Skip to main content

MARCH 2024, KA DIARY

 


1st. Friday : Chawhmaah mitthi inah ka kala, zanah joint editor, Sawmtluanga te inah chanchinbu kan chhu. Kristian Tlangau, February issue a lo thleng.


2. Saturday : Huanah thlai siamna tur ka va sam. Zanah khawhar inah ka kal. Pu Thanngura kha YMA member a nih angin dekchi, citation leh Rs 11,750/- in kan ral nghal. Banah Tetea te inah arm wrestling kan comtt. a, kumin atan hruaitu tur kan thlang nghal. Ka president leh dawna, ka lawm hle. OB tur dangte : 

VP: H. Lalliantluanga, Venghlun

Secretary : Zoramtluanga, 

AS: Isak Lalmuanpuia

Treasurer : Lalzarmawia

FS : C. Lalhriatkima


3rd. Sunday : Pa Robert-a, Vengthar, Ni G-tei unaupa chu cancer avangin a thi. Chawhmaah Sunday School kan kal a, chawhnu leh zanah kan inkhawm leh bawk. Zan inkhawmah hian Bible society certiccate engemawzat sem chhuah a ni. ‘Ka lar em?’ tih thupui a hmangin article ka ziak.


4th. Monday : Maawmi SHG thilah Aizawl a kal. Hei vang hian dawrah ka awm.


5th. Tuesday : Huan ka va sam. Zanah arm wrestling OB te kan inah kan comtt.


6th. Wednesday : Maawmi Bilkhawthlirah a pa thih champha a nih avangin a kal. Dampuia’n a zui ve. Heng te avang hian dawrah ka awm. JC-a lu ka mehtrira, ka dum tir nghal.


7th. Thursday : Dawrah ka awm nileng. Maawmi ka ngai hle. A pa thih champha pualin Sena te karoke-ah hun an hmang.


8th. Friday : Dawrah ka awm nileng. Zanah chanchinbu chhutnaah ka kal. Thu a tam deuh avangin ka editorial ziah a sei deuh si a, midangin an ziak ta tawp. Mami te kohhran hmeichhe rorel inkhawm Dawrpui biakina neihah a palai ve. dawn avangin an lo chhuak. Hei vang hian zanriah a pa te inah ka ei. Anni an rawn thlen tlai avangin chaw kan eisan tho na a. 12/3


9th. Saturday :  Chawhmaah Maawmi te tluang takin an lo thleng leh ta.


10th. Sunday : Chawhmaah Sunday School kan kal.


11th. Monday : Huan ka va sam. Nicky-a, Pa Dawnga fapa chu a motor khalh in  a delh a, hmutu an awm har si. Ka khawngaih kher mai. Synod Hospital ICU-ah dah a ni.


12th. Tuesday : Huan ka va sam. Zanah YMA section tin OB thenkhat (pathum chin) ILP kan check. Hmun hrang hrangah kan insem darh a, kei chu kan huamchhungah kalin fello a awmlo. Mami te haw leh ta. 8/3


13th. Wednesday : VC ten hau hal hun tawp ni atan an ruat tawp ni a n ih tak avangin huan ka va hal. Jakob a leh Pekhlua an lokal ve. Zing tawngtai inkhawmah ka kal.


14th. Wednesday : Loah thil enfelin ka va kal. Nimina ka nau hruai, Jakoba leh Pekhlua an lo tel ve leh. Zanah Nicky-a damdawi in awm chu an in lamah chin ngaihvenin ka va tlawh. Rs 200/- ka pe. Maawmin chengkawl a chah thleng. Bilkhawthlir lam a mi.


15th. Friday : Inah ka awm. Zanah chengkawl kan zuar kual. Chumi hnuin kan inah chanchinbu kan chhu. Ka article ‘Ka lar em? tih chu ka dah tel. VC ten inhmun leh lo vela VC pass te chu VC hnena thehluh vek tur an tih angin kan lo pass na lehkha chu kan thehlut.


16th. Saturday : Inah ka awm. Tlaiah Nicky-a chu a thi. Phei ve nghalin chaw ka la eiloh bakah ruang hi Trinity hospital a a awmna atanga an la rawn chhuahpui bawk siloh avangin ka haw. Mimi a rai thu leh pasal a neih dawn thu ka hriatin mak ka tiin ka ui hle.


