Lalchhanhima Varte

 (Sawiremtlang editorial)  Kar hmasa khan 'Pawl puipa te hnena thurawn' tih hmangin kan theihna a inan hlawm loh chungchang sawiin theihna bik tha tak an neih avang ringawta chumi hawi nilo a chanvo inpek a fuh loh theih dan chunghang kan sawi anih kha. Kum a lo thar hian mawhphurhna hrang hrang kan in ruat/thlang thar thin. Pawl thenkhat hruaitu/thawktu in thlak emaw tih danglam harsat tak kan awm thin. Thalo nia hriat na na na chu hnawl ngam a tul khawp mai. Hruaitu/rawngbawltu inthlak emaw chawlhtir hian thenkhat chu ti chhunzawm ta lo mai te pawh kan awm thin a, a zialo hle. Chutiang mi chu hruaitu tlak pawh an ni lo tihna a tih theih hial awm e. Naktuk maiah Sihphir branch YMA hruaitu tur kan inthlang leh dawn a ni a, uluk takin tawngtaina nen inthlan hi hmachhawn thei ila a duhawm khawp ang. Mi thenkhat ngaihtuah chiang mang loa a ngai thlan ngawt ching kan awm thin. Mi tha tak an nih chuan a lawmawm a, inthlak kual kher pawh a tullo thei. Mahse, pawlawh luat avanga mida...

  *BIAKIN RAWK : January thla laihawl vel khan  BCM Ramhlun North Biak In dar chu ruk bo a ni. Biak in sak ṭhat lai a nih avangin dar khaina tur mumal taka an siam hma a ni a, kohhran hall bul remchang laia an dah lai a ni. Tin, February thla khan Zotlang Presbyterian Kohhran godown chu misual in an rawk bawk a, electric khawl pathum (Pakhat Rs.20,000/- chuang man) ruk bo a ni.   Mimal thil bo hi chu a la hriatthiam theih. Sakhaw biakin thil thlenga a bo ta fo mai hi chu a mak ngawt mai. * THLAWHNA CHESUAL : January ni 23 khan Mizorama Burma sipai tangkhang pur tur thlawhtheihna  Lengpui airport a rawn tum chu a runway-ah a chesual. Thlawhtheihna hi runway sira ruamah tlain mi chuang 14 zinga  in 8 in hliam na vaklo an tuar. Thlawhtheihna hi passenger 100 vel phur thei chi a ni.   Kum 1998 a airport hawn a nih atang khan thlawhna a tumhnih chetsualna chiah a ni. Kum 2011 khan NE Shuttle, thlawhtheihna te chi chu runway-ah tlan tlangin khamah a tla tawh...

 (Sawiremtlang editorial) Kum 2024 chu kan hmang zo ruai a ni ta. In chingfel tawh tlem azawng bakah kum khat term aia tam chu awm bawk mah ila, a tam zawk chu kum thar lam atan kan inthlang tharin committee leh chanvo neuh neuh pawh kan inruat thar leh hlawm ngei ang. Mitin hian theih zawng kan nei theuh mai. Zaithiam, thusawi thiam, infiam mi, hnathawh chak, driver, hmeltha, lemziak mi leh rimawi tum mi bakah talent hrang hrang kan nei thluah in a rinawm. Mihring kan inang lo ang bawkin kan theihna pawh a danglam hlawm a ni. Hetah tak hian a ni puipa/OB te kan rawn duh chu. An zaithiam vang emaw chumi khami chu an theih vang emaw committee peng hrang hranga inruat hi a awm thei a. An theihna zawna kan inruat thin hi chu a fuh thlawt. Mahse, theihna bik nei langsar tak te an theihna line ni lemlo, an lar avang a inruat kan ching thin hi a fuh lo viau. Mitin hi mi thalo tak tak kan awm in a rinawm lo. Nihna hian min phuar ve miau avangin ruat kan nih chuan mi pangngai chuan kan ti ...

