Lalchhanhima Varte

  1st. Monday : Dar 12:15 velah zanlai inkhawmna biakin atangin ka haw. Chawhma leh zanah te ka inkhawm. Kohhran zaipawl an zai ve ve. Thawhlawm dah fel turin Krismas a mi kha an ring tlang na a, Maawmi a zin si a, a hlen ve thei talo. 2nd. Tuesday : Kumthar ruaithehna, biakinah ka va fatu. 3rd. Wednesday : Zingkarah Maawmi a lo haw. Chhunah ka vawkin sak ka va chhunzawm.  4th. Thursday : Huanah ka va feh a, pipe leh rawra vel ka va dah fel. 5th. Friday : Loah nimbu hmun ka va sam. Zanah chanchinbu chhutnaash ka kal. Hei hi kumthar tawh mah se hruaitu inthlan thar a la nihloh avangin kan ken tlang rih ngasias kan hriat vang a ni. 6th. Saturday : Vawkin sak ka va chhunzawm. 7th. Sunday : In luahtu te an chhuak fel tih ka hriatin pawi ka ti hle. Kawng ka va kalh fel nmghal. Chawhmaah Sunday School kan kal. Hming ziah thar ni a ni a, pawl no 4na, Upa CH. Sanglura pawlah awmin mi 12 kan ni. Senior deptt. atangin mi 19 an rawn insawn chho. Heng zinga 3 erawh an inkhawm lo thung. Tl...

  1st. Friday : Huanah antyam tel 20 ka va la. Zanah chanchinbu chhutnaah ka kal. In lama chanchinbu lo buatsaih nan YMA laptop ka hawn. Maawmi zing tawngtai inkhawmah a kal. 2nd. Saturday : Huanah antam leh behlawi te ka va vai. ‘My memories on Vanglaini news paper, tih thupui a hmanhgin kum 2003 a Vanglaini a ‘Assam Riffle sawnchhuah chungchang’ tih ka ziah kha a champha (December ni 10) a nih angin article ka ziak tan. 3rd. Sunday : Chawhmaah Sunday School kan kal a, chawhnuah ka inkhawm leh bawk. Tlai leh zanah kan section YMA OB te leader, Ajona te inah kan comtt. 4th. Monday : Maawmi zing tawngtai inkhawmah a kal. MLA inthlan vote chhiar ni a ni a, hei vang hian hna ka thawklo. ZPM chu seat 27 la in an tling a, ka vote, Zoramthanga, MNF erawh tlain ZPM candidate, Lalthansanga a tling thung. Congress chuan seat khat chiah an la bawk. A tha vek e. Kristian tlangau a lo thleng. Atei a lo chho a, dawra a chawlh zuaio hnuin a rawn chuanna motor vekin Aizawl a tlang a, a riak nghal...

  1st. Wednesday : Maawmi zing tawngtai inkhawmah a kal. Chawhmaah mitthi inah ka kal. Mampuitea chu bike self na ka siam tir. Atei Aizawl a kal. Kawmchhakah a riak leh. Ka facebook ka ti chhia. 2nd. Thursday : Loah nimbu ka va lo. Zanah khawhar inah ka kal a, ka hruai. YMA forest sub-comtt. ten Chalfilh tlang kal an tih chu kal ve tumin branch comtt. chin an sawm angin kal ve ka tum a, kal man tur Rs 500/- ka pe lawk. Atei chu a haw leh ta. 12/10 3rd. Friday : Zing tawngtai inkhawmah kan nupa in kan kal. Huanah thlai kan va la. Zanah chanchinbu chhutnaah ka kal. Ka xcomputer chu Vansangliana dawrah ka check tir a, a lo chhe tlat mai. Ka siam hnuin monitor a lo chhe bawk nen, ka en ta reng tenglo kha a ni a, a ho khawp mai. 4th. Saturday : Huanah thlai vel ka va tlawh. 5th. Sunday : Chawhmaah Sunday School kan kal. Khawvel Sunday School ni a ni a, VL Zaithanga chanchin kan zir. Hming lam loh thin kha kumin atangin hming lam tan a ni. A awm ka ti khawp mai. Kan inkhawm bang pawn ka ...

