Skip to main content

INKHELH THIAM ISAKA KAWMNA



SAFF U-15 a India ram champion puitu leh Asian Football Cup U-16 khel thei tura India hruaikaitu, Arpu rawlthar chu a rawn haw'n lai kan nang fuh hlauh a, a chenna inah kan kawm :

Srt : I pan ni, thla leh kum min hrilh thei em?
Isaka : December 15 hi ka birthday a ni. (A kum erawh chu a chung thu atang khian a chhut theih mai ang chu.)
Srt : Tournament i hmachhawn hmasak ber
Isaka : Sihphira tournament neuh neuhah hi chuan ka khel ve nual tawh a, Mizoram tan nikum August thla khan Kolasibah National Sub-Junior Football Championship NE Zone khelh khan ka khel ve a, tin, I-League U-13 hi Aizawl FC-a ka khelh laiin Kolkata-ah ka khel bawk.
Srt : Eng position-ah nge i khelh?
Isaka : Forward/Striker
Srt : Ram dangah hian i kal ve nual tawhin kan hria a, eng ram nge i tlawh hmasak ber a, eng ram te nge i tlawh tawh?
Isaka : April thla khan Italy ramah kan kal a, kha kha ka zinchhuah hmasak ber a ni a, a hnu in Thailand, Turkey leh Usbekistan ram te ka tlawh leh tawh.
Srt : Inkhelh hi i tuina a nih vang nge i chhung ten ti tura an tih vang?
Isaka : Ka tuina a ni hrim hrim a, ka chhungte hian min phurpui hle bawk.
Srt : Harsatna leh lawmna lam te.
Isaka : 'Harsatna' ti'a han sawi tur em em ka neilo. Mizo ten'a kan harsatna thin lunglen/khawhar tih vel hi ka nei meuhlo bawk. Naupan tet atanga tal hrang thang ka nih vang pawh a ni mahna. Sawi tawh angin inkhelh hi ka tuina a nih avangin nuam ka ti hle a, lehkha a zir theih nghal tho bawk nen ka tan chuan lawmna tur hlir a ni mai.
Srt : In champion na SAFF kha i sawizau deuh thei em.
Isaka : SAFF tih hi South Asian Football Federation tihna a ni a, tun tum championship kha India rama khelh a ni a, India bakah Nepal, Bhutan, Sri Lanka leh Bangladesh te kan ni. League system a khelh a ni a, point hmusang pahnihin final khelh leh a ni. League-ah hian kan tumpui te hi kan hneh vek a, goal 28 zet kan khung a, kan lamah a lut ve miahlo. Hmahruaitu kan ni chiang hle. Tichuan, pahnihna Nepal nen final kan khel ta a, anni hi 5-0 a kan hneh tawh hnu a ni bawk a, kan huphurh hranlo. Anni lahin phuba lak an tum hle. League aia chiangin7-0 laiin kan hneh ta a ni. Heti hian India hi tumthum kan champion na chiah a ni.
Srt : A nih leh AFC chungchang kha.
Isaka : Asian Football Confederation tihna a ni a, ram 47 telin (registered), east leh west zone a then a ni a, India hi west zone-ah awmin hei pawh hi west, central leh south te a then leh a ni. A tel zawng zawng (registered) hi group 11 ah inthen lehin group tin hi mahni ram (home) a inkhel kual loin group game dawng tur hi group team zing atangin an awm zel a, India hi group 'B' ah awmin Usbekistan in a thleng a ni. Group tin leader hi direct in an tling (qualify)a, runner up zinga a ti tha pali hi an qualify ve leh bawk. Kan pool-ah hian leader kan ni a, hetia'ng hi kan dinhmun a ni. Turkmenistan 5-0, Bahrain 5-0 leh Usbekistan 1-1. Kan pool-a runner up Usbekistan hi a ti tha pali zingah an tel ve hlauh bawk.
Confederation hi kumthar lama khelh tur a ni a, Bahrain rama khelh tur a ni. Hetah hian team 16 (pool champion-11, runner up-4 leh host-1) tel tur a ni.
Srt : In team-ah hian Mizo tel an awm ve em?
Isaka : Aw, awm ve e. Amosa Lalnundanga, Thinghlun khua tuna Chanmari a awm mek hi a awm ve bawk. A ni nen hian Aizawl FC tan I-League U-13 khan kan khel dun tawh nghe nghe.
Srt : Tunah enge i tih?
Isaka : India camp aṭangin ka lo haw chauh a ni a, engmah ka la ti hranlo. Karleh lam khian ka contract neihna Tata Trusts COE Mualpui ka zawm ang. (Hei hi Thawhlehni khan a zawm fel)
Srt : India tan khelh leh i tum em?
Isaka : Pathianin rem a tih chuan thla thar lam khian India Camp, Goa ka pan leh ang.
Srt : I hun hlu tak min pek avangin kan lawm e.
Isaka : Keipawh ka lawm e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more