  (Sawiremtlang heading) Nimin, Zirtawpni khan Sihphira hmun hlui humhalhtu pawl (LIDCAS) chuan Sehlawh rama Rophum puk chu an luh chhuak. Rophum puk hi Theihaikawn atanga Thingsetlang pan pheina, a awm a ni a, forest department plantation mawnga, Pu Pazawna, Zion veng huan mawng  hmun awih chin a awm a ni. Lung puk a niin mihring tan chuan bawkvaka luh ngai a ni a, hmelma laka him na tur in hlet te pawh a awm ve thlap a ni. A puk hi lei atanga feet 4 vel a sang a ni a, a chhungah chuan mi pahnih vel nuam takin a thut theih ang tih vel a ni. A puk kotlangah hian bung kung a awm avangin a hlet thenkhat erawh kal ngaihna awmlo khawpin a danglam tawh thung. A chhehvelah hian puk dang a awm nual a, tuntuma fehchhuak te hian chung puk hrang hrang te chu an luhchhuah hlawm a, kham panga awm a nih avang erawh chuan chet vel a harsa hle. Puk hi engtik hun a awm nge tih hriat phak a ni lo a, pi pu te sawi danin  Sehlawh tlang awm lai mai ni lo, Phuihnamchhia awm lai pawh a hmuhchh...

  Luka bung 21 kan en chuan hmeithai rethei tak pakhatin a thawhlawm thawh chungchanga Lal Isua comment kan hmu hlawm awm e. Pawisa pahnih lek a thlak chung khan (chang 3 na-ah) “Tihtak zetin ka hrilh a che u, heng zawng zawng ai hian he hmeithai rethei te hian a thlak tam zawk.... ,” a ti a nih kha. Kar hmasa khan Krismas lo thleng tur puala tu emaw tal tanpui turin kan inngen anih kha. Mi hausa inphal ten mi an tanpui thawm kan hriat changa kan sawi thin chu 'Nei ve deuh ila chu.....' tih a ni fo. Hmeithai rethei thilpek, pawisa pahnih lek pawh Lal Isua'n tam a ti a ni a, chuvangin, neih tam ringawt a ni lo a, thinlung hausa a mi dang te kan puih hi a pawimawh ber chu a lo ni. Hausakna diktak chu thinlung hausa a ni tihna a nih chu.  Kan khawsak mil zelin mi te tanpui kawngah ke kan pen thei vek a lo ni a, chuvangin, hausak hun kan nghak a nih chuan engtikahmah mi kan tanpui thei ngai lo ang.

  "Sual bawih, riangvai, saltangte leh Thihna hlima țhute tan, Pialral ni eng mawi a lo chhuak, Piallei thim a rawn chhun eng." A chunga hla thu kan hmuh ang khian misual, riangvai, saltangte leh mi lungngai te tan Lal Isua a lo kal a. Chumi champha chu kan hma lawkah a lo inher chhuak leh dawn.  Khawchhak mifing ten an neih hlu ber ber nen nausen chibai an buk ang khan Lal lo piang hi chibai i buk ve ang u. Matthaia bung 25 na kan chhiar chuan chang 40 na-ah 'Tin, Lalber chuan an hnênah, ‘Tihtak meuhin ka hrilh a che u, hêng ka unau tê berte zînga mi pakhat chunga in tih chu ka chunga ti in ni,’ tiin a la chhâng ang.' tih tih ziak a ni. A thu dang chu kan hre tlang vek awm e. Chuvangin, eng mi pawh tanpui ngai te kan puih hian Lal Isua kan tanpui a lo ni a, anmahni ai mahin Lal Isua hi a lo lawm thin dawn a nih chu mawle.  Tunhnai-ah kan khaw pa pakhat, mimal leh khawtlang ang pawha kan puih fo chuan mual min liam san a nih kha. A ni kha mi tam zawk chuan kan hre nge...

  1st. Friday : Synod Conference Centre, Aizâwlah Mizo zepui nunpuitu hnêna pêk ṭhin “Rokunga Award - 2024” chu Pu C Thangmâwia, Sihfa hnênah hlan a ni. He award hian award trophy, tangkapui (medal), thuchei (citation) leh chêng sîng nga (50,000/-) a keng tel. 2nd. Saturday : Roman Catholic Kohhran tân khawvêl pum huap “All Souls’ Day” a ni a, he nî hi Mizoramah pawh Roman Catholic kohhrante’n urhsûn takin an hmang. 3rd. Sunday : Kolasib District Jail-a tang mek, R.  Biakthansanga (52), Lungdai, chu Kolasib District Hospital chung zawlah thia hmuh a ni a, a inawkhlum nia hriat a ni. R Biakthansanga hi POCSO Act vanga jail tang a ni a, pum lam fel loh avangin Kolasib District Hospital-ah admit a ni. Amah vengtu hnenah inthiar a dil a, a let har deuh avang an ngaihven nak chuan hetiang hian an hmu ta mai a ni. 4th. Monday : Mizoram Football Association chuan Mizoram Premier League Season 11-ah khan match fixing a awm ngei tih a hria a, uluk takin CID te nen an chhui hnuah mi pla...

