Skip to main content

MARCH 2024, MIZO(RAM) DIARY

 


1st. Friday : Mizote kût ngaihhlut ber Chapchâr Kût chu district hrang hrangah hman a ni. Aizâwla chapchâr kût hmanna-ah hian Taiwan Ambassador, Pu Bhausuan Ger te nupa bâkah an ṭhiante an tel.


2nd. Saturday : Ngopa-a KṬP general conference neih mêka tel tûra kal mi pali chuanna, scorpio chu Saichal daiah che sualin, a hmunah Rebecca Lalrinmâwii (34), Bâwngkâwn Aizâwl chu a thi.


3rd. Sunday : Kristian Ṭhalai Pawl (CKTP) General Conference vawi 60-na, Ngopa khuaa hman chu a ṭiak ta. 

 

4th. Monday : KTP Gen. Conference haw lam Car pakhat chu Seling daiah a tlan liama,  motor khalhtu, Durtlang lam mi chuan hliam na vaklo a tuar.


5th. Tuesday : February 26, 2024 zan dar 8:30 aṭanga an chenna in aṭanga a chhuah hnua hmuhzui tak loh, Lalropuia (39) s/o HK Zova, Kolasib Salem Veng, tuna Maubawk Veng, Aizawla khawsa mek chu Lawipu Veng, Tlawng road kawng thlang metre 100 velah thia hmuh a ni.  


6th. Wednesday : National Highway 54 kawngpui sial hna thawh meka zangnadawmna dawng tawh in la thiat duh lo, Tawipui ‘S’ khuaa S. Lalnghinga In chu thiah sak a ni. 

    

7th. Thursday :  Santosh trophy, Arunachal Pradesh a khelh mekah Mizoram chuan 1-2 in Services chu semi final-ah hnehloin an tla.


8th. Friday : Bilkhawthlir kuhva chingtute duty chuan Saihapui 'K', Kolasib Dist. leh Bilkhawthlir to Buhchang pengah Motor 4, AS 11 EC 7747(Driver hi a tlanbo), AS 26 AC 1647(Driver- Vanlalhruaia (45yrs) S/o Thatinkhuaia, Zokhawthar), AS 26 C 9409 (Driver- Abdul Munim S/o Abdul Kayium, Karimganj) leh AS 26 C 2298(Driver a tlanbo) atangin Burma kuhva hring (Skop) 490 bags leh a ro 30 bags chu an man. Heng motor leh driver-te hi Kolasib Police leh Bilkhawthlir Police kutah an hlan.


9th. Saturday : Nausel Sub-Village Secretary, Pu T. Lalbuanga chu  Tuirial lui-ah a tla hlum. Pu Buanga te hi an chhungkuaa chengkawl khawrha kal an ni a. Naupang tuitla a chhan na lamah a nunna a chan phah ta a ni. 


10th. Sunday : Khumtung khua-ah bekang eisual avangin Aizawl a damdawi in hrang hrangah mi 33 admit an ni.


11th. Monday : Zoram People’s Movement chuan kumin Lok Sabha inthlana an party MP Candidate atan Richard Lalhmangaiha, Wg. Commander. Lalzawma fapa, Venghlui chu an ruat.  


12th. Tuesday : 

Central YMA leh Mizoram Police thawk dunin an ruahmanna angin branch hrang hrangah Surprise ILP Checking neih a ni a, ILP fello man zawng zawng zat chu 1141 vel lai  a ni. ILP felhlel man te hi Police Station hrang hrangah hlan an ni.


13th. Wednesday :.

February ni 19-a tan, Mizoram Legislative Assembly Budget Session chu Speaker, Lalbiakzama chuan tiam chin awm lovin a ti tawp. Session-ah hian kum 2024-25 chhunga Mizoram sum hman tur cheng vbc 14,412.12  bakah 2023-24 a dept. hrang hrang sum indaih lohna phuhrukna tur cheng vbc 3,287. 93 a pass a ni. Speaker tarlan danin session chhung hian zawhna house a chhan chi 475  lut zinga 75 chhan a ni a, zawhna 194 chu unstarred ah leh a ni a, ziaka chhan chi 37 a lut bawk. 


14th. Thursday : Environment Forest & Climate Change (EF&CC) Department chuan nungcha humhalhna dan, Wildlife (Protection) Act 1972 bawhchhiaa silai (ulhbun) hmanga ramar kapa, tihlumtu, Lalchhandama (35), Saikhamakawn chu a ulhbun bakah a sa kah nen an man.

