1st. Sunday : Tualchhung kohhran hrang hrang te chuan beihrual inkhawm an tan. Beihrual thla hian zantin inkhawm a awm thin a ni.
2nd. Monday : KṬP Sihphir Vênglai Branch te chuan CKṬP thuchhuak bawhzuiin PES
Sihphir Vênglai zirlaite hnênah ruihhlo ṭhatloh zia inzirtirna hun an hmang.
3rd. Tuesday : Synod Camping Center-ah Synod Revival Department ruahman angin chhandamna camping neih tan a ni a, he hunah hian speaker chu C. Laltlanthanga, Agape Gospel Rhema team a ni. Camping-ah hian mi za bawr vel lutin Sihphir atang pawhin mi engemawzat an lut.
4th. Wednesday : Primary School II chuan MRB aṭangin Water Cooler an dawnga, zirtirtu te an lawm hle.
5th. Thursday :
Ramchhung hmung dang rualin hmun hrang hrangah Zirtirtute Ni, (Teachers Day) chu zirna in hrang hrang ten hlim takin an hmang a, zirlaiten zirtirtute chawimawina thilpek pe in hemi pual hian hmun hrang hrangah hun hman a ni.
6th. Friday : Sihphir khua in hmeichhe lengzem artist kan neih ṭhat zinga mi, Siampuii Ralte chuan music video thar, "Lengi" a tih chu a YouTube channel-ah mipui en theih turin a dah chhuak.
7th. Saturday : Ni hnih awh, UPC Sihphir Bial chuan Sihphir Biak Inah Sunday School Inkhawmpui rorelna hmangin an tan.
8th. Sunday : Presbyterian kohhran hnuaia Beginer-Sakramendepartment te chu an inkhawmpui.
9th. Monday : Presbyterian Kohhran Sihphir chuan T. Upa R. Lallungmuana, Synod Revival Speaker ruaiin Gospel Camping an nei a, mi 129 zet an lut.
10th. Tuesday : Sihphir Venglai PES Middle Section te chuan Murray's Resort-ah an inti hlim.
11th. Wednesday :
Central YMA Hall, Tuikhuahtlangah YMA rorelna sang, Central Co-ordination Committee (CCC) Meeting vawi 100-na neih a ni a. He hunah hian Sihphir branch atangin Treasurer, Pu C. Lalrinawma a kal a, Pu R. Lalduhzuala chu CEC a nih angin a tel bawk.
12th. Thursday :
Lalsangluaia s/o Lalnghâka, Kâwnvêng leh Ramnghahmawii d/o Lalhmingthanga, Lungdâi te chu Rohrênga Hall-ah Beth Israel kohhran dan in an innei.
13th. Friday : Social Reform & Action Committee chu tul hrang hrang avangin YMA conference hall-ah an inhmukhawm a, hemi hnu hian duty in an chhuak zui.
14th. Saturday : Pu Lalchhuanmawia (Chhuanmawitea), kum 29, s/o Vanlalfeli, Arpu veng chu Kawnvenga a nupui hlui te inah damdawi hman sual avangin a boral.
15th. Sunday : Presbyterian kohhran hnuaia Senior Department chu Venglai kohhranah an in khawmpui. Inkhawmpui thupui hi 'In kawng te chu chhut ngun rawh u' (Hagaia 1:5-7) niin speaker Tv Salim Zothanpuia, Synod Revival Speaker chuan tum thum a sawi.
16th. Monday : Bialtu MLA, Pu Lalthansanga leh Pu Vanlalhlana Minister te chuan Sinners' Friend Camping Centre, Dilkawn an tlawh.
17th. Tuesday :
Vanlalzama, kum 58 h/o Pi Lalhmunmawii, Rinchhan Veng chu cancer natna avangin Aizawl Hospital-ah a boral.
18th. Wednesday :
Sihphir Venghlun leh Sihphira kum
2024 April - August thla chhunga MGNREGS hnuaia hnathawh hrang
hrangte endikna Social Audit neih a ni.
Social Audit-ah hian hnathawh 60%
endik thin a ni a. Hnathawh measurement a tlin leh tlin loh te, document
hrang hrang update that leh that lohte
endik thin a ni.
19th. Thursday : North East cricket development council tournament, Nagaland a khel turin Mizoram Cricet team chuan Mizoram an chhuahsan. An zingah hian Sihphir tlangval pahnih, H. Malsawmzuala s/o H. Laltanpuia leh H. Laldintluanga s/o Lalrinzuala, Neihbawi ve ve te chu an tel.
20th. Friday : Sihphir khaw chhunga Electric hrui te ABC (Ariel Bunched Cable) hmanga thlak tumna chu kalpui ṭan a ni a, ban khur tur te laih a ni.
21st. Saturday :
Sihphir Lumet Association chuan tunlai khawvel changkang zelah thil man te a to chhoh ve zel avangin lu meh man an san.
22nd. Sunday : Sihphir to Selesih Joint
YMA Action Committee-te chu Selesihah an meeting a, he hunah hian tunhnaia
MZP-in SLT laka pawisa phut nana document an laksak chungchang sawir ho a ni. MZP lam hian
an pek kir leh tawh thu leh, an pawisa phut engemaw
zat an pek tawh thu te, SLT hian October thla atangin
hna thawh tan leh an tum thu an dawn chungchang te
an sawi ho.
23rd. Monday : ICMR-NIN Hyderabad leh Zoram Medical College tangkawpin India ram pum huap Survey (Diet and Biomarker Survey) a kalpui mekah kan khua chu Aizawl district chhunga khaw thlanchhuah zingah a tel a. Hemi atan hian Survey hna kan khaw chhungah tih tan a ni. He survey-ah hian kan khua a chenna in 300 rawn tlawhin heta tanga in 30 thlanchhuah anni leh dawn a ni.
24th. Tuesday : Presbyterian Kohhran Sihphir te chu thlanmual tharah an bethel. Thlanmual kal peihlo upa deuh ho in Biak Inah an lo ti ve bawk. Bethel a kal te hi mi 160 vel an ni.
25th. Wednesday : Khamrang to Selesih by pass road chungchang a Sehlawh ram huan nei ho ten PIL an thehluh chu hearing neih a ni.
26th. Thursday : Higher Secondary School building thar, Kawnvenga Govt. High School hmun a mi chu Pu Lalthansanga, Forest, Environment & Climate Change, etc. Minister, bialtu MLA ni bawk chuan a hawng. Hawnna inkhawm hi VCP, Pu Lalnelawma, Chairman, School Managing board chairman ni bawk chuan a kaihruai a ni.
27th. Friday : Pu K. Vanengmawia, Kawnveng chu Silchar-ah a motor body siamtirin a kal.
28th. Saturday : YMA Thlanmual sub committee chu Pu Lalliantluanga Workshop-ah thlanmual hmanraw siam tha in an hnatlang.
29th. Sunday : Zan inkhawm lai in Pu R. Zothansiama Biakin veng te in chu mi tu tih hriat loh ten an kawngkapui tala chhu thlain an rawk a, inchhung bungrua an hai nasa hle. Rukru hian phone pahnih bakah dawr bungrua engemaw zat an ru chhuak a ni.
30th. Monday : Primary school II, Kawnvenga sikul thleng te chuan an sikul misualin an lo suasam chiam mai tih an hmu.
Comments
Post a Comment