Lalchhanhima Varte

  1. Dt. 10.1.2023 :  ST Thara, kum 36 H/o Pi Lalrinkimi,  Arpu (A unaupa leh a nupuiin Sihphir V/C leh YMA hruaitute hriatpuina hnuai-ah agreement fel tak ziakin, a ruang hi an Inpui awmna Selingah phum a ni.) 2. Dt. 13.01.2023 : Pu Lalngilneia, kum 44 s/o Rohlua, Kawn Veng  3. Dt. 15.01.2023 : Tv Lalrokima, kum 39 s/o Ngurdawla, Tlang Veng  4. Dt. 21.01.2023 : Laithangpuii, kum 79 m/o Tv Lalnunenga , Venglai  5. Dt. 23.01.2023 : Pu Vanlalfela, kum 33 c/o  Zachhungi, Kawnveng      6. 39.01.2023 : Rangchhingpuii, kum 82 m/o Lalhmunsanga Tochhawng, Kawn Veng 7. Dt. 5.2.2023 : Thangliani, kum 66 M/o Pu Lalrinsanga, Arpu  Veng (A ni hi Lungmuat a khawsa a ni a,   a thih hnuah Sihphirah ngei phum a duhthu a lo sawi lawk tawh avângin, a nuṭa, Pu Zahawma, Arpu inah a ruang hi lak a ni. 8. Dt. 17.02.2023 : Pu Zairemmawia, kum 47 H/o Lalrammawii, Sihphir, Arpu  9. Dt 18.02.2023 : Zaithanmawii, kum 53 w/o Hrangsavunga, Di...

  Pian leh murna : Pu Lalthansanga (Chatea) hi Pu Lianzama (L) leh Vanlalchhungi (L), Zarkawt te fa sawm zinga pariatna ni turin kum 1963, January ni 9 khan Civil Hospital-ah a lo piang. Kum 1990 ah Chanmari nula, Malsawmtluangi chu nupui ah neiin fa pathum a nei.  Kohhran leh khawtlanga inhmanna : Zarkawet branch YMA-ah Vice President a ni tawh a, kumpuan chairman leh Clean Zarkawt Committee chairman pawh a ni tawh bawk. khawtlang vawn faina kawngah pawh a thawhhlawk thei hle. Kohhran rawngbawlna lamah pawh phak ang tawka inhmangin building leh finance committee member te ni thinin tunah hian finance committee member a ni mek bakah Krismas committee Treasurer leh Kohhran Pavalai Pawl committee member a ni mek bawk. Politics zinkawng : A pa, Pu Lianzama hi ram vei mi tak a ni a, amah hi ram rawngbawlna tur pawhin a chher ngat a ni nghe nghe. Kum 1988 khan Pu Thenphunga kaihhruai MPC Party a zawm a, hetih chhung hian ram tan a in pumpek hle. Thalai president hi term hnih chelhi...

  Juda te hian kut hi an ngah hle mai a, an kut zinga thenkhat phei chu hun rei tak daih te a ni hlawm. Kut tan ni leh kut tiak ni phei hi chu urhsun takin an hmang thin a ni. Heng an kut tan ni leh kut tiakni inkar hi khol ha moed tiin chawlh hahdamna atan an hman mai piah lamah zin chhuah nan leh chhungte nena inhmuh na atan te tiin hlim taka hun hman an tum thin.  Chutiang hun chu tunah pawh kan hmang mek a ni a, Kristian te tana hun ropui ber, Krismas chu hmang zoin kumthar lawmawm takin min hmuak mek bawk a nih hi. Kut intanni leh a tiak ni hi Thawhtanni a a tlak miau avangin a kara hun awl awm hi hnathawh chiam na atan a laklawh hle mai a, chubakah, mi tam ber chuan hnathawh viau pawh kan tum lemlo niin a lang. Juda ho dan takin nuam taka hun hman tumin kan hmanhlel a, chaw ei khawm leh picnic na atana hmang pawh kan tam thin hle a nih hi,  He hunah hian thlarau purchawk tuma kohhran mi te kan hmanhlelh viau lai hian thenkhat erawh chuan eng thil thalo emaw tih thar...

