1st. Friday : Chapchar kut a ni a, a hmanna pui ber, AR Lammual a neihah Nl Siampuii
Ralte, Damveng chu thiam takin a zai a, Branch YMA
Cultural Troupe thiam taka hnam lam an entir
bakah Diktawn Magazine buatsaih, Miss Chapchar Kut 2024 a
contest tur mi za thlan zingah tel bawk. Nl PC
Lalengmawii d/o Laldanmawia, Dinthar veng chu a tel ve bawk.
2nd. Saturday :
Kawnveng to Daklalui kawng, Kawnveng atanga luh thlakna kawng chu V/C ten PCC flooring in an siam.
3rd. Sunday : YMA Disaster & Management Sub-
Committee ten conference hall-ah kang thelh khawl (Fire Fighting Pump) hman
dan an zir.
4th. Monday : UD & PA Dept. thupek angin Pu.R. Councilthanga In, Kawnvengah Sumdawnna dawr hrang hrang (dawr kai, work shop, restaurant, lumehna dawr etc) nei ten an dawr license an siam tir hlawm a, license siam tawh ten an renew nghal.
5th. Tuesday : Rampumah naupang kum 5 hnuailam ten zenghri danna an la a, Sihphirah pawh Arpu Bazar chung leh leh Pu K. Lalnunsanga, Kawnveng, inah te lak ve a ni.
6th. Wednesday : SR & AC chuan PC Laltlankima
(Tevâla) s/o PC Lalchâmliana, Kawnvêng chu buarpui
bo chungchangah an ko. Rs 600/- man a hralh ngei
thu sawi mah se, tu buarpui ber nge tih finfiah theih
a ni lo.
7th. Thursday : SR & AC chuan an room-ah
Lalhmangaihzuala s/o Lalnunpuii, Tamlo vêng chu an in chhûngah a bengchhen thin avangin an ko a, ti tawh lo turin an hrilh.
8th. Friday : Rinchhan vengah Pic Up, AS 11 EC 8468, Vai motor bungraw hrang hrang phurtu chu a accident a, a chuang pahnih, driver leh handleman ten hliam na an tuarlo hlauh.
9th. Saturday : Ni thum awh tur (March 8 - 10) Mizoram Presbyterian Kohhran Hmeichhe Inkhawmpui Lian Rorel Inkhawm vawi 12-na Dawrpui Kohhran Biak Ina neih mek chu rorel a ni a, he hunah hian bial chhung kohhran tin atangin palai pakhat theuh an tel. Tin, Rangamati a missionary hnathawka mek, Pu R. Vanlalsiama, s/o HS Lalthuamliani, Kawnveng nupui, Pi Lalhruaizeli chu a tel bawk.
10th. Sunday : YMA hruaitu te chuan enfiah tur a thurawn an dawn angin thlanmual No. 2 (a thar) mawng, lamlian hlui chung a Pu Laldingliana C/o K. Lianthanga chuan a ramchhung a vah mek chu enfiah a ni a. An ram bak, thlanmual ram tlem a lo vah tel chungchanngah thil awmzia an sawikhawm. Lungrual takin an insawi fel.
11th. Monday : Nicky Lalmuankima s/o Laldinthari, Chhanhim veng chu quarry kawngah a motor khalha chesualin kawngsirah a let a, motor hian a delh zui. Synod hospital ICU ah dahluh nghal a ni.
12th. Tuesday : Central YMA leh Mizoram Police thawk dunin an ruahmanna angin Surprise ILP Checking neih a ni a, neilo hrim hrim bakah valid tawhlo tlem a zawng hmuhchhuah an ni. Heng ho hi March thla chhunga tifel ngei tura hrilh nghal an ni.
13th. Wednesday : Saron veng Br. YMA chuan City Area chhung Branch hrang hrang te tan an veng pa, Pu C. Vanlalsiama buatsaih Lungleng Hla Bu, bu 2 ṭheuh an pe a. Central YMA Office atangin kan branch ta tur lakchhuah a ni.
