(Sawiremtlang Editorial)
Khawvela ennawm bera chhal, 'The greatest show on Earth' an tih hial FIFA World cup chu Qatar ramah naktuk zan atang khian khelh a ni dawn.
Tunhma chuan world cup hi kum laihawl velah, nipui lai in khelh a ni thin a, tuntumah erawh an khelhna hmun tur ram lum a nih avangin thlasikah khelh a ni dawn ta a ni.
Kum 1986 vel khan Sihphirah TV nei kan la tlem hle. Hmun tlemte-ah en na a awm a, thalai chauh nilo, nu leh pa leh naupang chenin TV awmna kan pan ruih ruih thin a nih kha. Tunah erawh in tinah TV nei kan awm ta in TV mai bakah a aia changkang computer leh mobile phone hmang pawhin kan en thei ta hial.
World cup-ah hian ram tan zawng leh player ngainat zawng te an awm leh ngei ang. Thenkhat chu kan tang ulh leh viau anga, tunge kan nih min hriatloh chu thuhran kan ram pawh hrelo an awm teuh laia lo intih buai ve vak hi a tulna a awm em aw tih hi ngaihtuah theih tak a ni awm e.
Chutih rualin khawvel i'na a buaipui leh ngaihhlut lo tuipui veloh hi mawlna kawng khat pawh a ni ve tho awm e. Kan ngaina lemlo a nih pawhin i sel mai lo ang u. Rualpawl nan tal pawh en emaw hriat ve te hi a tha a nia. Eng ram nge i tan ve dawn le?
Comments
Post a Comment