  (Sawiremtlang Editorial) Inchibai hlutzia leh ropuizia hi in ngaihtuah ve ngai em? Kan inchibai hian kan inlâwm (welcome) tih a entîr a; chu lovah inremna leh inngaihdamna a lantîr bawk. Mikhual tharlâm nêna intawhin kan inchibai a, khawiloa chhuah dawnin a thlahtu tur emaw a chhuak tur zawk pawh ni ila kan in chibai a, inkhawmpui nikhuaa a thlengtu in chibai an lo sem te pawh hi a mawi em em a, inkhawmpui boruak pawh a ti nuam hle thin a nih hi. Tin,  hlawhtlinna kan chanin lawmpuina chibai kan inbûk a, damlo na takin damna a chanin kan in chibai a,  pian champhaphâkah pawh thil inpêk mai duh tâwk lovin kan inchibai lawp lawp bawk thin a nih hi. Lehkhathawnah takngial pawh ‘Suih loh chibai’ kan inbûk hrâm hrâm ṭhîn a nih  kha. Tin, naktip maia thleng tur krismas leh kum tharah pawh kan in chibai leh lawp lawp ngei ang.  Sâphovin ‘worship’ leh 'wish’ bakah good morning tih angreng pawh hi Mizotawng chuan  ‘chibai (bûk)’ kan ti fel êt mai a, a tha hle a ni...

   (Sawiremtlang chanchin huang) Lalduhoma hi kum 1949 February ni 22 khan Tualpui khuaahVaisanga leh Pi Kaichhingi te inkarah a lo piang a, unau pianpuipathum neiin an unau zingah a naupang ber a ni. Nupui, Liansailovi neiin fapa pakhat leh antu te pathum nen an khawsa meka ni. Zirna lam :  Ram buai hmakhan pawl 8 a pass hman a. Ankhua Tualpui chu Khawzawlah khawm a ni a. Helai bial enkawltu sipaite hi an chhungkaw tana an hlauhawmavangin Champhaiah an pem ta a. Champhaia G.M.High School atangin tha takin pawl 10 a pass a, Mizoram Chief Minister hmasa ber, Pu Ch. Chhunga khan amah puiturin 1972 khan Aizawl lamah a ko thla a. Heta a thawhlai hian nupui a nei nghe nghe. A nupui neih hnu pawh hian hun engemawchen chu Pu Chhunga P.A-ah hian aawm zui a ni. Amah hi kut themthiam tak a ni a, hunawlah a remchang chang thawkin a kual ve lawp lawp thin. Chhangchhe pa ni chungin B.A a pass a, B.A apass hnuin Shillong-ah Competitive a zuk exam a, a tlingta mai a. Tichuan, 1977 khan ...

  ““November ni 7 a Member of Legislative Assembly (MLA) kan thlan result chu tunkar Thawhtanni khan district khawpui tinah chhiar a ni a, he hunah hian seat 40 awm zingah Zoram People Movement (ZPM) chuan seat 27 zet lain sorkarna an siam a, rorel lai, Mizo National Front (MNF) chuan seat 10 la bawkin Bharatiya Janata Party in seat 2 leh Indian National Congress in seat 1 an la ve bawk. ““Kan bial, Aizawl EasI dinhmun lo tarlang ila :  1. Lalthansanga ZPM 10727“ 2. Zoramthanga MNF 8626“ 3. Lalsanglura Ralte INC 2520“ 4. Lalruatfeli Hlawndo Independent 441“Hei hi Sihphir VC huamchhunga party tin te vote hmuh dan a ni :“Congress 291“MNF 1053“ZPM 1132 “Independent 72  ““Chhinchhiah tlak zual te : “1. ZPM hi sorkarna la chelh ngailo an ni.  “2. Chief Minister ni lai, Pu Zoramthanga chu ZMP candidate hnehloin a tla. “3. ZPM MLA ni lai 6 te an tling leh vek. “4. ZPM te hian khawpui lian, Aizawl a bial 11 leh Lunglei a bial 4 te an la vek a, MNF in Mamit district chhunga b...

  ““Kum sawmhnih zet a liam ta. Kum 2003 vawiin angah khan Mizorama chanchinbu lian ber Vanglaini chanchinbu-ah chuan 'Assam Riffle sawn chhuah chungchang' tih ka ziak ve a, hemi tum hian Assam Riffle ho chu sorkarin sawnchhuah tuma tan a lak mek chungchangah sipai an nih avanga duh duha insawn mai mai chi an nih loh thu leh sorkar laipui lam atangin an chhuah tur thu pawh an la rawn sawi maithei, Mahse, lo awihloh tur a ni tih lam hawiin ka ziak a ni. April thlaa Union Home Minister, Amit Shah lokal chuan Mizorama tlawmngai pawl intelkhawm (NGO Co-Ordination Committee) hruaitute hnenah Assam Rifles te chu thla hnih/thum chhunga sawrkar nen'a inremna anga an chhuah tur thu a sawiin“Assam Rifles Headquarters Zokhawsang ami chu thil dang thenkhat nen a vaiin cheng vaibelchhe 2,414/+ man zet a hawng a nih kha. Mahse, hei tun thlengin an la chhuak ta chuanglo. Mi anga rawngbawltu lar chu ni ve ngat ila chuan zawlnei-ah ka ka inchhal ngei ang.    “ “Union Ministry of Home Affa...

