1st. Tuesday : Khawvêl pum huap upate nî (International day of older persons) a ni a, Zoram hmun hrang hrangah hman a ni. Sihphirah pawh YMA hall-ah hman ve a ni.
2nd. Wednesday : Rohrenga Hall-ah AAP (Annual Action Plan) chungchangah special gram sabha neih a ni.
3rd. Thursday : Sihphir Kohhran Hmeichhia te chuan Synod hmun pawimawh hrang hrang an tlawh.
4th. Friday : YMA thlabi committee chu Conference hall-ah neih ani.
5th. Saturday : Ni hnih awh, Sihphir Pastor Bial Masihi
Sangati Sammelan, vawi 8-na chu Vênglai
Kohhranah tan a ni. Thupui atân 'Pathian hnaih
rawh u' tih a ni ang.
6th. Sunday : Ni thum awh, Sihphir Bial UPC Missions
Department Inkhawmpui, vawi 29-na Sihphir kohhrana neih chu a tiak ta.
7th. Monday : Sihphir branch YMA chuan an huamchhûngah tunlaiin naupang leh kum tling lo tleirawl/râwlthar te zân lama an chhuah nasat chungchangah hei hian thil ṭha lo tam tak a hring chhuak nia an hriat avangin nu leh pa leh chhûngte tel lo chuan zânah lêng chhuak tawh lo tura ngenna an ti chhuak.
8th. Tuesday : Rohrênga Hall-ah Sihphir leh Sihphir Vênghlun Local Traffic Committee ten Joint Meeting an nei.
9th. Wednesday : Taitesena section YMA te chu thlan lai (laihlawk leh tawh tur a ni) in an hnatlang. Thlan hi nimin lam khan an lai tawh na a, khua in a zir loh avangin an zo thei ta lo a ni.
10th. Thursday : MUP te chuan an member, mit
lama harsatna neite tân Sihphir
Kohhran Centenary Hall-ah a
thlâwnin inentirna an buatsaih.
11th. Friday : 15th
Finance Commission atanga sum
rawn kal hmangin, V/C te chuan tui dah
khawlna nei lo, mi 40-te hnênah sintex,
litre 2000 dawng chu V/C House-ah an sem.
12th. Saturday :
MFA leh BR Studio Production te ṭangkawpin an buatsaih, RB Studio MFA Inter Village Futsal Tournament,
R Dengṭhuama Stadium a khelh mekah Sihphir V/C team chuan Lungmual L/C chu
4-1 (first round) in an hneh.
13th. Sunday : Sihphir Volleyball Club te chu
Sakawrhmuituai tlâng entry fee khawn in an hnatlang.
14th. Monday : Self Help Group VO-2 te chu Sakawrhmuituai tlang thian in an hnatlang.
15th. Tuesday : Sihphir Autorickshaw Wellfare din champha ani a, RT Resort-ah hlim takin an lawm.
16th. Wednesday : Pu HV Lalhrangliana, Damveng chu a nupui damlo buaipui turin New Delhi-ah a kal. Pu Hrangliana nupui, Pi Thanliani hi thluak lam thalo avangin Delhi-ah hian hun rei tak a awm tawh a ni.
17th. Thursday : Khawhar Hnemtu Pawl te chuan an din champha vawi 8-na YMA Conference Hall-ah an hmang a, hlim taka zaikhawm in zanriah an kil ho nghal.
18th. Friday : Venglai Presbyterian kohhran chuan ni thum awh tur, hla kûtpui chu fak zan a hun hmangin an tan. He hunah hian kohhran mi zaithiam 12 zetin zaiin mipui an awi a ni.
19th. Saturday : Khuangchera section YMA chu thlan laiin an hnatlang. A hma in Taitesena section te chuan lai tawhin heti hian thlan laih sa pahnih a awm ta a ni.
20th. Sunday : YMA duty chuan mi inrela tlangval pakhat lo mu reng chu hmuin damdawi inah kal puiin a nunna an chhan him. He tlangval hi damdawi hmansual avangin over dose in a lo awm a ni.
21st. Monday : Sakawrhmuituai Tlâng Management Committee chu V/C house-ah neih a ni a, he hunah hian
Sakawrhmuituai tlâng awmze nei zâwka chei a nih zel theih nâ turin thil engemawzat rel a ni.
22nd. Tuesday : Vanlalmuanpuii te unau, Damveng te chuan an pa, Pu Lalfâla Hnamte, kum 2018 a boral ta hriatrengna lung chu ṭhenrual ṭhate sâwmin an phun.
23rd. Wednesday : Nancy Lalrinhlui d/o Lalmuanpuii, Damvêng leh Lalruattluanga s/o Lalchullova, Vênghlun te chu Presbyterian Kohhran Hall, Sihphir Vêngtharah an innei.
24th. Thursday : YMA Rorel Inkhawmpui vawi 4-na chu R.Dengthuama Indoor Stadium, Mualpui
Salem-ah neih a ni a. He hun hi Pu Lalhmachhuana, President Central
YMA-in kaihruaiin Mizoram chhung leh pawn atangin rorel palai 1215 an
kal a ni. He hunah hian Sihphir branch atangin Tv. H.Lalrindika, Asst. Secretary bakah Nl. Lalthazuali leh Nl. Ramngaihsangi, Commiittee member ve ve te chu an kal.
25th. Friday : S.K. Memorial School te chu Dingdi Resort, Reiêk kai-ah an in tihlim a, PES Sihphir Kohhran te pawh Sakawrhmuituai tlângah an in tihlim bawk.
26th. Saturday : MFA buatsaih Inter-Village Futsal Tournament 2024 R. Dêngṭhuama Hall, Mualpui a neih quarter final khelh ani a, Sihphir V/C Team te chu Chanmari L/C lakah 3-4 in an vanduai.
27th. Sunday : Presbyterian Kohhran,
Vênglai te chuan zân
inkhawmah Thu leh Hla zân hun an hmang
a. Speaker atan Tv Lalhruaitluanga
Chawngte, Mission Vengthlang niin zaithiam, Lalduhsaki chuan zaia
rawngbawlna hun a hmang bawk.
28th. Monday : Presbyterian English School, Vênglai Kohhran zirtirtu leh zirlai mi 57 te chuan Sikkim-a Study Tour nei turin khua an chhuahsan. November 5 (Thawhlehni) hian Sihphir an rawn lêt beisei a ni.
29th. Tuesday : Pu H. Lalsangzuala, Kawnveng te chuan Hmar Chaltlang rama an kuhva huan an sam tan. Pu Mazuala te hian buh tin hnih hmun vel a zauah kuhva hi an phun a ni.
30th. Wednesday : Govt. Middle School Staff Welfare, Sihphir te chu Govt. Middle School, Sihphir Venghlunah Indoor Games item chi hrang hrang hmangin an intihsiak a, zanriah an kil ho nghal.
31st. Thursday : Zohmachhuani w/o Selthuama, Biak In Vêng a awm thin, tûna Israel a awm ta chu an tukverh atanga tla in a boral.
Comments
Post a Comment