Skip to main content

SIHPHIR BRANCH YMA IN KUM 86 A TLING TA

  (Sawiremtlang heading)

 

Pathianni liamta kha Sihphir branch YMA din champha vawi 86 na a ni a, YMA in sakna tura pawimawh hmasa, rawra chhu a hnatlan a ni. Hemi tum hian member 30 vel hnatlanga thawhchhuah a ni a, rawra engemawzat chhut hman a ni a, hmabak erawh a la tam hle. Rawra te hi mi thilphal te hnen atanga dawn a ni a, (a petu in hming tarlan a remti lo) a chungah branch hruaitu te an lawm hle.


Hnatlang thawkchhuak zingah kan Branch din tute zing a mi, a dintirh kum 86 kal taa Branch Secretary hmasa ber, Pu Vanlalbuka fate pahnih, Pu Zoramthanga leh Pi Zomuankimi ten hnatlang min la rawn ho thei a, thawkchhuak zinga mipa leh hmeichhia a upa ber an ni nghe nghe.  


Sihphir Branch YMA hi kum 1938, March ni 24 khan din a ni a, hruaitu hmasa ber te :

*President :*

Pu Lalchuailova 

(Pu Darthankima (L), Dam Veng pu)

*Secretary :*

Pu Vanlalbuka 

(Upa Zoramthanga, hnatlang zinga mi, Kawn Veng pa)   

*Treasurer :*

Pu Zulawma 

(Pu Thuamluaia, Kawn Veng Pa)


 Sihphir Branch YMA hi kum 1938, March ni 24 khan Sawiremtlang bulthut a UPHC Building dinna-ah hian _“Pu Lalchuailova Sikul”_ tia hriat thin _“Lower Primary School”_ dingin, chutah chuan Sihphir YLA _(a hnuah YMA tia thlak a ni)_ din pui turin Durtlang atangin an lal fapa, Ngura hovin Upa Valbuanga leh Dr. Thanglura te an lo chho a. YLA _(YMA)_ din turin Pu Lalchuailova sikulah chuan awmni kham meuhin an kalkhawm ta a ni. 


Hetih hun lai hian Sihphir khua-ah In 33 bawr vel a ding nia sawi a ni a, YMA din tura kalkhawm nula tlangval te hi mi 40 vel niin sawi a ni! A hunlai milin an tam hle a ni.  


Tun dinhmunah Sihphir Branch YMA a member dinhmun hetiang hi a ni :

Mipa - 1510

Hmeichhia - 1282

Total - 2792

Life Member - 64, hetih mek lai hian kumina kan then tak mi pariatte kha YMA member vek an ni bawk a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more