Lalchhanhima Varte

  MITTHI : Kumi'n chhunga mitthi kan neih tawh te : 1. Dt. 3.1.2022 Tv Remsangpuia, kum 39, s/o Vannguri, Arpu 2.  Dt. 8.1.2022 Lalthawma, kum 63, h/o Lalawmpuii (L), Chhanhim veng 3. Dt.13.1.2022 H. Lalrema, kum 65, w/o Lalbiakdiki, Kawnveng 4. Dt. 17.1.2022 Tv Danny Vanlalvena, kum 35 s/o Ngurdawla, Tlangveng 5. Dt. 19.1.2022 C. Lalmawia, kum 78, h/o Lunghnemi (L), Tlangveng   6. Dt. 29.1.2022 Pu Rengzika, kum 78, b/o RK Sangthanzama, Tlangveng  7. Dt. 1.2.2022 Varziki, kum 58, w/o Lalramzauva, Arpu 8. Dt. 9.2.2022 H. Lalrinliana, kum 83, f/o H. Lalsangzuala, Kawnveng 9. Dt. 9.2.2022 Taivela, kum 88, h/o Thangmawii, Rinchhan veng 10. Dt. 11.2.2022 Chawngdailovi, kum 92, m/o R. Lalfamkima, Biakin veng 11. Dt. 12.2.2022 Ngemkhawdimi, kum 74, w/o Chinkhanpauva, Arpu 12. Dt. 14.2.2022 :  Pu Lalnunnema, kum 58, c/o K. Thansiami, Lunglei (A ni hi Pi K. Thansiami, Durtlang huan enkawltu a ni a, thlamah thi a hmuh a ni. V/C leh YMA hruaitu remchang ten he chhiat ...

  Pathian hruainain kum 2022 chu kan lo hmang zo dawn ta reng mai. Min hruaitu Pathian hnenah lawmthu i sawi ang u. He kum kan hman mekah hian kan nunah thil tam tak a thleng chamchi a, thenkhat lungngaihna chirhdupa tang an awm laiin lawmna sawi hleihtheihloh chang an awm bawk ang. Engpawh kan chungah thleng se kan thatna tura Pa remruat a ni tih hriatthiam a pawimawh hle. Kan thil lo tih tawh te in enlet ila, chhungte, thenawm te leh Pathian hial pawi pawh kan sawi a ni thei e. Chutiangah chuan Lalpa ngaihdamna dil chungin insiam that i tum theuh ang u. Zan kan lo thleng leh dawn. He zan lo thleng tur hi mitin sahawk hun a ni a, he zanah hian setana pawhin tanlak a tum ve leh viau ngei ang, setana lamtang nilo hram tura kan inven thiam a pawimawh hle dawn a ni.

  (Sawiremtlang heading) Pathianni kal ta khan Community Hall-ah kumthar 2023 chhunga branch YMA hruaitu (OB) tur chu khawtlang hruaitu (V/C) te kaihhruainain tluang taka neih a ni. Inthlanna-ah hian nomination mi 12 siam a ni a, hetah hian OB nilai te bakah Executive Committee Member ten ballot paper hmanga an thlan mi 6, an vaiin 12 an awm. Vote thlak hun hi chawhnu dar 2:30-4:30 (darkar hnih) chhûng neih a ni a, Pu K. Vankhuma, BEC chuan vote a thlak hmasa ber. Inthlan hi post by post niloin nominee 12 atangin mi 6 thlanchhuah tawp a ni a, vote hmu sang paruk te hi tlinga puan an ni. Heta thlantlin te hi conference hall-ah chanvo insiam rem nghal a ni a, hetiang hian post siamrem nghal a ni.  President : Pu Lallianfala h/o Tlangthani, Arpu Vice President : Pu R. Lalsawmliana h/o Lalhmingthangi, Arpu Secretary : Tv Zohmingliana Hnamte s/o, Zakhuma (L) Biakin veng Asst. Secretary : Pu RK Ramfangzauva s/o RK Liansanga, Biakin veng Treasurer : Pu C. Lalrinawma h/o Lalngaihzuali...

  (Sawiremtlang Editorial) Pathian zarah kan dam anga, naktuk maiah Lal Isua pian champha (Krismas) chu kan lo thleng leh dawn ta reng mai. Min tlan tura lo piang Lal Isua Krista chu fakin awm rawh se. Sapțawnga *Christmass* kan tih mai, Lal Isua pian champha hi sapțawng hlui (English)-a *"Christesmasse"*  tih ațanga lo kal a ni a, *"Christ's Mass"* tia sawi a ni. Hemi thu ațang hian kan țawngin *"Krismas"* kan ti ve ta zel a ni. Chumi awmzia chu *"Christ = Krista, Mass = Ruai, Chawhlui* tihna a ni a. Tichuan, Krismas chu *"Krista Ruai"* *"Krista Mass"*  tihna a lo ni ta. Pi leh pu te hun ata khawtlang huapa ruaitheh thin hnam kan ni a, kut leh lawmna thil a thlen chang chuan ruai an theh mup mup thi. Kristian kan nih tak hnuah pawh hei hi chhunzawm ta zel kan ni. Tlema berh deuhte tan chuan ruaitheh hun a lo thleng hi a hlu bik zual in a hriat. Krismas a sa ei bak eilo kumtluan pawh an awm hial ta awm e.  Ruaitheh thin hnam ka...