  1st. Friday : YMA thlabi committee chu Conference hall-ah neih a ni. 2nd. Saturday : Venglai KTP (Daniela Group) te chu Kawnvengah sum tuak nan motor silin an hnatlang. Motor engemawzat an sil a ni. 3rd. Sunday : Hualziki, kum 80 w/o Lalthuamliana (L),  Tamlo Veng chu thawhah natna avangin vartianah an chenna inah a boral a, P.C Lalnuntluanga, kum 50 h/o Lalhmangaihzuali,Arpu Veng chu chhunah Shillong-ah 'Inter Bleeding' avangin a boral ve leh. 4th. Monday : Upa C. Zairemmawia, Dinthar veng rawngbawlna na, zan li awh tur 'Final exam pui' crusade chu Vana pa hall-ah tan a ni. He hunah hian Sihphir atang pawhin mi engemawzatin an tawiawm. 5th. Tuesday : Lalzârzova Râlte, kum 45 h/o Lalrinkimi, Arpu veng chuan chênna inah inawkhlum a hmuh a ni. Aruang hi Thuampui Venglaia an inpui-ah chhûngkaw inbiakremna angin lâk thlaka ni.      6th. Wednesday : Chawngbawla Section YMA te chu thlân lai (laih lawk) in an hnatlang. 7th. Thursday : Zoremsanga s/o Awnemi, Bawngkawn...

(Sawiremtlang editorial) Mitin an chunga rorêltute thû thûin awm rawh se. Pathian thu lovin tumah rorêltu an awm si lo; roreltua awmte hi Pathian ruat an ni. Chuvângin, tu pawh rorêltu hnial chu Pathian ruat dodal an ni a; a dodâltute chuan anmahni chungah rorêlna an hmu ang. (Rom 14 :1&2) Sihphir to Durtlang kawng siam chungchangah alkatra nge cement hmanga kawng siam tha zawk ang? tih chungchang ngaihtuahin veng pahnih (Venghlun leh Sihphir) VC ve ve te leh YMA OB ve ve te chuan November ni 14 khan Joint Meeting an nei a, ngun tak a ngaihtuah ho a nih hnu-ah ruahmanna awmsa cement hmanga siam chhunzawm tha an ti a. PWD hotute hnenah thlen nghal a ni.  Kawng tha kan duh a, chutihrualin thil tha nei tur chuan hrehawm tawrh hmasak a ngaih thu te pawh hre tel ila a tha awm e. Tunhnaia kan khawtlang hruaitu te thutlukna hi hi a fuh em? tih hriatthiam a har hle mai a, thenkhat phei chuan anmahni thua ti tlang tawp ni a ngaiin hetiang thil pawimawh lutuk ang chi hi chu mipui pawh ra...

  (Sawiremtlang heading tura ruahman a ni naa, tildang kan dah leh ta zawk. Phek hmaah tho kaihtawia dah a ni.) Mizoram Sawrkar a Local Administration Department Secretary, Teresy Vanlalhruaii chuan Nilaini (20.11.2024) khan thuchhuah siamin Mizoram Chief Minister in November ni 14,2024 a a lo remtih tawhna angin tuna VC dinglai te chu an term pawh tawi sak an ni dawn a, nakkum February ni 19 chu VC dinglai te Term tawp hun atana bithliah a nih thu a tarlang. Mahse, hei hian Mizoram chhim lam a Autonomous District Council  pathum, LADC, MADC leh CADC te bakah Aizawl khawpuia Local Council te a huam lo thung. Sorkar hian a tul dan azirin VC term hi thla ruk chhung a pawt seiin a pawt tawi thei a ni. Tunhnaia inthlan hun te lo tarlang ila :- 2009 - Feb ni 24 2012 - Feb ni 23 2015 - April ni 30 2020 - Aug ni 27 (Hemi kum hian Covid vangin an hun pawtsei a ni.  February ni 19 a an term a tawp dawn chuan hemi hma, February thla chawhma lamah V/C inthlan a ngai dawn tihna a ni ...