  Pathianni kal ta khan branch YMA hnuai-a section tin hruaitu (Office Bearer) tur chu thlan a ni. Inthlannnah hian  nomination siam a ni a. Section tinah hian nomination hi 12 theuh dah chhuah an ni. Ballot box hi section tinah hmun hulum laiah hun a ni a, Ballot paper-ah an hming ziah lan niin, mi 6 thlanchhuah (tick) a ni. Inthlannaah hian vote 310 zet tlain heng zinga pakhat erawhin mi paruk aia tam a lo thai avangin vote thi a ngaih a ni ta thung. Branch O.B te kaihhruaina hnuaiah thlanchhuah te hian hemi zan vek hian Conference Hall-ah nihna an insiam rem nghal. Section tin hruaitu thar te : 1. CHAWNGBAWLA SECTION  Leader - Pu Zoremsanga Asst. Leader - Pu Lalchuangliana Secretary - Pu Frankie    Hmingthanruala Asst. Secretary - Pu Vanlalramtharnghaka Treasurer - Pu Vaninmawia Fin. Secretary“- Pu Lalrosanga Varte“ “2. TAITESENA SECTION YMA :“Leader“- Pu Lalchhanhima Varte“ Asst. Leader“- Pu Lalzawnsanga“ Secretary“- Tv Lalduhsanga Renthlei“ Asst. Secretary“...

  1st. Sunday : Chawhmaah Sunday School kan kal a, chawhnu leh zanah kan inkhawm leh bawk. Pu Pianga, kan huan thenawm chu huanah a thi. 2nd. Monday : Huanah bean zamna tur ka va siam. 3rd. Tuesday : Huanah behlawi zamna tur ka va siam. Sangluaii leh Zarzoi te hlo thloin an rawn inhlawh. 4th. Wednesday : Huanah antam hmun tur ka va ti fai. Pi Tozikpuii, kum 63, w/o Khualhnuna, Arpu chu dengue avangin civil-ah a thi. 5th. Thursday : Huanah antam hmun tur ka va kap. Zanah arm wrestling OB te Treasurer te inah kan comtt. Mami chu damdawi in atangin a chhuak leh ta. (30/9) Maawmi Atei thil chungchangah Aizawl a kal. 6th. Friday : Chawhmaah huanah tuikhuah thlangah antam ka va theh a, chawhnuah naktuka arm wrestling championship kan neihna tur, Rohrenga hall-ah ka va duty. 40+kgs huangah ka tel ve ang. Thimhlimah Athlaa fapa upa zawk a OD a, rei vaklo ka phei ve hnuin chanchinbu chhutnaah ka kal. Hei hi Vansangliana computer dawr a ni a, Arpu a awqm thin kha nizan mai khan an inchungah ...

1st. Friday : Kan nupain sawhthing hmun kan va thlo a, tuikhuah siamin Arema te unau an lo kal leh. An zo. Zanah chanchinbu chhutnaah ka kal. Atei kawnchhakah a riak leh. 2nd. Saturday : Huanah sawhthing hmun ka va thlo. Atei Aizawl a kala, zanah kawmchhakah a riak leh. 3rd. Sunday : Chawhmaah Siunday School kan kala, chawhnuah ka inkhawm leh bawk. Chawhnu hi beihrual prog. a hun hman a niin beihrual prog. a ka telna hmasa ber a ni. Atei kawmchhakah a riak leh. 4th. Monday : Huanah sawhthing hmun ka va thlo. Thimhlimah CM fapa, Siamtea chu kan inah lokalin arm wrestling championship kan buatsaih tura senso atan Rs 40,000/- min rawn hlan a, a lawmawm hle. A hmain dawhkan min lo pe tawh bawk a ni. Atei kawmchhakah a riak leh. 5th. Tuesday : Huanah thlai hmun ka va thlo. Zanah kan inah arm wrestling ho kan comtt. Atei kawmchhakah a riak leh.  6th. Wednesday : Huanah antam hmun ka va thlo. Zanah Atei kawmchhakah a riak leh. 7th. Thursday : Inah ka awm. Atei chu a haw ta. 22/8 8th. Frid...

