1st. Tuesday : Kolasib district-a sawrkar office leh Bank hrang hrang 78 telna, Inter Office Sports Meet ni 4 awh tur chu LT Sanga, DC chuan a hawng. He hunah hian inelna chi hrang 18 a awm dawn a ni.
2nd. Wednesday : Kar hmasa Inrinni tlai lama Tuirial Airfield venga tank lorry accident (kang) a chhiatna thlengah mi 4 a hmuna an thih hnuin, hliam zinga mi 2 dang an thih belh. Tuirial leh Airfield veng mi te an ni.
3rd. Thursday : Deputy Chief Minister hlui, Pu Lalhmingthanga, kum 82 chu awmlaiin a thi. Pu Lalhmingthanga hi June ni 3, 1940 ah a lo piang a, zirna lamah BA, BT niin, kum 1978, 1979, 1993 leh 2003 inthlanah te MLA atan thlantlin a lo ni tawh a ni.
4th. Friday : Zan khat riak a Mizorama rawn zin, President Pi Droupadi Murmu chuan Mizoram Legislative Assembly Special Session-ah thu a sawi. President hian Assembly session a thu a sawi zawh hian Thuampui Helipad atangin Lengpui Airport a pan a, Sikkim lam panin Mizoram a chhuahsan leh ta a ni.
5th. Saturday : 4 lane kawngpui laih turin a sut chhiat tur ram neitu, Kolasib District Land Owner's Association ten November ni 3 atanga Mizoram chak lakna kawngpui NH 306 an dan chah chu an call off. Hei hi Central YMA in sorkar dinhmun hrethiam a, ngaichang hram tura an ngen avang a ni.
6th. Sunday : Tv Lalawmpuia (25), Pu Emmanuel-a Thingsulthliah-Tlangnuam fapa chu ZMC-ah a boral. A ni hi vanduaithlak tak a Tuirial Airfield veng a Tanker kang a tel ve kha a ni e.
7th. Monday : Chief Minister, Pu Zoramthanga chuan OP-12 Bio-fertilizer Production Unit, SEDP hnuaia Agriculture Department in a buatsaih khuallian niin Agriculture Research Farm, Sihphir-ah a hawng. Agriculture Minister, Pu C. Lalrinsanga chuan khual zahawm niin a hmanpui bawk.
8th. Tuesday : Zaithiam, Joy Zairemmawia (46), s/o Vanlalhliapi chu LRM Hospital-ah BP leh Internal organ fel lo avangin a boral.
9th. Wednesday : SCERT-in SCERT Auditorium, Aizawl-ah Science leh Mathematics-a tițhate chawimawina hun a buatsaih a, School Education Minister, Lalchhandama Ralte chuan a hmanpui. Minister chuan zirlai tițha chawimawina dawngte chu an thiamna leh theihna ram tana hmang țangkai ngei turin a chah. Sorkar thuchhuahin a tarlan danin Incentive cash award for proficiency in Science & Mathematics hi kum 1978 ațanga sem tan a ni a, kumin hi vawi 45 semna niin, HSLC atangin mi 66 leh HSSLC atangin mi 20, an vaiin mi 86 in an dawng a ni.
10th. Thursday : New Champhai leh Zotlang inkar kawngpuiah KTM bike MZ-02/A-4925 chu a chesual a, bike-ah hian mi pathum chuangin culvert-ah an tlan lut a, a hmunah hian pahnih thi nghalin damdawi inah pakhat a thi ve leh.
11th. Friday : CYMA leh MSACS tangkawp buatsaih, Zoram Harh Rawh Campaign hawnna inkhawm chu C.YMA Hall,Tuikhuahtlangah hman a ni a, he hunah hian City Branch aiawh pakhat theuh kal tura hriattir an nih angin kal pawh an thahnem hle.
12th. Saturday : Chief Minister, Zoramthanga chuan Lengpui Airport Terminal-ah Union Minister of State for Finance, Dr. Bhagwat Karad kawmin, Mizorama hmalakna pawimawh chungchangte an sawi dun.
13th. Sunday : Health Minister Dr R. Lalthangliana hovin, Delhi Mizoram House Conference Hall-ah, Zoram Medical College leh AIDS Healthcare Foundation (AHF), Los Angeles, USA ten kumin September Ni 27 a thawhhona thuthlung an ziah bawhzuiin meeting an nei.
Meeting-ah hian Mizoram ah HIV/AIDS a darh zau tawhzia, mipui vantlangah a darh nasat tawhzia te sawilan a ni a. HIV/AIDS do zel dan tur leh mipui vantlangah tam zawka test kalpui theih dan tur te sawiho a ni.
14th. Monday : ABCI Quarry, Hnahthial bula Leite rama Maudarh quarry a chim a, mi 12 leh
lei laihna hmanrua JCB leh Hitachi bakah excavator 5, stone crusher 1 leh drilling machine 1 a chhilh. Quarry chim/leimin hian sqm. 5,000 bawr vel a awh. Quarry chimin a chhilh te hi hnamdang vek an ni.
15th. Tuesday : October ni 29, 2022 tlai thimhlima Tuirial Airfield venga petrol phur Tank Lorry chesual kang chungchangah Tuirial veng, mi TBC Lallawmawma (28) chu lighter talha kangmei ti chhuak tu a nih thu Mizoram Police Press Statement chuan a tarlang.