   (Sawiremtlang editorial) Midang te tanpui hi kum tam liam ta atang khan thil sual niin a lang ngailo. Mi la tanpui miahlo chu kan awm lo hial in a rinawm. Mizo thufingah chuan 'Lungpui pawh lungte in a kamki loh chuan a awm theilo' tih a nih angin dinhmun tha zawk a ding te leh engkim nei thei hial a kan ngaih te pawh hian mi harsa zawkte tanpuina tel lo chuan eng an ti thei bik hauhlo nia. Mi la tanpui ngailo kan awm a rinawm lo ang bawkin tanpuina mamawh lo pawh kan awm lo anga, a dawn pawh kan dawng vek tawh ngei ang. Mamawh lai tak maia tanpuina dawn ngat phei hi chuan a cheng (pawisa) lam a ni lo. Lawmawm tak a ni.  Kumtawp lam a lo ni leh ta a, Kristian te hunpui, Masi pawh kan hnaih leh ta hle mai. He hun hi theihtawpa hlima hman kan tum leh vek ngei ang. Harsa chung chunga kawrmawi lei emaw hun danga kan tih zen zen loh tih kan tum vek thin a nih hi.  Mi thilphal thenkhat lahin tanpui tur te zawngin thenawm khawveng mai bakah hmundanga awm te tanpui an tum...

  (Sawiremtlang editorial) Social media kan hman a chinah kan thil hriat ngai loh thu thinthawng tak tak kan hre tam malh malh hle. Hetiang thil hi a pung ta hluai tihna pawh a ni lo a, thil thleng apiang kan hriat tak zung zung vang a nih a rinawm. Kan thil hmuh leh hriat te chu kan chhung leh thian ten an hriat ve loh hlauin kan forward/share zung zung a, kan hriat loh tur mang mang pawh kan hriat phah thin a, a lawmawm hle. Hetih lai hian forward tur chin hriat a tul hle in a lang. Tunhnaiah medical lam thilah ha na damdawi leh heart attack damdawi ni awm tak, awiawm loh lutuk a darh chiam mai a, awih lo in hman tum lemlo mah ila lo hmang chhin duh an awm palh thei a, lo awm ta se engtianginnge anmahniah a nghawng ang tih a hriat loh. Chuvangin, thil that hmel tak kan hria a nih pawhin tak tak a nih leh nih loh midang rawn hmasak thin a fuh in a rinawm.  Hemi chungchang kherlo-ah pawh thil forward tur chin hriat a tul hle bawk ang. Committee thu emaw group (chhungkua) vela ...

  (Sawiremtlang editorial atana ruahman deuh ani na a, thildang kan hmang leh ta zawk) Tunhnaiah thlai chungchang te, ruk ruk avang te leh football kaihhnawih (Venghlun lam mah ni se Sihphir anga hriat anih miau avangin) avang te in kan hmingchhe hle. Amaherawhchu, he kan hmingchhiatna hi kan zaithiam te leh infiam mite avangin thaibo in a awm dawn in a lang. Kâr kalta Zirtawpni zân khân Zonet Cable Network buatsaih, 10th Annual Ṭhazual Award _(Mizoram a zaithiamte Award ngaihhlut ber zing a mi)_ ah Nl. Siampuii Râlte, Dâmvêng chuan 'Best Music Video' (Lêngzêm) chu _'Lêngi' Music Video_ aṭangin a dawng. Music Video siamtu hi Reuben Lalmalsawma a ni. Tin, 'Best Female Artist' (Lêngzêm) ah nominees zingah a tel bawk a, award la zo ta lo mah se nominees-a tel phâk ringawt pawh hi a nêp lo hle  a ni. Tin, Central KṬP buatsaih mal zai intihsiak _'Praise On, 2024'_ ah Nl. J. Lalruatsangi (Sângbawihi) KṬP Sihphir Branch member chu Top 5 ah tlingin, November ni ...

  Lalchhanhima Varte, Editor, Sawiremtlang Naupang kawlhrawng leh kawlh ve na na na chu Vengthar (Venghlun/in veng) lam nen'a intih buai hi kan chingin nuam pawh kan ti ve hle. Phak ang tawkin kan haw ve hle a,  tournament a awm nikhua te hian Vengthar/in veng tumpui apiang hi ka tan zel bawk. Hetiang hi ni mah ila thian te chu kan nei ve nual lawi a, rawn len phei lah chu kan sim thei malek lehnghal. Kan han rawlthar chho a, ngaihzawng nei hawt silo te pawh khan 'nula rim ang' tiin Vengthar lama rawn phei kha kan thulh manglo a ni ber mai. Luhkhawmna bik (RV) kha kan nei a, chutah chuan nula te pawh an awm ve tho. Tunhnua ka ngaihtuah let hian an nula te tan khan a nuam awmlo ti ka ti thin. Kan luhkhawm hnu khan lenna tur kan han ngaihtuah chawp ngei a, anmahni kha chu rim emaw ngaihmelh enah kan en lo hrim hrim. Vengthar thian te kha kawmngeihin ngaina viau mah ila, veng leh veng boruak chhia hi a alh leh hluai mai thin a, thian tha te nen pawh kan han in bakkaih leh ang ...

