Skip to main content

SIHPHIR RAWLTHARIN INDIA TAN CUP CHAWI



August ni 21-31 chhunga SAFF U-15 Championship, 2019 Kalyani, West Bengal-a khelh zawh takah Sihphir rawlthar Isac Zomuanpuia s/o Lalthazuali Ralte, Arpu chuan    India champion puiin Gold Medal/cup a chawi. Sihphir rawlthar Isaka telna India team-ah hian Mizo dang Amosa Lalnundanga, Chanmari, Aizawl chu a tel ve bawk. Asia khawmualpui chhim lam ram te inkhelh na South Asian Football Federation (SAFF) Under-15 Championship-ah hian India team hi an champion chiang hle. An champion mai nilo in an goal a virgin hial a ni. Final-ah hian group stage-a an sawp tawh hnu Nepal chu tum leh in a hma aia chianga sawpin 7-0  in an hneh.

 Blue Tigers (India team sawina) hian league round match hmasa berah Nepal hi 5-0 in an lo sawp tawh a, thenawm ram hian final-ah phuba lak theih inbeisei viau mah se a aia tam goal an chhuah ta zawk a ni. Nepal bakah Bhutan 7-0, Sri Lanka 5-0 leh Bangladesh te chu 4-0 in an hneh bawk a ni. Indian rawlthar rual hian inelna neih chhung zawngin match nga an khelhah goal 28 an khung a, an lamah a lut miah lo. Goal 28 zingah hian Isaka hian goal khat khungin assist hi vawi li a nei bawk. Final khelh hma hian a inhliam avangin a tir atangina a lut nghal lo a, mahse, coach hian a duh em avangin bench atangin a lut leh ta tho a ni.

Isaka hi inkhelh thiam leh ngaina tak niin mi tumruh tak a ni a, a chhung ten an tuipui bakah amah pawh mi taima tak a ni. Ṭhian ngaina tak a ni chungin practice a hun chuan inleng pawh nei mah se a chhuahsan nawl nawl mai ṭhin a ni.

Football, bible leh ṭawngṭai thlahthlam ngailo tu Isaka hi a tum a sang ve hrim hrim. Sihphir starring nih mai a duhtawk lo. Mizoram tan ṭum hnih a feh chhhuak tawh a, hei hi duhtawk mai loin ram tana inlan phak ngei a tum ruh hle. Kumi'n April thla khan Italy ramah ram tan a fehchhuak ta hial re'ng a ni. Tunah SAFF U-15 champion team a a tel leh goal hial a khung hi a chhuanawm hle.

Isaka telna India team hi inkhelin an la hmanhlel hle. Cup a chawi hnu pawh hian rawn haw mai loin frendly match khel turin Ningani khan Turkey ram panin a thlawkchhuak leh nghal a ni. Turkey ramah hian chawlhkar khat an cham anga, chumi hnu-ah AFC U-16 Championship Qualifier an khel zui leh nghal ang. Hetah hian India team hi group 'B'-ah awmin Usbekistan, Bahrain leh Turkmenistan te nen an awm ho a ni.

TATA Trust COE tana contract sign hlim Isaka hian Aizawl FC tan I-League U-13  Kolkata khawpui-ah kum 2017 khan khelin a hming a chher hle. SAFF khel tur hian kumin February thla khan India camp, Goa a zawm a ni.

 He India ram mihring tam tam em em zing atanga a thiam pawl a ni pha hi a ropuiin a chhuanawm khawp mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more