Skip to main content

TANPUINA HLAN TUR TE DINHMUN HRIAT HMASAK A TUL?

   (Sawiremtlang editorial)


Midang te tanpui hi kum tam liam ta atang khan thil sual niin a lang ngailo. Mi la tanpui miahlo chu kan awm lo hial in a rinawm. Mizo thufingah chuan 'Lungpui pawh lungte in a kamki loh chuan a awm theilo' tih a nih angin dinhmun tha zawk a ding te leh engkim nei thei hial a kan ngaih te pawh hian mi harsa zawkte tanpuina tel lo chuan eng an ti thei bik hauhlo nia. Mi la tanpui ngailo kan awm a rinawm lo ang bawkin tanpuina mamawh lo pawh kan awm lo anga, a dawn pawh kan dawng vek tawh ngei ang. Mamawh lai tak maia tanpuina dawn ngat phei hi chuan a cheng (pawisa) lam a ni lo. Lawmawm tak a ni. 


Kumtawp lam a lo ni leh ta a, Kristian te hunpui, Masi pawh kan hnaih leh ta hle mai. He hun hi theihtawpa hlima hman kan tum leh vek ngei ang. Harsa chung chunga kawrmawi lei emaw hun danga kan tih zen zen loh tih kan tum vek thin a nih hi. 


Mi thilphal thenkhat lahin tanpui tur te zawngin thenawm khawveng mai bakah hmundanga awm te tanpui an tum thin. TV kaltlang (Samari mitha etc) emaw thenkhat chuan YMA te pawh an rawn thin. 


Masi vuakvet kher lo-ah pawh tanpuina inhlan tawn hi chu a hlu em em reng in a rinawm. Amaherawhchu, thupui a kan hman ang deuh hian tanpuina hlan tur te dinhmun hriat hmasak hi a pawimawh khawp mai. Dawng chi an ni em? eng thil nge an mamawh? chu ai chuan chu chu an mamawh zawk em? tih hi kan lamhnai tak an nih lemloh phei chuan a hre awm deuh, an thenawm hnai emaw khawtlang hruaitu (YMA etc) te rawn hmasak a finthlak thin khawp ang.


Tunhnaiah kan khaw pa pakhat chu Zo Inspiration lamin tanpuina an rawn hlan a, a ni hi hnathawk thei a nih tawhloh avangin khawtlang pawhin pawl leh mimal ang pawha kan tanpui fo kha a ni bawka amah mai bakah khawtlang pawhin kan lawmpui em em. Chutih rual erawh chuan midang bula an report dan kan hre ve leh tho si a,  khawtlang mualphona a ni ve thei tlat. An thilpek kha kan sawisel a ni lo a, khawtlang hruaitu te rawn hmasa sela chu thil a fel vek zawk in a rinawm. Kelkang harhna thlen lai vel khan kohhran pakhatah chuan biak inah thlarau mi te zanlai thleng thlengin an tawngtai thin. Nula tlangval kalkhawm ta chu mit ti kham lek lek pawhin an awm a ni mahna KTP lam chuan tih tawp tuma hma an lak mek laiin chhungkaw pakhat chuan an zan ei tur leh meihawl ai tur a pe lawih mai si. KTP lam tan tih zui vak a rem lo. 


Heng lo pawh hi sawi tur a tam thei ang. Chuvangin, kohhran, pawl, mimal leh home pawh ni se kan tanpui dawn a nih pawhin an mamawh tur chin ngaihtuah hmasak a fin thlak in a rinawm.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more