14th. Thursday : Social Reform and Action Committee chuan Aizawl aṭanga Bairabi kal tur taxi driver chuan a mi phurh vai 6 (company hnathawkte) chu company pawisa ru chhuak a, tlanbo tum angin report an dawng. Member awm remchangte kal khawmin thil awmzia zawh fiah a ni a. Aizawl lam aṭangin Company Manager leh Taxi neitu ṭhiante an lo thleng chho ve bawk. Company hnathawk (labour)-ho hian an puin hlawh a pek ṭhat duh loh thu leh hemi ni hian hlawh a pe a, haw an tum thu an sawi a. Aizawl aṭanga rawn chhote nen ruahmanna siamin Aizawl lamah chhuk thlakpui leh ni se, Police-ah kal a chin fel dan ngaihtuah mai turin an ti.
15th. Friday : Pathianni thleng awh tur, Sihphir Bial LAD inkhawmpui vawi 30-na chu Sihphir Biakinah ta a ni.
16th. Saturday : Nicky Lalmuankima, kum 38 S/o Laldinthari, Sihphir Chhanhim Veng chu Trinity Hospital, Melthumah 'Accident' avangin a boral.
17th. Sunday : Venglai Presbyterian kohhranah Masihi Sangati
campaign neih a ni a, he hunah hian Rev.
Darrema Hlawndo chu speaker a ni.
18th. Monday : Sanghliri, kum 77 w/o R. Thanchhunga (L), Venglai chu Aizawl Civil Hospital-ah ‘Lung tha lo’ avangin a boral.
19th. Tuesday : State Bank of India hnuai a Bank P.O (Probationary Officer) result chhuakah Tv Zothansanga s/o Lalhriatpuia, Dam Veng a tling.
20th. Wednesday : YMA te chuan Thawhtanni a boral, Pi Sanghliri chu an member pui a nih angin dekchi, citation leh pawisa fai ₹12,440/- in an ral. Ralna thilpek hi NI Melody Lalnunpuii, BEC chuan a hlan.
21st. Thursday : Rohrenga Hall-ah Ni 100 hlawh pawisa lut lo chungchang ngaihtuah in Gram Sabha neih a ni.
22nd. Friday : CYMA leh PHE Deparment
tangkawpin World Water Day, Vanapa Hall a an hmanah
Pu Lalllianfala, President leh Pu R.K. Ramfangzauva,
Fin. Secy. te an kal.
23rd. Saturday : Branch YMA din champha (24, March) pualin YMA in tur atana hman tur rawra chhu a hnatlang a ni.
24th. Sunday : Taitesena section te chuan an huamchhunga pemthar chhungkua (Pu Vanlaltluang, Kawnveng) te chu tlawh in tlangnêl taka khawsa turin an hrilh. Anni chhung hi puitling 5 leh naupang 2, an vaiin mi 7 an khawsa an ni.
25th. Monday : V/C te chu Tlangnuam V/C Welfare Assembly neih naah an kal.
26th. Tuesday : Pu R.K. Lalzarliana, Chhanhim Veng te chuan an nu, Pi Thanseii, kum 2014 a boral ta hriatrengna lung an phun.
27th. Wednesday : Lalbiaknia s/o Lallianmawia, Arpu Vêng leh Emmanuel Lalthlamuani d/o Rongênga (L), Rinchhan Vêng te chu Salvation Army Biak Inah an innei.
28th. Thursday : Venglai kohhranah member 11 te chu Nl Lalbiakdiki d/o Robert Lalchhuanawma, Dinthar veng thawhna, Thaidawr (Mamit district) kohhranah Good Friday hmanpui turin an kal.
29th. Friday : Good Friday a ni a, kohhran hrang hrang ten Pathian biak nan an hmang.
30th. Saturday : YMA Environment and Forest Sub-Committee te chu Sanctuary tlawhin an kal.
31st. Sunday : Thlanmual No. 1 mawng a Pu Rosiamliana In thlang lam chu thli in a ti chhia a, V/C te leh mi tlawmngai thawkchhuak ten an siamtha leh nghal.
Comments
Post a Comment