Skip to main content

YMA TE MI HARSATE PUALIN KRISMAS CAROL

(Sawiremtlang Editorial)


Kar hmasa Inrinni zan khan Sihphir branch YMA huaihawtin kan khawtlanga mi harsa zawk ten kan hma lawka Krismas hlim taka an hman ve theihna turin carol a ni a, YMA member mi engemawzat an tel. Programme hi zan inkhawm banah Neihbawi bazarah tan a ni a, branch vice-president, Pu C. Lalrinawma chuan hunserh a hmang.


Pu C. Lalrinawma,  chuan bible chang hmun hnih a mi a chhiar hnuin Krismas kan hnaih tak chungchangah Israel faten thusawm pek an zawm kim theihloh avanga an thlah kal zel te chu chhandam ngai kan nih thu sawiin chu chhandamna atana Lal Isua pian champha lawm tura kan inbuatsaihna kawngah kan thinlung bawng ina Lal Krista a pian ngei theihna tura intih thianghlim a tul thu a sawi.


Hemi hnu hian khawchhung lam pana kalin a khattawkin Pathian fak a hla sain Pathian thu te ngaihthlak a ni a, zaina hmun a mi leh kalkawng dunga mi engemawzat in thilpek an hlan a ni.


Hun kharna inkhawm hi YMA conference hall-ah hman a ni a, he hun hi branch President, Tv Zohmingliana Hnamte chuan hmangin mi harsate puala thilpek petute leh carol naa kal te khawvawt leh World Cup enlo ngam khawpa kalchhuakte ropui a tih thu a sawi. Thilpek petute zawng zawng Pathianin a let tam takin malsawm se a duh thu a sawi bawk. Carol puala thilpek te hi khawchhung a mi harsate hlan a nih tur thu sawiin Lalpan mal a sawm anga, rah thlum tak a chhuah ngei a beisei thu a sawi bawk.


Carol service pual hian carol lai bakah a hma daih atangin bawm te dawh a lo ni tawh a, Pu Liankunga Ralte s/o Chhiarkima (L), Aizawl lama inbengbel ta chuan chuan Rs 10,000/- a rawn thawha, naupang Joseph Lalrohlua (Kum 12), Pu Lalnghakliana tupa, Kawnveng chuan a khawlbawm atangin ₹ 2,503/- lai a thawh ve bawk. Hei bakah hian sangthum sanghnih, sangkhat leh a za bi phei chuan engemawzat a thawhkhawm a ni a, Pu tea, Neihbawi chuan bawngsa a thawh bawk. Heihi lehkhaden hmangin inchuh a ni a, cheng engemawzat hu a ni nghe nghe.

Mi harsate (carol) puala pawisa thawhkhawm hi Branch YMA sum nen Rs. 48,000/- lai a tlingkhawm a, heng pawisa te hi Thawhlehni zan khan Krismas chibai bukna  chhungkaw 10 leh Krismas pual damlo kan na chhungkaw 2, an vaiin chhungkaw 12 te hnenah Rs. 4,000/- theuh hlan an ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more