  Kar hmasa Inrinni khan branch YMA te chuan BT Picnis Spot-ah kumtawp comtt. an neia, he hunah hian kumin chhunga hmalakna hrang hrang te thlirletin hmalak zel dan tur bakah kumthar lama hruaitu thlan dan tur chungchang te an rel. Thla hmasa khan YMA hruaitu thenkhat chu Chalfilh tlangah an kal thu hmangin editorial kan ziak a nih kha. Khami tum khan Chalfilh tlanga Tourism Deptt. hmalaknaa khualzin te hipna tur siam chungchangah Chalfilh tlang chu khawpui atanga a hlat em avanga mi tam tak tana tlawh a harsat thu sawiin Sihphir khua chu khawpui atanga a hnaih avanga khualzin te tan tlawh a awlsam avanga kan khaw awmna a lo fuh zia kan sawi a nih kha.  Ni e, Sihphir khaw awmna hi khawpui atanga hnai te a ni a, khawpui mite khuan kalchhuaka nawmchen (picnic) hi nuam an ti thin. Sihphir hi kalchhuah ngai ve si, hlalo leh senso tlem te hmanga thlen theih a ni a, Sawiremtlang leh Sakawrhmuituai tlang kan nei te hi a vanneihthlak takzet tih hi hriatthar a, kan humhalh tlan a tul h...

  Kan ram hruaitu tur kan thlan result chu Thawhtanni khan puan a ni ta a, bial 40 awmah ZPM party chuan seat 27 zet lain sorkarna an siam. ZPM hi sorkarna la siamlo an ni a, thenkhat erawh MLA ni tawh leh ni mek te pawh an awm thung.Sorkar tumin theitawpin hma an la thin a, tuna sorkarna an han chan takah hian mipuiin beiseina kan nei sang hle. Kalphung thar tih chu an innghahna pui ber a tih theih awm e. Mi thenkhat chuan Congress nilo, MNF ni lo tih hi kan hriat dan a ni. Chutianga party dang chhiat vanga ding nia  inhriatna hi dahthaa ram hmangaihna dik tak nena min hruai kan beisei tlat a, sakhaw rawngbawltu leh khawtlang hruaitu tam takin beiseina nena kan bawh a ni a, kohhran hi kan unit te pawh an ti thin hial a nih kha. Chuvang tak chuan mipuiin beisei kan nei sang hle a, chuvangin, theihtawp chhuaha Zoram thar min hruai thlen ngei kan beisei. Party hruaitu pawh kan khaw chhungah an awm ve nual a, sorkar kal tawh an that tawkloh thin chhan chu worker te vang nia sawi ...

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...

    “Double Standard” tih hi mahni in'a zawm tum chuan loh dan leh dun bakah policy te mi dangte zawm tura beisei tlatna nun a kawk a, mahni ina hman tum loh tehkhâwng mi dangte hmang tura beiseina leh mahni tana kal dan ṭha leh hamṭhatna siamte mi dangte neih ve phal loh sawina a ni ber awm e.     Heti a nih chuan Mizoram Kristiante pawh hi sakhaw dangte thlirna tlang aṭang chuan kan lêm bik chuang awmlo e. Anmahni duhthlanna mah ni se, Kristian sakhua aṭanga sakhaw danga (Hinduism, Islam, Buddhism, etc.) inlet an awm chuan kan lawm lo hle ṭhin a, anmahni duhthlanna bawka sakhaw dang aṭanga Kristiana lo lut an awm erawh chuan kan lawm hle thung. Tin, Kristian rau rau-ah pawh kan kohhran chhuahsan chu kan hmu nikhualo viau a, pawl dang atanga lo pakai te erawh fing kan ti leh viau si. Politic chungchangah pawh kan inthlan hma phei kha chuan party bansan leh inlawmluh thawm a ring hle a nih kha. Kohhran/Party danga memberte chu chhandam ni lo tur emaw party dang ...

