Skip to main content

SIRD & PR, Durtlangah kan traning

SIRD & PR, Durtlangah kan traning

Tunkar Thawhlehni atanga Ningani thleng khan State Institute of Rural Development & Panchayat Raj (SIRD&PJ), Durtlangah   Sihphira YMA branch pahnih te chuan vawk vulh, ar vulh leh pa khawi chungchangah Skill development and entrepreneurship training hlawhtling takin kan nei.

He hunah hian Sihphir branch atangin member 10 leh Venghlun atangin member 15 ten traning hi kan nei a ni! A tan ni hian registration te kan tihfel hnu-ah training turte kan inhmelhriat tir a, chumi hnu-ah Director, Lalhmunsanga Hnamte chuan inlawmna thu sawiin tluang taka traning kan neih theih na'n duhsakna min hlan. Thusawi-in director chuan sawrkar hnathawh aiin mahni in pu (mahni hnathawh) a fuh zawk thu sawi-in "Sorkar hna-ah chuan kan ti chhe viau a nih loh chuan ban kan ni mai mai lo a, chutih rualin tha taka thawh hleihtheih ngawt pawh a ni chuanglo," a ti. Hemi hnu hian course director, Lalchhandama Lailung chuan thu sawi ve lehin sorkar hna aia mahni a eizawnna  (entrepreneur) neih a that zawkna kawng hrang hrang a sawi leh bawk.

Ni khat ni hian resource person hnen atangin pa khawi chungchanga thusawi kan ngaithla a, Mizo ten kan duh em em, pa kan ei zawng zawng deuhthaw hi state pawn lam atanga lakluh a nih thu sawi-in chin a awlsam dan, a hlawk dan leh Mizo (thar zung zung duh mi) te rilrem zawng tak a nih thu resource person chuan a sawi a, kan phur tlang hle.

Ni hnihni hian chawhma lamah ar vulh chungchang kan zira, chawhnu lamah vawk vulh chungchang kan zir leh bawk. Kan thil zir ho zinga min zirtirtu (resource person) te hi education lama mi thiam ni satliah mai lo-in, a tak ngei-a thawk a, hlawhtlinna ropui tak chang te an ni hlawm a, an tui-in an thusawi pawh pai a nuam hle.

Ni thumni hian kan thil siam/ranvulh reng reng hi sumdawnna a ni a, hetia'ng dehral kawngah hian chik taka thil kalpui a tul thu kan zir a, kan hlawk leh hlawk loh ngaihtuah chian a, a ziahna fel taka vawn a tul thu te leh ruahmanna fel tak hnuai-a hnathawh a tul thu te kan ngaithla a ni.

Chawhnu lamah hian traning-a kal te hi pawl hrang hrangah inthenin kan traning chhan subject lam te kan sawiho a, budget mila estimate siam dan tur te kan sawiho leh a, a hlawkthlakin a hlimawm hle.

Traning-a kal te hian TA/DA bakah India sorkar-in a pawmpui certificate kan dawng vek a ni.

Traning kan neihna hmun SIRD&PJ hi kum 2016 tawp lam khan Kolasib atangin Durtlangah hian rawn sawn chhoh a ni a, a kum leh January thla-ah khatih lai-a chief minister, Pu Lal Thanhawla'n a hawng a ni. Helai hmunah hian kawng hrang hranga traning nei hi thalai, hmeichhia, khawtlang hruaitu leh sorkar hnathawk te a khattawkin an awm reng a, kan traning chhung pawh huan Thingsulthluah Tlangnuam leh Hualngohmun lam atangin traning hi an awm ve bawk a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more