Skip to main content

FEBRUARY 2024, SIH(PHIR) DIARY

 


1st. Thursday : YMA Chhang & Cultural Sub-Committee chu Conference Hall-ah an Committee a, hmalakna tur thil tam tak an rela,  OB atan Pu Vanlalmuanpuia, Vice Chairman, Tv Rodingliana, Asst. Secretary, Nl Manisha Laldinmawii, Treasurer te an ruat belh nghal.


2nd. Friday : YMA thla committee hmasa ber chu Conference Hall-ah neih a ni.


3rd. Saturday : Kumin atana a hmasa ber atan Sihphir Branch YMA library chu hawn tan a ni. Kumin hian librarian chu  Malsawmzuali d/o Zaliana, Tlangveng a ni.


4th. Sunday : Sihphir Presbyterian Kohhran chuan an Kohhran

Presbyterian English School zirlai

naupang te pualin PES Sunday an

hmang. He hunah hian School naupang ten item

hrang hrang an nei a, an hlim tlang hle.

 

5th. Monday : Venglai KṬP inkhawmah leader, Pu Vansangliana chuan thu a sawi.


6th. Tuesday : Taitesena section YMA te chu Assistant Leader, Pu Lalzawnsanga (Upa H. Lianmawia) te inah kumthar duangin an Committee a, member-te an kal ṭha

hle. Branch YMA-ah pawmpui tura chhawp chhuah tur

thu pawimawh tak tak an pass a; ar sawhchiar an pir ho nghal.


7th. Wednesday : Pu Zoramhruaia, Kawnveng in chu veranda a an meichhemna atangin kangmei a chhuak a, pawi liantham a thlen hmain mi tlawmngai kalkhawm ten an thelhmit thei.


8th. Thursday : 

Sub-DIC, Arpu-ah Agape SCC-ten

'Group Discussion' an hmang. Kumina

ṭumthum an buatsaih na a ni a, 

a hmaa kal hman lote tana buatsaih a

ni.


9th. Friday : Niza hlawh Rs 1,500/- in sem a ni. Gram Sabha in a rel angin contribution Rs. 900/-  thawh a ni.


10th. Saturday : Bawngkawn P/S OC office-ah an huam chhunga drugs addict-te avanga mipuiin harsatna an tawh mek tih ziaawm dan tur sawi ho  a ni a. SDPO ho vin hun hman a ni. He hun hmang tur hian Bawngkawn P/S OC -in an area chhung Branch YMA aiawh pakhat ṭheuh tal tel turin an sawm a. Pu Lallianfala, president chu a kal. SR&AC lama V/C represent, Pu H. Lalnghinglova a tel ve bawk.


11th. Sunday : Pu Lalkhawngaihzuala, kum 37. Pu Hmarthangpuia (L) fapa, Tlangveng chu an chenna inah thi a hmuh a ni. A thih chhan tak hriat a nilo. An in hi a tet deuh avangin an in bula a patea (Chuauhluna) hnenah a ruang hi dah a ni.


12th. Monday : Lalramnghaki d/o HS Lalthuamliani, Kawnveng chuan Synod Hospital-ah fapa a hring. Pi Manghaki leh a pasal hian fa pathum (pakhat boral) nei tawhin Kolkata-ah missionary hna an thawk mek a, nau nei tur hian an lo chhuak a ni. 


13th. Tuesday : Ramkang leh ramngaw thiahin sik leh sa bakah, thlai chin a nghawng dan sawiho in huan thlai siamtute Rohrenga Hall-ah an kalkhawm a, heng ho zirtirna pe hian MZU atangin mithiam an lo kal. 


14th. Wednesday : H. Lalchhuanawma, kum 80 h/o Lalthianghlimi, Chhanhim Veng  chu Greenwood Hospital-ah ‘Septicemia’ natna avangin a boral.  


15th. Thursday : Sihphir kuhva ching te hmalakna enpuiin V/C te a hmunah an kal.


16th. Friday : Khuangchera section te chu Pu HD Darthankima, Damveng inah kumthar duangin an Committee.


17th. Saturday : YMA OB leh Section

tin Leader leh Secretary-te chu YMA Day hman dan tur

chungchang leh thil pawimawh chi hrang hrang relin

YMA Conference Hall-ah an thukhawm.


18th. Sunday : Kohhran hrang hrang te chuan Pathian ram lakkhawmna ni-ah an hmang.


19th. Monday : Thangmuana, Arpu chu Durtlangah mi in a rawk lai man a ni a, hei vang hian Bethel camping centre lamah dah a ni.


20th. Tuesday : 

V/C ten Job Card fel fai lote chu Rohrenga Hall-ah ko khawmin

hma lak dan tur an hrilhfiah. Job card

neite hlawh luhna bank account leh

aadhaar hi link bakah NPCI-ah an

aadhaar nen link leh tur a ni a. Link loh

chuan aadhaar payment tih theih a nih

loh avangin hlawh thunah harsatna a

awm ṭhin a. Hei vanga inko khawm hi

an ni.  


21st. Wednesday : Chawngbawla Section YMA te chu an section inah kumthar duangin an committee.


22nd. Thursday :  YMA Conference Hall-ah Vanapa Section ten Kumthar duan Committee an

nei.   


23rd. Friday : Taitesena Section YMA te chuan Rohrenga

Hall-ah Energy renchem

chungchangah awareness an nei. He hunah hian Resource person chu Pu

Vansangliana, Project Coordinator, SDA, Gov’t of

Mizoram (Sihphir Venglai mi) a ni. He huna kalte hian LED bulb an dawng ṭheuh bawk.


24th. Saturday :

Sihphir Presbyterian

Kohhran Masihi Sangati te chu

Sairang lama Rail kawng siam, hnamdang te

hnenah Bible Track semin an kal.


25th. Sunday :

Ni hnih awh,

Sihphir Pastor Bial Kohhran Pavalai

Pawl Intawhkhawm vawi 6-na, Venglai Kohhrana hman chu a ṭiak. He hunah hian Speaker, Rev. Johana, Lecturer,

MTC (Sihphir Venglai mi) chuan thupui, ‘Chhungkuaa Lalpa Rawngbawl’ (Josua 24:15) tih chu a sawi.


26th. Monday : Point hrang hrangah gas sem a ni.


27th. Tuesday : Mahindra XUV 300 Cup Inter Village football tournament 2024 khelh mekah Sihphir V/C team chuan Ramhlun South L/C te chu 1-6 in an hnehlo.


28th. Wednesday : Lalbiakthanga (69)

W/o Lalzuithangi, Neihbawi chu cancer natna avangin an chenna inah a boral.


29th. Thursday : Thanngura (91) f/o Lalhuapzauva, Kawnveng chu Synod Hospital-ah awmlaiin a boral.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more