Kum a lo thar a, pawl hrang hrang ten kum kan hman chhoh tura kan chetlak dan tur vel kan duang mek hlawm. YMA te pawhin kar hmasa khan kumthar duan committee neih a ni a, phek hma lamah kimchanga tarlan a ni.  Mizoramah hian pawl a tam em em a, a hman hmanin kan din ta mai emaw tih mai te pawh a awl rum rum mai. Mahse, pawl din tute rilru atanga thlir erawh chuan tum tha tak nei chu an ni vek ngei ang. Kan pawl ngaihhlutloh deuh an nih avanga ho leh tullo tih kan nei ni maiin a lang. Engpawhnise, pawl kan din ve a nih rau rau chuan zuzi mai loa kan din chhan ang taka tanlak zui hi a chhunga miten kan tih ngei tur a ni bawk ang.   Worldometer-in United Nations record nia a tarlan danin khawvel mihring hi 8.118 billion lai kan ni a, India ramah 1,441,719,852 kan awm bawk. Heng zingah hian pawl hi kohhran leh sorkar pawl tel miahloin NGO (non-governmental organizations) kan tih ang chi ringawt pawh hi Vaibelchhe khat chuang zet kan awm niin an sawi bawk. Kohhran leh sorkar ...

  Kumtina neih thin, Sihphir Branch YMA inthlan chu Pathianni kalta khan YMA hall-ah tluang taka neih a ni. Inthlanna hi Chief Election Officer (RO), Pu Lalnelawma, VCP chuan hneh takin a vil a ni. He inthlanpui hi ECI (kumtawp Committee) chuan January ni 7 a neih turin ruahmanna a siam a, candidate tur te pawh tihfel nghal a ni. Seat 6 awmna Sihphir Branch YMA office bearer post hi candidate ni tura hming pelut hi mi 20 chuang zet an awm a, hêng hming lut tute hi uluk taka endik a nih hnuah mi 12 chu candidate atana pawm an ni ta a ni. Inthlanna hi tum dang ang bawkin kil li tangin chuhtu an awm leh a, Vana pa party chuan candidate ngah berin candidate panga ngawt an nei. Rinloh takin party te bera ngaih, Chawngbawla party chuan candidate pathum ngawt neiin an dawt.Tin, Taitesena party leh Khuangchera party te chuan candidate pahnih ve ve an nei bawk. Inthlan hun puan a nih atangin candidate te an tang hle a, mit tikham zawnga campaign erawh an awm lemlo niin a lang. Tin, worker (...

  Pathianni kalta khan Sihphir branch YMA kum 2024 chhunga hruaitu tur thlanna chu VCP, Pu Lalnelawma kaihhruainain tluang taka neih a ni. Inthlanna hi YMA hall-ah neih a niin YMA president lo ni tawh pahnih, Pu Lalrinzuala leh Pu HV Lalhrangliana bakah Tv Eddie Lalhmangaihzuala,branch committee member zinga  V/C Member  awmchhun te chu polling officer an ni bawk. VCP chuan thu sawiin inthlan dan tur leh nomination chungchang te sawi hmasain dan bu in a phal anga floor nomination pathum thleng a rawt theih a nih dan te a sawi bawk. Tin, dan bu bung V-na, chang 4, sub no. (h) leh (i)-na in a sawi angin floor atanga rawt te chu kum 5 (nga) tal YMA member lo ni tawh leh, an awmna Branch a kum 1 (khat) tal Branch Executive Committee member lo ni tawh an nih a ngaih thu te a sawi hmasa. Floor nomination tura rawtna hawn a nih hnuin rawtna a awm takloh avangin nomination awm sa, mi 12 te atangin post by post in inthlan a ni ta a, heng mite hi thlan tlin an ni: President : Pu La...

