Skip to main content

MI HAUSA TE HI RAM HMELMA AN NI THEI

 


Pu Liana chuan mi tih dan lo angin hnathawktu chu cheng sawmnga (per day) a belh thin a, miin hnathawk tur (hlawhfa) an hmuhloh lai pawhin thawktu a hmu thei zel. Hetiang deuh hian Pu Zika chuan a bawng enkawl tu tur chu midang aia sangkhat (per month) a a san theih tur thu a sawi bawk. Chutiang bawkin Pu Puia chuan mi thenkhatin eizawnna atana an hman thin tui chawi chu mipui rawngbawlna atan tiin rate a hniam a, a hralh hnem phah miau avangin tlawm deuh mah se an hlawk phak tlat. Hnathawktu kan inanglo hle, thenkhatin khawl changkang zawk  nena an thawh theih laiin hmanraw mawlmang tak chauh nei pawh kan awm ang.  


Ka thei tih avanga midang ngaichang lo leka chet hi thil thalo tak a ni a, chuvangin, thil tha ti nia kan inngaih lai hian midang eizawnna kan dang thei tih hria ang u.


Mihring kan punga, ram a thang ve silo. Chuvangin, ram a hlu em em a, a nei fate chuan bank a pawisa dah teuh ai chuan ram lei an thlang deuh ta zel mai. Kan phalna let engemawzat a lei min dil na na na chuan kan hralh duh mai zel si, chuvangin, ram mamawh tak te pawhin mi hausa ten ram to tak taka an lei theih zel si avangin rethei zawk tan chuan ram lei tur pawh a to/van phah ta viau mai a nih hi. Heng thil thlen chhan chu suma buai vak lo te vang ni pawhin a sawi theih  Chuvangin, tunah phei chuan in hmun lo ram a to ta hle mai a, a hralhtu te pawh dem theih pawh kan ni chuanglo ang. Pawimawh ber ta chu mi hausa thenkhat hian mahni pumpui chauh hmangaih loin ram tana thil tha tur ngaihtuah a tha khawp ang. Mi hausa inphal te hi an va hlu em!

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more