  1st. Wednesday : Tv K. Vanlalchaka s/o K. Vanengmawia, Kawnveng chu an motor siamna lamah inti palhin a kut tang pakhat a ti bung. 2nd. Thursday : Sihphir Kohhran Pavalai Pawl (KPP) te chu Sihphir Vengthar KPP te chuan an rawn tlawh.   3rd. Friday : Pu Lalrintluanga Pachuau s/o Lalramliana Pachuau, Chhanhim veng chu Covid hri len laia hri hlauhawm tak kara Ambulance khalh a mi dangte a tanpui thin avangin Health & Family Welfare Department, Govt of Mizoram chuan chawimawina an hlan. 4th. Saturday : DTI, Neihbawi a zirlai te chuan graduation day an hmang. Tuntum hi batch 74 na niin zirlai 20 an awm a, an zingah hian Sihphir mi pakhat a tel ve bawk. 5th. Sunday : Tv Adama, kum 41 s/o Lalduhawma (L), Chhanhim Veng chu a chenna inah thi a hmuh a ni. A ruang hi a unaupa (cousin), Pu Laldailova, Dam Veng Inah lak a ni.     6th. Monday : Pu Vanlalruata, Tamlo veng te ui chu Kawnveng a a infiam laiin Vairengte lam sumo in a chilhlum  7th. Tuesday :  Khua...

  1st. Wednesday : Mamit Sub. Headquarter YMA chuan an district huam chhung Mamit Bial leh Dampa Biala MLA independent candidate (Lalpa Chhiahhlawh Intelkhawm) Lalramdingngheti lakah Mamit Police Station-ah FIR an thehlut.    2nd. Thursday : Pu Mangrelphira, Zokhawthar, tuna Ramhlun South a an chhungte In a khawsa mek chu Zotlang thlanmual a transformer 11Kv banah lawnin   Current hian a man a, a hnungzangah na takin a kâng. 3rd. Friday : Pachhunga University College chuan an College Auditorium-ah kum thum dana an hman thin, Cultural Day cum Music Day an hmang a. He Day-in a ken tel, thu leh hla hmanga Mizo hnam insuihkhawmna kawnga ziak mi langsar, B.Lalthangliana hnenah ‘Laisuih Award 2023’ hlan. 4th. Saturday : Kar leh Thawhlehni, November ni 7 khi Mizoram assembly inthlan lo awm tur atana vote thlak ni tur a nih avangin party hrang hrang te chuan campaign an khar hlawm. Inthlan campaign hun hi naktuk tlai dar 4-a tawp tur ni mah se, naktuk hi Pathianni a nih...

  Kar hmasa khan YMA hruaitu thenkhat chu Mizorama tlang lar leh mawi em em, Chalfilh tlang tlawhin an kal a, a kal ten hlawkthlak an ti hle niin hriat a ni. Chalfilh tlang hi phek hma lama kan tarlan ang hian Aizawl khawpui atang hian a fan reih rawih hle mai a, lang panna awmna khua, Khanpui hi Aizawl atangin kms 80 chuang daih a ni. Hei mai a nilo, khua atanga tlang pan tur hian kms 7 vel zet kal a la ngai cheu bawk. Sihphir khua hi Aizawl atangin a hnai si, engmah tih theihloh tiin a location laklawh thu kan sawi fo thin. Kan hruaitu te Chalfilh tlang kalin a hmun hlat zia an sawi atangin kan khaw awmna lo fuh zia a hriat thar theih awm e. Chalfilh tlang pan tur chuan a awmna khua Khanpui hi darkar thum vel zet motor a kal ngai a ni a, khua atangin ke a kal rual lohin a la fan bawk. Sihphir khua erawh a awmna hi Aizawl atanga hnai tak a ni a, kan hmun hmingthang neih, Sawiremtlang leh Sakawrhmuituai tlângte lah kawng atanga pan awlsam tak alo ni bawk si. Khawpui mi ho hian kalc...

  Kar hmasa Inrinni khan Sihphir branch YMA hnuaia Forest sub-committee te te chu Chalfilh tlanga Forest Department ten ramngaw an siam dan chungchangah Sihphir lama tih ve theih a awm em?tih thlithlaiin member 12 zet chu motor pahnih hmangin an kal. Lam kal te hi zing dar 6:36-ah branch Treasurer, Pu C. Lalrinawma te in atangin Committee chairman, Tv H. Lalremruata hoin an chhuak a, Seling leh Hmunnghak khuah te thil eia an chawlh hnuah tlang chhip panin tluang takin an kal. Tlang panna awmna khua, Khanpui hi Sihphir atangin km 90 bawr vel a ni a, Khanpui atanga tlangchhip hi km 7 vel zet a ni bawk. Chalfilh tlang hmun hi tunhma lamin Vanzau tih hming pu in khua a lo awm tawh thin nia sawi a ni a, chumi chawi chuan a hmun hming pawh hi an chawi tir zel a nih hmel. A tlang chhipah hian ramngaw a tha hle mai a, thing chi hrang hrang humhalh a niin a hmunhma te fankual a ni a, thlalakna tha chi hmangin sava thla engemawzat lak a ni bawk.  Tlang chhipa khawthlir na insangah hian ...