(Sawiremtlang Editorial) Kar hmasa Inrinni zan khan Sihphir branch YMA huaihawtin kan khawtlanga mi harsa zawk ten kan hma lawka Krismas hlim taka an hman ve theihna turin carol a ni a, YMA member mi engemawzat an tel. Programme hi zan inkhawm banah Neihbawi bazarah tan a ni a, branch vice-president, Pu C. Lalrinawma chuan hunserh a hmang. Pu C. Lalrinawma,  chuan bible chang hmun hnih a mi a chhiar hnuin Krismas kan hnaih tak chungchangah Israel faten thusawm pek an zawm kim theihloh avanga an thlah kal zel te chu chhandam ngai kan nih thu sawiin chu chhandamna atana Lal Isua pian champha lawm tura kan inbuatsaihna kawngah kan thinlung bawng ina Lal Krista a pian ngei theihna tura intih thianghlim a tul thu a sawi. Hemi hnu hian khawchhung lam pana kalin a khattawkin Pathian fak a hla sain Pathian thu te ngaihthlak a ni a, zaina hmun a mi leh kalkawng dunga mi engemawzat in thilpek an hlan a ni. Hun kharna inkhawm hi YMA conference hall-ah hman a ni a, he hun hi branch President, ...

Kar hmasa Thawhtanni atanga Ningani thleng khan Sihphir Middle School Zonal Sport Meet chu Sihphir Venghlun playground-ah neih a ni a, SK Memorial School chuan point 95 niin pakhatna an ni. Opening function-ah hian Pu Lalropuia Pachuau, VCP chu khuallian a ni a, he Zonal Sport Meet hi a hawng nghal  nghal bawk. VCP hian MS Zonal sport meet a tul leh mamawh atana hman tur pawisa, Sihphir V/C hmingin ₹ 3000/- leh ama mimal hmingin ₹ 2000/- bakah football 2 leh volleyball 1 a pe nghal bawk a, school naupang te contingent parade a chhang let nghal bawk a ni. Sihphir Zone hnuaiah heng sikul te hi an awm. 1. Govt. Middle School-I, Sihphir 2. Govt. Sihphir Venghlun Middle School 3. Govt. Middle School-II, Sihphir 4. Govt. Nausel Upper Primary School 5. Holy Angels' School, Sihphir Venghlun 6. PES, Sihphir Venglai 7. Little Buds School, Sihphir 8. SK Memorial School, Sihphir 9. PES, Sihphir Rokhawlhna a awm avangin Nausel UPS te hi meet-ah hian an tel theilo a ni.   *Sikul hrang ...

    Kristian te hunpui krismas leh kumthar chu ni reilo teah kan thleng leh mai dawn. He hunpui lo thleng turah hian a nuam thei ang bera hun hman kan duh thin. Thenkhat chuan halmawi leh halpuah chi hrang hrang nen nuam kan chen thin a nih kha. Hetianga hal chi, chi hrang hrang hi hriselna atan a thatloh zia sawi a awm fo a, chubakah, sum leh pai a hekin  hlawkna awmlo a insen ralna mai nia ngai engemawzat kan awm bawk.  Home Minister, Lalchamliana hova mi pawimawhte tunhnaia thukhawm chuan kumin Krismas, Kumthar leh Puja (Diwali leh a dangte) lo thleng turah halpuah, halmawi, silailem mu nei chi leh sky lantern khap nise tiin an rel. Sorkarin hal lo tura mipui min ngenna hi ngai pawimawh theuh thei ila a lawmawm hle ang.  Hetih mek lai hian kan khapna atana kan tawngkam erawh duhtui deuh a tul in a lang. Hriselna atan a thalo kan tih rual hian tunlaia khelh mek World Cup opening ceremony -ah pawh nasa takin an hal a ni a, tin, thiltih pui nikhuaah nasa takin a...

  Kum 2022 atana thla hnuhnung ber Mizo ina 'Pawltlak thla' kan tih mai December thla chu dam takin kan thleng leh ta. Dam taka min hruai thlengtu Pathian chu fakin awm rawh se. December thla a lo thlen hi chuan kum tawp lam a nih bakah Krismas thla te a lo ni bawk nen mitin thinlung a phawklek a, krismas atan kan theihna zawn zawnah kan inbuatsaihin hunpui lo thleng tur hi hlim taka hman tumin kan hmanhlel hle thin. Chhungkua, pawl leh department hrang hrang te pawhin kumtawp a lo thlen dawn hi chuan intihhlimna te neiin picnic spot te pawh a lun thei hle a nih hi. Engpawhnise, kum kal mek tha taka kan kharna tur thla a ni dawn a, chuvângin, nun uluk a pawimawh hun tak a ni awm e. Krismas thla a nih angin kan Lal piang chibai buk kan tum dan pawh a danglam viau thei awm e. Khawchhak mifingte angin nge Heroda angin chibai kan buk dawn tih pawh ngaihtuah a tul awm e.  Pawl hrang hrangin kumtawp inthlahna nipah fawmin Intihhlimna an nei a, krismas hla te sa dup dupin he hun hi k...