  1st. Tuesday : Huanah tuikhuah siam kan va chhunzawm. Pawisa a khaihlak avangin zo loin kan chawlhsan rih dawn a ni. Kristian Tlangau a lo thleng. Lalngengpuii Tochhawng a thi. Ka ui hle. 2nd. Wednesday : Chawhnu-ah YMA hall-ah gram sabha neihna ah ka kal. Chhuanga hnenah ui seh avanga in jection chu a vawithumna leh a tawpna atan ka ka leh. Rs 1,350/- man tur a ni a, ui neitu, Pu Dawla te hian an tum dawn a ni. Inhnuai luahtu, Manipur raltlan te chu Neihbawi lamah an insawn chhuak. 3rd. Thursday : Huanah ka va feh a, thlam thlang hnim ka thian. Bike ke hnunga tubeless chu tube ka vuah a, mahse, a puncture lehnghasl. 4th. Friday : Zing ka thawh veleh bike ke a lo thep tih ka hmuhni mak ka tiin pawi ka ti hle. Ka siam tir leh nnghal. Huanah thlai hmun tur ka va kap. Ruah tamlo te in a sur nileng a, hei vang hian chanchinbu chhutnaah pawh ka kal peihlo.Inhnuai chu Manipur raltlan ten an luah leh. A luahtu te bhi mihran anni. (15/12) 5th. Saturday : Huanah ka va feh a, thlam thlanga...

  1. THI LEH PIANG : Nikum (2023) chhung khan kan khawtlangah thihna in thla a zar nasa mawlh mawlh leh hle. Mitthi hi 42 zet awmin heng zinga pathum (ST Thara, HI Zahmingthanga leh Lammuanthang) hi hmun danga phum an ni a, hmundang atanga Sihphir a phum hi pahnih (Thangliani leh Rosangzuali) an awm bawk. Thi hmasa ber chu January ni 10 a mi, ST Thara h/o Lalrinkimi, Arpu, Seling lama phum tak kha a ni a, thi hnuhnung ber chu December ni 21 a thi, Pu H. Ronghinglova h/o Lungmuani, Arpu kha a ni thung. Hetih mek lai hian sub-center enkawltu te chhinchhiah danin nikum (2023) chhûng khan naupiang thar hi 81 lai an awm bawk. 2. ROHRENGA HALL HAWNG : January ni 12 khan Chief Minister leh Bialtu MLA ni bawk, Pu Zoramthanga chuan Kawnveng Twin Market chunga a Sihphir Lal, Rohrenga hmingchawi a Hall siam 'Rohrenga Hall' chu ropui takin a hawng.     Chief Minister chuan khawtlang inrelbawlna atana tangkai tak tur, vantlang punkhawmna atana hmun remchang tak hawn a ni thei chu...

1st. Saturday : Kolasibah Au Dinpuii kan unau hoin ral kan tum naa kal ve tumin ka insiam vek tawh. Ka nsawm leh meuhloh avvangin ka haw leh a, nilengin ka mu. Kolasib kal chungchang hi ‘Sialrothanga tu ten kan unaunu kan ral’ tih hmangin report ka ziak. Kan in chhuahsan tak chu Manipur raltlan ten an luah lut. 2nd. Sunday : Chawlhni mah nise kan nawmloh nupa avangin kan inkhawmlo. 3rd. Monday : Ka la nawm meuhloh avangin inah ka awm nileng. 4th. Tuesday : Ka la nawm meuhloh avangin inah ka awm nileng leh. Nu Ruati hnen atangin kar hmasa a an huan ka sam hlawh, Rs 2,500 ka dawng a, ka lawm hle. Rs 100/- chu min dil angin ka hniam a ni. 5th. Wednesday : Ka la nawm meuhloh avangin inah ka awm. 6th. Thursday : Ka la nawm meuhloh avangin hna ka thawk lo. Chhunah kohhran thilah biak in thar sakna tura mamawh hmasa mining ho bungrua  dahfela hnatlannaah ka va thawk phei ve. Maawmi, Au Hnehkimi fanu MA pass lawmna, BT Picnic spot-ah a kal ve. 7th. Friday : Huanah thlai hmun tur ka va thia...