YMA Committee na-ah ṭhianpa Arema chu motor chungchangah biak ka duh avangin a bulah ka thu chat a, a telna sub-Committee in Chalfilh tlanga kal an tum thu sawirik a awm takah chuan Committee member-ah tel ve lo mah ila a remchan chuan ka kal ve duh thu ka hrilh. A rem a rin thua min chhangin ka nghakhlel hle. Ka kal thei ang nge kal theilo ang tia ka ngaihchan reng laiin a lo hlawhtling ta hi ka lawm hle. Chalfilh tlang hi Sihphir atang hian a lang chiang em em mai a, a tlang dung a mawi bawk nen, kal chakawm tak a ni rêng mai. Ka mang lamah te hian ka hmu zing hle mai a, a chang chuan Sihphir atanga hnai te leh kal remchang takin kawng te a lo insial leh ruah thin. Ka kal chak thin khawp mai a, tuna kalna hun remchang a lo in herchhuah takah hian ka hmaih phal nganglo a ni. Chalfilh tlang hi Mizoram Statistical Handbook 2021 a tarlan dan chuan 6122 ft a sang niin Mizoram a tlang sang zinga pasarih na a ni. Sakawrhmuituai tlang hi feet 5036 a sang a ni tih lo hre tel ta ila. Tlang kan...

Kumpui linglet mai nilo, kumnga chhung teh meuh kan lo nghah, kan ram hruaitu tur chu kan thlang zo ta chu a nia, boruak muanawm tak hnuaia kan inthlang thei kha a lawmawm takzet a ni. Inchirhthehna, tawngkam chhe tinreng leh feikibar tak taka kan in tihna pawh a reh rih turah ngai ang.  Kan inthlanna result erawh V/C election anga puan nghal tur a nih mai dawnloh avangin boruak rit ru tak si, tih theih nei mang siloin kan awm thup dawn niin a lang. MLA leh party hruaitu thenkhat chu lai (laklawh) angreng takin an awm anga, CM leh a cabinet te tan ngei pawh awm dan thiam a har ngawt ta ve ang. Exam naa pass inring tak, result puan dawn aruaia thlaphang leh sia kan awm thin ang deuh khan tih theih nei mang siloin kan han tang thar leh dawn a nia. A nuam danglam viau mai. Engpawhnise, kan vote thlak khan rah tha a chhuah turah ngai ila, Pathianin kan ram tana tha tur sorkar thar chu min pe ngei turah ngai ang.

  1st. Sunday : Biakpianga, kum 58 h/o Vanlalbiaki, Sihphir Venghlun chu an huanah inawkhlum a hmuh a ni. 2nd. Monday : Mahatma Gandhi piancham puala buatsaih, Raj Bhavan tuala buatsaih, The Grand Gandhi Jayanti Exhibition   chu Larsap, Dr Hari Babu Kambhampati chuan a hawng.   3rd. Tuesday : Kum 2018 MLA inthlana Palak Bial atanga MLA atana Congress Party ticket-a thlan tlin, KT Rokhaw chuan  MLA atanga banna Assembly Speaker Lalrinliana Sailo hnenah a thehlut.    4th. Wednesday : MNF party chuan Vanapa Hall-ah MLA General Election 2023, lo awm tura an Candidate tur te an puang a, Campaign Kick-Off nghal a ni. Chief Minister leh party  President ni bawk, Zoramthanga chu bial ngai Aizawl East I ah a dingin Deputy Chief Minister, Tawnluia pawh Tuichangah a ding bawk ang.    Hming puan zingah MLA neih sa 28 zinga Home Minister Lalchamliana, Speaker Lalrinliana Sailo leh Siaha bialtu MLA, Dr K. Beichhua te chu MNF ticket in an ding tawh daw...