1st. Tuesday : Twin Market-ah gram sabha neih a ni. Inkhawm hi VEC Vice Chairman, Pu Lallura'n a kaihruai. 2nd. Wednesday :   Pathianni thleng awh tur 217 batch Lay Leaders' Training chu SMTC, Mission Vengthlangah neih tan a ni a, he hunah hian Venglai upa thlan thar pali an tel. Anni hi kum 2019 nemngheh te kha an ni. 3rd. Thursday : Tv Lalrinchhana, kum 23 s/o Lalrawna, Chhanhim Veng chu ZMC, Falkawnah  'Accident' (kang) avangin a boral.  4th. Friday : V/C te kaihhruainain Twin Market-ah YMA, MUP, MHIP, SR & AC, veng welfare, Kohhran hrang hrang leh Kohhran thalai aiawh te khawtlang sual dona kawnga tan lak dan tur ngaihtuah in an  inrawnkhawm. 5th. Saturday : Sihphir Pastor Bial UPC hnuai-a Lay Auxiliary Department te chuan ni hnih awh tur Revival Meet chu Zanlawnah an nei tan. 6th. Sunday : Khawvel Sunday School ni a ni a, tualchhung kohhran hrang hrangah hman ve a ni. 7th. Monday : Chief Minister, Pu Zoramthanga chuan OP-12 Bio-fertilizer Production Uni...

  1st. Tuesday : Kolasib district-a sawrkar office leh Bank hrang hrang 78 telna, Inter Office Sports Meet ni 4 awh tur chu LT Sanga, DC chuan a hawng. He hunah hian inelna chi hrang 18 a awm dawn a ni.   2nd. Wednesday : Kar hmasa Inrinni tlai lama Tuirial Airfield venga tank lorry accident (kang) a chhiatna thlengah mi 4 a hmuna an thih hnuin, hliam zinga mi 2 dang an thih belh. Tuirial leh Airfield veng mi te an ni. 3rd. Thursday : Deputy Chief Minister hlui, Pu Lalhmingthanga, kum 82 chu  awmlaiin a thi. Pu Lalhmingthanga hi June ni 3, 1940 ah a lo piang a, zirna lamah BA, BT niin, kum 1978, 1979, 1993 leh 2003 inthlanah te MLA atan thlantlin a lo ni tawh a ni.  4th. Friday : Zan khat riak a Mizorama rawn zin, President Pi Droupadi Murmu chuan Mizoram Legislative Assembly Special Session-ah thu a sawi. President hian Assembly session a thu a sawi zawh hian Thuampui Helipad atangin Lengpui Airport a pan a, Sikkim lam panin Mizoram a chhuahsan leh ta a ni....

  Kar hmasa Nilaini khan Branch Executive Committee member te chuan Chiahpui Resort, Lengpuiah kumtawp Committee an nei. YMA hruaitute hi picnic spot-ah, Sihphir atanga hla tak ni bawkah Committee in an kal a ni a, kan khawtlang hruaitu te niin hetianga an awm mai hi mi tam tak chuan an dem hle ngeiin a rinawm. Mahni vengah pawh'a tih theih reng a hautak leh heheu zawnga an che mai hi a zialo mang'e a tih theih ang. Kumtawp lam a lo hnaih hian pawl hruaitu thenkhat hian kum kalta thlirlet pahin kum thara kal zel dan tur te ngaihtuah in Committee an nei fo a, chutih hunah chuan thingpui in mai duhtawk loin chawhlui nen'a tih an ching hle. Eng pawlah pawh nise hetia'nga an ti hi tuman kan dem thu kan auchhuahpui ngai lemlo. YMA hruaitute Committee erawh demna a tam hle thung. Pawl hruaitu dang te tihdan tho a ni a, hmun danga an kal chhuak pawh hi thil awmlo lutuk niin a lang lemlo. Sorkar hnathawk te pawhin chawlh an la thin a ni ngai a, chutiang chuan kan hruaitu te paw...