  (Sawitemtlang editorial) Sihphir khua hi mi taima khua tiin hriat kan hlawh thin. Tunah kan la ni em tih chu a tehtu a zirah ngai ta ila, hetianga min hria hi a hmingthatthlak takzet a ni.   Mi taima kan tih hian kan rilru a lo awm hmasa ber chu huan thlai siama eizawnna hi a niin a rinawm. Sihphir mi zatve aia tam mah hi thlai siama eizawng kan ni in a lang a, eizawnna atana hmang chiahlo, mahni ei tur chauh ching nen phei chuan thlai khawihlo hi chhungkaw tam kan awm in a rinawm lo. Thiamna a sang zel angin kan thlai enkawl dan pawh a changkang chho ve zel a, tunhmaa kan lei hang ringawt ang kha duhkhawp tawhlo in vai leitha chi hrang hrang kan pe a, a thanna vitamin leh rannungin a bawm duhloh na damdawi te pawhin kan kap ta fo mai. Mithiam ten a him chin leh a hman dan tur an tih ang hi hian ti thei ila mihring tan pawh a pawina awmlo a sawi a ni. Amaherawhchu, kan duhthawh leh duham luat avangin han uar hret kan awm leh thin. Tunhnaiah veng thenawm te thlai an ei a...

  1st. Tuesday : Khawvêl pum huap upate nî (International day of older persons) a ni a, Zoram hmun hrang hrangah hman a ni. Sihphirah pawh  YMA hall-ah hman ve a ni. 2nd. Wednesday : Rohrenga Hall-ah AAP (Annual Action Plan) chungchangah special gram sabha neih a ni. 3rd. Thursday : Sihphir Kohhran Hmeichhia te chuan Synod hmun pawimawh hrang hrang an tlawh. 4th. Friday : YMA thlabi committee chu Conference hall-ah neih ani. 5th. Saturday : Ni hnih awh, Sihphir Pastor Bial Masihi Sangati Sammelan, vawi 8-na chu Vênglai Kohhranah tan a ni. Thupui atân 'Pathian hnaih rawh u' tih a ni ang.   6th. Sunday : Ni thum awh, Sihphir Bial UPC Missions Department Inkhawmpui, vawi 29-na Sihphir kohhrana neih chu  a tiak ta. 7th. Monday : Sihphir branch YMA chuan an huamchhûngah tunlaiin naupang leh kum tling lo tleirawl/râwlthar te zân lama an chhuah nasat chungchangah hei hian thil ṭha lo tam tak a hring chhuak nia an hriat avangin nu leh pa leh chhûngte tel lo chuan zânah ...

  1st. Tuesday : Khawvêl pum huap upate nî (International day of older persons) pualin National Programme for Health Care of the Elderly (NPHCE) bultumin Central YMA Conference Hall Tuikhuahtlang, Aizâwlah hun hman a ni. He hun hi Health secretary, Sangchhin Chinzah chuan a hmanpui.    2nd. Wednesday : Volleyball Federation of India hnuaia national referee, J Lalramropuia Tlau (40), Bâwngkâwn Aizâwl chu   Greenwood Hospital, Aizâwlah thin thalo avangin a boral. 3rd. Thursday :  October ni 18 thleng awh tûr, Champhai Nature Conservancy huaihawtin Mizorama Hnahsin Kût hmasa ber chu Champhai phaizâwlah Adviser to CM, Pu TBC Lalvenchhunga'n a hawng. 4th. Friday : Kolasib District Fasi Track Court-a judge, R Vanlalena chuan judgement & order a tichhuakin July 22, 2023 mipa naupang pawngsual tu a puh, Asgat Ali s/o Akash Ali, Lakhipur, Cachar district, Assam chu kum 20 chhung tang turin a chungthu a rél. Asgat Ali hi Assam atangin Mizoramah cement mistiri hna...