  1st. Sunday : Biakpianga, kum 58 h/o Vanlalbiaki,  Venghlun chu an khawsak lailawk mekna Chamdur bula an huanah a inawkhlum.   2nd. Monday : Khawvel puma ‘Upa te ni’ a ni a,  Sihphir MUP te paw'n YMA Hall-ah hlim takin an hmang a, tlai-ah chawhlui an kil zui nghal. He hun hi khuallian niin Pu Er. Lalrosiama, EE chuan a hmanpui. 3rd. Tuesday : Pu B.Lalawmpuia S/o B.Helluaia, Arpu Veng, LRM Hospital a enkawl mek chuan thisen var a mamawh angin thisen unit 5 pek a ni. 4th. Wednesday : Tozikpuii, kum 63 w/o Pu Khualhnuna, Arpu Veng chu Civil Hospital-ah Dengue natna avangin a boral.   5th. Thursday : Multipurpose Indoor Hall chu Sports Minister, Pu Robert Romawia Royte chuan video conference hmangin a hawng. He indoor hall hi Mizoram State Sport Council ta leh enkawl tur a ni. 6th. Friday : Tv Lalhriatzuala Royte, kum 25 s/o Lalthlamuana Royte, Kawnveng chu an bualinah thi a hmuh a ni. 7th. Saturday : CM development trophy, Aizawl east 1 constituency Arm...

 (September ni 23 Sawiremtlang Editorial) 'Pi Kimi ruang Neihbawi ah an chhar an ti. A OD a ni awm e an ti lehnghal' tih thawm chuan min ti ralkhel hle. A ni tak Pi Kimi hi ruihhlo khawih ve zeuh zeuh a nih avangin awihloh ngawt theih pawh a ni lo. 'Tluanga a OD a Kawnveng ah an buaipui mek' tih pawh hi amah hretu tan chuan thil pawmawm tak a ni ngei ang. 'Muana Durtlang pheiah a tlu a, a na hle a ni awm e.' 'Pu Ruata Sakawrhmuituai khamah a tla'. Kimi leh Tluanga te hi ruihhlo in nasa taka a tihbuai te an ni a, OD pawh ni se miin mak an ti hauhlo ang. Muana accident pawh hi khawngaiha lainat ai mahin 'a tlan chak thei ka ti reng a' tih leh Ruata lum pawh a rui a niang tih ten a zawm nawk mai. Kum hnih vel liam ta khan Sihphir pa tha tak pakhat chu a motor khalh laiin a chau thut a a thi der mai a nih kha. Tin, Aizawl lama in vengbel ta, rawngbawltu lar tak pakhat pawh a vawkchaw pe tur step-ah tluin a thi ringawt a nih kha. Tuman a mawilo zawngi...

  Tunkar Thawhlehni atanga Ningani thleng khan Biate khuaah YMA inkhawmpui (General Conference) chu hman a ni a, palai kalkhawm hi mi    6000 vel niin kan branch atang pawhin member president, Pu Lallianfala hoin sawm vel kan kal ve a nih kha. Conference hnuhnung ber 2021, Aizawl a neih a nih tum khan member 1484  palai kal hi kan ni a, kan branch atang pawhin member kal pawh kan awm nual a nih kha. Ni khat chauh neih a nih avangin palai pawh kan tamlo a nih hmel a, a hma kum 2019 khan chuan sing chuang daih kal kan awm thung a nih kha. Palai kal kan tlem sawt hle a ni. Tuntum kal duh tur in hriattirna kha a hma daihin chanchinbu leh Social media lamah kan tarlang chamchi a, chuti chung chuan kal tum in report kha mi pakhat chauh zuk awm ia! YMA General Conference-ah hian 'a la kal ngailo ten kal an chak a, a kal tawh ten an zawngchhang' kan ti thin. Tunhma lama kal thin te pawhin kal enah kan en ta mang barlo. Conference kalte kha an lo hawn zanah emaw hun remchang ...

  Naktip maiah MLA kan inthlang dawn chu a ni ta reng mai a, rampumah candidate 174 lai awmin party hrang bakah mal din (independent) te an ni hlawm a, kan bial bikah candidate 4 awmin MNF, Congress, ZPM leh independent te an ni hlawm.   MNF party chuan sorkarna chang mekin party lian zingah Congress (INC/MPCC) pawh sorkarna chelh reng tawh an ni bawk. ZPM erawh sawrkarna la chelh ngailo an ni thung. Amaherawhchu, an candidate zingah MLA pawh lo ni fo tawh leh ni lai mek engemawzat an awm thung. Min bialtu ni lai, Pu Zoramthanga hi a hnathawh leh a mizia kan hre tlang viau tawhin a rinawm a, ZPM candidate hi MLA ni tawh ni bawkin Congress leh independent candidate kan neih te erawh MLA la ni ngailo an ni thung.  Kan bial chhung ngaihpawimawh a ngai a, chutihrualin, rampum ngaihtuah tel pawh a ṭul bawk. Candidate te dinhmun kan hre tlang viau tawhin a rinawm a, uluk taka ngaihtuah a ṭul rualin an thatlohna tur âwm kan zawn erawh chuan tumah mi tling an awm lo ang. Chu...