16th. Wednesday : Hachhek Bial Kuhva Chingtu Pawl leh Zampui Mizo Convention Tripura huaihawtin,
vawi tam tak Mizoram Sorkarah Kuhva Chingtuten an harsatna an thlen tawh hnuah pawh, tun thlenga thu lawmawm an la hriat loh avangin thu lawmawm an hriat hma chuan tiin total bandh an nei tan.
17th. Thursday : Palian inchai, title fight chu Dawrpui Multipurpose Centre-ah neih a ni a, champion lai, Lalsangliana, Upper Republic chuan thawh sawmah thawh kua a la in, 20-0-in amah chotu, Lalnunfela, Salem veng lakah a title a humhim.
18th. Friday : 𝐘𝐊 𝐒olar 𝐋𝐏𝐒 𝐂omedian 𝐒earch chu a hmawr bawk a ni ta a, a pumpuiah 𝐇. 𝐋alremsanga, 𝐂𝐇hingchhip chu pakhatna niin 𝐑𝐬. 𝟏,𝟎𝟎,𝟎𝟎𝟎/- 𝐥𝐞𝐡 𝐬𝐜𝐨𝐨𝐭𝐲 𝐚 𝐝𝐚𝐰𝐧𝐠 𝐚 𝐧𝐢.
19th. Saturday : Tv Donald Lalhmangaihzuala, kum 42 s/o V.L Chhuanga, Sihphir chu an chenna Inah Lungphuchawl in a boral.
20th. Sunday : FIFA World Cup chu Qatar ramah khelh tan a ni a, Sport Minister, Pu Robert Romawia Royte chuan inkhel hi a hmunah a en. He hunah hian a thlengtu Qatar chu Equador in 2-0 in an hneh.
21st. Monday :
Union Minister of State for EF&CC and Consumer Affairs, Food and Public Distribution, Ashwini Kumar Choubey chuan Mizoram a rawn tlawh. Union Minister hi Supply Minister, K. Lalrinliana’n Lengpui airport-ah a lo hmuak a ni.
22nd. Tuesday :
Lunglei Municipal Council Office chu kai tan a ni. Hetih lai hian Official a hawn a la ni lo thung.
23rd. Wednesday :
Thla kalta a Tuirial Airfield pêng bula tuialhthei phur (tank lorry) kânga hliam tuar zînga mi Pu Sângsâwmthanga (45), Tuirial Airfield chu Synod Hospital, Dûrtlângah a boral.
24th. Thursday : Pathianni thleng awh tûr, UPC (NEI) chuan Aizâwl Zemabâwk Vêngpui biak inah General Conference vawi 54-na an ṭan.
25th. Friday : AR Lâmmualah, Denmark hranghlui group zaithiam, Michael Learns To Rock (MLTR) band member-te’n concert an nei.
26th. Saturday : Sorkar laipui Minority Affairs Minister, John Barla chuan Mizoram a rawn tlawh.
27th. Sunday : Union Minister of State for Minority Affairs, Pu John Barla-a hovin Lawngtlaia hmasawnna hnathawh hrang hrang thlirho a ni.
Union Minister hi District Council & Minority Affairs Secretary, Dr. Lalrozama’n ṭawiawmin, Lawngtlai Helipad-ah Lawngtlai Bawrhsap Amol Srivastava-a hovin District thuneitute leh Police hotute’n an lo dawngsawng a ni.
28th. Monday : Rokunga Memorial Society buatsaih, Rokunga Award 2021 chu Malsawmkima, Saitual hnenah hlan a ni. Award hian Trophy leh Tangkapui bakah thuchei (citation) leh sum fai Rs. 50,000/- a keng tel.
29th. Tuesday : Dr R. Lalthangliana, H&FW, C&I, etc. minister chuan Guwahati Neurological Research Centre (GNRC), Dispur, Guwahati a tlawh.
GNRC-ah hian Hospital thuneitu ten an lo dawngsawng a ni.
30th. Wednesday : Zotea ti a hriat kum 45 mi vel, Burma ram Halkha lam chhuak Sihhmui a awm chu a lung lak thinna quarry-ah a ruang leivungin a chhilh chu hmuh a ni. Sihhmui YMA hruaitute sawi danin, Zotea hi parawla awm a ni a. Kum engemawti chhung chu Sihhmui velah lung la in a awm tawh. Sihhmui khawchhungah mi in luahin, a hna thawhna lamah a hun tam zawk a hmang thin a, midang tiamrualpui leh thawhpui em em pawh nei chuang lovin, mahni a thawk mai thin a ni. Tunhnai ni 3/4 vel chhung hian Zotea hi hmuh tur a awm ta lo va, a in luahna thenawmte ngaihtha lo chuan YMA hruaitute hnenah an thlen a. YMA hruaitute nen a lung lak thinna quarry chu an thlithlai a, a iptepui leh lung lakna hmanraw thenkhat an hmu a, lung lakna chhak lama leivung tawlh an hmuhin rinhlelhna an nei a, an han hai deuh a, Zotea ruang hi an hmu ta a ni.
Comments
Post a Comment