Skip to main content

OCTOBER 2022, SIH (PHIR) DIARY

 


1st. Saturday : Upate ni a ni a, he ni hi Sihphirah pawh Community Hall-ah hman ve a niin Ethel Rothangpuii MCS , project director, DRDA, Aizawl district chuan khuallian niin a hmanpui.


2nd. Sunday : Rampum huap Pavalai Pawl Meet, Mission veng Kohhrana neih mekah bial chhung kohhran te atangin mi engemawzat an kal.


3rd. Monday : Twin market chungah  Gram Panchayat Development Plan, People's Plan campaign 2022-2023 chungchangah Gram Sabha neih  a ni.  


4th. Tuesday : Lalruatsanga, thla 2, s/o Lalpekhlua

Synod Camping Centre a raltlan awm mek te zinga mi chu Synod Hospital-ah a boral. A ruang hi Sihphir thlanmualah (hlamzuih mual)  phum a ni.  


5th. Wednesday : YMA committee member te chu  Zofate chhanchhuahna Camping neihna tur, Rangvamualah pandal siamin an hnatlang.


6th. Thursday : Mizoram Synod hnuai-a Inkhawmpui lian ber

dawttu, Presbytery Inkhawmpui chu Presbytery hrang hrangah neih tan a ni a, Sihphir bial telna, Aizawl Hmar Presbytery chu Bawngkawnah neih a niin tualchhung upa te an tel tha hle.


7th. Friday : Lalhmangaiha, kum 32 H/o Vanlalpeki,  Neihbawi chu  Aizawl Civil Hospital-ah ‘Kal tha lo’ avangin a boral.  


8th. Saturday : UPHC-ah

hmeichhe lam (Gynea) leh vun (Skin)

specialist ten a thlawna inentirna (Free

clinic) an rawn nei a, mi thahnem takin he hun hi an chhim.  


9th. Sunday :

Awtngaii, kum 82 m/o Lalsiamliana,  Tlang Veng chu an chenna Inah 'Stroke' natna avangin a boral.  


10th. Monday : C. Lalfamkima, kum 82 f/o  Lalfakmawii, Arpu chu Civil Hospital-ah 'Kal tha lo' avangin a boral.  


11th. Tuesday : Pi Zakhumi m/o Lalmalsawma, Tamlo Veng thih champha vawikhatna a ni a, chhungkhat laina leh thenrual thate lengkhawmin hlim takin Pathian an chawimawia, tlai-ah chawhlui an kilho nghal.


12th. Wednesday : Np F. Lalchungnungi, ni khat mi,

Pi Lalenkawli d/o Malsawmkima Royte, Chhanhimveng leh 

Pu F. Zohmangaiha, Thingsulthliah te fanu chu naute leh a nu inzawmna  hlam alo chah nual avangin a boral. Remchan zawkna avangin Sihphirah  a ruang hi dah a ni.


13th. Thursday : Carpenter Club te chu kuang siam in an hnatlang a, kuang 7 an siam zo hman. A awm sa pakhat nen kuang pariat a awm leh ta a ni.  


14th. Friday : Pathianni thleng awh tur Masihi Sangati Convention vawi 32-na chu Durtlang Kohhranah tan a ni a, Sihphir atang pawhin palai engemawzat an kal.


15th. Saturday : Zofate chhanchhuahna Camping, Rangvamuala neih tur pualin Arpu bazarah bawm dawh a ni a, ₹ 17,550.00/- a tla.


16th. Sunday : Pu Zatluanga,  Damveng te Mobile Phone dawr (an in hnuai a mi) chu misual tu tih hriat lohvin dawr kawngkhar kar chhiain an rawk a. Mobile phone zawrh lai engemawzat bakah Bluetooth Speaker JBL Company siam pahnih leh pawisa fai ₹10,000/- an la bawk. 


17th. Monday :    Education Minister, Pu Lalchhandama Ralte chuan Liando Futsal Ground, Neihbawi a mi chu a hawng. He khelmual hi Pu Parzama, Dinthar veng te siam a ni.


18th. Tuesday : Arpu Bazar-ah kumin atan chhiah chi hrang hrang pek tan a ni.  