  Airport checking ka paltlang zo thawthang tawh. A hnuhnung ber a passport an en zo chuan, 'Sawtah sawn lo va thu lawk rawh,' an ti ta mai. Hun engemawchen ka thut vang vang hnu chuan sipai pakhat hian 'Noam, ata lo yakhol latus' a rawn ti ta mai. Manilomaha hawn/zin chak ve nak alai a. Israel ramah hian mi zawng zawng hi sipai kal vek tura tih (compulsory) a ni a, naupang chu kum 18 an tlin veleh kalin kum thum chhung an kal a, pem lut ho erawh kum a upat deuh chuan hei aia reilo deuh pawh an kal a, chawlhkar khat chauh kal an awm bawk. Infiammi leh sakhaw lam zir mi erawh kalloh dan a awm thung. Mi ang pangngai, harsatna bik (a chunga sawi ang) nei lemlo chu kal vek tur a lo ni. Rambuai deuh reng mai a nih avang hian ral do mai thei tura inrin leh thiam turin an duh tlat a ni. Keipawh airport atang chuan let lehin Jerusalem a sipai hmunpuiah ka chanchin te ka hriattir hnuin zin ngei ngei ka ngaih thu ka sawi ve takah chuan thla hnih zin theihna min pe in chumi hnu er...

    ‘A van uih e’ Ni e, a uih a ni. Mi ṭhenkhatin ‘vawih hi a uih lova; ama rim ve reng a ni’ an ti ṭhin. A rim chu alawm uih le. Vawih kan tih bera hi kan mawng aṭanga boruak rimchhe tak lo chhuak hi a ni bera; a ri leh rilovin a lo chhuak theia; a ri a a lo chhuak a nih pawhin rik dan hrang tam tak a awm. Hnam hrang hrang vawih dan a dang chuang lova; a mihring a zirin a uihin a uih lo mai a ni. Vawih hi a mawi lo em ema; puipunnaah phei chuan thil zahthlak tak a ni. Ṭhenkhatin insum ṭha a an hriat laiin ṭhenkhat erawh chuan ṭul an ti lo thung. Insum ṭhalo tite ṭan chhan te: 1, Vawih theihloh hi a pawi em em a ni. Vawih insum hian ruh a nget thei bawk si. 2, Kan thil eiah hian air kan ei tel ṭeuhva; chu kan thil ei chu awlsam taka pai ṭawih theih a nih loh chuan chutiang thil ṭawih tur chuan gas a siam a ni. Thil a lo ṭawihin amah kha a lo riral tihna a ni a, mahse, amaha gas awm kha a riral ve ngawt thei lo. Tin, ṭawih tura a inbuatsaihna lamah khan gas a pe chhuak ve hrim ...

  Kar hmasa lama kan tarlan tak ang khan thlaleh maiah kan ram rorel khawl tur kan thlang leh dawn a nih kha. Mipui kan sahawk a, politic ngaihven tawh ik chu kan kan phili a ni deuh ber mai awm e. Chanchinthar lamah thil thleng hriatsenloh a awm a, indeuna leh mahni infak thu lah avtam nangiang bawk.  Hetih rual hian inla (ti mai ang) party ngaihven lo, inla neutral em em an awm bawk. Thenkhat chu engahmah a kan ngaih lemloh te an nih laiin challang tak tak an awm ve bawk. Mi pangngai a inngai ve tan chuan ngaihven loh theih pawh a nilo a, ngaihven hi kan tih ve tur pawh niin a lang. Vote thlak hi ka tih ngei ngei tur (sorkar thupek) a nih angin vote kan thlak dawn a nih chuan kan thlan tur te kan hriat ve a ngaih miau avangin ngaihven loh ngawt chi pawh a ni awmlo e. Chuvangin, politic ka ngaihven lo, ka thlan tur pawh ka la ngaihtuah lo tih ang chi hi insawitheihnan hman chi a nilo.  Putar pakhat chu a vote tur an zawt a,  'PC le' a ti mai. A ni chu tar a ni tawh ...