17th. Sunday : Chawhmaah Sunday School kan kal a, ban veleh mitthi inah ka phei. Maawmi teca hnu deuhah an lo phei ve bawk. Chuan, zan thalai hunah ka kal leh bawk. Maawmi birthday vawi 49 na a ni a, thingpui leh a hmeh cial tak eiin cake te kan inbarh tawn. Zuala leh Thuama tupa te an lo tel ve bawk. Hemi pual hian zanriah ei dawnin ka tawngtai bawk.


18th. Monday : Chawhmaah thlan hungnaah ka kal a, chawhnu lamah vawk chaw ka chhum. Zanah khawhar inah ka kal leh. Nicky-a kha YMA member a nih angin dekchi, citation leh Ra 14400/- in kan ral nghal. Nicky-a pual hian ‘Martar ropui’ tih thupuia hmangin article ka ziak tan. (22/3) Zan dar 9:10 ah Nu Hliri a thi. Maawmi’n nuam a tihloh thin avangin ka kallo. YMA chanchinbu February leh March issue te a lo thleng. Kumina a hmasa ber atan tui vawtin ka inbual.


19th. Tuesday : Chawhmaah mitthi inah ka kal a, chawhnu lamah gas chungchang Joseph-a te inah ka buaipui. Zanah khawhar inah ka kal. Ni Vari zan dar 8:17 ah a thi.


20th. Wednesday : Ni Vari vui naah ka va kal ve. Kumina Sihphir ka chhuahsanna hmasa ber a ni. Zanah Nu Hliri YMA in kan ral. Dekchi, citation leh Rs 12440/- te kan hlan. Arm Wrestling club te jersie Rs 400/- man ka nei thar.


21st. Thursday : Huanah ka va feh a, sawhthing chi ka zai. Khua a chhiat nilen avangoin hna dang thawh theih a nilo.


22nd. Friday : Huianah mang ka va khawh. Zanah chanchinbu chhutnaah ka kal. Ka article ziah lai chu zo felin chhuah turin ka dah nghal. 18/3


23rd. Saturday : YMA Rising Day (naktuk) pualin field-ah rawra kan chhu.


24th. Sunday : Zing chhung inkhawmnaah bible ka chhiar sual avangin ka nuihza ka insum zolo. A zialo khawp mai. Ka tawngtai tluan thei erawh ka lawm hle. Chawhmaah kan inkhawma, a pa chu tantu a ni. Kumin atangin Sunday School a awmlo tan. Naupang erawh syllebus a laklawh avangin an la inkhawm hrang thung. Chhunah kan section YMA ten kan huamchhunga pem thar te kan tlawh. Hei hi ka rawt a ni a, kan mikhual tlawh hmasak ber a ni nghe nghe. Chawhnuah inkhawm loin Nicky-a kan va ral. Chuan, zanah kan inkhawm.


25th. Monday : Huanah mang ka va khawh a, thlai chi ka thlak nghal. Muani, Pa Rongenga fanu chuan  pasal a nei dawn a, nuta man ka ewi ve. 


26th. Tuesday : Sawhtrhing chi zaiin inah ka awm. Mami in entir turin a lo chho. YMA cxhanchinbu February issue ka chhiar chhuak.


27th. Wednesday : Huanah sawhthing hmun tur ka va ti fai. Muani chuan pasal a nei ta. Kristian Tlangau a lo thleng.


28th. Thursday : Maawmi’n UPHC-ah a hrawk a entir. Endoscope ti turin an ti. Hei vang hian dawrah ka awm. Zanah Goog Friday prog. hman tan a ni a, kan inkhawm. Bialtu pastor, Rev H. Lal zuiliana chuan Lalpa Zanriah Sakrament a theh. Kohhran zaipawl an zai. 


29th. Friday: Good Friday a ni a, chawhma (kohhran zaipawl an zai a, beginner department in chang an sawi bawk) leh zanah (kohhran zaipawl an zai a, saktament department an zai bawk) te kan inkhawm.


30th. Saturday : Huanah mang ka va hal a, sawhthing chi chiahin a hmun tur ka ti fai bawk.


31st. Sunday : Easter Sunday a ni a, chawhmaah kan inkhawm. Kohhran zaipawl an zai a, junior department in chang an sawi bawk. Inkhawm kal dawna thli tleh chuan Zion Veng a Pu Rosiamliana in chung a ti chhia a, inkhawm banah ka thawk phei ve.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more