19th. Wednesday :

Pi Lianthangi, kum 83 c/o Vanlalchhuangi,   Biak in Veng chu  an chenna Inah Thawhah natna avangin a boral. A ni hi ID leh MHIP lamah Venghlun lam a ni na a, Sihphir (Vengpui) lamah thangkhat lian zet a khawsak tawh avângin Sihphir thlanmualah phum a ni a, khawntesep leh mitthi/khawhar in lenpui pawh Sihphir lamin mawhphurhna kan la a ni.


20th. Thursday :

Sihphir Auto Rickshow Welfare te chuan  Lungmuatah an Rising Day an lawm.


21st. Friday : Mizoram Public Service Commission-in Combined Competitive Examination buatsaih a Jr. Grade of Mizoram Civil Service, Mizoram Police Service leh Mizoram Finance & Accounts Service tur mi 34  a lak thar te zinga kan khaw tlangval, Tv Lalnunhlua s/o Lalhriatpuia, Dam Veng chu a pa thawhna, Kolasib Forest Division te chuan lawmpuina thilpek an hlan.  


22nd. Saturday : Branch YMA hnuaia din, YMA Chhang & Cultural

Sub Committee hmalakna in YMA Chhang

Sport thawhhnihna Sihphir Futsal Ground, Multi Purpose Indoor Hall-ah neih a ni.


23rd. Sunday : 

Sihphir khua a vai, Mistiri leh helper te chu ILP chungchangah Twin Market-ah koh khawm an ni.


24th. Monday : Sihphir branch KTP  leh Venghlun branch KTP te chuan Sihphir Presbyterian kohhran biakinah joint service hlim takin an hmang. He hun hi Tv H. Lalrindika, Leader, Sihphir branch KTP chuan a kaihruai a, Pu Lawmzuala Kawlni, Leader, Venghlun branch KTP chuan Pathian thuchah a puangchhuak thung.


25th. Tuesday : C.Vansangpuia, kum 40 h/o F. Lalzarzovi, Chhanhim Veng chu ZMC-ah 'Rannung seh leh TB' avang te in a boral.  


26th. Wednesday : Tv Kawlkhumliana, kum 42 S/o Kâpthanga, Arpu chu Synod Hospital, Durtlang-ah ‘Thin tha lo’ avangin a boral. Anni chhungkua hi Sihphir V/C huamchhunga cheng ni mah se kohhran leh khawtlangah  Venghlun lama lawi an nih avangin Venghlun thlanmualah phum a ni a, khawntesep leh mitthi/khawhar in lenpui pawh Venghlun lamin mawhphurhna an la a ni.


27th. Thursday : Government of Mizoram, Home department chuan thuchhuah siamin tunhnai a MPS (jr. grade) lak thar, mi pariat te chu ang awmna tur a tifel a, kan khaw tlangval, Lalnunhlua chu A/C 4th.IR. Bn. Mamit a awm tura tih a ni.


28th. Friday :  Martin's Memorial Volleyball Tournament, Durtlanga khelh zawh takah Chalkungi  Memorial Team, Sihphir leh Jeje  Durtlang team inkhelin Sihphir lam hi strait set la in an champion.


29th. Saturday : Tuirial Airfield kawngah Oil Tanker petrol phur a chesual a, a oil phurh bua te hi mi tam takin an dawh laiin kangmei rapthlak tak a chhuak zui a, mi pali in nunna chanin engemawzat hliam tuar an awm bawk. Hliam tuar zingah hian Tv Lalrinchhana s/o Vanlalrawna, Chhanhim veng chu telin Civil Hospital-a dah luh nghal a ni.


30th. Sunday : Durtlang to Sihphir Kawng BRTF Contractor ten an siam mek a hna thawh tha tawk lo nia lang chungchangah,  Sihphir leh Sihphir Venghlun Branch YMA hruaitute an inhmukhawm a,   Contractor biak hmasak an rel. Hetih lai hian   Youth Action for Sihphir Town Development OB te pawhin hemi chungchangah vek hian Selesih Local Council Chairman chu thil tam tak an sawipui ve bawk.


31st. Monday :  CYMA buatsaih, Corruption dona kawng zawh 'Vigilance Awareness Week 2022' (walkathlon)-ah Sihphir Branch YMA aiawhin mi CEC, Pu R. Lalduhzuala hoin member pali zuk tel. He hunah hian Chanmari Traffic Point aṭanga Vanapa Hall thleng tlanin, Chhim lamah Sikulpuikawn aṭanga rawn tlan an awm ve bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more