  Kar hmasa Inrinni khan Rohrenga Hall-ah Aizawl East 1 Constituency pum huap kut buana inelna, Arm Wrestling championship chu hlawhtling taka neih a ni. Hetah hian Lalhmangaihzuala, Zemabawk chu a pumpuiah pakhatna niin pawisa fai cheng 3,500/-, certificate leh trophy mawi tak a dawng. A ni hi kg 80+ huang a khel a niin veilama a khelhna nen chi thum laiah  chakber lawmman a la a ni. He hunah hian infiammi 157 zet pungkhawmin VCP, Pu Lalnelawma chuan khuallian niin a hmanpui. Khuallian, Pu Nelawma chuan eng game pawh khel ila taksa enkawl uluk a tul thu sawiin India leh khawvel huap ang pawhin theihna kan nei ve tih hriaa helama tha taka ke pen thei tura ruihhlo mai bakah zuk leh hmuam a fihlim thei turin kalkhawm te a chah bawk.  CM development trophy a nih angin VCP chuan khawchhunga CM hmalakna hrang hrangte sawiin bial chhung hmun danga CM hnathawh dan te a sawi bawk. Tuntum trophy khelh tur hi a ngaihhlut hle thu sawiin kalkhawm zawng zawngte thataka infiamna nei tu...

  Kar hmasa Inrinni khan Rohrenga Hall-ah Sihphir Arm Wrestling Club buatsaihin Aizawl east 1 constituency pum huap inelna puitham tak neih a ni. Infiammi mai bakah tualchhung mipuiten an hlut hle. Infiamna hi item hrang hrang a tam hle a, heng zinga a tam zawk chu lamtang (team work) neia khelh chi a ni. Hetiang infiamna te hi khawvelin a hlut viau rualin keini Mizo, Mongolian, pa tawi tak tak tan chuan sang tak thlen a har hle.  Mimal (individual item) anga khelh theih infiamna pawh a tam thei viau tho awm e. Tunhnaia kan uar thar tak em em batminton ngat phei chu tlema khawsa thei deuh chin chuan khelh kan tum vek ta mai emaw tih tur a ti ta hial mai. Item dang te pawh hi a milian (hausa) game em em hlawm mai a, hmanrua mai bakah thuam thlengin pangngai deuh tak lo chu kan in bel duh ta manglo. A pawimawh ve tho avangin hetiang hi erawh hnualsuat a remlo ang.

  Kar hmasa (September, 30-1 October) khan Sihphir Presbyterian kohhran biakinah bial meet vawi 7-na neih a ni a, he hunah hian 'Lal Isua a lokal leh dawn' tih thupui chu rev Darrema Hlawndo chuan a sawi. Meeting hi hnamdang leh kohhran mipui te pawhin an hlut tlang viau in a lang. Hnamdang inkhawmpui neih hi a tul vak emmaw'nle tih hi zawhna awm thei tak a ni awm e. Kan khuaah ringawt pawh hian tunhnai kum reilo te chhung pawh hian kan dawng ta malh malh viau a, meet pawh hei tarlan ang hian tum sarihna lai a lo ni ta. Mi thenkhat chuan 'heti hian kan lo phurpui viau tak naa, Mizoram a awm nawm na'n bak an hmang tak tak lo. An ramah an haw a, an Kristian zui ngai chuanglo' te an ti thin. Thenkhatah chuan a dik pawh a dik mahna. A ti tak tlemte pawh lo awm se a tha hrim hrimah ngai mai ila a tha awm e. Chubakah, ram leh hnam humhalh kan thupui mek lai hian vawiram lamah 'Mizoramah chuan kal chi a ni tawhlo. Kristian ah min siam an lo tuma, an hlauhawm tlat...

1st. Friday : Lal Thanhawla Auditorium, Congress Bhawan-ah MPCC Executive Committee Meeting neih a ni a. He hunah hian MPCC Vice President atan Lalnunmawia Chuaungo, IAS (Rtd) chu ruat belh a ni.   2nd. Saturday : Guwahati High Court, Aizawl Bench building thar sak chu Chief Justice of India, Justice, D.Y. Chandrachud chuan MINECO-ah a hawng.   3rd. Sunday : North East Zone Shooting Championship  Shillong a neih zawh taka Mizoram aiawha 10 metre Air Rifle Sub – Youth Category a Gold Medal latu, Cindy B. Lalchansangi leh Pu B. Zirchungnunga fanu leh Bronze medal latu Malsawmsangi te chuan an khua, Lawngtlai thlengin Lai Women Association, Gen. Hqrs huaihawtin Areopagy-ah ropui taka lo hmuah an ni.  4th. Monday : Chawngte a Mizo leh Chakma tlawmngai pawl hrang hrang intel khawm (All NGO) chuan Chawngte khawchhung kawngpui chhiat avanga lungawi lohna lantir nan kawng an zawh. Kawngzawhna ah hian mi 500 chuang telin Chawngte football ground atanga SDO office th...