 (Sawiremtlang Editorial) Khawvela ennawm bera chhal, 'The greatest show on Earth' an tih hial FIFA World cup  chu Qatar ramah naktuk zan atang khian khelh a ni dawn.  Tunhma chuan world cup hi kum laihawl velah, nipui lai in khelh a ni thin a, tuntumah erawh an khelhna hmun tur ram lum a nih avangin thlasikah khelh a ni dawn ta a ni. Kum 1986 vel khan Sihphirah TV nei kan la tlem hle. Hmun tlemte-ah en na a awm a, thalai chauh nilo, nu leh pa leh naupang chenin TV awmna  kan pan ruih ruih thin a nih kha. Tunah erawh in tinah TV nei kan awm ta in TV mai bakah a aia changkang computer leh mobile phone hmang pawhin kan en thei ta hial. World cup-ah hian ram tan zawng leh player ngainat zawng te an awm leh ngei ang. Thenkhat chu kan tang ulh leh viau anga, tunge kan nih min hriatloh chu thuhran kan ram pawh hrelo an awm teuh laia lo intih buai ve vak hi a tulna a awm em aw tih hi ngaihtuah theih tak a ni awm e. Chutih rualin khawvel i'na a buaipui leh ngaihhlut lo tuipu...

  1st. Thursday : Huanah bean hmun ka va thlo. 2nd. Huanah bean tlem kan va thlo. Lal Jehny a thi. Zanah ka inkhawm. Heihi nizan atanga beihrual hman tan avang a ni. Nizan lamah ka inkhawm ta silo a. Chuan, inkhawm banah chanchinbu chhutnaah ka kal. Kar hmasa lama ka article chhunzawm na kan dah leh a, mahse, hmun a chep deuh avangin kan siam danglam ta deuh. YMA chanchinbu August issue a lo thleng.  3rd. Saturday : Chawhma ah thlan ka lai. Chawhnu-ah YMA committee member mipate thlanmual hlui leh a bula awm te ramri chungchangah buaina a awm avângin kan han enfiah. Chumi hnuah library ah ka kal nghal. Chhuar ka khawih dannglam ka siam tha thei a, ka lawm hle. Zanah khawhar inah ja kal. Kristian Tlângau a lo thleng. Atei Bilkhawthlir ah a chhuk.  4th. Sunday : Chawhma ah Sunday School kan kal.  5th. Monday : Huanah bean hmun ka va thlo. 6th. Tuesday : Zingkarah gram sabha neihna V/C house-ah ka kal. Huanah antam hmun ka va thlo. Chkin fanu a nei thar. 7th. Wednesday ...

  Chief Minister, Pu Zoramthanga chuan tunkar Thawhtanni khan OP-12 Bio-fertilizer Production Unit, SEDP hnuaia Agriculture Department in a buatsaih chu Agriculture Research Farm, Neihbawi-ah a hawng. Agriculture Minister Pu C. Lalrinsanga chu khual zahawm a ni a, Agriculture Development Board Vice-Chairman, Pu Biakzauva pawhin he hun hi a hmanpui. Khuallian, Chief Minister, Pu Zoramthanga chuan kuthnathawktu te tana hlawkna nasa tak thlen thei tur OP-12 Biofertilizer Production Unit hawn theih tura peih fel a ni chu lawmawm a tih thu sawiin, he Biofertilizer siam chhuah hmang hian agriculture leh horticulture kalphungah nasa taka danglamna siamin hma a sawn phah ngei a beisei thu a sawi. Leilung ngheng a eizawnna, a bik takin agriculture leh horticulture kan tih te hmanga sang taka economy khaikan theihna potential Mizoramin a neih that zia sawiin, Chief Minister chuan chung zinga pawimawh tak pakhat chu leitha a ni, a ti a. Hetianga mahni ram ngeia fertilizer tha leh him siamchhu...

   Khawtlang hruaitu te chuan tunhnaia MPS tling thar, Tv Lalnunhlua (Hlutea), Pu Lalhriatpuia fapa, Damveng chu lawmpuina thilpek an hlan. Tv Hlutea hi Mizoram Public Service Commission-in Combined Competitive Examination buatsaih a Jr. Grade of Mizoram Civil Service, Mizoram Police Service leh Mizoram Finance & Accounts Service tur mi 34  a lak thar te zinga mi a ni. Sihphir History a bung thar rawn ziaktu Tv Lalnunhlua hi lehkhathiam thei tak, mi chapo lo leh inngaitlawm, tlangval tlawmngai, nu leh pa thuawih, Kohhran bel tlattu a ni a, musician leh zaithiam a nih piah lamah, infiamna lamah pawh a hming a chher hle.   Hetiang mi kan khua in kan nei hi a chhuanawmin kan khua pawh min chawimawi takzet a, an chhungkaw tan mai nilo, khawtlang leh ram tan pawh a mi tangkai tak a nih ngei kan duhsak e. (Sawiremtlang chanchinbu Editorial)

  Sihphir Branch YMA buatsaihin tunkar Thawhlehni zan khan Mizoram Public Service Commission in 2022 competative exam a buatsaiha Mizoram Police Service (MPS) a in ziak tling Tv Lalnunhlua (Hlutea) s/o Lalhriatpuia, Damveng, lawmpuina leh chawimawina hun YMA conference hall-ah hman a ni. He hun hi Tv Vansangliana, Branch YMA secretary chuan a kaihruaia, Tv C Lalremsanga, Chairman Education cell, Br.YMA chuan hunserh a hmang. Sihphir Branch YMA in a sawm angin Branch YMA committee member bakah Sihphir Village Council, MHIP, Sihphir Teacher Association leh Tv Hlutea chhungte an tel. Pu Lalropuia Pachuau, VCP in thusawiin Hlutea kal zelna turah duhsakna a hlana. Sihphir khua a tih hmingṭhat avangin lawmthu a sawi bawk. VCP in thu a sawi zawh hian amah, Hlutea hian thu sawi ve lehin a lehkhazir dan leh tun dinhmun a thlen theihna tura a beih nasat zia sawiin, Sihphir thalai te pawhin theihtawp an chhuah chuan hei aia dinhmun sang zawk pawh chelh theih a nih tur thu sawiin thalaite rual...

