1st. Thursday : Sihphir rawlthar pathum telna Mizoram under-14 team te chuan
Subroto Cup (football) khel turin New Delhi an pan.
2nd. Friday : Pi Jenny Lalrinkimi, kum 41 d/o Lallawmzuali, Rinchhan Veng chu 'Jaundice' natna avangin Ebenezer Hospital-ah a boral.
3rd. Saturday : Chief Minister leh Agriculture Minister hmalakna in Twin Market-ah huan thlai siamte ten leitha man man zawkin hralhchhuah a ni a, kuthnathawk tute an lawm hle.
4th. Sunday : Lianrehlova w/o Vanlallari, Kawnveng, Soil Department-a Demonstrator hna thawk mek chu Dy. R.O-ah a kai sang.
5th. Monday : Teacher's Day a ni a, tualchhung zirna in hrang hrang te chuan zirtirtu te chawimawiin hlim takin hun an hmang.
6th. Tuesday : V/C house-ah gram sabha neih a ni a, he hunah hian VEC ten ruahmanna siam hrang hrang chu sawiho a pawm a ni.
7th. Wednesday : U-14 Subroto Cup chu New Delhi-ah khelh tan a ni a, he hunah hian Mizoram team chuan a thlengtu, Delhi khelin Mizoram hian 5-0 laiin hneh a an chang. Inkhelah hian Sihphir rawlthar, Isaka Lalmalsawma s/o Lalthazuala, Venglai chu captain niin hattrick a siam nghe nghe.
8th. Thursday : V/C ten Kawnveng a IDBI Bank branch an dilna chu Gauhati Regional a an hotu ten an pawmpuina hmuh a ni.
9th. Friday : 12th Mizoram Inter-District Powerlifting Championship-ah David RK Lalnunmawia s/o RK Lalrinmawia, Arpu Veng chuan kg 59 hnuai lamah gold medal a la. RK Lalnunmawia hian Squat-ah 165 kg, Benchpress-ah 90 kg leh Deathlift-ah 200kg, a vaiin 455kg a chawi a, Deathlift bikah hian Mizoram record a siam nghe nghe a ni.
10th. Saturday : Tv H. Lalnunmawia s/o H. Laltanpuia, Neihbawi, Assam Riffle tanglai chu a thawhna Aizawl atangin chawlh hmangin a lo haw.
11th. Sunday : Presbyterian Kohhran hnuaia Sunday School department hrang hrang te chuan bial chhung kohhran pathumah insemdarh in inkhawmpui an hmang.
12th. Monday : K. Lalawmpuii h/o Lalchhanhima Varte chu Tuikualah mitthi ralin a kal.
13th. Tuesday : Mizoram Sawrkar Labour Employment Department hnuai-a Mizoram Building and Other Construction Workers Welfare Board (MBOCWWB) member chu thil nihphung zirchiangin Community hall-ah an kalkhawm. Anmahni zirtir tur hian hmunpui lam atangin mithiam an lokal a ni. MBOCWWB-ah hian member 595 an awm mek a ni.
14th. Wednesday : Central YMA Hall, Tuikhuahtlang, Aizawl-ah YMA rorelna sâng ber dawttu ‘Central Co-Ordination Committee (CCC)’ Meeting neih a ni a, Sihphir branch atangin Pu R. Lalduhzuala, CEC, Tv Zohmingliana Hnamte, branch aiawh leh Tv Lalhlimpuia, CYMA zaipawl te an tel.
15th. Thursday : R. Lalnunmawia s/o Lalhunpeka,
Arpu Veng leh C. Vansangkimi,
Venghlun te chu Sihphir
Kohhran Centenary Hall-ah an innei.
16th. Friday : R. Lalsiampuii (Siampuii Ralte) d/o R
Lalremruata Damveng chuan
ama pualin Serchhip Auditorium-ah concert hlawhtling takin a nei.
17th. Saturday : YMA chhang te chu Community hall-ah an inti hlim.
18th. Sunday : Presbyterian Kohhran hnuaia Senior Department te chuan Hmarveng biakinah inkhawmpui hlawhtling takin an nei.
19th. Monday :
Social Reform & Action Committee te chuan report an dawn bawhzuiin V/C House, Kawnvengah mi kut thlak avangin Lalnunmawia h/o Lalrampari, Zion Vêng an ko. A ni hian a unaupa nen an thenawm tlangval damdawi in luh ngai khawpa an khawih rawn avang a ni a, Damdawi in awm man senso bakah an sual rawn avanga kut tuartu (victim) lungawina tâwka chhawmdawl turin a intiam.
20th. Tuesday : Community Hall-ah Self Help Group hruaitu te chuan traning hlawhtling takin an hmang. He hunah hian KVI leh aganwadi hotu ten zirtirna an rawn pe a ni.
21st. Wednesday : Sairang Dinthar YMA Hall-ah Sihphir mi Thomas-a nau ruang a awm nia hriat chungchangah Sairang lam atangin ngaihven tura ngenna dawn a ni.
21st. Wednesday :
Retailer 1&2-ah te ration buhfai sem tan a ni.
22nd. Thursday : Central YMA leh I&PR Department buatsaihin Central YMA hall, Tuikhuahtlangah YMA chanchinbu enkawltute tan traning buatsaih a ni a, he hunah hian Sawiremtlang chanchinbu Editor, Pu Lalchhanhima Varte a kal.
23rd. Friday : Kalphung thar hman hnu a a kual hnihna atan ni 100 inhlawh thawhchhuah leh tan a ni a, he hunah hian Job card No 1-50 te thawkchhuakin Sakawrhmuituai tlangah kalkawng sialin hna an thawk a ni.
24th. Saturday : KTP
Sihphir Branch buatsaihin Sihphir
Kohhran Centenary Hall-ah kum 12 atanga
kum 19 inkar te pualin retreat neih a ni a,
Speaker atan Tual Upa K. Lalêngzama,
Campaigner, Synod Campus Ministry
hman a ni.
25th. Sunday : Social Reform and Action Committee chuan Johny Lalrinsanga h/o Zorampari, Arpu kut aṭangin zû (Amawii) ûm 15 an man.
26th. Monday : Central Bureau of Communication, Ministry of Information & Broadcasting hmalakna a ni hnih chhung Central Scheme hrang hrang pho chhuahna (exhibition) Community Hall-a neih a nih tur chungchangah sound, seat arrangements, ushering, host, etc te YMA mawhphurhna a dah anih angin Branch Executive Committee Member te an hnatlang.
27th. Tuesday : K. Lalmawizuala, kum 41 H/o Pi Lalnuntluangi, Venglai chu an kawmthlangte tuikhuahah tla in a boral.
28th. Wednesday : Pu R. Lalduhzuala, Central & Branch Executive Committee member ni bawk chuan Branch YMA chu Microphone thar tha tak mai a pe.
29th. Thursday : Sawiremtlang chanchinbu enkawltute leh khawchhung a Presbyterian Kohhran hrang hrang chanchinbu enkawltu te chuan Durtlang a 3B Futsal ground-ah futsal khelin an intihhlim.
30th. Friday : Tv. Lalnunhlua s/o Lalhriatpuia Pachuau, Damveng chu MPSC in Combined Competitive Examination a buatsaihah Jr. Grade of Mizoram Police Service-ah a tling.
Comments
Post a Comment