  Pathian hruaina in kumthar 2024 chu dam takin kan chuangkai leh ta. Pathian chu fakin awm rawh se. Kumthar a lo thlen hian kum liam ta kha thlirlet chungin tun kumthar kan hman chhoh tur pawh hi a tangkai zawnga hman tum ila, hmasawnna eng kawngah emaw tal chuan min neihtir ngei ang. Mahni nun leh hnathawh, kan hun hman tawh danah fel lo leh siamthat tur a awm em? tia thlirlet fo hi a tangkaiin tih tur leh tihloh tur min hmuh fiah tir tu a ni a, chuvangin, kum liamtaa kan hun hmandan atangin danglam ngai nia kan hriat kawngah chuan danglam ngam ila a duhawm hle ang. Kan hnung hapta kan hman liam takah khan theihtawpa hlim tumin kan hmanhlel hle hlawm a nih kha. A tha e, kan Bible ngei pawhin theihtawpa hlim tur leh kan hun hlu te nuam taka chen turin min duh reng a ni. Hringnun hi eng emaw a behbawm leh kalphung nghet min phuartu a awmloh chuan a rawih ral mai duh hle. Chung avang tak te pawh chuan nuam kan chen hi a tul ve reng bawk a ni. Kum 2023 chu kan lo hmangliam leh ta a. ...

  1st. Friday : Election Commission of India (ECI) in MLA inthlan result puan ni atana Pathianni an ruat chungchangah Kristian ni serh humhalh punkhawm Raj Bhavan hmarlam gate bulah neih a ni a, he hun hi Pu Nghaklianmawia, president MUP chuan a kaihruai. A hnu deuhah ECI chuan December ni li a puan tur a nih thu in an tifel nghal.  2nd. Saturday : Vanapa Hall-ah Mizo tradittional fiction behchhana siam KEIMI film chu Carol VLMS Dawngkimi, Director, Art & Culture Department chuan a tlangzarh. Christo Pa Entertianment leh B Lego Pictures te buatsaih KEIMI film hi Christo Pa ziak a ni a, he film buiatsaih nan hian kum khat chuang hun hman niin MIzoram leh Myanmar ram chhunga khaw hrang hrangah chan a ni.   3rd. Sunday : Mizoram pum huap, Catholic Thalai Inkhawmpui  Zirtawpni atanga St Peter the Apostle’s Parish Chhingchhipa neih tan chu a tiak. 4th. Monday :  November ni 7 a Member of Legislative Assembly (MLA) kan thlan result chu district khawpui tinah ...

  1st. Thursday : Kan hna ngai kan chhunzawm. Maawmi Lalmama (Davida) te inneihnaah a inkhawm a, keipawh ban hnuah phei ve in zanriah kan ei nghal. Atei a lo chho a, (22/6) inneihna ruai a kil ve. Chhantea te inah a riak. Kristian Tlangau a lo thleng. 2nd. Friday : Kan hna ngai kan chhunzawm. Chumi hma in huanah ka va kal zuai a, DTI kawng atangin hna hi ka zawm. atei kawmchhakah a riak leh. Ka bike betterry a chhia. Zanah chanchinbu chhutnaah ka kal. 3rd. Saturday : Kumina a hmasa ber atan library kan hawng. Forest-ah kan thawk leh a, vawiin chuan Sakawrhmuiotuai parking leh a chhehvel kan sam. Tunkar hlawh Rs 6,500?- ka la a, ka lawm hle. Ka bikle betterry chhia chu Athlaa ka entir. 4th. Sunday : Chawhmaah Sunday School kan kal a, chawhnu leh zanah inkhawm loin Maawmi a inkhawm thung. Atein kawmchhakah zanriah eiin a riak leh bawk. Ka bike betterry chu a tha leh ta a, ka lawm hle. 5th. Monday : Kan hna ngai kan chhunzawm. Atei kawmchhakah a riak leh. Maawmi hlawhfa pahnih hruaiin...

