Skip to main content

RIANGVAITE CHHANDAM TURIN MIHRING FAPA A LO KAL

 


"Sual bawih, riangvai, saltangte leh

Thihna hlima țhute tan,

Pialral ni eng mawi a lo chhuak,

Piallei thim a rawn chhun eng."


A chunga hla thu kan hmuh ang khian misual, riangvai, saltangte leh mi lungngai te tan Lal Isua a lo kal a. Chumi champha chu kan hma lawkah a lo inher chhuak leh dawn. 


Khawchhak mifing ten an neih hlu ber ber nen nausen chibai an buk ang khan Lal lo piang hi chibai i buk ve ang u.


Matthaia bung 25 na kan chhiar chuan chang 40 na-ah 'Tin, Lalber chuan an hnênah, ‘Tihtak meuhin ka hrilh a che u, hêng ka unau tê berte zînga mi pakhat chunga in tih chu ka chunga ti in ni,’ tiin a la chhâng ang.' tih tih ziak a ni. A thu dang chu kan hre tlang vek awm e.


Chuvangin, eng mi pawh tanpui ngai te kan puih hian Lal Isua kan tanpui a lo ni a, anmahni ai mahin Lal Isua hi a lo lawm thin dawn a nih chu mawle. 


Tunhnai-ah kan khaw pa pakhat, mimal leh khawtlang ang pawha kan puih fo chuan mual min liam san a nih kha. A ni kha mi tam zawk chuan kan hre ngei anga, tanpuina engemaw tal chu kan pe hlawm tawh ngei bawk ang. Hetih rual hian amah hre lemlo pawh a awm theih tho awm e. Tunhnaiah youtube lam atangin sawi a hlawh nasa a, kan khua pawhin dem kan hlawhin, in sawifiah kan ngai hial a nih kha. A ni ang kha kan khawchhungah hian midang an lo awm reng maithei a, chung mi te chu an thenawm hnai ami emaw te khan mahni maia in tanpui a hautak thin avangin vantlangah emaw chutiang em a nihloh pawhin zau zawka puanzar dan awm se, a nihloh chuan hriat miahlohin mi dem  kai leh palh pawh thil awl za te a ni ang. 


Kan hunpui lo thleng tur pual hian tu emaw tal tanpui tum theuh ila, kan chawimawi, Lal Isua pawh a lawm dawn zuk nia.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more