Kristian Tlangau leh Kristian thalai chanchinbu te naupan tet atanga la kan ni bawk a, a ngaihnawm emaw ngaihnawm lo pawh ni se kan hnen lo thleng tawh chu hmaih loin ka chhiar chhuak vek thin. Kan veng chanchinbu mimal ta leh YMA buatsaih bakah kohhran mal chanchinbu pawh ka chhiar uluk thin hle. Man chawia kan lak a nih tlangpui avangin ka chhiar loh chuan pawisa insen thlawn na-ah ka ngai tlat. Chanchinbu neuh neuh bakah lehkhabu dang pawh hi tih bik awm chuanglo in ka hmuh ang ang chhiar chawt zel mai mi ka ni. Hetiang chhiar thin takah chuan tha ka tih thu emaw ka duh khawp lohna ang chi bakah sawi zui chak ka ngah thin hle. Vanglaini chanchinbu in website an siam hnu phei kha chuan tunlai angin chhiar tur la tam ve hek lo, ka va chhiar kimchang thei tak em. Sawi zui chak ka ngah em em lai a comment section an siam takah phei kha chuan ka comment nasa ve thin hle. Thil tam tak ka hriat belh bakah in hrikthlak nan te pawh a lo tha khawp mai. Hun a kal zel a, en tur (website) pawh a...

  Tun thla ni 3 atanga 18 thleng khan Champhai leilet zawlah'Hnahsin kut' hman a ni a, chanchinthar vel atangin kan hre hlawm in a rinawm a, a hlawhtling thawkhat viau ni pawhin a lang. Hnahsin hi a vullai tawi hle mah se a hun lai chuan a aia mawi awm chuangin a lang lo. Sakawrmuituai tlangah pawh hian ni 24 June 2022 khan kan khawtlang hruaitu te hian hian tlang a chei ringin an phun ve tan a, a hun lai na na na chuan a parmawi thei hle. Hetia Champhai khua ten a kùt meuh siama an lawm takah hian kan tlang pawhin tlawhtu a ngah phah hle. Champhai te chu Aizawl atanga khaw hla tak a nih avangin Champhai town leh a vela thingtlang khaw thenkhat bakin an tlawh hmel lo a, keini erawh khawpui dai maia awm kan lo ni nen kan lar phahin Champhai kut chu Sihphirin a hlawkna kan tel pawh a tih theih awm e. 'Sihphirin office leh hmun pawimawh kan neilo a, addict center kan ngah hle ringawt' kan ti fo. Tunah erawh kan Sakawrhmuituai tlang chuan Sihphir khua min chawi larin a hlaw...

  Tun tum chu kar hmasa lama Mizoram governor tanglai, Dr Hari Babu Kambhampati damloh avanga a aiawh lailawk tura tih, Tripura Governor ni mek, Shri Indrasena Reddy Nallu chanchin tlangpui hi kan hriat tlan atan tarlang teh ang. Indra Sena Reddy Nallu hi March 31, 1949 khan Telangana state-a Nalgonda district chhunga thingtlang khua, Ganuga Banda-ah a piang a, a nupui Renuka Nallu nen fapa pathum an nei. Kum 1983, 1985 leh 1999 khan Andhra Pradesh (Telangana state pian hma)-ah MLA atan thlan tlin a ni a; kum 2003 khan Andhra Pradesh-ah BJP president niin, kum 2014 khan BJP national general secretary a ni leh bawk. Politics leh social engineering lama mithiam tak a ni a, he mi lam hna ropui tak a thawk thin nghe nghe in khawtlang hmasawnna vei mi tak a ni.  October 26, 2023 khan Tripura governor hna hi a chelh tan a ni. Indra Sena Reddy Nallu hi Mizoram state governor 23-na a ni. Mi 23 zingah hian a ni tiam hian pariat chu state dang govenor ni chunga Mizoram governor hna hmui...

  1st. Sunday : Tualchhung kohhran hrang hrang te chuan beihrual inkhawm an tan. Beihrual thla hian zantin inkhawm a awm thin a ni. 2nd. Monday :  KṬP Sihphir Vênglai Branch te chuan CKṬP thuchhuak bawhzuiin PES Sihphir Vênglai zirlaite hnênah ruihhlo ṭhatloh zia inzirtirna hun an hmang. 3rd. Tuesday : Synod Camping Center-ah Synod Revival Department ruahman angin chhandamna camping neih tan a ni a, he hunah hian speaker chu C. Laltlanthanga, Agape Gospel Rhema team a ni. Camping-ah hian mi za bawr vel lutin Sihphir atang pawhin mi engemawzat an lut. 4th. Wednesday : Primary School II chuan MRB aṭangin Water Cooler an dawnga,     zirtirtu te an lawm hle. 5th. Thursday :  Ramchhung hmung dang rualin hmun hrang hrangah Zirtirtute Ni, (Teachers Day)  chu zirna in hrang hrang ten hlim takin an hmang a, zirlaiten zirtirtute chawimawina thilpek pe in hemi pual hian hmun hrang hrangah hun hman a ni. 6th. Friday : Sihphir khua in hmeichhe lengzem artist kan ne...