A chunga kan tarlan khi Mizorama tlawmngai pawl lian ber YMA thiltum (motto) a ni. Phak ang tawk tawkah an motto hi hlenchhuah tumin branch tinin theihtawp an chhuah thin.   Hetianga pawl ropui a nih avang hian mipui pawhin kan beisei sang a, thupui a kan hman ang deuh hian tanpui ngaite tanpuitu pawlah kan ngai vek awm e. Mahse, YMA hian sum hnar a nei meuhlo tih hi hriattel a tul khawp mai. Community hall leh conference hall hman man bakah YMA dawr luah man leh chanchinbu man te hi sum hmuhna hnar chu a ni hrih mai awm e.  Kan sum hnar ber, Member budject kan khawn thin chu hri avanga kan khawn theih ta bawk silo. Hall hman man leh dawr luah man lah chu amah leh amah intuamhlawmna khawp tawng tawng a ni chauh mai bawk si.  Kan chanchibu man hi cheng 20/- ni reng thin kha nikum atang khan cheng 30/- a tihsan a lo ni ta a, hrethiamlo leh to ti kan awm nual tih kan hre tho na a, a man thahnemngai taka kan pek hian YMA kan tanpui tih hria ila, chu chu kan tan bawk a ra...

  Kar hmasa Inrinni khan Tuirial Airfield kawngah Petrol phur Tanklorry, MZ 01W-3251 a chesual a. A petrol phurh te nasa taka a buak avangin mipuiin petrol bua hi an dawh/thal nasa hlawm hle. A hmuna awm te mai bakah kawng dung te a lo ni bawk nen chutianga motor accident lo awm leh mi lo zi ta hut hut chu chinchang ngaihvenin a kal apiang an ding zel. Oil bua an lo la sup sup mai bawk nen, bur ruak nei chuan an la mai zel niawm tak a ni. Motor accident hun hi chawhnu dar hnih vel nia sawi a ni a, driver hi a rui hle niin an sawi bawk. A tlan chak em avanga kawng kawia kual zolo niin a lang. A ke sir ding lam pawh feet hnih vel laiin a kang nghe nghe niin chetsualna thlenna hmuna rawlthar pakhat chuan a sawi. Chetsualna avang hian driver leh handyman (hnamdang ve ve) hian hliam na an tuarlo hlauh. An tlanbo zui ta niawm taka sawi a ni. Khawtlang hruaitute pawh chhiatna thlenna hmunah hian kal ve nghalin mipui ten petrol an la sup sup chu khap ve bawk mah se an in khap hleithei lo. ...

  1st. Saturday : Upate ni a ni a, he ni hi Sihphirah pawh Community Hall-ah hman ve a niin Ethel Rothangpuii MCS , project director, DRDA, Aizawl district chuan khuallian niin a hmanpui. 2nd. Sunday : Rampum huap Pavalai Pawl Meet, Mission veng Kohhrana neih mekah bial chhung kohhran te atangin mi engemawzat an kal. 3rd. Monday : Twin market chungah  Gram Panchayat Development Plan, People's Plan campaign 2022-2023 chungchangah Gram Sabha neih  a ni.   4th. Tuesday : Lalruatsanga, thla 2, s/o Lalpekhlua Synod Camping Centre a raltlan awm mek te zinga mi chu Synod Hospital-ah a boral. A ruang hi Sihphir thlanmualah (hlamzuih mual)  phum a ni.   5th. Wednesday : YMA committee member te chu  Zofate chhanchhuahna Camping neihna tur, Rangvamualah pandal siamin an hnatlang. 6th. Thursday : Mizoram Synod hnuai-a Inkhawmpui lian ber dawttu, Presbytery Inkhawmpui chu Presbytery hrang hrangah neih tan a ni a, Sihphir bial telna, Aizawl Hmar Presbytery...

