Skip to main content

Tv.Lalnunhlua MPS tling thar lawmpuina hun hman a ni

 

Sihphir Branch YMA buatsaihin tunkar Thawhlehni zan khan Mizoram Public Service Commission in 2022 competative exam a buatsaiha Mizoram Police Service (MPS) a in ziak tling Tv Lalnunhlua (Hlutea) s/o Lalhriatpuia, Damveng, lawmpuina leh chawimawina hun YMA conference hall-ah hman a ni.


He hun hi Tv Vansangliana, Branch YMA secretary chuan a kaihruaia, Tv C Lalremsanga, Chairman Education cell, Br.YMA chuan hunserh a hmang. Sihphir Branch YMA in a sawm angin Branch YMA committee member bakah Sihphir Village Council, MHIP, Sihphir Teacher Association leh Tv Hlutea chhungte an tel.


Pu Lalropuia Pachuau, VCP in thusawiin Hlutea kal zelna turah duhsakna a hlana. Sihphir khua a tih hmingṭhat avangin lawmthu a sawi bawk.


VCP in thu a sawi zawh hian amah, Hlutea hian thu sawi ve lehin a lehkhazir dan leh tun dinhmun a thlen theihna tura a beih nasat zia sawiin, Sihphir thalai te pawhin theihtawp an chhuah chuan hei aia dinhmun sang zawk pawh chelh theih a nih tur thu sawiin thalaite rualawt turin a beisei thu a sawi.


Hemi hnu hian Tv Zohmingliana Hnamte, branch President chuan duhsakna leh fuihna thu tha tak a sawi leh bawk.


He hunah hian YMA in Citation, Khiangkawi Ipte leh Thangchhuah diar an hlan a. V/C ten Holy Bible hlanin, MHIP ten Citation leh STA in pawisa fai an hlan bawk. 


Tv Lalnunhlua te hi vawiin hian North Eastern Police Academy, Meghalaya-ah kumkhat chhung training nei turin a kal dawn a ni.


(Sawiremtlang chanchinbu report)

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more