  1st. Sunday : Vaivakawn Zohnuaia Sangthanmawia building, chhawng 7 a sang chu a chim. Vanneihthlak takin in chim avanga thi leh hliam an awmlo hlauh. Khawtlang hruaitute tarlan danin, kum 2017 vel atanga in hi che tan tawh niin tum engemaw zah khawtlang leh Sawrkara thuneitute pawhin an endik tawh a. Aizawl District Disaster Management Authority chuan August ni 29, 2024 khan khawtlang him zawk nan thiat tura thupek a lo chhuah tawh nghe nghe. 2nd. Monday : Shillong-ah North Eastern & Eastern States/Union Territories Tourism Ministers Conference neih a ni a, he hunah hian  Mizoram Tourism Minister, Pi Lalrinpuii pawh a tel ve. He Conference hi Union Minister for Culture & Tourism Pu Gajendra Singh Sekhawat leh Union Minister of State for Tourism Pu Suresh Gopi te kaihhruainain Vivanta, Shillong, Meghalaya-ah hman a ni.   3rd. Tuesday : A kaptu hriat loh silaimu in, Rothiangi (73) w/o R. Lalengliana (L) Mission Vengthlang chu a banah a fuh a, tu kah nge tih K...

  Kar hmasa khan 'Vawk thi sawngbawl dan' tih hmangin faina kawnga kan la hniam zia ti lang tura kan ran thi paih duhdan changkang lo zet chungchang kan sawi a nih kha. Ni e, vawk thi paihtu te kha an an demawm takzet a, mi thenkhatin misual chhuah a kan chhuah te pawh kha a awmlo hran awmlo e. Kha mite khan eng rilru pu a khatiang thil ti mai nge tih kan hrelo a, ti lo theilo dinmuna an din avang pawh a ni mahna.  Engpawhnise, khatiang hmuna an paih mai kha a vel (environment) fai tawkloh vang ni in a lang. Millennium center tualah khuan eng anga che thianghlim lo pawhin chil chhakin emaw bawlhhlawh an paih duh a rinawm lo a, chutiang bawkin khawilai thingtlang emaw ramhnuaiah emaw chuan hnam fai tak a lang pawhin  hnawm an paih ve fo tho mai bawk. Faina kawngah chuan rilru puthmang (moral) hi pawimawh bera ngai an awm fo. Mahse, kan moral ai mah chuan environment hi a pawimawh zawk in a hriat. Chuvangin, kan in leh a vel vawng fai ila, tichuan, bawlhhlawh paih kawngah p...

  1. Lalsangzuala (Tunga) kum 16, s/o VL Chhuangi, Arpu. February ni 22  2. Lalhliri, kum 76, w/o Zairema, Chhanhim veng, February ni 20 3. Khelthangpuii, kum 83, w/o Luaia, Tlangveng. March ni 26 4. Parkunga, kum 59 s/o Liantiala, Theihaingaw. May ni 7  5. Chhungtei, kum 100, c/o Kawlkunga, Dinthar veng. May ni 8 6. Lalhmingliana, kum 52, f/o JS Thara, Tlangveng July ni 28 7 Lalngengi, kum 65, w/o Lalnaa, Arpu. August ni 2 8. Tv Zonunsanga kum 23, s/o Chalchhunga, Dinthar veng. August ni 24 9. Engtluanga, kum 79, f/o Sangneihkima, Tlangveng. September ni 3 10. Tv Lalhmachhuana, kum 31, s/o Lalnaa, Arpu, Arpu. November ni 3 11. Biakliani, kum 61, w/o Lalchungnunga, Dinthar veng. December ni 5 12. Zairema, kum 70 w/o Lalhliri, Chhanhim veng. December ni 6 13. Kaptawna, kum 68, H/o Lalnghaki, Arpu. December ni 31