   1st. Saturday : Upate ni a ni a, sorkar mi pawimawh te chuan hmun hrang hrangah insem darhin an hmanpui hlawm. Chief Minister, Pu Zoramthanga chuan Zemabawk North YMA inah ah Zemabawk North Area-ah a hmanpui. 2nd. Sunday : Hnampa Mahatma Gandhi pian champha a ni a, sorkar hotu te chuan Aizawl a a limah zahna leh hriatrengna pangpar an dah. 3rd. Monday : Hnampa, Mahatma Gandhi pian champha puala kum tina Faina Hapta hman thin chu MINECO junction-ah UD&PA changtu, Deputy Chief Minister, Tawnluia’n a hawng. 4th. Tuesday : Mizoram University-a Department of Mizo-in Mizo thu leh hla ruaipui an buatsaih a, Higher & Technical Education Minister Dr R. Lalthangliana’n hmanpui. 5th. Wednesday :   India rama force hrang hrangte paragliding intihsiakna nei turah, an unit aiawh a tel tura thlan, Zorinmawia Chawngthu (28) h/o Lalbiakzuali, Zemabawk chu practice flight an neihna ah chesualin a boral.   6th. Thursday : Serchhip District-a State Public Information Off...

    Kar hmasa Inrinni (17th. October) khan Electict veng YMA Branch chuan  tleirawl/rawlthar thlan laih in zirtirna hun an hmang a, tleirawl za chuang fe an thawk chhuak. Tunlai rawlthar kan tih, kum 20 chuang tawh thleng hian, thlan la lai ngai lo, mahni a kal ngam si lo, an ṭhiante kal pui tur hre bawk si lo, thlanlaihna a kal loh phah, laklawh deuh deuh hi kan nei nual in a lang.  Mizo nunphung a bet tlat, chhiattawk an awm changa pawimawh ber pawl chu thlanlaih hi a ni awm e. Thlanlaih hi tlangval te tihtur a ni a, amaherawhchu, he kan tihtur hi kan ti tawklo ta viau in a hriat. Hei hi kan eizawnna in a zir takloh avang nia ngaih theih a nih rualin thenkhat hi chuan ka tihtur a ni tih pawh kan ngaihtuah lemlo niin a ngaihtheih ang.  Kum 20 tling tawh thlan lai ngai miahlo kan khuaah hian chhiar tham fe an awm a, thlan laihnaa kal, a khur chhunga lut ngailo pawh kan la awm cheu! Hei hi thil pawi leh zahthlaka ngaih theih a tha khawp mai. Mitthi awm lai, chawh...

  Tunkar Thawhtanni khan, Pu Parzama, Dinthar veng ten an siam, futsal khelmual (Liando Futsal Ground) chu Minister, Pu Lalchhandama Ralte chuan Pathian hnenah tawngtai a hlanin a hawng. Infiamna huangah chuan Futsal hi tunlaia thangduang ber pawl a ni awm e. Football lama tui tan pawh khelh theih vek a ni a, mihring ngai a tamloin a senso a tlem bakah football pangngai a fit vaklo tan pawh khelh theih a nih avang hian a khelh a awlsam em em a ni.  Hetih rual hian football khel thang ho pawhin an khel ve fo mai a, an hmasawnna tur a tihthuanawp phah thei em aw tih hi ngaihtuah ngai tak a ni bawk awm e. Eizawnna atan hman theih thil a nih rual hian intihhlimna satliah a ngai hi kan tam zawk mah in a lang. Thil reng reng hi chintawk hriatthiam a ngai a ni e. Engpawhnise, tuna he khelmual kan khuain kan nei ta hi a lawmawm in khaw hmel lanna a nih bakah hmasawnna ropui tak a tih thei ang. Aizawl khawpui atanga hnai te si intihhlimna hmun tha tak mai Pu Parzama te chhungkua in an ...

Tunkar Thawhtanni atang khan Rangvamuala CH. Saprawnga Truck Terminal-ah Ram pum huap, Zofate chhanchhuahna camping neih a ni a, camper sanghnih chuang awmin Sihphir atang pawhin mi engemawzat an lut ve nghe nghe. Camping hi Zofate Chhanchhuahna Camping duhtute ruahman a ni a, kohhran leh pawl hrang hrang aiawhte he pawlah hian telin Central YMA pawh telin pandal Committee chairman nihna pawh chan a ni nghe nghe. Tichuan, Zoram pum huap a nih angin tha leh zung pawh mi hrang hrang hnen atangin dawn a ni a, kohhran hrang hrang, zirlai pawl, YMA branch hrang hrang, sumdawng hausa, politician etc.te hnatlanga fehchhuakin thilpek mahni remchan ang angin pek khawm a ni. Sihphir branch YMA pawh October ni nga khan committee member chin te an pandal sak naah an hnatlang a,  kar hmasa Inrinni khan Arpu zing bazarah tanpuina bawm dawh a niin ₹ 17,550.00/-  zet a tla nghe nghe. Camping -ah hian Speaker atan Tv  Frederick Lalrindika, Bethel Ministry hman a ni. Camping hi mi sangkhat...

