Skip to main content

KA LO ZAK VE PHAK

 

Lalchhanhima Varte, Editor, Sawiremtlang


Naupang kawlhrawng leh kawlh ve na na na chu Vengthar (Venghlun/in veng) lam nen'a intih buai hi kan chingin nuam pawh kan ti ve hle. Phak ang tawkin kan haw ve hle a,  tournament a awm nikhua te hian Vengthar/in veng tumpui apiang hi ka tan zel bawk.


Hetiang hi ni mah ila thian te chu kan nei ve nual lawi a, rawn len phei lah chu kan sim thei malek lehnghal. Kan han rawlthar chho a, ngaihzawng nei hawt silo te pawh khan 'nula rim ang' tiin Vengthar lama rawn phei kha kan thulh manglo a ni ber mai. Luhkhawmna bik (RV) kha kan nei a, chutah chuan nula te pawh an awm ve tho. Tunhnua ka ngaihtuah let hian an nula te tan khan a nuam awmlo ti ka ti thin. Kan luhkhawm hnu khan lenna tur kan han ngaihtuah chawp ngei a, anmahni kha chu rim emaw ngaihmelh enah kan en lo hrim hrim.


Vengthar thian te kha kawmngeihin ngaina viau mah ila, veng leh veng boruak chhia hi a alh leh hluai mai thin a, thian tha te nen pawh kan han in bakkaih leh ang lawp lawp a. Khatiang boruak chhia tuh tu te kha hrelo mah ila an dem awm ka ti ta ngawt mai. Anmahni avangin thian te kan chemhar ti tih a, vawiin thlenga in ngaina tak tur pawh boruak a that hleih theih loh phah a nih hi.


Khatiang tak khan boruak thalo thleng thin mah se khaw khat na na na chu inhuat reng theih a ni lo. Tin, khang kha chu mawl lai thil a ni a, tunlai khawvel changkang tawhah chuan boruak a danglam ta. Vengthar tum pui apiang tan loh boruak kha a dai mai nilo in a reh ta niin a lang a, a lawmawm takmeuh a ni.


March thlaa LPS Cup in chawi te kha ka va han lawm ve tehlul em.  PPV hmanga en, fona lakchhawn leh kha duhkhawp lo tak chungin kan en a nih kha. Hun tawp dawna in goal chhuah pawi ka tih zia leh in sut  leh tuma ka lawm  zia kha! In tumpui apiang tan zel kha chu hla tak a ni ta. In in hnehtawk miau avangin penalty pet a ni dawna, Kawnpui lam khan keeper tha zawk (a ngaih) nei an nih ka hriat bakah top scorer hial nei an ni bawk nen, ka lo huphurhpui che u zia leh in pet that viau laia in khingpui te an nawi ta phian mai kha chu nangni aiin ka lawmna a nep bik hauh in ka ringlo.


MPL in kai chho a, ka chhuang viau che u. A sang pali zinga in tel ve phei kha chuan ka chhungte, football pawh ngaihtuah ve lemlo bulah pawh ka va sawi hnem tak e aw. Ka chhuang lutuk che u kha in chanchin hi sawi lo in kan awm theilo a ni ber e.


Mahse, tunkar chho a ka thu hriat zet chuan min va barakhaih tak em! Thamna (match fixing) avanga in hmingchhiatna-ah khan pawi ka ti a ni mai lo. A tuartu te zinga tel ve ang maiin awmhmunah hrehawm tiin ka lo zak ve ngawih ngawih mai nia.


Engpawhnise, hetiang mi pamham ho tel lo hian Venghlun football hi a kal thei tih hria ila, thianghlim tak chunga team tha tak, Sihphir khua min ti pumkhat thei tu tur a la din chhoh leh ngei beisei ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more