  (Sawiremtlang editorial) Kumin kumtir lam atang khan vawk hrilengin nasa takin min ti buai a, chhungkaw tam tak chu min rawk ni mai in a lang. Tunah tak chuan thi hi la awm ve bawk mah se a vanglai a pel chho tawh niin a lang a, a lawmawm takzet a, reh hmak tawh se kan ti tlang hle in a rinawm. Kar hmasa khan thu thin thawng tak mai kan dawng a,  Multipurpose hall chhakah vawk thi ruang hmuh a ni a, a zialo khawp mai. Thla liamta mai khan Sarepkawnah paih a niin Neihbawi Agriculture peng bula culvert-ah paih a lo ni tawh bawk. Kan khawtlang hruaitu ten vawk thlanmual an siam a, chutah chuan man chawi ngailo in inphum theih reng a ni.  Mi huanah kan in vulh te a nih ngawtloh chuan Neihbawi han pan remchang lo tan pawh kawmthlangah inphum theih mai a nih hlawm a rinawm. Hetianga vantlang hmun lutuka kan paih mai hian khawtlang hmel a ti bal takzet a, thil tenawm leh rimchhia a nih mai piah lamah hri hian min la kiansan chiah loh bawk si avangin hri pawh hi a rawn arh phah...

Kan hriat theuh angin nizan khan Etihad stadium-ah kan leng lut a ni a, champion lai an nih piah lamah an squad a chhah in keini hliam kan ngah lai tak a lo ni nen, chak tuma leng lut mah ni ila, kan beisei a sang vaklo niin a lang. Inkhel tan atanga reilo te-ah (chu chu minute kua tihna) city palian, Haaland chuan goal a thun ta mai reng a nih kha. Khata tang phei kha chuan kan zam takzet tawh. Beisei phak bakin kan sut leh mial a nih kha. Bench luah lum tura kan ngaih, Calafiori in kawh lutuk tak maia a'n khung zet mai kha chuan min va lam tir nasa tak em. Beisei loh tak maia kan sut kan lawm tawh nak a laiin goal kan khung leh ta mai!  Kan khung na tura Gabriel tumruh lutuk kha a va hmuhnawm em.  Red card kan hmuh chungchangah Trossard chet dan kha ka dem lo a, refree thutlukna kha lungawi lo teh mah ila, ka dem lemlo bawk. Mahse, bei a va ti dawng tak em. Arteta pawi ti lutuk kha ka khawngaih zawk. Second half-ah nasa taka min nawr chung khan kan tang tluan thei dawn emaw ...

  (Sawiremtlang editorial) Chanchinbu ti ngaihnawm leh a hlutna hriat theih dan tha ber chu editorial hi niin an sawi thin. A dik viau pawhin a rinawm. Kan chanchinbu a editorial te hi editor kutchhuak a tam ber rualin board member ten a remchan dan anga ziah thin a ni bawk a, heading leh tunlai thil thleng mila ziah thin a nih bakah chhuak hmasa zulzuia ziah chhunzawm chang a awm bawk. Tha pangngai ve tak ziah chang a awm rualin mimal thil emaw kohhran leh politic rawng kai lek leka ziah trum a awm bawk. Hei hian YMA chu mitin huap a nih zia a tarlang a tih theih awm e.  Thu han khak sual chang a awm fo a, chutiang nikhuaa chhiartute hnen atanga indeu mai loa fuihna kan dawng thin te hi kan lawm em em a, kan chanchinbu min hlutsaka kan tlinlohna a awm pawha min zilhhau hrehlo turin kan ngen a che u. Keini lam pawhin theihtawp chhuah zel kan lo tum ang.

  (Sawiremtlang editorial) Kar hmasa khan editorial chungchangah  chanchinbu ti ngaihnawm leh a hlutna hriat theih dan tha ber chu editorial hi ni a an  sawi thin thu sawiin theihtawp chhuah zel kan tum tur thu te kan sawi a nih kha.   Kan chanchinbu hi YMA ta a nih rualin khaw pum chanchinbu a tih theih ang chu. Chuvangin, a hlu in a bengvarthlak viau thin a, kum 30 chuanga upa ni ve tawhin media committee kuta awm a ni. Anni hian a enkawl tur an ruat chhuak leh thin a ni. YMA chanchinbu enkawltu te hi eizawnna atana thawk kan ni lo a, hei vang hian thuchhuah tur lakkhawm thu-ah buaithlak chang a tam hle. Chhuah awm tak chhuah loh chang kan nei fo tih pawh kan inhria. Hei hi board member te hian a thleng tih kan hriat lemloh thil a thlen ve fo vang pawh a ni ang chu. Chuvangin, thuchhuah tur hria chuan board member te hnenah hriattir thin nise kan lawm ngawt ang. Chubakah, thil thleng tur hriatlawk theih chi awm thu-ah pawh lo in hrilh lawk theih ni phei se chu...