  Central YMA leh Art & Culture Deptt. tangdun buatsaih, AMC huamchhunga Branch YMA te pual “Ramngaih Hla” hmanga Zaipawl intihsiak chu Ningani khan Vanapa Hall-ah a hmawr bawk a ni ta a, he hunah hian 1-na chu Dawrpui Branch YMA chu an ni a, Rs. 100,000/- leh Certificate an dawng a, pahnihna leh pathmna ten Rs. 70,000 + Certificate leh Rs. 50,000 + Certificate te an dawng bawk. Tin, top 5 chin ten Rs. 20,000/- theuh an dawn bakah a tel  zawng zawng ten Rs. 10,000/- theuh an dawng bawk. Pu H.Lalmalsawma, Durtlang Branch YMA Zaipawl conductor chu Best Conductor atan thlan a ni bawk.  Zaipawl intihsiak Vanapa Hall-a kharna inkhawm buatsaihah hian Art & Culture Minister, R.Lalzirliana chu khuallian a ni. Khuallian chuan, "Rual u ten thahnemngai takin an rilru zawng zawng sengin pipu nun mawi a liam mai loh nan ramngaih hla tha tak tak an lo phuah a, Zonunmawi hi ral mai lovin thangtharte hian chhawm nung zel se an duh angin an duhna te tipuitling zel turin he zaipawl...

Kar hmasa Pathian ni hmang khan Presbyterian Kohhran ten Presbytery inkhawmpui chu mahni Presbytery tinah an nei hlawm a, Isua Krista Kohhran, Sihphir te chuan Hmar Division Inkhawmpui chu Community Hall-ah thleng bawkin, UPC (NEI) LAD North Mizoram District te chuan Bilkhawthlirah Inkhawmpui an hmang bawk. Heng inkhawmpui ho-ah hian palai engemawzat an tel hlawm. Tin, nimin atanga naktuk thleng tur hian  Masihi Sangati Convention vawi 32-na chu Durtlang Kohhranah neih mek a ni bawk a, thla tawp lamah YMA inkhawmpui (rorêl inkhawm) pawh Thingsulthliah field-ah neih tum a ni bawk. Inkhawmpui hi a nuam a, a hlimawmin a hlawkthlak thin hle. Thlarau chenchilhna chang tan phei chuan a hlimawm dan a thuah a, khawvel thil taka tel tan pawh a hlawkthlak tho mai. Engpawhnise, tuntuma kan tarlan ho hi khawvel inkhawmpui mai an an ni hlawm a, tawp chin nei a ni hlawm. Engpawhnise, a pawimawh berah chuan Vânah inkhawmpui tiak tawh lohnaa tel thei theuh turin chhiar tute in buatsaih ang u.

  Kar hmasa Inrinni kha International Old Age Day a ni a, he ni hi Zoram hmun hrang hrangah hman a niin sorkar mi pawimawh te pawhin hmun hrang hrangah insemdarhin an hmanpui hlawm a, Chief Minister, Pu Zoramthanga chuan Zemabawk North-ah a hmanpui. Sihphir Branch te chuan he ni hi an din tanni-ah ngaiin Community Hall-ah an lawm ve a, he hun hi an pawl Vice President, Pu Dohmingthanga chuan kaihruaiin, Rev C. Sapkaia, Presbyterian pastor chuan hunserh hmangin, Pi Ethel Rothangpuii, MCS , project director, DRDA, Aizawl district  chuan khuallian niin a hmanpui bawk. Khuallian, Pi Ethel Rothangpuii   chuan kum upa te hi thianghlim leh fai taka awm fo tur leh thuamhnaw fai tha hi kheklo a hak fo tur a nih thu sawiin hriselna kawngah inenkawl uluk a tul thu te a sawi.  Day ni hian VCP, Pu Lalropuia Pachuau hoin V/C member engemawzat bakah NGO lama an thawhpui, YMA leh MHIP hruaitu engemawzat in an telpui bawk.  Hemi ni hian zaitura sawm annih angin Nl R. Vanlal...

Kum upa te hi tawnhriat nei hnem tawh tak an nih avangin zah an phu a, an ngaihdan pawh thinlung fim tak a nih tawh thin avangin pawm nahawm tak a ni thin. Thangthar te zingah a changkang apiangin upa te hlutna an ngaipawimawh thin. Upa te tan : Bible-a kan hmuh angin kan pawnlam taksa hi awngrawp telh telh mahsela, kan chhunglam thlarau erawh chu nitin siamtharin a awm tih hi a dik hle a ni. Kum a upat ang zelin finna leh thlarau nunah kan nghet tulh tulh a, tangkai lo emaw kan in ti mai ang tih a hlauhawm hle. Upat nun hman thiam a pawimawh hle a, ni danga kan tih ang kan ti thei tawh lova, mahse, hei hi phurrit zawnga hman leh lungngaih nan'a kan hman chuan Pathianin kum tam min dam tirna lallukhum min pek hi phurritah kan ngai tihna a ni dawn a, chuvangin, indawm kun mai loin kan hlutna in hrethiam thei ila a duhawm hle ang. Thalai te tan : Keini thalai te pawh hian upa te hi enkawl leh duat thiam a pawimawh hle. Upa te hian awm mai mai hi an thiamlo a, thiltih tur an zawng rua...