  1. BIAKIN RAWK : February ni 15 khan Mizoram Police te chuan report an dawn bawhzuiin  Electrict North BCM biakin rawktu, tualchhung tlangval, ruihhlo ngai chu an man. He pa hnen atang hian pangpar khawina (vase) pasarih, cheng 3,500/- man hu leh pangpar lem, cheng 9720/- man hu hmuhlet a ni.  Hemi atanga ni 20 ral hma in BCM biakin pahnih chuan rawk a tawk leh a, August thla khan Lunglei Zobawk Vengthlang Presbyterian Kohhran Biak In chu suasam a ni leh bawk. Hetianga biakin rawktu te hi rukru chu awm bawk mah se rilru lam buaina a ni tlangpuiin a lang a, chuvangin, Zoram ringtu te kan in enfiah a tul takzet a ni. 2. PHIR ZAI :  Dr.John Lalliandinga, Associate Professor of Surgery and Paediatric Surgeon, ZMC leh a team te chuan February ni 22 khan Mizoram a a hmasa ber atan phir, an taksa a inzawm "conjoined twins" chu Zoram Medical College-ah hlawhtling takin an zai.    Zaite hi Lawngtlai district-ah February ni 9, 2023 khan an piang a, an awm leh dul a...

  1st. Monday : Huanah thlam sask kan va chhunzaw. Perek leiin hnathawhna hmun atangin ka haw leh. Atei Aizawl atangin a rawn kal zuai. Kan inhmulo thung. 2nd. Tuesday : Nu Ruati te Sethupkawn huan samin ka han inhlawh. Lalnunkima, Zui Sasera fapa, Lalremtluanga damloh hma daiha damlo tawh chu a thi. 3rd. Wednesday : Nu Ruati te huan ka han sam leh. An duh chin ka sam zo a, zanah hlawh Rs 2,600/- ka va lam nghal. Huanah Hriatpuia leh Ricky-a an kal. 4th. Thursday : Chhantea te ita leh block vel unload in ka inhlawh. Ni Biaki thih champha kar khatna a ni a, chawhnu herah rei vaklo ka chhuk. Ruah a tlak avbangin ka haw a, ka kal leh talo. Hriatpuia te pahnih an feh leh. 5th. Friday : Zingkarah Hriatpuia dfapa Gujarat a football khela awm lo haw chu chanchinbu hmingin ka va kawm. Insawn bungrua vel nilengin ka buaipui. Zanah chanchinbu chhutnaah ka kal. Hriatpuia te pahnih an feh leh. 6th. Saturday : Insawn bungrua vel nilengin ka buaipui. Heng vel avang hian huanah ka va kal zuai. At...

  1st. Friday : World AIDS Day a ni a, a hmanna pui ber Vaivakawn YMA Hall-ah chuan Sihphir atangin Agape Society for Community Care staff pahnih an kal. 2nd. Saturday :  Sarepkawn kawng khi/chhia chu siam that a ni.  3rd. Sunday : YMA ten member budget an khawn mekah Taitesena section te chuan   ₹32,260/-  khâwn chhuakin section khawn chhuak hnem ber an ni.   4th. Monday : Thla kaltaa MLA inthlan result chu puan a ni a, Sihphir booth pathum atangin ZPM chuan vote 1132 hmuin an hmu sang bera, MNF in vote 1053 a dawtin, Congress 291 leh Independent 72 in an dawt leh. 5th. Tuesday : Thla hmasaa boral, Tv. Adama, Chhanhim veng hriatrengna lung chu kohhran leh chhungkhat laina ten an phun. 6th. Wednesday : Pi Lalrammawii, kum an chenna Inah ‘Thin tha lo’ avangin a boral.       7th. Thursday : Zuangtui leh Durtlang inkar 33kV line chu Muanna vengah thing tluin line a vuak avangin hun engemawchen eng a khaihlak. 8th. Friday : Sihphir...