Skip to main content

NOVEMBER 2024, SIH(PHIR) DIARY

 


1st. Friday : YMA thlabi committee chu Conference hall-ah neih a ni.


2nd. Saturday : Venglai KTP (Daniela Group) te chu Kawnvengah sum tuak nan

motor silin an hnatlang. Motor engemawzat an sil a ni.


3rd. Sunday :

Hualziki, kum 80 w/o Lalthuamliana (L),  Tamlo Veng chu thawhah natna avangin vartianah an chenna inah a boral a, P.C Lalnuntluanga, kum 50 h/o Lalhmangaihzuali,Arpu Veng chu chhunah Shillong-ah 'Inter Bleeding' avangin a boral ve leh.


4th. Monday : Upa C. Zairemmawia, Dinthar veng rawngbawlna na, zan li awh tur 'Final exam pui' crusade chu Vana pa hall-ah tan a ni. He hunah hian Sihphir atang pawhin mi engemawzatin an tawiawm.


5th. Tuesday : Lalzârzova Râlte, kum 45 h/o

Lalrinkimi, Arpu veng chuan chênna inah inawkhlum a hmuh a ni. Aruang hi Thuampui Venglaia an inpui-ah chhûngkaw inbiakremna angin lâk thlaka ni.     


6th. Wednesday :

Chawngbawla Section YMA te chu thlân lai (laih lawk) in an hnatlang.


7th. Thursday : Zoremsanga s/o Awnemi, Bawngkawna khawsa mek chuan a hnathawh na te pawisa, cheng 7,000/- leh scooty chu a tlanbo pui a, a hnathawhna te hian police-ah FIR thehlutin anni hian a chenna inah hian an man. Amah hian Sihphir mi anga a insawi avangin khaw hming a ti chhe hle.


8th. Friday : Zonet Cable Network buatsaih, 10th Annual Ṭhazual Award _(Mizoram a zaithiamte Award ngaihhlut ber zing a mi)_ ah Nl. Siampuii Râlte, Dâmvêng chuan 'Best Music Video' (Lêngzêm) chu _'Lêngi' Music Video_ aṭangin a dawng.  


9th. Saturday : Bialtu MLA, Minister ni bawk, Pu Lalthansanga chuan V/C house-ah a duh leh mamawh apiang tan inkawmna hun a rawn buatsaih a, mimal leh pawl engemawzatin an mamawh te an lo thlen. 


10ᵗʰ. Sunday : Ford Car, AS-01 MA-5279, Pu Vanlalliana h/o Lalrinkimi, Vênglai khalh chu thlanmual No. 1-ah a chesual a, vanneihthlak takin hliam na an awm lo hlauh. Car hian thlanlung pakhat a sut chhiat hnu-ah a dang a sut leh na lamah a ding thei hram a ni.


11th. Monday : Zo Inspiration chuan Neihbawi a hnathawk thei tawhlo leh mahni a khawsa, Pu Lalbuaia chu tanpuina pawisa fai engemawzat an rawn hlan. Pu Buaia hi YMA leh khawtlang mipui te pawhin an lo pui fo tawh thin a ni.


12th. Tuesday : Mizo Zaimi Inzawmkhawm  (MZI) in Rimawi Award 2024 Vana pa hall a an semah

Sihphir nula, J. Lalruatsangi chuan *'Best New Artist - 2024'* lawmman a dawng. Amah a kal theihloh avangin a aiawhin a pa-in award hi a dawn sak a ni.  


13th. Wednesday :

Chhawrpial Cluster Level Federation (CLF) te chuan General Body Meeting, YMA Conference Hall-ah an nei. Chhawrpial CLF-ah hian VO 8 awmin, meeting hi BDO office lam aṭangin SHG enkawl tu bik mi 4 in an rawn telpui a ni.


14th. Thursday : YMA Conference Hall-ah Sihphir leh Sihphir Vênghlun V/C leh YMA OB ten Sihphir khawchhûng kawng siam dân tur chungchâng leh thu pawimawh dang rêlin Joint Meeting an nei.


