Skip to main content

FEBRUARY 2024, KA DIARY

 


1st. Thursday : Vawk vulh tur zawngin nilengin kan buai. Truck kekawr, cheng 200/- man ka nei thar. Ka lawm hle. Zanah chanchinbu kan chhu. Zirtawpni zana chhu thin kan ni naa, hemi zan hian comtt.kan neih dawn vang a ni.


2nd. Friday : Inah ka awm. Zanah Conference Hall-ah YMA kan committee. YMA chanchinbu chu ka subcribe thar. January issue ka la nghal.


3rd. Saturday : Huanah thing ka va kit. Kan vawk chu a in tharah kan dah lut. Ka sawnna lamah a dul ka ti hliama, pawi ka ti hle. YMA chanchinbu ka chhiar chhuak.


4th. Sunday : Chawhmaah Sunday School kan kala, zanah kan inkhawm leh bawk. Maawmi te SHG thilah Nauselah an kal.


5th. Monday : Loah pânhnah hmun ka va sam.


6th. Tuesday : Inrinni a ka thing kit ka la sil deuh avangin inah ka awm. Zanah kan section YMA te al, Ajona te inah kumthar duangin kan Committee. Kristian tlangau, January issue a lo thleng.


7th. Wednesday : Ka la nawm meuhloh avangin inah ka awm. YMA disester comtt. member atan ruatna whatsapp kaltlangin ka dawnga, ka lawm hle. Hei hi sub-comtt. OB pathum te bakah branch OB te bakah section tin leader te chauh kan ni.


8th. Thursday : Loah panhnah hmun ka va sam a, ka zo. Tlaiah Neihbawi a kan vawk tur chu ka han man.


9th. Friday : Ka la nawm meuhloh avangin inah ka awm. Chanchinbu chhutnaah pawh ka kallo. Chhuanga ka in entir a, ka BP a sang a ti. Zun tamna min chawh.


10th. Saturday : Ka la nawm meuhloh avangin inah ka awm. Chhuanga ka va in entir leh a, ka BP chu a lo normal leh ta a, ka lawm hle. Ni Vari chu thawhah avangin Synod Hospital-ah adfmit a ni.


11th. Sunday : Bial hmeichhe inkhawmpui a ni a, kan nawmloh ve ve bawk avangin kan inkhawm miahlo. Tlaiah Rohrenga hall-ah YMA Disaster sub-comtt. kan thukhawm. Comtt. member atan VC membert pahnih kan ruat belh. Lalkhawngaiha, Tlangveng chu lungphuchawl in a thi. Zanah Zohminga te inah kan leng.


12th. Monday : BP ka check leh a, 120/80 a ni. A pangngai tawh naa, ka la chauh tho avangin inah ka awm.


13th. Tuesday : Maawmi te SHG Aizawl an kal avangin dawrah ka awm. Zanah khawhar inah ka kal. Lalkhawngaiha kha YMA member a nih avangin dekchi, citation leh Rs 13,305/- in kan ral nghal.


14th. Wednesday : Dar 1:25 ah Pu Chhuanawma chu Greenwood-ah a thi. Chawhmaahah an in lama vui naah ka tel phei ve a, thlalak naah Rove tu leh fate huangah ka tel ve. Biakina vuinaah ka tel ve leh bawk. Zan thalai hunah ka kal leh bawk. BP ka check leh a, a tha tawh viau e. Keimah hrim hrim pawqh ka tha tawh viau a, ka lawm hle.


15th. Thursday : Huianah sawhthing ka va cho. Zanah khawhar inah ka kal. Pu Chhuanawma YMA a kan member pui a nih avangin dekchi, citation leh Rs 12,350/- in kan ral nghal.


16th. Friday : Huanah sawhthing ka va cho. Maawmi ka ngaihtuah deuh avangin chanchinbu chhutnaah ka kallo.


17th. Saturday : Huanah a luh tantirh na vel ka va cvat. Zan inkhawm banah (ka inkhawmlo)  branch YMA OB te leh section tin leader leh secretary te cofn. hall-ah kan comtt. Zing tawngtai inkhawmah ka kal. Hruaitu tura ruat a kallohavangin apa’n a hruai. 


18th. Sunday : Chawhmaah Sunday School kan kal a, chawhnu leh zanah kan inkhawm leh bawk. Zan inkjhawm banah kan section YMA OB te kan inah kan comtt. Nu Vani nen kan inbia. Pathian ram ni a ni a, Rs 1,000/- kan thawh.


19th. Monday : Huanah sawhthing ka va cho a, tlem ka sam bawk.


20th. Tuesday : Huanah sawhthing ka va cho a, tlem ka sam bawk. Ka article ziah lai chu ka zo ta. 29/1


21st. Wednesday : Zing tawngtai inkhawmah ka kal. Chhuanga te sawhthing hmun sdamin ka va inhlawh. Ban dawn ruaiah khawl a nung thei lo a, ka bang tawp. 


22nd. Thursday : Zing tawngtai inkhawmah ka kal. Chhuanga te huanah ka thawk leh.


23rd. Friday :  Khua a nawmloh avangin hna ka thawklo. Zanah kan section YMA ten Energy Conservation Campaign kan neihna, Rohrenga hall-ah ka kal. He hunah hian Vansdangliana, SDA staff chuan thu a sawi a, Rs 10,000/- kan dawng a, pawisa hi dawn pahnin thu tlem ka sawi. a kal te hian electreict bulb kan dawng vek bawk a ni. Ka lawm khawp mai. Hemi hnu hian chanchinbu chhutnaah ka kal nghhal.


24th. Saturday : Chhuanga huanah ka va thawk leh.


25th. Sunday: Kan kohhranin bial pavalai pawl inkhawmpui kan dawn avangin kan inkhawmlo nileng. Vawkin leh tui pump inkar bak ka thleng lo.


26th. Monday : Chhuanga te huana tyhawk leh tura ka inngaih laiin thawk muang min tih deuh vangin ka thawh zawm tyalo. Ka zak angreng hle. Hlawh Rs 3,900/- ka dawn avang erawh chuan ka lawm viau. Huanah sawhthing ka va cho. Atei a lo chho a, bungrua a hlanthlak hnuin Aizaswl a tlang. Chuan, kawmchhakah a riak.


27th. Tuesday : Huanah sawhthing ka va cho. Zanah Rohrenga hall-ah disasrter & management (member tam zawk) kan comtt. Atei Aizawl a kal a, kawmchhakah a riak leh.


28th. Wednesday : Vawkte kan lakna neitu, Pu Biaka (U Zuii pasal) chu cancer avangin a thi. Chawhmaah thlan ka lai a, chaswhnuah vawkin do na ka siam. Atei chu a haw leh ta. (26\2) Zan inkhawm banah (Ka inkhawmlo naa) cofn. hall-ah YMA kumpuan sub-comtt. ten kumthar kan duang. Comtt. chu section OB dang te leh CEC hmangin kan ti lian.


29th. Thursday : Huanah sawhthing ka va cho. Tlai thimhlimah Huapzauva pa, Pu Ngura chu a thi. Ka hman veleh ka phei ve nghal a, dar 1:40 am velah ka haw.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more