Skip to main content

SEPTEMBER 2022, KA DIARY

 

1st. Thursday : Huanah bean hmun ka va thlo.


2nd. Huanah bean tlem kan va thlo. Lal Jehny a thi. Zanah ka inkhawm. Heihi nizan atanga beihrual hman tan avang a ni. Nizan lamah ka inkhawm ta silo a. Chuan, inkhawm banah chanchinbu chhutnaah ka kal. Kar hmasa lama ka article chhunzawm na kan dah leh a, mahse, hmun a chep deuh avangin kan siam danglam ta deuh. YMA chanchinbu August issue a lo thleng. 


3rd. Saturday : Chawhma ah thlan ka lai. Chawhnu-ah YMA committee member mipate thlanmual hlui leh a bula awm te ramri chungchangah buaina a awm avângin kan han enfiah. Chumi hnuah library ah ka kal nghal. Chhuar ka khawih dannglam ka siam tha thei a, ka lawm hle. Zanah khawhar inah ja kal. Kristian Tlângau a lo thleng. Atei Bilkhawthlir ah a chhuk. 


4th. Sunday : Chawhma ah Sunday School kan kal. 


5th. Monday : Huanah bean hmun ka va thlo.


6th. Tuesday : Zingkarah gram sabha neihna V/C house-ah ka kal. Huanah antam hmun ka va thlo. Chkin fanu a nei thar.


7th. Wednesday : Huanah bean leh antam hmun ka va thlo.


8th. Thursday : Maawmi huanah thlai la in a feh. Dakla luiah ka va hmuak.


9th. Friday : Huanah bean hmun ka va thlo a, thlai tiah that vakloh naah ka theh tha leh. Zanah ka  inkhawm. Maawmi chu tantu a ni. Ka Mara thianpa'n Mami thlalak min rawn thawn a, ka lawm hle. Chanchinbu chhutnaah ka kal lo. Pu Ropuia, VCP news kan chhuah sakloh chungchâng ah joint editor, Edia V/C member ni ve in thil felhlel nia a hriat avângin chhuah chi niin a hre silo.Thildang pawh ka duhthu a sam lo viau mai a, thuante lakah ka lawmlo hle. 


10th. Saturday : Maawmi ten ar an ser a, hei vang hian dawrah ka awm. Jc-a lu ka mehtir.


11th. Sunday : Naupang Sunday School inkhawmpui a ni a, kan biakinah hman a nih ve avangin remchang tiin kan inkhawmlo. Zanah Lalpatawha damlo kan zuk tlawh. Maawmi unaupa, U Dawnga, Tuikual a thi.


12th. Monday : Maawmi Tuikual mitthi-ah a kal. Keiin huanah bean ka va lo thung. Atei a lo chho leh ta.³/⁹


13th. Tuesday : Huanah bean leitha ka va pe.


14th. Wednesday : Huanah bean hmun ka va thlo. Lalpatawha chu ZMC-ah a thi.


15th. Thursday : Lalpatawha vuina-ah kan zu kal ve.


16th. Friday : Huanah thlai kan va la. Zanah chanchinbu chhutna-ah ka kal. Pu Ropuia news chu kan chhuah talo. Chi kan tih takloh avang a ni.


17th. Saturday : Huanah bean hmun ka va thlo 


18th. Sunday : Chawhmaah Sunday School kan kal. Chawhnu-ah Selesihah ka leng thla a, chaw ka ei nghal. Ja Birthday vawi 45 na a ni a, ka len daih avangin kan lawmlo. Mut hmunah a pualin kannu ka chhuk zauh thung.


19th. Monday : Huanah bean ka va lo.


 20th. Tuesday : LAD office-ah kan inhmun chungchangah hming ka zuk sign. CYMA office-ah kal nghalin April - December chanchinbu man rs5 1,8000/- ka pe nghal. Tuikualah thlai kahna part ka lei nghall bawk. Maawmi SHG thilah Community Hall-ah a kal. Ck


21st. Wednesday : Huanah bean hmun ka va thlo. Dania tiah that vakloh na hmunah tlem ka theh belh. YMA chanchinbu a lo thleng.


22nd. Thursday : YMA chanchinbu enkawltute traning na, Tuikhuahtlang a CYMA Hall-ah ka zu kal ve. Kalte hian certificate kan dawng vek a ni. Atei pawh tul dangah a kal ve bawk.


23rd. Friday : Maawmi huanah bazar chaw la in a kal. Ka nawm meuhloh avangin inah ka awm thung. Tlaiah erawh Daklalui ah ka va hmuak thung. Zanah ka inkhawma, inkhawm banah chanchinbu chhutnaah ka kal. Ka article, 'My memories on heart' tih chu ka dah tel.


24th. Saturday : Ka la nawm meuhloh avangin inah ka awm.


25th. Sunday : Chawhmaah Sunday School kan kal a, chawhnu (nu leh pa pual a ni a, chhungkua kua a thut a ni a, Synod Moderator, Rev. Dr. Vanlalnghaka Ralte chuan thu a rawn sawi a, kohhran zaipawl an zai bawk.) leh zanah (Senior deptt.an zai) te kan inkhawm bawk.


26th. Monday : Huanah bean kan va lo. Atei kan feh hlan hian Bilkhawthlirah a lo chhuk. Mama ten fanu an neih avangin.²⁵/¹⁰


27th. Tuesday : Huanah antam hmun ka va thlo. Zan kan mut hnuin Mawitea, Au Sawmate gas khura a tlak hlum thu an rawn puang. Rapthlak ka tiin a hrehawm tawrh lai a a mangan dan tur vel ka ngaihtuah in ka tha a khur hial. Tumdangah thakhur ka nei ka la hre ngailo.


28th. Wednesday : Chawhmaah mitthi inah ka kal a, zan khawhar in hunah ka kal leh bawk. Zanah hian Maawmi a inkhawm thung.


29th. Thursday : Huanah antam hmun ka va thlo a, bean leitha ka pe bawk. Tlaiah Durtlang ah Sawiremtlang Editorial board leh Venglai leh Hmarveng kohhran chanchinbu enkawltuten futsal kan va khel.


30th. Friday : Maawmi huanah thlai la in a kal a, keiin dawr ka lo nghak thung. Chanchibu a chhuah turin 'A rei ta hle mai' tih Rev. Chanchinmawia thihna chungchanga ka ngauhdan facebook a ka ziah chu a champha a nih angin ka dah.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more