 

15th. Friday :  Mizoram State Consumer Dispute Redressal Commission chuan kum 2016 November ni 12 a Lalduhawma nupui J. Zosangzuali, nau nei tura New Life Hospital a admit thih thu-ah a nau neihna New Life Hospital chu Rs.98,45,440 chawi turin a ti.  


16th. Saturday : Samuel Lalbiakhlua (11) S/o Malsawmdawngkima Hniarcheng, Saitual chuan Bir Billing, Himachal Pradesh-ah Paragliding-in a thlawk a, hlawhtling takin a ṭum leh thei. Mizo zinga Paragliding hmanga thlawk thiam kan neih naupang ber ni a hriat a ni.


17th. Sunday : Pi V. Lalhmingthangi (52), Tuikual 'S' chu Aizawl New Market-a a dawr kudam-ah thi a hmuh a ni a, a thattu ni ngeia rinhlelh, Irene Lallawmzuali (34) w/o Lallungmuana, Ramthar North chu Zemabawk Dinthar venga a thiannu te in atangin man a ni bawk.


18th. Monday : People’s Conference party chuan Lok Sabha inthlanpuia an party candidate atân Pi Rita Malsâwmi (49), Kolasib Vênglai a nih thu an puang.


19th. Tuesday : National Highway 54 kawngpui sial hna thawhin an chênna in a tihchhiat dâwn avânga zângnadawmna pêk tawh, chênna in ṭhiahna tûr thupêk zâwm lo mi 5, – C Lalroliana, F Lalrinawma, P Laldênga, Lallâwma leh Hmingthanmâwia, Lunglei Zobawk South-te in ṭhiahsak an ni.  


20th. Wednesday : Saitual Police Station duty-te chuan Keifâng Dâwrkâwnah heroin hâwng 10, gram 130.78-a rit chu Champhai aṭanga Aizâwl kal tum nia insawi, Lalremthara (27), Ruantlâng leh Lalpianfela (19), Champhai Kanan Vêng nia insawite hnên aṭangin an man.


21st. Thursday : Mizoram Pradesh Congress Committee chuan Lok Sabha inthlanpui lo awm tûrah an party candidate atân Pu Lalbiakzama, MPS (Retd.), Model Vêng Aizâwl an ruat.


22nd. Friday  : MNF party chuan Lok Sabha inthlana an candidate atân Pu K Vânlalvêna, Rajya Sabha MP ni lai an ruat.

 

23rd. Saturday : Excise & Narcotics Department chuan Bulfekzâwl leh Sesih khaw inkârah methamphetamine kg. 10.100 (1,01,000 tablet) chu K Lala (44) leh Roluahpuia (32), Bairabi ve ve nîa inchhâlte an man.


24th. Sunday : Tumkau ni a ni a, kohhran hrang hrang ten Lal Isua chawimawiin kawng an zawh.


25th. Monday : Lok Sabha MP inthlan lo awm tura MNF candidate, K Vanlalvena MP (RS) ni lai chuan Kolasib Press Club-ah thuthar thehdarhtute kawmin, MP a nihzui zel chu Mizoramin a mamawh nia hriatna a neih thu a sawi.


26th. Tuesday : 

Mizoram Journalists’ Association (MJA) General Conference vawi 50-na chu  Aizawl Information & Public Relations (I&PR) office building-a Lianchhiari Run-ah hman a ni. 


27th. Wednesday :

Mizoram Lok Sabha inthlan April ni 19-a vote thlak tura Candidate-te nomination theh luh hun tawp ni a ni a, Mizo National Front (MNF) Candidate, Pu K. Vanlalvena, Congress Candidate, Pu Lalbiakzama leh BJP Candidate, Pu Vanlalhmuaka te’n chuh turin hming an pe lut.

A hmain ZPM Candidate, Richard Vanlalhmangaiha, PC Party Candidate, Rita Malsawmi leh Independent Candidate, Lalhriatrenga Chhangte ten hming an lo pe lut tawh a ni.

 

28th. Thursday :

Champhai Police-ten Champhai – Zokhawthar kawngpui, Sapianmaksak hmunah Heroin Kg 2 leh gram 475 - Hawng 202 leh a neitu nia puh – Lalruatmawi, kum 29 Chekan, Myanmar-a khawsa nia inchhal an man a. Heroin an phurhna lirthei pawh hrensak nghal a ni.


29th. Friday : Siaha district a Tipa leh Theiri inkara motor chesualah handleman, Tv Sawmthara (18)  S/o Thlungliana, Pang chu a thi.


30th. Saturday : Pi Vanhlupuii, Mizo zinga All India Radio Top Grade Artist awmchhun chu kum 77 mi niin a thi.


31st. Sunday : Lungtan UPC Biak in chu thli tleh avangin a chim.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more