun tur ni thlenglo chiahin mual a liam ta a ni.  A   pasal Keihranga hian 1.9.1989 khan a boral san tawh a ni. Pi Darchengi hian fa 13 a hring.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more