15th. Friday : Rohrênga Hall-ah Gram Sabha neih a ni.


16th. Saturday : Catholic Hmeichhe Pawl, Sihphir Parish leh Bethany Lay Association, Sihphir Venghlun, an vaiin member 16 te chu Mother Teresa In, Kolkata-ah Volunteer hna thawkin an kal. Tin, Kolkata-a phâr enkawlna leh hnuchham in te an tlawh bawk. Hêng hmun an tlawhah te hian a tul anga an puih bâkah, chawhmeh leh pawisa fai te an pe bawk.


17th. Sunday : Venglai kohhranin chawlhkar khat chuang crusade an neih chu a tiak ta. He hunah hian Gospel Logos Team te chu rawngbawl atana ruaiin speaker chu Upa C. Lalchullova, Synod Revival speaker a ni. Anni team hian kum 2012 khan Venglai kohhranah hian rawng an lo bawl tawh a ni.


18th. Monday : V Lalrindika leh Lalchawimawii te  nupa, Kawnveng te inneih 25th Anniversary a ni a,  thenrual tha te sawmin hlim takin an lawm. Pu Dika te nupa hian fa pathum an nei a ni.


19th. Tuesday : Sihphir kohhran School (PES) a pawl riat zirlai te chu RT Picnic Spot-ah an in ti hlim.


20th. Wednesday : PES Venglai  Nursery - Class IV te chu RT Picnic spot-ah an inti hlim.


21st. Thursday : Lalthafamkima s/o Lalnuntluanga Kawlni, Damveng leh Ramngaihzuali d/o H. Lalrintluanga, Chhanhim veng te chu Sihphir kohhranah an innei.


22nd. Friday : UPHC leh Rural bank staff te chu LMS kai, Reiekah an in ti hlim.


23rd. Saturday : Tunlaia Gas connection nei ten safety checking an neih kal mekah Chawngbawla section leh Khuangchera section YMA huamchhung a mite tih a ni. Checking hi V/C house-ah neih a ni.  


24th. Sunday :  Sakawrhmuituai tlang leng nula pakhat, Serchhip lam mi Durtlang North mikhual chu khama tla in a chesual a, tlangval tlawmngai thenkhat ten an chhanchhuak.


25th. Monday : Tv R. Vanhmingmawia  S/o R. Vanrammawia, Arpu Veng, Aizawl Theological College (ATC) a BD zir mek chuan B.D  zir zo zinga tha ber - Dr. C.Biakmawia Prize 'BEST OUTGOING STUDENT' Award a dawng. A ni hi  B.D-ah hian pakhatna a ni nghe nghe.  


26th. Tuesday : Lalchhandama s/o Lalchhanchhuaha, ni 2 a upa (Hlamzuih), Tamlo veng chu Civil Hospital-ah a boral. A ni hi thlakim lo a piang niin a pianphungah fello a awm avang a ni.


27th. Wednesday : Lallura h/o Lalhmunmawii, Venglai, kum 70 tlin champha a ni a, chhungkhat laina te nen hlim takin an lawm.


28th. Thursday : V/C ten mimal huan pass an lakkhawm te chu mumal taka an chhinchhiah (computarised) hnu-ah a neitu te hnenah pekchhuah a ni leh ta.  


29th. Friday : Pu Laibuaia, kum 80, s/o 80 Kapdailova (L), Neihbawi chu a chenna inah lungphuchawl in a boral. A ruang hi a in luah mek leh ram neitu, Pu C.Laltanpuia, Venglai chuan a hlawm.  


30th. Saturday : Bial KTP chuan Sihphir kohhran Centanary Hall-ah Synod Hospital tan thisen unit 31 an pe. Hetiang hi branch tina petu zat a ni:-

Sihphir - 11, Hmarveng - 5,

Venglai - 15

Total - 31.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more