  Kum 2007, October ni khat a Synod Moderator tanglai a thih khan mahni intihlum niin an ngai deuh thup a nih kha. A intihhlum chhan lah depression niin an ngai hlawm bawk. Khatih hunlai vel atang khan depression hi Zoramin kan hre lar tan ni pawhin a ngaih theih ang. Depression tih hi sawifiahna hrang tam tak a awm thei ang bawkin a lan chhuah dan pawh a danglam nuai theiin a rinawm. Tlinglo bika inhriatna tih hi a sawifiahna awlsam ber chu a ni awm e. Chuvangin, depression neilo tak tak chu kan awmlo zawk hial awm e. Depression neilo tur chuan mi pangngai phaklo nih pawh a ngai zawk hial maithei e. Chuti a nih avang chuan depression neih hi a zahthlak hauhlo tihna a ni thei ang. Mi nun beidawng te hi tlinglo a inhria (depression) an ni chawk in a rinawm a, mihring pangngai tlinga inngai zek zawk chu kan awm kher lo ang. Chuvangin, tlingloa inhriat avanga thih duh rum rum tan pawh beidawng mai loin paltlang theih tuma theihtawp chhuah a tha awm e.

1st. Thursday : Sihphir rawlthar pathum telna Mizoram under-14 team te chuan  Subroto Cup (football) khel turin  New Delhi an pan. 2nd. Friday : Pi Jenny Lalrinkimi, kum 41 d/o Lallawmzuali, Rinchhan Veng chu  'Jaundice' natna avangin Ebenezer Hospital-ah a boral.   3rd. Saturday : Chief Minister leh Agriculture Minister hmalakna in Twin Market-ah huan thlai siamte ten leitha man man zawkin hralhchhuah a ni a, kuthnathawk tute an lawm hle. 4th. Sunday :  Lianrehlova w/o Vanlallari, Kawnveng, Soil Department-a  Demonstrator hna thawk mek chu Dy. R.O-ah a kai sang.  5th. Monday : Teacher's Day a ni a, tualchhung zirna in hrang hrang te chuan zirtirtu te chawimawiin hlim takin hun an hmang. 6th. Tuesday : V/C house-ah gram sabha neih a ni a, he hunah hian VEC ten ruahmanna siam hrang hrang chu sawiho a pawm a ni. 7th. Wednesday : U-14 Subroto Cup chu New Delhi-ah khelh tan a ni a, he hunah hian Mizoram team chuan a thlengtu, Delhi khelin Mizoram hian...

  1st. Thursday : Lirthei dan bawhchhiaten dan hmasa aia sum tam zawk an chawi tawhna tur, The Motor Vehicle (Amendment) Act, 2019 chu  Mizoramah hman tan a ni ta a, dan thar hman ni-ah Aizawl khawpui chhungah lirthei tlan chhuak a tlem hle. 2nd. Friday : All India Football Federation hruaitu thar tur Football House, New Delhi-ah thlan a ni a, AIFF President thar atan Kalyan Chaubey thlan a ni a; Mizoram Football Association Honorary Secretary, Lalnghinglova Hmar chu Executive Committee Member atan chuhtu awm loin a tling bawk. 3rd. Saturday : Mizo 'Palian Inchai Champion' June ni 7, 1971- a inelna buatsaih tan a nih atanga Champion hmasa ber, Vanlalkulha Ralte Lelhchhun (79), chu Trinity Hospital-ah a boral.   4th. Sunday : Ni hnih chama lo zin, Union Minister, Smriti Zubin Irani chuan Durtlang leh Aizawl vệng hrang hranga home te tlawhin thawktute nen an inkawm. Hemi hnu hian New Delhi panin a haw leh ta. 5th. Monday : Zirtirtute Ni, (Teacher’s Day) a ni a, ram chh...

  Zing ka tho chiah tihin ka ni pasal hian 'Leitan khamah Sihphir bus a accident a, i kal ve dawn em?' a rawn ti ta mai. Leitan kham dinhmun ka hrechiang ve nasa mai si. Ka rilruah enge an dinhmun tur lam ka ngaihtuah lo hrim hrim. Thi vek tura ngaiin tute nge chuang ang? tih a ni ka ngaihtuah zawk daih ni. Mahni remchan ang angin chetsualna hmun chu kan pan ruih ruih a, chutih lai tak chuan tlangau lo au in accident avanga thi leh hliam an awm nual thu a rawn sawi leh ta. Hetianga chhiatna rapthlak hi Sihphirin kan la tawn loh avangin Pathian remruata ngaih har ka ti hle. Khatih hunlai kha mahni tawka ka intih rau ve lai a ni a, thil engkimah tawngtai phawt ka duh thin. Kha boruak zetah erawh kha chuan tawngtai a lang tlatlo. Mahni remchan ang angin chetsualna hmun panin kan kal hlawm. Motor lian thawhchhuah pui an awm a, chuan phallo a, thawl taka tlan lah bo lo. Durtlang damdawi in tual pawh Sihphir mipuiin kan al hneh hle a nih kha. Mi chuang te dam an awm kan ring hlawmlo ...